Pasi la pas një skenë krimi që duhej zgjidhur Davide vazhdoi udhëtimin e tij. Mediat italiane dhe shqiptare u ndezën në raportime për pistat që rrëzoheshin po aq me shpejtësi. Davide thotë se në Bosnjë po rigjente veten. Davide Pecorelli: Qëndrova me priftërinjtë 4 muaj dhe këtë e quaj rilindja ime. Fillova të mendoj për gjërat e rëndësishme, për jetën që nuk po më dukej dështim. Punoja, lutesha, kultivoja domate, kultivoja sallatë. Shkurt, e ndryshova jetën plotësisht, humba peshë dhe ndërkohë rrita flokët. Dhe në prill më mori malli për familjen, për fëmijët e mi, doja të kthehesha në shtëpi, çfarëdo që të ndodhte, nuk më interesonte. Dua të them, as që doja ta dija çfarë kishte ndodhur me hetimin. Unë nuk dija asgjë çfarë thuhej, sepse nuk kisha telefon. Isha pothuajse i sigurt që mendonin se unë kisha vdekur, sepse askush nuk më pa. Celulari im ishte brenda makinës që përdorëm, ora, kockat njerëzore. Mendoja se kishin shpallur tashmë një funeral, por jo, s’kishte pasur. Për më shumë klikoni në STORY👆 #voxnews #media #news @voxnews.al

20.2K views

Pankartat pikante që spikatën në protestën e sotme Për më shumë klikoni në STORY👆 #voxnews #media #news @voxnews.al

5112 views

Një nga protestuesit, duke komentuar dokumentin e kryeministrit Edi Rama të titulluar “Besa”, theksoi se ai ka lidhur besë vetëm me oligarkët dhe krimin e organizuar dhe jo me qytetarët ashtu siç pritej 13 vite më parë. Ai u shpreh se protesta e tyre, e cilësuar si Revolucioni i Flamingove, është kthyer në makthin e Edi Ramës dhe se protestuesit do ta rrëzojnë këtë të fundit. “Për 57 ditë jemi kthyer në makthin e Edi Ramës. Priste që me rritjen e temperaturave kjo protestë të binte, por kjo është vera e vetmisë së madhe. Ai nuk do ta mbyllë dot verën sepse Revolucioni i Flamingove do të rrëzojë Ramën dhe qeverinë e tij. Për më shumë klikoni në STORY👆 #voxnews #media #news @voxnews.al

6768 views

6 janar 2021. Qetësia e një dite dimri në Pukë u thye nga një telefonatë në sallën operative. Një automjet buzë greminës ishte përpirë nga flakët. Në ato momente askush nuk e dinte se çfarë kishte ndodhur. Nuk dihej nëse bëhej fjalë për një aksident tragjik apo vrasje të mirëorganizuar. Nuk dihej as sa viktima kishte. Brenda mjetit u gjetën mbetje kockore. Kaq mjaftoi që autoritetet shqiptare dhe italiane të hapnin hetimet për vrasje. Të gjitha gjurmët të adresonin drejt një emri. Davide Pekorelli, lindur në Perugia në 23 nëntor 1975. Fatbardh Kuliçi, oficer i dosjes: Doli që nuk ishin kocka të një të rrituri në atë moshë, ishin hedhur në mënyrë të çrregullt, ekspertët na thanë se në rast djegieje kur digjet një kufomë skeleti mund të ngelet në sedilje por jo të shpërndahej Davide Pecorelli nuk ishte një emër i panjohur në Itali. Përpara se të hynte në botën e biznesit të kozmetikës ai kishte qenë arbitër futbolli në nivelet profesioniste. Por pas kësaj historie mediat italiane do t’i jepnin një identitetit të dytë “I mbijetuari i Montecristos”, sepse ndërsa hetuesit e të dyja shteteve besonin se ai ishte vrarë në Shqipëri, Davide Pekorelli u gjet gjallë rreth 9 muaj më vonë pranë ishullit Montecristo, në një aventurë krejt tjetër. Për më shumë klikoni në STORY👆 #voxnews #media #news @voxnews.al

