SHËN PETERBURG, 4 qershor /ATSH-DPA/ – Qeveria ruse ka pranuar një rënie të prodhimit të naftës pas sulmeve me dronë të Ukrainës ndaj objekteve të industrisë së naftës në vend.

“Prodhimi aktualisht është disi më i ulët se në fillim të vitit”, deklaroi sot zëvendëskryeministri rus, Alexander Novak, gjatë Forumit Ekonomik Ndërkombëtar të Shën Petersburgut (SPIEF).

“Kjo ndodh sepse disa prej objekteve tona të prodhimit të naftës po i nënshtrohen riparimeve të paplanifikuara”, tha ai, pa specifikuar shkakun e ndërprerjeve.

Ukraina ka goditur në mënyrë të përsëritur infrastrukturën energjetike të Rusisë. Sulmet me dronë synojnë të reduktojnë të ardhurat e Moskës nga eksportet e naftës dhe të dobësojnë financimin e ekonomisë së saj të luftës.

Ekspertët vlerësojnë se zyrtarët rusë e kanë minimizuar ndikimin e përgjithshëm të këtyre sulmeve, megjithëse vendi vazhdon të përfitojë nga çmimet relativisht të larta të naftës në tregjet ndërkombëtare.

Novak tha se infrastruktura që nuk është dëmtuar po përdoret me kapacitet maksimal dhe se kompanitë po punojnë për ta rikthyer prodhimin në nivelet e mëparshme.

Ai shtoi se Rusia mbetet e përkushtuar për të përmbushur objektivat e saj të prodhimit në kuadër të marrëveshjes së OPEC+ deri në fund të vitit.

Në prill, prodhimi arriti në rreth 9 milionë fuçi në ditë, ose 107 mijë fuçi më pak se në mars dhe 580 mijë fuçi nën kuotën e përcaktuar.

Duke folur për rritjen e çmimeve të karburanteve, që ka shkaktuar shqetësim publik, Novak tha se situata mbetet nën kontroll dhe se çmimet në shumicën e pikave të karburantit janë përgjithësisht në përputhje me normën e inflacionit.

Megjithatë, mediet ruse kanë raportuar raste kur rritja e çmimeve ka tejkaluar 10%. /Ad.Ab./

The post FOKUS- Rusia pranon rënie të prodhimit të naftës pas sulmeve me dronë të Ukrainës appeared first on Agjencia Telegrafike Shqiptare.

TIRANË, 4 qershor/ATSH-Maela Marini/ Ministri i Punëve të Brendshme, Besfort Lamallari reagoi sot për vrasjen në krye të detyrës të punonjësit të Policisë, inspektor Enea Mekolli, 34 vjeç, në malin Boden, bashkia Maliq, si dhe plagosjen e efektivit tjetër, Edison Adri.

Në një konferencë të përbashkët për shtyp me drejtorin e përgjithshëm të Policisë së Shtetit, Skënder Hita, ministri Lamallari i shprehu ngushëllimet më të ndjera familjes së efektivit të vrarë, 34-vjeçarit Enea Mekolli.

“I njëjti ngushëllim shkon dhe për çdo efektiv të Policisë dhe për kolegët e Eneas”, tha Lamallari, ndërsa shprehu gjithashtu mbështetjen në këto momente shumë të vështira për ta.

Ndërkohë, Lamallari bëri të ditur se vizitoi edhe efektivin e plagosur, Edison Adri, në Spitalin e Traumës.

“U sigurova nga stafi mjekësor se ka të gjithë vëmendjen maksimale dhe mbështetjen maksimale për ta trajtuar në mënyrë më të specializuar të mundshme. Sigurisht këto momente janë të rëndësishme që ne të jemi pranë familjarëve të tyre, për të shprehur mbështetjen tonë”, tha Lamallari.

/r.e/

The post Lamallari: Trajtim i specializuar për efektivin e plagosur, jemi pranë familjarëve të Enea Mekollit appeared first on Agjencia Telegrafike Shqiptare.

TIRANË, 4 qershor/ATSH/ Gjykata e Posaçme e Shkallës së Parë për Korrupsionin dhe Krimin e Organizuar dënoi me 7 vite e 4 muaj burg shtetasin Erio Zejno, pasi e gjeti fajtor për disa vepra penale të kryera në kuadër të një grupi të strukturuar kriminal.

Gjykata e deklaroi fajtor Zejnon për veprën penale “sigurimi i kushteve dhe i mjeteve materiale për të kryer vrasje”, në dëm të dy shtetasve, duke e dënuar me 7 vite burgim.

