Kreu i grupit parlamentar socialist, Taulant Balla, ka ironizuar kreun e Partisë Mundësia, Agron Shehaj, përmes një reagimi në rrjetet sociale. Në një postim në Facebook, Balla ka komentuar me tone ironike ndaj Shehajt, duke aluduar për largimin e tij drejt Italisë pas protestës së qytetarëve kundër ndërtimeve në Zvërnec, ndërsa e cilëson Shehajn si “të vetëshpallur lider” të saj. “Mbaroi protesta, tani i vetshpalluri lider i saj, ikën për ëeekend në Itali. Ju thashë çunave dhe gocave të flamingove, mos e qasni aty. Ky tradhëtoi Lulin dhe Mulin (Saliun se ze me gojë) jo më ju”, shkruan Balla në postimin e tij. Deklarata e deputetit socialist vjen pasi ka pasur replika të ashpra me Shehajn në seancën e fundit parlamentare, por jo vetëm. #taulantballa #agronshehaj #voxnews #media #news @voxnews.al

13.2K views

Një moment tensioni u regjistrua gjatë protestës së zhvilluar sot pasdite para Kryeministrisë, kur një prej pjesëmarrësve mori mikrofonin dhe përdori gjuhë fyese e ofenduese ndaj kryeministrit Edi Rama dhe kreut të Partisë Demokratike, Sali Berisha. Situata zgjati vetëm pak çaste, pasi pjesëmarrës të tjerë në protestën për kundërshtimin e projektit të Zvërnecit, ndërhynë menjëherë duke i marrë mikrofonin dhe ndërprerë fjalimin e tij. Pjesëmarrësit në protestë u shprehën se qëllimi i tyre është të përcjellin mesazhet e tyre përmes protestës dhe revoltës qytetare, por pa përdorur gjuhë fyese apo ofendime ndaj figurave politike. Ngjarja nuk shkaktoi incidente të tjera dhe protesta vijoi normalisht pas ndërhyrjes së protestuesve. Për më shumë klikoni në STORY👆 #voxnews #media #news @voxnews.al

23K views

Në fund të protestës, qytetarët vijojnë traditën e pastrimit të ambientit #voxnews #media #news #tirana

94.6K views

Skena të rralla janë regjistruar në kryeqytet, teksa protesta e nisur para Kryeministrisë, ende vijon në rrugët kryesore të Tiranës. Protestues të shumtë kanë vijuar të marshojnë duke përshkuar rrugët nga Bulevardi Zogu I dhe tek Zogu i Zi e më gjerë. Ndërkohë qytetarët që kanë qenë duke lëvizur me makinë në këtë zonë kanë dalë nga makinat i kanë përshëndetur dhe duartrokitur, ndërsa disa i kanë përshëndetur me bori. #voxnews #media #news

14.4K views

Protesta në Tiranë kundër ndërtimit të resortit në Zvërnec, është shoqëruar edhe me thirrje për zbardhjen e shumë ngjarjeve të rënda që kanë tronditur vendin ndër vite. Protestuesit nuk harruan që të kërkojnë drejtësi edhe për ngjarjen e njohur si masakra e Pëshkëpisë, e ndodhur më 10 prill 1994, ku 2 ushtarakë të Forcave të Armatosura të Shqipërisë u vranë dhe 3 të tjerë u plagosën nga një formacion paraushtarak i një grupi nacionalist grek, pjesë e së cilës dyshohet fort se ka qenë dhe Fredi Beleri, sot eurodeputet. Nëpërmjet një pankarte me përmasa të mëdha që u shpalos para Kryeministrisë, protestuesit kërkuan drejtësi për vrasjen e Fatmir Shehut dhe Arsen Gjinit. “Fredi Beleri – I akuzuari”, thuhet në pankartë. Sulmi, ndaj një reparti kufitar pranë fshatit Peshkëpi të Dropullit, katër kilometra brenda kufirit shqiptar, solli vrasjen e dy ushtarakëve shqiptarë dhe plagosjen e tre të tjerëve. Ai nisi herët në mëngjesin e 10 prillit 1994 dhe u mor përsipër nga formacioni paraushtarak i një grupi nacionalist grek që kërkonte bashkimin e një pjese të Shqipërisë së Jugut me Greqinë. Pika kufitare e Peshkëpisë kishte në ato kohë 130 rekrutë të rinj dhe të paarmatosur. #voxnews #media #news @voxnews.al