8248 views

Interesi për rivlerësimin e pronave mbetet i lartë. Në gjashtë muajt e parë të zbatimit të skemës, mbi 37 mijë qytetarë dhe biznese kanë aplikuar për të përditësuar vlerën e pronës me çmimet e tregut, ndërsa në buxhetin e shtetit janë arkëtuar mbi 47 milionë euro nga tatimi 5%. Tirana kryeson për numrin e aplikimeve, e ndjekur nga Durrësi dhe Vlora. “Aplikimet e shpeshta bllokojnë sistemin. Përgjithësisht, procesi është i rregullt. Vlerësohet i gjithë objekti, me të gjitha të mirat, zonën, lokacionin dhe kështu bëhet rivlerësimi”, tha eksperti i pasurive të paluajtshme, Orgest Beti. Sipas ekspertëve, një proces i tillë i rivlerësimit ka nxitur edhe shitjet, teksa më shumë qytetarë po përfitojnë nga fushata me tatimin 5%, duke përafruar vlerën reale të pronës me tregun. Por, përsëri, bumi mbetet për në fund të afatit. “Gjërat i lënë në momentin e fundit dhe, në fundvit, do të ngelen shumë, dhe sistemi mund të bllokohet”, tha eksperti i pasurive të paluajtshme, Orgest Beti. Por cilat janë rastet më të shumta që shtyjnë në rivlerësimin e pronave në këtë proces? “Rivlerësimi është i rëndësishëm kur shesim ose blejmë, jo gjithmonë nga dëshira. Kur bëhen me fëmijë dhe duhet të marrin një shtëpi, apo shesin sepse kanë fatkeqësi, përveç rasteve kur kemi një dëshirë, pse duhet ta bëjmë atë investim”, tha eksperti i pasurive të paluajtshme, Orgest Beti. Afati përfundimtar për të aplikuar për rivlerësimin e pasurive me tatimin e reduktuar prej 5% është 31 dhjetor 2026, ndërsa pagesa e tatimit mund të kryhet deri më 31 mars 2027./Tch #voxnews #media #news

2005 views

I dyshuari për sulmin gjatë Paradës së Krenarisë në Berlin është qëlluar për vdekje gjatë një operacioni policor në një kompleks kopshtesh, sipas mediave gjermane. Sipas raportimeve, operacioni u zhvillua në Spandau, një lagje në pjesën perëndimore të Berlinit. Në një deklaratë, Policia e Berlinit tha se i dyshuari për sulmin e djeshëm humbi jetën pasi efektivët e policisë përdorën armët e zjarrit kundër tij. Si ndodhi sulmi? Një dëshmitar okular, i cituar nga Bild, deklaroi se, “furgoni i bardhë u hodh me shpejtësi mbi turmën që po marshonte, duke përplasur disa persona”. Dëshmitarë të tjerë thanë se automjeti lëvizte me rreth 80 kilometra në orë. Sipas tyre, autori më pas zbriti nga automjeti duke mbajtur një thikë, me të cilën sulmoi edhe persona të tjerë përpara se të largohej në këmbë. #voxnews #media #news @voxnews.al

8096 views

Qytetarët protestojnë për të 57-të ditë radhazi, duke kërkuar dorëheqjen e Kryeministrit Edi Rama #voxnews #media #news #edirama

4032 views

Dogana e Kapshticës do të mbyllet përkohësisht të hënën, për shkak të grevës së punonjësve grekë. Ajo do të jetë e mbyllur ditën e hënë, më 27 korrik, nga ora 05:00 deri në 09:00. Sipas njoftimit të autoriteteve doganore greke, gjatë këtij intervali kohor do të ndërpritet lëvizja në Pikën e Kalimit Kufitar Kapshticë. Theksohet se si në hyrje, ashtu edhe në dalje të degës doganore, nuk do të lejohet kalimi i automjeteve. Dogana Shqiptare u bën thirrje të gjithë qytetarëve dhe bizneseve që planifikojnë të udhëtojnë drejt Greqisë të shmangin lëvizjen gjatë këtij orari. Njoftimi nga Dogana Shqiptare: Njoftim për qytetarët dhe bizneset. Për shkak të grevës së punonjësve të doganës greke, Dega Doganore e Kapshticës do të jetë e mbyllur ditën e hënë, më 27 korrik, nga ora 05:00 deri në 09:00 (ora shqiptare). Sipas njoftimit të autoriteteve doganore greke, gjatë këtij intervali kohor do të ndërpritet lëvizja në Pikën e Kalimit Kufitar Kapshticë. Si në hyrje, ashtu edhe në dalje të degës doganore, nuk do të lejohet kalimi i automjeteve. Dogana Shqiptare u bën thirrje të gjithë qytetarëve dhe bizneseve që planifikojnë të udhëtojnë drejt Greqisë të shmangin lëvizjen nëpërmjet Pikës së Kalimit Kufitar Kapshticë gjatë intervalit 05:00–09:00, ditën e hënë, më 27 korrik. #voxnews #media #news