Po ashtu, ai u shpall fajtor për veprën penale “mbajtje pa leje dhe prodhimi i armëve, armëve shpërthyese dhe municionit” në formën e grupit të strukturuar kriminal, për të cilën u dënua me 10 vite burgim.

Gjykata e deklaroi fajtor edhe për veprën penale “grupi i strukturuar kriminal”, duke i caktuar dënimin me 2 vite burgim.

Në bashkim të dënimeve, sipas Kodit Penal, gjykata caktoi një dënim të vetëm prej 11 vitesh burgim. Për shkak të zhvillimit të procesit me gjykim të shkurtuar, dënimi u ul me një të tretën, duke u konvertuar përfundimisht në 7 vite e 4 muaj burgim.

/a.f/r.e/

The post GJKKO dënon me 7,4 vite burg Erio Zejnon për grup të strukturuar kriminal dhe sigurim kushtesh për vrasje appeared first on Agjencia Telegrafike Shqiptare.

TIRANË, 4 qershor/ATSH/ Kryetari i grupit parlamentar të Partisë Socialiste dhe drejtuesi politik i PS-së për Diasporën, Taulant Balla kërkoi nga Greqia përmbylljen e marrëveshjes për njohjen e ndërsjellë të kontributeve shoqërore, duke theksuar se qindra-mijëra shqiptarë që kanë punuar për dekada në vendin fqinj meritojnë të përfitojnë pensionet e tyre.

Sot, nga foltorja e Kuvendit, Balla tha se Shqipëria ka arritur tashmë marrëveshje të tilla me dhjetë vende të Bashkimit Europian, ndërsa negociatat me Greqinë duhet të përfundojnë sa më shpejt.

“Po kemi të paktën një milion shqiptarë që kanë punuar në Greqi për 35 vjet. Mezi pres që parlamenti grek dhe parlamenti i Shqipërisë të votojnë marrëveshjen për njohjen e dyfishtë të kontributeve shoqërore. Greqia ua ka borxh qindra-mijëra qytetarëve shqiptarë që kanë punuar atje për vite me radhë”, deklaroi Balla.

Ai reagoi edhe ndaj deklaratave të Ministrisë së Jashtme greke për ngjarjet në Nartë.

Balla theksoi se vendi ynë respekton plotësisht kriteret europiane, por kundërshtoi pretendimet që Narta të konsiderohet territor i minoritetit grek.

“Narta është tokë shqiptare, autoktone”, u shpreh ai, duke shtuar se në zonë kanë bashkëjetuar shqiptarë dhe pjesëtarë të pakicës greke, por kjo nuk ndryshon karakterin shqiptar të krahinës.

Një pjesë e rëndësishme e fjalës së Ballës iu kushtua edhe debatit për investimin në Zvërnec. Ai deklaroi se investitorët nga Katari kanë investuar deri tani 225 milionë dollarë, ndërsa shteti shqiptar ka detyrimin ligjor të garantojë investimin.

Sipas Ballës, SPAK duhet të hetojë çdo dyshim mbi dokumentacionin e pronave, por kjo nuk cenon të drejtat e investitorëve që kanë investuar në Shqipëri.

Ai akuzoi gjithashtu kundërshtarët e projektit se po përpiqen të dëmtojnë imazhin e vendit në kulmin e sezonit turistik përmes shpërndarjes së pamjeve dhe informacioneve që krijojnë perceptimin e një situate të tensionuar në vend.

Gjatë debatit në Kuvend, Balla sulmoi edhe kreun e Partisë Demokratike, Sali Berisha, për qëndrimet e tij lidhur me protestat për Zvërnecin. Sipas tij, Berisha ka ndryshuar qëndrim brenda pak ditësh, lidhur me investimin.

“E paimagjinueshme se si mund ta dredhë burri në një moshë kaq të përparuar. Brenda 72 orëve të mbajë këtë ndryshim qëndrimi”, tha Balla, duke shtuar se nuk kishte pasur asnjë dyshim se Berisha do të ndryshonte pozicion.

Balla dënoi gjithashtu çdo përpjekje për të zhvendosur protestat pranë selive të partive politike, duke argumentuar se veprime të tilla mund të krijojnë përplasje të panevojshme mes militantëve dhe të largojnë vëmendjen nga kauzat qytetare.

/m.m/r.e/a.f/

The post Balla: Narta është tokë shqiptare autoktone, përpjekje për të dëmtuar imazhin e vendit appeared first on Agjencia Telegrafike Shqiptare.