7824 views

Pentagoni pritet të braktisë planet për vendosjen e raketave lundruese Tomahawk në Gjermani, një vendim që do të përbënte një ndryshim të rëndësishëm në strategjinë amerikane të mbrojtjes në Evropë, raporton Politico duke cituar zyrtarë amerikanë dhe evropianë. Sipas raportimit, administrata e presidentit Donald Trump po rishikon angazhimet ushtarake të Shteteve të Bashkuara në Evropë dhe shqyrton reduktimin e disa kapaciteteve që më parë ishin planifikuar të dislokoheshin në territorin gjerman. Vendimi lidhet me shqetësimet se vendosja e raketave Tomahawk mund të perceptohet nga Moska si një përshkallëzim i drejtpërdrejtë dhe të nxisë kundërmasa nga Rusia. Një faktor tjetër është gjendja e rezervave amerikane të armëve precize pas operacioneve të fundit ushtarake kundër Iranit. Sekretari amerikan i Mbrojtjes, Pete Hegseth, ka paralajmëruar se rikthimi i stokut të raketave Tomahawk dhe Patriot mund të kërkojë “muaj dhe vite”. Lëvizja shihet si pjesë e një riorientimi më të gjerë të politikës amerikane ndaj NATO-s dhe sigurisë evropiane. Sipas Politico-s, planet për vendosjen e 5 mijë trupave shtesë amerikane në Gjermani janë anuluar, ndërsa po shqyrtohen edhe reduktime të mundshme të avionëve, dronëve dhe mjeteve detare amerikane në Evropë. Administrata Trump ka kërkuar vazhdimisht që aleatët evropianë të marrin më shumë përgjegjësi për mbrojtjen e tyre. Gjermania është ndër vendet më të prekura nga ky ndryshim. Kancelari Friedrich Merz ka pranuar se disponueshmëria e kufizuar e raketave amerikane e bën të pamundur, të paktën për momentin, realizimin e planit. “Amerikanët nuk kanë mjaftueshëm as për veten e tyre”, është shprehur Merz. Berlini ka kërkuar të blejë raketa Tomahawk dhe sistemet përkatëse të lëshimit, por sipas ministrit të Mbrojtjes Boris Pistorius, nuk ka marrë ende përgjigje nga Washingtoni. #voxnews #media #news

2579 views

Protestuesit bllokojnë makinat pranë Bulevardit të ri #edirama #tirana #voxnews #media #news

3159 views

Protestuesit refuzojnë të shkojnë në shtëpi, ulen para Kryeministrisë #edirama #tirana #voxnews #media #news @voxnews.al

9808 views

Pas përfundimit të takimit me banorët e Zvërnecit, ku diskutoi në lidhje me projektin që parashikohet të zhvillohet në atë zonë dhe iu përgjigj të gjitha pyetjeve të tyre, kryeministri Edi Rama ka zhvilluar një miting më socialistët e Vlorës. Mitingu u mbajt në sheshin “Flamuri” të qytetit bregdetar në kuadër të 35-vjetorit të themelimit të PS. Rama tregoi se ka ardhur nga Tivati, duke thënë se një vend me 10 mijë banorë, sot pret 5 milionë turistë. Ai tha se kjo vjen vetëm falë projektit turistik që u zhvillua. Kryeministri tregoi se investitorët në Tivat erdhën dhe në Shqipëri, por se nuk u mirëpritën. Më tej, deklaroi se investimi në Zvërnec do të jetë një bekim për ekonominë e Shqipërisë. #edirama #vlore #voxnews #media #news @voxnews.al

8463 views

Atmosfera në protestën e zhvilluar në bulevard është shoqëruar me flamuj kombëtarë, pankarta dhe thirrje të shumta kundër klasës politike, ndërsa mijëra qytetarë kanë ndezur blicet e telefonëve, duke krijuar një panoramë mbresëlënëse në qendër të Tiranës. Mes thirrjeve për ndryshim politik dhe largimin e qeverisë, protestuesit kanë artikuluar edhe slogane të forta kundër institucioneve dhe përfaqësuesve politikë. “Revolucion!” dhe “Armiku është në Parlament!”, ishin disa nga thirrjet që u dëgjuan gjatë tubimit. Tubimi është zhvilluar në një atmosferë të ngarkuar me mesazhe politike, ndërsa protestuesit kanë deklaruar se do të vazhdojnë mobilizimin e tyre për kërkesat që kanë ngritur prej disa ditësh, ku kryeson largimi i kryeministrit Edi Rama. “Rama ne ta grisim kontratën!”, tha një prej tyre. Një prej protestuesve iu drejtua me tone të ashpra kryeministrit Edi Rama dhe kreut të PD, duke deklaruar se ata nuk përfaqësojnë më vullnetin e qytetarëve. “Si Berisha dhe Rama të hapin veshët dhe të dëgjojnë mesazhin që vjen qartë nga ky shesh. Ju nuk na përfaqësoni më”, u shpreh ai. Protestuesi shtoi se, sipas tij, një pjesë e madhe e qytetarëve brenda vendit dhe në diasporë kërkojnë ndryshim politik. “Shumica e popullit shqiptar në shesh dhe ata në diasporë kanë një mesazh të qartë për ju: Rama dhe Berisha, jeni të pushuar nga puna”, deklaroi ai mes thirrjeve të protestuesve. #edirama #tirana #voxnews #media