5411 views

Ashtu siç e paralajmëroi VoxNews, Parlamenti i Shqipërisë pritet të zhvillojë më 30 korrik një seancë ku në qendër të diskutimeve do të jetë marrëveshja me Shtetet e Bashkuara të Amerikës për blerjen e pajisjeve ushtarake. Sipas burimeve të VoxNews, marrëveshja arrin me një vlerë prej 300 milionë euro. Këshilli i Ministrave ka miratuar vendimin për t’i propozuar Kuvendit ratifikimin e marrëveshjes së huas direkte ndërmjet Republikës së Shqipërisë dhe Shteteve të Bashkuara të Amerikës. Vendimi mban datën 24 korrik 2026 dhe parashikon shqyrtimin e projektligjit me procedurë të përshpejtuar në Kuvend. Kjo blerje synon të rrisë shpenzimet e mbrojtjes së Shqipërisë në nivelin 2% të Prodhimit të Brendshëm Bruto, në përputhje me objektivin e NATO-s për vendet anëtare. Arritja e këtij pragu konsiderohet një hap i rëndësishëm për të shmangur çdo rezervë që mund të ndikojë në organizimin e samitit të NATO-s në Tiranë. Më herët, administrata amerikane dhe presidenti Donald Trump kishin shprehur rezerva për faktin se Shqipëria shpenzonte rreth 1.6% të PBB-së për mbrojtjen, nën objektivin e Aleancës. Projektligji i hartuar për ratifikimin e marrëveshjes përcakton se ajo do të bëhet pjesë përbërëse e ligjit pas miratimit në Kuvend dhe se ligji hyn në fuqi 15 ditë pas botimit në Fletoren Zyrtare. #voxnews #media #news @voxnews.al