UIASHINGTON, 4 qershor /ATSH/ – Lufta mes Izraelit, Shteteve të Bashkuara  të Amerikës dhe Iranit synon të dobësojë në mënyrë vendimtare Republikën Islamike. Megjithatë, sipas burimeve diplomatike dhe analistëve rajonalë, palët po afrohen drejt një marrëveshjeje të përkohshme që do ta lërë Iranin të dëmtuar ekonomikisht dhe ushtarakisht, por jo të thyer politikisht apo strategjikisht, sipas AP.

Sipas skicës së një marrëveshjeje që po diskutohet, Irani do të heqë bllokadën faktike të Ngushticës së Hormuzit, një nga rrugët më të rëndësishme për transportin global të naftës. Në këmbim, Teherani do të përfitojë lehtësime financiare, përfshirë lirimin e miliarda dollarëve të aseteve të ngrira jashtë vendit dhe mundësisht një zbutje të kufizuar të sanksioneve.

Analistët vlerësojnë se kjo marrëveshje nuk do të zgjidhë problemet themelore që çuan në konflikt. Irani vazhdon të refuzojë heqjen dorë nga pasurimi i uraniumit, ndërsa SHBA-ja nuk është e gatshme të ofrojë garanci sigurie. Nga ana tjetër, Izraeli mbetet i vendosur të frenojë atë që e konsideron një kërcënim ekzistencial.

Ish-diplomati amerikan Dennis Ross tha se, megjithëse janë arritur suksese të rëndësishme ushtarake taktike, nuk ka pasur fitore strategjike vendimtare. Sipas tij, asnjë nga çështjet kryesore nuk është mbyllur dhe konflikti mbetet i hapur.

Presidenti amerikan Donald Trump kërkon një formulim që do t’i lejojë të paraqesë marrëveshjen si sukses në frenimin e programit bërthamor iranian, veçanërisht në lidhje me rezervat e uraniumit të pasuruar. Megjithatë, ekspertët paralajmërojnë se formulimet e paqarta mund të interpretohen ndryshe nga secila palë dhe të krijojnë tensione të reja në të ardhmen.

Burimet thonë se Uashingtoni ka zbutur kërkesat për çmontimin e arsenalit raketor balistik të Iranit, një zhvillim që ka ngritur shqetësime në Izrael dhe në vendet arabe të Gjirit. Ndërkohë, Teherani e konsideron ruajtjen e raketave, aleatëve rajonalë dhe aftësisë për të ndikuar në trafikun energjetik të Gjirit si elementë thelbësorë të parandalimit ndaj sulmeve të ardhshme.

Një nga pikat kryesore të negociatave mbetet kërkesa iraniane për lirimin e rreth 12 miliardë dollarëve asete të ngrira. Sipas vëzhguesve, pa këtë hap Irani ka pak gjasa të pranojë një marrëveshje.

Ekspertët paralajmërojnë gjithashtu se një armëpushim i përkohshëm mund të forcojë më tej pozitën e Islamic Revolutionary Guard Corps brenda sistemit politik iranian. Sipas tyre, Garda Revolucionare tashmë ka fituar ndikim edhe më të madh pas luftës.

Për Izraelin, një marrëveshje e tillë do të ishte shqetësuese, pasi shumë nga faktorët që shkaktuan konfliktin do të mbeteshin të pandryshuar. Analistët theksojnë se edhe nëse luftimet ndalen përkohësisht, rivaliteti mes Izraelit dhe Iranit do të vazhdojë dhe mund të shpërthejë sërish në të ardhmen.

“Për Izraelin dhe Iranin, ky kapitull i luftës mund të ketë përfunduar, por konflikti në vetvete nuk po merr fund”, përfundon Dennis Ross. /Ad.Ab./

The post KOMENT – Marrëveshja e përkohshme mund ta lërë Iranin të goditur, por jo të mposhtur appeared first on Agjencia Telegrafike Shqiptare.

Teuta Rugova, vajza e ish-presidentit historik të Kosovës, Ibrahim Rugova, është bërë nënë për herë të parë.

Lajmi u bë i ditur nga Blerta Rugova, e cila përmes një postimi emocionues në rrjetet sociale uroi Ukë Rugovën për titullin e ri të dajës.

“Urime titulli dajë”, shkroi ajo krahas një videoje që zbulonte momentin e gëzueshëm për familjen Rugova.

Ky është një kapitull i ri në jetën e Teutës, e cila verën e kaluar kurorëzoi dashurinë me bashkëshortin e saj, Agron Gjeloshi, djalin e aktivistit të njohur Nik Gjeloshi.