6249 views

Biznesmeni Artur Shehu foli në një intervistë për emisionin “Opinion” për çështjen e tokës së tij në Zvërnec. Shitja e tokës te investitorët është bllokuar nga SPAK, por Shehu tha se nuk kishte asnjë problem dhe prokuroria mund të hetojë. “Unë jam një nga pronarët e tokës në Zvërnec. 460 hektarë janë të fisit tonë. Kemi me certifikatë pronësie rreth 253 hektarë. Prona jonë është e padiskutueshme. Do të vijë avokati im aty që t’ua shpjegojë. Është pronë e vjetër dhe jo e blerë. SPAK-u ka punën e vet. Le ta verifikojë. Puna ime është që të sjell letrat dhe le të shohë letrat. Investitorët nuk i njoh fare. Kam ndërmjetës. Takim në Aruba? Absolutisht jo. Kjo nuk ka lidhje me as ministra dhe as kryeministra. Është komplet fake news. Takim? Absolutisht jo. Avokatin e kam gati dhe le të flasë me SPAK Kam 29 vjet pa ardhur në Shqipëri. Kam azil politik në Amerikë. Më pëlqen paneli që keni sot aty sidomos Agron Shehaj dhe Adriatik Lapaj që janë vlonjatë. Ju kam shumë xhan”, tha Shehu. #voxnews #media #news

36.7K views

Sipas Sekretarit të Shtetit Marco Rubio, qeveria amerikane dëshiron të mbetet anëtare e NATO-s, por kërkon reforma. Duke folur para Komitetit për Çështjet e Jashtme të Dhomës së Përfaqësuesve në Uashington, Rubio deklaroi se Presidenti Trump do të marrë pjesë në samitin e NATO-s muajin e ardhshëm në Turqi. Atje, ai do të paraqesë kërkesën e SHBA-së për ndryshim dhe përsëri do të bëjë thirrje për aleatët që të rrisin shpenzimet e tyre për mbrojtje. Megjithatë, aleanca ushtarake duhet të reformohet. Samiti do të mbahet më 7 dhe 8 korrik në Ankara. “Ne jemi ende anëtarë të NATO-s, por NATO ka nevojë për ndryshime të thella, dhe Presidenti e ka bërë të qartë këtë,” tha Rubio. Trumpi është veçanërisht i irrituar nga fakti që disa vende të NATO-s, veçanërisht Spanja, refuzojnë t’i lejojnë SHBA-të të përdorin bazat ajrore për luftën kundër Iranit. Sekretarit të Shtetit të SHBA-së iu bë gjithashtu pyetje për kërkesën e Trump-it në lidhje me kontrollin e Groenlandës. Groenlanda është “për momentin” pjesë e Danimarkës, tha Rubio. Diskutimet për përdorimin e këtij territori për qëllime të mbrojtjes kolektive janë në zhvillim e sipër. Ministri nuk dha asnjë detaj. “Mendoj se do të kemi disa lajme shumë të mira.” #voxnews #media #news @voxnews.al