5203 views

“Thuaj Eneas që t’i tregojnë një apartament tek godina tek ‘Mine Peza’. …Me Enean mund ta zgjidhë këtë punë”, bashkëbiseduesit që komunikojnë me mesazhe në gusht të vitit 2020 janë Luçiano Koçeku dhe Ervin Koçeku. I pari, i njohur edhe me emrin Artur, konsiderohet si një nga bosët e “Grupit Aruba”, përgjegjës për trafikimin e tonelatave kokainë nga Amerika Latine drejt Europës. I dyti është vëllai i tij më i vogël, i cili menaxhonte paratë dhe kontaktet me njërëzit për shitjen e pronave të paluajtshme në kulla e resorte, të dyshuara se vinin nga aktiviteti kriminal. Personazhi “Enea” është Enea Mitrushi. Ai është administrator i kompanisë “Nova Construction”, në pronësi të Ilir Shtufit, e cila ka ndërtuar, ndër të tjera, një godinë të lartë në rrugën “Mine Peza”, në Tiranë. Enea është një i punësuar dhe, të paktën deri më tani, nuk është konsideruar përgjegjës për “pastrimin e parave”. Ai ka qenë i ngarkuar me menaxhimin e kompanisë së Ilir Shtufit. Me shumë mundësi, atij i kanë thënë që duhet t’i përgjigjej porosive dhe “urdhërave” të Luçiano Koçekut, i cili për Prokurorinë e Posaçme konsiderohet si njeriu që lëvizje në hije prej shumë vitesh projektet ndërtimore të “Nova Construction”. Enea mund të jetë një individ me aftësi të mira menaxheriale dhe nuk ka pasur asnjë përgjegjësi të verifikojë statusin, aktivitetin apo burimin e parave të Luçiano Koçekut. Megjithatë, Prokuroria e Posaçme ka një përcaktim për Enea Mitrushin: Ai konsiderohet si “njeriu i besuar i Luçiano Koçekut”, një prej bosëve të “Grupit Aruba”. Dhe, si një “njeri i besuar”, emri i tij gjendet në administrimin e disa kompanive ku gjendet dyshja Shtufi-Koçeku, përfshirë edhe në shoqërinë që po zhvillon “investimin strategjik” për ndërtimin e një kompleksi vilash luksoze në Korçë. “Green House Resort” e Agim Zeqos Në Prill të vitit 2019, tre biznesmenë të njohur në fushën e ndërtimit, Agim Zeqo, Gerian Kuka dhe Ilir Shtufi, bashkohen dhe krijojnë kompaninë “Investment and Development Albania”, me një ndarje të aksioneve 40-30-30. Ortakët vendosin që administrator do të jetë njëri prej tyre, Ilir Shtufi. Në Shkurt të vitit 2023, Komiteti i Investimeve Strategjike (KIS), i drejtuar nga kryeministri Edi Rama, i jep kompanisë “Investment and Development Albania” statusin e “investitorit strategjik për projektin “Green House Korça Resort”. Zona e zhvillimit gjendet në një zonë shumë të preferuar të Korçës, pranë kompleksit sportiv, ku gjendet edhe stadiumi futbollit. Në vendimin e nënshkruar nga Rama thuhet se “projekti parashikon ndërtimin strukture turistike elitare që do të ketë në përbërje një hotel me 5 (pesë) yje, me kapacitet total prej 94 dhomash, restorante, bare, SPA etj”. Vlera e investimit parashikohet në 18 milionë euro. Pak muaj më pas, në Shtator të vitit 2023, dy nga ortakët e “Investment and Development Albania-IDA”, Ilir Shtufi dhe Gerian Kuka, vendosi të shesin aksionet e tyre tek Agim Zeqo, i cili merr në kontroll pronësinë dhe administrimin e kompanisë. Zeqo është i njohur në Korçë, jo vetëm për origjinën e tij nga ky qytet, por edhe për faktin që për shumë vite ishte një nga drejtuesit e ekipit të futbollit “Skënderbeu”. Përfitimi nga ana e tij e statusit të investitorit strategjik shumë pranë qendrës së qytetit, përveçse u prit me rrudhje buzësh nga qytetarët, nuk u ka aspak e habitshme. Kjo, për shkak të raporteve të mira të tij me kryeministrin Edi Rama. Edhe resorti hotelier, në publikun lokal, u emërtua si “hoteli i Agim Zeqos”. Rama i fal tokë publike Në vendimin e Komitetit të Investimeve Strategjike, thuhej se projekti do të zhvillohej në një hapësirë 10 mijë metra katrorë. Në një paragraf të mëtejshëm, akti i nënshkruar nga Rama, citonte: “Pasuria e paluajtshme me sipërfaqe prej 10,000 m2, e llojit “truall”, në zonën kadastrale 8561, me numër pasurie 1/911, në pronësi të Bashkisë Korçë ka kaluar në administrim të Ministrisë së Turizmit dhe Mjedisit (MTM) me VKM Nr. 301, datë 19.5.2021”. #voxnews #media #news

7278 views

VerifiedJoseph

Një qytetar i është drejtuar redaksisë së JOQ Albania me një denoncim, duke pretenduar se prej vitesh nuk ka më akses në pronën e tij, e ndodhur pranë zonës së ish-Ambasadës Greke, në rrugën e Ambasadave në Tiranë. Sipas tij, rruga që të çon te trualli është bllokuar dhe sot ai nuk ka më asnjë mënyrë për të hyrë në pronën që rezulton e regjistruar në emrin e tij. Në videot e dërguara në redaksi ai shprehet: "Kam një truall te ish-Ambasada Greke, por sot nuk kam nga të futem në pronën time. Më kanë zënë rrugën. Vetëm me helikopter mund të futem tani." Në një tjetër video ai shton: "Prona që unë disponoj është në cep. Në këto momente është e zënë. Dua që institucionet të marrin masa sa më shpejt, sepse kjo nuk është e drejtë. Këto gjëra nuk ndodhin as në Afrikë." Për të mbështetur pretendimet e tij, qytetari i ka dorëzuar JOQ Albania një dosje me dokumente zyrtare, ku përfshihen kartela pronësie të lëshuara nga Agjencia Shtetërore e Kadastrës, dokumente teknike të Arkivit Qendror Teknik të Ndërtimit, një kallëzim penal të depozituar në Komisariatin nr. 2 në Tiranë, kërkesa drejtuar Inspektoratit të Mbrojtjes së Territorit, si dhe korrespondencë me institucione të ndryshme shtetërore. Në kallëzimin penal, qytetari pretendon se rruga e aksesit drejt pronës së trashëguar është zaptuar dhe përdoret si parkim, duke e lënë truallin pa hyrje funksionale. Mes dokumenteve ndodhet edhe një përgjigje zyrtare e Ambasadës së Republikës Federale të Gjermanisë, e datës 21 korrik 2026. Në këtë shkresë ambasada sqaron se nuk është pronare e ndërtesave dhe parkimeve që përdor për aktivitetin diplomatik, pasi ato janë pronë e shtetit shqiptar dhe administrohen nga Drejtoria e Shërbimeve Qeveritare. Për pretendimet që lidhen me pronën private dhe rrugën e aksesit, ambasada e orienton qytetarin t'u drejtohet institucioneve shtetërore shqiptare. Sipas qytetarit, pavarësisht kërkesave të shumta drejtuar institucioneve përgjegjëse, ai ende nuk ka marrë një zgjidhje konkrete dhe vazhdon të jetë i privuar nga e drejta për të hyrë në pronën e tij.