Çifti u martua në një ceremoni familjare të mbajtur në “Rezidencën Rugova” në Prishtinë.

E më pas u organizua edhe një dasmë në një nga restorantet në kryeqytet me elemente tradicionale.

Ardhja në jetë e foshnjës sjell një gëzim të veçantë për familjen Rugova, e cila ka pranuar urime të shumta nga miq, familjarë dhe qytetarë.

The post Teuta Rugova bëhet nënë për herë të parë appeared first on Albeu.com.

Drejtori i Policisë së Shtetit, Skënder Hita, ka folur lidhur me tragjedinë e ndodhur mëngjesin e së enjtes në Lozhan të Korçës, ku autori Violand Braçellari vrau efektivin e policisë Enea Mekolli dhe plagosi kolegun e tij gjatë një operacioni policor.

Hita hodhi poshtë pretendimet se në operacion morën pjesë vetëm gjashtë efektivë, duke theksuar se në terren ishin angazhuar 40 forca policie si dhe faktin që efektivë ishin pa jelek antiplumb.

Ai bëri të ditur se strukturat e përfshira në aksion ishin forcat e specializuara “Shqiponja”, të trajnuara për operacione me rrezikshmëri të lartë. Sipas kreut të Policisë së Shtetit, efektivët kishin kryer instruktazhin përkatës para ndërhyrjes dhe ishin të pajisur me jelekë antiplumb dhe me të gjitha mjetet mbrojtëse të nevojshme.

“Nuk ishim në dijeni. Nëse do të ishte kërkuar një shqyrtim i plotë i të gjithë rastit, patjetër që do të ishin marrë masa më të forta. Punonjësit e Policisë së Shtetit janë të trajnuar sipas ligjeve dhe procedurave në fuqi. Në këtë rast kanë qenë të angazhuara strukturat më të specializuara, forcat ‘Shqiponja’, të cilat kishin për detyrë realizimin e operacionit.

Kanë qenë 40 efektivë policie në terren dhe të gjithë ishin të pajisur me jelekë antiplumb, sipas standardeve që kërkon një operacion i tillë. Megjithatë, arma kallashnikov e përdorur nga autori ka depërtuar tejpërtej jelekut antiplumb. Para nisjes së operacionit është kryer edhe instruktazhi i nevojshëm për të gjithë efektivët”, u shpreh Hita.

The post “Në terren shkuan 40 policë”, Skënder Hita për vrasjen e efektivit: Nuk u njoftuam nga Policia e Korçës! Autori i qëlloi me kallashnikov, plumbat çanë jelekun antiplumb të Eneas appeared first on Albeu.com.

Në eventin e Taynës në Prizren për albumin “Genesis” nuk ka munguar as Olta Gixhari.

Ish-opinionistja e Big Brother Kosova në një intervistë për “Prive by Liberta Spahiu”, ka folur rreth këtij formati nëse do të jetë sërish.

Ajo është pyetur edhe për Leonora Jakupin, me të cilën ka qenë së bashku në edicion të katërt, por që pas mbarimit u hoqën nga rrjetet sociale.

Kjo ka lënë të kuptohet që nuk ka raport të mirë mes tyre dhe se miqësia ka marrë fund.

Megjithatë, Olta nuk ka hezituar të flasë për të e ka dhënë lëvdata të mëdha.

“Patjetër që do të doja një sezon me Leonorën. është një zonjë, një grua shumë e mençur, një grua shumë e fortë dhe një artiste shumë e mirë”, u shpreh ajo.

Më pas me ironi shtoi rreth pjesës së Instagramit, asaj që nuk ndiqen: “Nuk jemi folloë ne, jo nuk e besoj, s’e besoj”.

The post E hoqi nga ndjekësit, Olta me lëvdata të mëdha për Leonorën: Një grua shumë e mençur, artiste shumë e mirë appeared first on Albeu.com.

Një reagim i vonuar, por që u fshi pothuajse sa hap e mbyll sytë, ka ardhur së fundmi nga reperi Noizy lidhur me zhurmën dhe protestat për Zvërnecin.

Mesa duket, insistimi i vazhdueshëm i fansave dhe qytetarëve për të marrë një qëndrim nga ana e tij e ka irrituar reperin, i cili më në fund vendosi të shprehë mendimin e vet, duke deklaruar se është pro investimit.