10.1K views

Në ditën kur Kuvendi zhvillon seancën e fundit plenare të këtij sesioni, qytetarët kanë paralajmëruar një tjetër protestë përpara Kuvendit. Tubimi është njoftuar të nisë në orën 08:30, ndërsa organizatorët u bëjnë thirrje qytetarëve t'u bashkohen për të shprehur pakënaqësinë ndaj mënyrës se si, sipas tyre, është qeverisur vendi dhe ndaj një klase politike që, sipas protestuesve, nuk përfaqëson më interesin e qytetarëve. Protesta vjen vetëm pak ditë pas tubimit të 23 korrikut, i cili u shoqërua me tensione pranë Kuvendit. Edhe për protestën e së hënës pritet që Policia e Shtetit të hartojë një plan të posaçëm masash, me prani të shtuar të efektivëve, forcave të ndërhyrjes së shpejtë, barrierave metalike dhe mjeteve për kontrollin e turmës në zonën përreth Parlamentit. Në protestën e fundit pati përplasje mes protestuesve dhe policisë. Efektivët përdorën gaz lotsjellës dhe ujë me presion për të shpërndarë turmën, ndërsa protestuesit hodhën vezë në drejtim të godinës së Kuvendit dhe tentuan të çanin kordonin e sigurisë. Në përfundim të protestës, policia shoqëroi 32 persona. Protesta e së hënës pritet të zhvillohet në një moment simbolik, pasi përkon me mbledhjen e fundit plenare të Kuvendit për këtë sesion, ndërsa mbetet për t'u parë nëse do të zhvillohet në mënyrë paqësore apo do të shoqërohet sërish me tensione në zonën përreth Parlamentit.

8160 views

Një qytetar i është drejtuar redaksisë së JOQ Albania me një denoncim nga Urgjenca e Spitalit Rajonal të Elbasanit, ku ngre shqetësimin për vonesat në marrjen e shërbimit dhe mungesën e stafit gjatë turnit. Sipas qytetarit, në momentin kur ai është paraqitur në urgjencë ndodheshin vetëm një mjek dhe tre infermierë, ndërsa për vendosjen e një serumi është detyruar të presë mbi 20 minuta. Ai pretendon gjithashtu se infermieri që u mor me trajtimin e tij hasi vështirësi për t'i gjetur venën, duke ngritur dyshime mbi përvojën dhe aftësinë profesionale të stafit. "Mirëmbrëma JOQ. Ju shkruaj nga Urgjenca e Spitalit të Elbasanit. Këtu ka vetëm një mjek dhe tre infermierë. Për një serum më është dashur të pres mbi 20 minuta. Nuk po më gjente dot damarin. Në video shihet edhe një person që bën rolin e supervizorit, nuk e di çfarë funksioni ka, por na thotë se duhet të presim si në radhën e qumështit", shprehet qytetari. Në videon e dërguar në redaksi dëgjohet një debat mes qytetarëve dhe një punonjësi të spitalit lidhur me pritjen dhe mënyrën e organizimit të shërbimit në urgjencë. Qytetari kërkon që institucionet përgjegjëse të verifikojnë situatën, duke theksuar se një shërbim si urgjenca nuk duhet t'i lërë pacientët të presin për periudha të gjata, sidomos kur kanë nevojë për ndihmë mjekësore të menjëhershme. JOQ Albania publikon denoncimin e qytetarit dhe mbetet e hapur për një reagim zyrtar nga drejtuesit e Spitalit Rajonal të Elbasanit lidhur me pretendimet e ngritura.

16.1K views

Një e re nga Tirana i është drejtuar redaksisë së JOQ Albania me një denoncim ndaj një biznesi në Sarandë, ku pretendon se kushtet e punës iu ndryshuan menjëherë pasi mbërriti në qytet, pavarësisht se, sipas saj, marrëveshja ishte bërë më herët. Sipas denoncueses, ajo kishte pranuar të punonte në "Jungle Bar Rooftop", pasi kishte rënë dakord paraprakisht për orarin 21:00-01:00 dhe një pagesë të caktuar. Megjithatë, sapo mbërriti në Sarandë, pretendon se iu kërkua të punonte deri në orën 02:00, pa pagesë shtesë. Në mesazhin e saj, ajo shprehet se kërkoi vetëm respektimin e marrëveshjes fillestare ose pagesën për orën shtesë, por kjo, sipas saj, solli ndërprerjen e bashkëpunimit. Denoncuesja thekson se nuk iu komunikua se kishte probleme me performancën në punë. Përkundrazi, sipas saj, i është thënë se punën e kryente shumë mirë. Ajo pretendon se, kur shkoi për të mbyllur llogaritë dhe për të marrë pagesën për ditët e punuara, nuk iu kompensuan plotësisht orët e punës, ndërsa nuk iu mbuluan as shpenzimet e transportit dhe qëndrimit, edhe pse kishte udhëtuar nga Tirana duke u bazuar në kushtet e dakordësuara paraprakisht. Sipas saj, situata u bë edhe më kontradiktore kur, pasi iu komunikua se nuk do të ishte më pjesë e stafit, biznesi i kërkoi sërish të rikthehej në punë, me argumentin se e kryente shumë mirë detyrën, por ishte "shumë profesionale" dhe nuk përshtatej me mënyrën e tyre të punës. Denoncuesja pretendon gjithashtu se gjatë një bisede me një nga pronarët, komunikimi mori një ton jo profesional dhe ofendues, duke u shoqëruar, sipas saj, edhe me fjalë fyese. Në përfundim të mesazhit, ajo thekson se nuk po vë në diskutim të drejtën e një biznesi për të zgjedhur punonjësit, por mënyrën se si, sipas saj, ndryshuan kushtet pasi kishte lënë qytetin e saj dhe kishte bërë shpenzime për të nisur punën sezonale në Sarandë. JOQ Albania publikon këtë denoncim në interes të informimit publik dhe mbetet e hapur për reagimin ose sqarimin e biznesit "Jungle Bar Rooftop" lidhur me pretendimet e ngritura nga denoncuesja.

15K views

Një qytetar i është drejtuar redaksisë së JOQ Albania me një denoncim nga Kashari, ku banorët thonë se prej dy ditësh, konkretisht dje dhe sot, zona ka mbetur njëkohësisht pa energji elektrike dhe pa furnizim me ujë të pijshëm. Në videon e mbërritur në redaksi shihet korridori i një pallati i zhytur në errësirë për shkak të mungesës së energjisë elektrike. Më pas, qytetari tregon rubinetin e banesës, nga i cili nuk del asnjë pikë ujë, duke dëshmuar se mungojnë të dy shërbimet bazë. Sipas qytetarit, situata vijon pa asnjë zgjidhje që prej ditës së djeshme, ndërsa banorët nuk kanë marrë asnjë informacion se kur pritet të rikthehen energjia elektrike dhe uji. "Dje dhe sot jemi pa drita e pa ujë. Po jetojmë si në mesjetë. Askush nuk na jep një shpjegim dhe askush nuk interesohet për ne," shprehet qytetari. Banorët kërkojnë ndërhyrje të menjëhershme nga OSHEE dhe Ujësjellës Kanalizime Tiranë, duke theksuar se është e papranueshme që në kulmin e verës të mbeten për dy ditë rresht pa energji elektrike dhe pa ujë. JOQ Albania publikon shqetësimin e qytetarëve dhe pret një reagim nga institucionet përgjegjëse mbi arsyet e kësaj situate dhe afatin e rikthimit të shërbimeve.

23.6K views