Deri këtu, gjithçka mund të konsiderohet normale. Megjithatë, fjalori i përdorur nga një artist me ndikim kaq të madh dhe me një bazë të gjerë ndjekësish, lë shumë për të dëshiruar. Madje, po të mos ishte kapur me screenshot nga Anabel, dikush mund të mendonte se postimi ishte krijuar me ChatGPT.

“Na keni ruj lesht..Kush do ndryshim dilmi protest mo na boni si moralista si shumë se na keni ca K****. Nuk o tu e shit njeri Shqipërin rrini të qet…Unë njoh shumë polak e rus e grek e gjerman e austriak që kanë ble toka shtëpia e prona në Durrës, e ca don me thon kjo? Tashmë e dini që ka protest, dilni aty dhe mbylleni bucën. Kush ka prona atje dhe kujtime me atë vend dilni në protest. Unë nuk i besoj përallat që po shitet Shqipëria te Izraeli, prandaj nuk dal në protestë e as skam me dal. Madje unë jam pro investimit gjigand për Shqipërinë”, thuhet se ka shkruar Noizy në reagimin e tij.

The post Noizy reagon për protestat për Zvërnecin: Na keni ça k****, nuk kam për të dalë dhe jam pro investimit! appeared first on Albeu.com.

Burime nga Spitali i Traumës thonë se efektivi i plagosur në Maliq, Edison Adri, i është nënshtruar një ndërhyrjeje në nofull, teksa gjendja e 36 vjecarit raportohet se është stabël.

Ndërsa autori i dyshuar i vrasjes së efektivit Enea Mekolli, Violand Braçellari, ndodhet jashtë rrezikut për jetën por do të vijojë të marrë trajtim mjekësor te Trauma.
Nëna e Violand Braçellarit është shoqëruar nga forcat e policisë në ambjentet e drejtorisë së policisë vendore Korçë ku po merret në pyetje nga grupi i hetimit.

Mëngjesin e sotëm, në zonën malore të Lozhanit, Maliq, policia organizoi një operacion për arrestimin e Violand Braçellari, i cili prej vitesh ishte në kërkim dhe dyshohej se fshihej në një stan në malin e Bodës.

Sipas policisë, kur forcat “Shqiponja” rrethuan stanin dhe i kërkuan të dorëzohej, Braçellari refuzoi dhe hapi zjarr ndaj efektivëve. Nga të shtënat u vra në krye të detyrës efektivi Enea Mekolli, 34 vjeç, ndërsa u plagos me një plumb në nofull, kolegu i tij Edison Adri, 36 vjeç.

Braçellari ishte i dënuar në mungesë me afro 10 vite burg për çështje të lidhura me narkotikët dhe rezultonte në kërkim prej vitesh. Gjatë shkëmbimit të zjarrit ai u plagos nga policia dhe më pas u arrestua.

The post Vrasja e efektivit dhe plagosja e një tjetri në Korçë, shoqërohet në polici nëna e autorit Violand Braçellari appeared first on Albeu.com.

Kryetari i PD-së Sali Berisha akuzoi kryeministrin Edi Rama se qëndron pas aferës së pronave në Zvërnec që kanë shkaktuar këtë skandal që ka bërë jehonë në arenën ndërkombëtare dhe kanë ngritur shqiptarët në revolta.

Madje ai tha se kryeministri po vjedh edhe tokat në Gjipe, në një nga kanionet më të bukura në Evropë. Kreu i opozitës nënvizoi se kreu i qeverisë shmang llogaridhënien në Kuvend duke mos ardhur për interpelanca dhe i delegon ato.

Berisha kërkoi publikisht paraqitjen e Ramës në Kuvend dhe dhënien e llogarisë para qytetarëve shqiptarë për “aktet katastrofale”.

Ai kritikoi edhe ministren Erjona Ismaili që merrte përsipër delegimin e interpelancës në shkelje të Kushtetutës. Sipas Berishës, Rama “një herë rri peng i Belindës dhe herën tjetër delegon fjalimet”.

“Edi Rama të vijë këtu në Parlament, të japë përgjegjësi për të gjitha aktet katastrofale të qeverisjes së tij. Fshihet prapa, të më falin zonjat, në kuptimin absolutisht pa kuptimin e keq, pas fustanit të grave. Një herë rri peng i Belindes dhe tani i thotë kësaj zonjës këtu më përfaqëso ti mua, e lë fjalimin kësaj zonjës këtu. Ndaj që të mos themi më “sherr sherr la fame”, hiq dorë nga përfaqësimi antikushtetues, jo kushtetues i kreut të meduzës, rri, i thuaj nuk më lejon Kushtetuta, kam ligj. Morali i shtetit është Kushtetuta. Neni 80 i Kushtetutës nuk thotë se kur mungon kryeministri e zëvendëson Erjona, jo”, tha Berisha.

Dhe vijoi akuzat duke theksuar se:

“Morali i shtetit është Kushtetuta. Neni 80 nuk thotë se kur mungon kryeministri e zëvendëson Erjona, jo. Ndaj hiqni dorë nga këto skema dhe silleni këtu. Katër orë nuk guxoni të nxirrni një fjalë nga goja ju. Merrni për bazë rezolutën qytetare, çfarë ka në bazë? Mungesa absolute e transparencës, zero transparencë, në një aferë që është bërë botërore siç e shihni”, tha ai.

Duke kaluar tek investimi i projektit në Zvërnec dhe protestat, Berisha tha se Rama nuk bën transparencë për atë aferë dhe nuk ka qartësuar shqiptarët, pasi nuk ka as studim dhe as projekt.

“Si ka mundësi që asnjë deputet, asnjë qytetar i Vlorës apo në Shqipëri nuk di absolutisht asgjë për këtë investim disamiliardësh. Por ta marrim nga ana qeveritare e shtetërore, kur një qeveri pranon një ide të një investitori të huaj nuk mund të japë kurrë leje ndërtimi pa qartësuar pronësinë në çdo metër katror. Kur një qeveri vendos të mbështesi një investim në një zonë të mbrojtur, vendos parimet, shpall parimet dhe ato janë të vulosura në Komisionin Evropian dhe me direktivat që kanë ardhur ndër vite. A keni parë ndonjë studim të mjedisit, studim strategjik, zero keni parë, s’ka transparencë fare. A ka ndonjë studim, çfarë do ndërtohet, çfarë habitati preket e dëmtohet, a lejohet. Sepse nëse nuk lejohet do i vësh drynat Brukselit, sepse nuk lejohet. Pasuria natyrore e një vendi janë edhe të mbarë Evropës dhe ato kanë ligj të fortë. Ku i keni këto ju, asnjë, zero”, tha Berisha.

Më tej ai ngriti akuza të tjera ndaj mazhorancës socialiste dhe Ramës, duke thënë se ishin mafie që silleshin më keq se Beogradi. Gjithashtu denoncoi vjedhjen e pronave në Gjipe.

“Ju jeni mafie, mafie dhe vetëm mafie, njëlloj si Beogradi, po. Ajo që ndodh në Beograd po ndodh edhe në Shqipëri. Pse s’ka transparencë për shqiptarët. Sikur e ka pronë të vetën ai. Që po vjedh Gjipenë ai, mijëra metra katrorë tokë, një nga kanionet më të bukura në botë. Pse të mos revoltohen qytetarët, kanë 100% të drejtë”, vijoi ai.

Berisha i bëri thirrje socialistëve që të anulonin edhe antimitingun në Vlorë, duke shkaktuar edhe një moment humori e të qeshurash në Kuvend, pasi teksa u thoshte se kishte informacionin në iPad-in e tij, në ekran shfaqej fotoja e tij familjare, me bashkëshorten Liri Berisha dhe mbesën e madhe.

“Dhe ndaloni menjëherë antimitingjet, sepse do keni pasoja. Ja ku e kam këtu ceremoninë e ndarjes së pallaskave të eksponentëve të krimit socialist në Vlorë, këtu i kam, e keni bërë atë, ju e dini…”, deklaroi kreu i selisë blu.

Berisha më tej akuzoi mazhorancën edhe për ligjin e barazisë gjinore dhe trajtimin me terapi hormonale të transgjinorëve, duke e konsideruar si skandal dhe shkelje të të drejtave të njeriut e prishje të familjes tradicionale.

The post “Afera e Zvërnecit është botërore, zero transparencë”, Berisha në Kuvend: Lërini skemat, sillni Ramën këtu! Asnjë studim mjedisi, po vjedh dhe Gjipenë appeared first on Albeu.com.

Reperi Arkimed Lushaj, i njohur me emrin Stresi, ka folur së fundi në lidhje me postin e ri si anëtar i Këshillit Kombëtar të PD. Ai është shprehur se dëshira e tij është që të anëtarësojë sa më shumë të rinj në Partinë Demokratike.

“Vij me strategji, jam strateg. Familja ime janë të anëtarësuar me PD që nga viti 1991, unë kam nisur që në klasë të katërt”, është shprehur Stresi ndër të tjera në një interviztë në emisionin “Shqipëria Live” në Top Channel.

Ai ka folur edhe për lidhjen me reperin tjetër Noizyn, me të cilin tha se ka bërë shaka për ndasitë politike që kanë dhe se nuk e kanë problem. Teksa ka folur edhe për jetën personale duke thënë se psrtneren e ardhshme ka dëshirë të jetë politikane.

“Jam single, nusen e ardhme e dua politikane, serioze”, u shpreh Stresi.

Pjesë nga deklarata e Stresit: “Po merrem me muzikë dhe me postin e ri si anëtar i Këshillit Kombëtar të PD. Iniciativën e mora vetë, kam një periudhë shumë të ngarkuar. Që në ditën që jam zgjedhur anëtar i Këshillit Kombëtar, kam nisur punën me elektoratin tim. Dua të anëtarësoj sa më shumë të rinj me PD.

Vij me strategji, jam strateg. Familja ime janë të anëtarësuar me PD që nga viti 1991, unë kam nisur që në klasë të katërt. Te kjo foto ku unë jam krah Berishës. Unë jam spartani i PD dhe nuk i kam shitur asnjëherë idealet e mia. Këlliçi dhe Balliu më kanë sugjeruar dhe mbështetut dhe ndodhi.

Unë shkoj në seli çdo ditë. Takoj njerëzit aty, më presin shumë mirë, diskutojmë. Unë jam për rininë, nuk premtoj çudira për ta, por do të jem zëri i tyre dhe me ta. Berisha ende nuk më ka dhënë këshillë, pres ta takoj më padurim, kam bërë kërkesë që ta takoj dhe i premtoj se do të bëjmë gjëra të mira.

Babai im është njeriu më krenar për mua. Me Noizyn bëjmë shumë shaka për ndasitë politike dhe nuk kemi probleme për këtë. Vumë bast për zgjedhjet me 100 euro. Fitoi ai dhe kur ia dhashë, i thashë të m’i kthejë sepse zgjedhjet janë vjedhur. Bëjmë edhe humor.

Nëse do të bëhesha deputet, nuk do të më përballonin. Unë di shumë gjëra, edhe që nuk dihen. Kam miq socialistë, por në fund nuk bëjmë kompromis. Sa i përket Zvërnecit, unë jam pro investimit, por me transparencë ndaj popullit. Jam dakord që një kompani e madhe të investojë në Shqipëri, por këtu ka një ngërç.

Artistikisht, komuniteti LG, si quhet, është organizatë terroriste, sepse shuan familjen. Ata më përndjekin, por ky është mendimi im. Unë mbroj vlerat e familjes, traditës shqiptare. Kjo protestë për Zvërnecin më pëlqen se qytetarëve u ka dalë frika.

E them pa problem, tani mund të dalin në protestë edhe nga administrata. Gjithashtu, shumica e atyre qytetarëve janë votues të PS, që nuk janë të kënaqur me qeverinë. Djalit (Clevios) i uroj shumë suksese, është i talentuar. Jam rritur me të, nuk di asgjë rreth marrëdhënieve dhe asaj që bën ai, i uroj më të mirat. Jam single, nusen e ardhme e dua politikane, serioze”

The post “Jam strateg, nuk më përballojnë dot po të bëhem deputet di shumë gjëra!” Nga Noizy, familja e deri te politika e jeta private Stresi flet si zyrtar i PD: E dua nusen politikane appeared first on Albeu.com.

Tirana nuk ka më kënde lojërash, pasi një pjesë e hapësirave e dedikuar për fëmijë është zëvendësuar nga pallatet e reja, ndërsa ato që ekzistojnë janë të amortizuara. Në disa prej zonave më të populluara të Tiranës, prindërit ankohen se këndet e lojërave janë të pakta dhe të pasigurta, pasi janë jashtë standardeve. Drita nënë […]

The post Tirana ‘mbytet’ nga betoni, ‘zhduken’ këndet e lojërave për fëmijë appeared first on BoldNews.al.

Drejtori i Përgjithshëm i Policisë së Shtetit, Skënder Hita dhe ministri i Brendshëm, Besfort Lamallari, dhanë një konferencë për mediat nga Korça duke dhënë detajet e para nga hetimet e kryera për ngjarjen e rëndë në Lozhan të Maliqit, ku i dyshuari Violand Braçellari qëlloi për vdekje gjatë aksionit efektivin Enea Mekolli dhe plagosi Edison […]

The post Vrasja e policit/ Hita: S’kisha dijeni për aksionin! Po analizohet pse s’u kërkua RENEA appeared first on BoldNews.al.

Gjykata e Posaçme kundër Korrupsionit dhe Krimit të Organizuar ka dënuar me 7 vite e 4 muaj burg shtetasin Erio Zejno, i akuzuar për përfshirje në një grup të strukturuar kriminal dhe sigurimin e kushteve për kryerjen e vrasjeve. Sipas vendimit të shpallur këtë të enjte, Zejno u gjet fajtor për veprat penale të “Sigurimit […]

The post Siguroi kushtet për vrasjen e ‘Qorrit’ dhe ‘Sakatit’, 7 vite burg për Erio Zejnon appeared first on BoldNews.al.

Mijëra qytetarë shqiptarë prej ditës së dielë kanë nisur një protestë që ka kulmuar me vendosjen përballë Kryeministrisë, me thirrjet për mbrojtjen e territorit të Zvërnecit. Protesta ka vijuar edhe me thirrjet kundër lidhjeve të krimit me qeverinë si edhe kritikat ndaj opozitës e censurës, duke mbledhur protestues të shumtë të të gjitha moshave, aktivistë […]

The post Protesta masive në Tiranë tërheq vëmendjen ndërkombëtare, lajmi më i lexuar në “The Guardian” appeared first on BoldNews.al.

Kreu i grupit të PD, Gazment Bardhi akuzoi dhe një njëherë socialistët për mbrojtjen që i bënë Belinda Ballukut, duke mos i hequr imunitetin pas kërkesës së SPAK. Sot Prokuroria e Posaçme njoftoi sekuestrimin e një vile të Ballukut, që e kishte fshehur në emër të ish futbollistit Igli Tare në Dhërmi. Lidhur me këto […]

The post Bardhi u tregon socialistëve vilën e Ballukut: Mbrojtët korrupsionin me forcën e kartonit! appeared first on BoldNews.al.

Një operacion i Policisë së Shtetit për kapjen e një personi me rrezikshmëri të lartë ka përfunduar në një tragjedi të rëndë, duke lënë të vrarë një punonjës policie dhe duke plagosur një tjetër. Eksperti i sigurisë, Fatjon Softa, ka deklaruar se ngjarja e rëndë ka nxjerrë në pah mangësi serioze në organizimin dhe pajisjen […]

The post Vrasja e efektivit në Maliq/ Eksperti: Mangësi serioze në planifikimin e operacionit të Policisë appeared first on BoldNews.al.

Ndërsa Lista Serbe i cilëson si “referendum” zgjedhjet e parakohshme parlamentare të 7 qershorit në Kosovë, Zyra për Kosovën në Qeverinë e Serbisë është angazhuar në terren për t‘i bindur serbët e zhvendosur që të votojnë për këtë parti, të cilën e mbështet edhe Beogradi zyrtar. E vetmja rivale e Listës Serbe në zgjedhje është […]

The post Fushata serbe në Kosovë mes Kurtit, Vuçiçit, protestave në Serbi… appeared first on BoldNews.al.

Reperi Arkimed Lusha, i njohur me emrin artistik Stresi, ka folur në lidhje me postin e ri si anëtar i Këshillit Kombëtar të PD.

I ftuar në emisionin “Shqipëria Live” Stresi u shpreh se vjen në PD si strateg, ndërsa e ka cilësuar veten si spartan i kësaj force politike, që nuk i ka shituar asnjëherë idealet e tij.

Ai tregon më tej se ka vendosur edhe një bast 100 euro, me reperin tjetër Noizy, i njohur si mbështetës i Ramës, për zgjedhjet e 11 Majit, ku siç thotë ai ka fituar Noizy, pasi zgjedhjet sipas tij janë vjedhur.

“Vij me strategji, jam strateg. Familja ime janë të anëtarësuar me PD që nga viti 1991, unë kam nisur që në klasë të katërt. Unë jam spartani i PD dhe nuk i kam shitur asnjëherë idealet e mia. Me Noizyn bëjmë shumë shaka për ndasitë politike dhe nuk kemi probleme për këtë. Vumë bast për zgjedhjet me 100 euro. Fitoi ai dhe kur ia dhashë, i thashë të m’i kthejë sepse zgjedhjet janë vjedhur. Bëjmë edhe humor. Nëse do të bëhesha deputet, nuk do të më përballonin. Unë di shumë gjëra, edhe që nuk dihen. Kam miq socialistë, por në fund nuk bëjmë kompromis”, u shpreh Stresi ndër të tjera.