5210 views

Ish-futbollisti i Kombëtares Igli Tare është vënë nën hetim nga SPAK në kuadër të dosjes së Belinda Ballukut. Lajmi ka tërhequr edhe vëmendjen e mediave italiane që shkruajnë se ish-drejtori sportiv i Milanit po përballet me kohë të vështira. “Këto janë javë të ndërlikuara për Igli Taren, i cili së fundmi u largua nga Milani pas vetëm një viti. 52-vjeçari është hetuar në vendin e tij të lindjes me akuza për pastrim parash, si pjesë e hetimit që përfshin ish-zëvendëskryeministren e Shqipërisë Belinda Balluku, e cila akuzohet për shkelje të procedurave të tenderit. Zyra e Prokurorit të Posaçëm të Shqipërisë kundër Krimit të Organizuar dhe Korrupsionit (SPAK) po heton incidentin dhe thuhet se e ka vënë nën hetim edhe ish-lojtarin e Lazios për korrupsion”, shkruan Tgcom. Në artikull nënvizohet se Tare u mor në pyetje për 6 orë dhe sipas hetimeve të SPAK, Balluku vilën dykatëshe në jug të vendit s’mund ta regjistronte në emër të saj dhe për ta fshehur pasurinë, SPAK thotë se ka përdorur ish futbollistin Igli Tare dhe një vartëse të saj në Albcontrol. “Tare u mor në pyetje për gjashtë orë. Hetimi është ende duke vazhduar dhe lidhja midis ish-menaxherit të Milanit dhe Ballukut thuhet se është një vilë në bregdetin jonian të Shqipërisë. Vila dyshohet se iu ofrua ish-zëvendëskryeministres si ryshfet për një kontratë të dhënë një kompanie ndërtimi kur ai ishte menaxher në kompaninë e kontrollit të trafikut ajror Albcontrol. Për të mbuluar operacionin, prona u regjistrua në emër të Igli Tares, me këtë të fundit që dyshohet se hartoi "një marrëveshje fiktive qiraje me ish-shefin e stafit të Ballukut". Sipas hetuesve, pra, vila e Tares është në pronësi të Ballukut, i cili dyshohet se e ka përdorur atë gjatë viteve. Duhet të mbahet mend se këto janë vetëm akuza të supozuara, të cilat do të duhet të provohen në fazat pasuese të hetimeve”, shkruhet më tej në artikull. #voxnews #media #news

6029 views

Gazetari Artin Halili zbuloi të tjera detaje rreth profilit të Violand Braçellarit, 43-vjeçari që dyshohet se vrau efektivin e policisë Enea Mekolli dhe plagosi kolegun e tij Edison Adri. Halili bëri me dije se Braçellari jetonte prej vitesh në stanin e malit të Bodes. Madje në një rast ai ka tërhequr zvarrë një bari në pyll dhe e ka lidhur në një pemë. “Policia e Korçës kishte marrë informacion në rrugë operative se shtetasi 43-vjeçar Violand Braçellari ndodhej në stan në malin e Bodes, të fshatit Lozhan. Brenda disa orësh kanë organizuar një plan pune për të shkuar dhe për të bërë të mundur arrestimin e tij. Më pas ndodhi edhe ajo çfarë ndodhi, duke lënë pas një viktimë, Enea Mekolli, polic i ‘Shqiponjave’ dhe i plagosur kolegu i tij, Edison Adri”, bën me dije gazetari. “Ai është prej 10 vitesh në kërkim nga Policia e Korçës. Ka pasur disa aksione te forcave RENEA për të bërë arrestimin e tij. Nuk ishte kërkuar ndihmë nga RENEA për ndërhyrjen. Ai kishte disa vite që ndodhej atje në stan. Ai kishte ngritur një kompleks stallash. Kishte kohë që jetonte aty me nënën e vet. Duhet theksuar që s’ka qenë aq shumë i fshehur saqë policia mos kishte informacion. Para dy vitesh ka rënë një zjarr masiv në malin e Bodes. Në këtë periudhë është shfaqur Braçellari. Në këtë periudhë ai ka dhunuar një tjetër bari të zonës, që sipas të dhënave që kemi siguruar, jo vetëm e ka dhunuar fizikisht, por për një orë e ka tërhequr zvarrë nëpër pyll, me kalin e vet, pasi mendonte se bariu i kishte vendosur flakën pyllit. Më pas është gjetur i lidhur në një pemë”, tha gazetari nw emisionin “Off the Record” në A2CNN. #voxnews #media #news

20.4K views

Gjermania, Franca dhe Britania e Madhe po punojnë me Ukrainën për të krijuar një kuadër që mund të hapë rrugën për negociata me Rusinë, në përpjekje për t’i dhënë fund luftës që vijon prej më shumë se katër vitesh. Sipas Bloomberg, që citon burime të njohura me diskutimet, zyrtarë nga tre ekonomitë më të mëdha evropiane kanë shqyrtuar mundësinë e nisjes së bisedimeve që do të përfshinin si Kievin ashtu edhe Moskën. Burimet thanë se kjo ide është diskutuar edhe me autoritetet ukrainase. Sipas tyre, Berlini, Parisi dhe Londra besojnë se zhvillimet e fundit në fushëbetejë kanë krijuar një moment më të favorshëm për presidentin ukrainas Volodymyr Zelensky. Me përpjekjet e udhëhequra nga Shtetet e Bashkuara që kanë ngecur dhe me forcat ruse që po përballen me humbje në rritje në një front të karakterizuar nga ngërçi ushtarak, aleatët evropianë shohin një mundësi për ta sjellë presidentin rus Vladimir Putin në tryezën e negociatave. Presioni ndaj Kremlinit është shtuar edhe nga sulmet me dronë të Ukrainës në thellësi të territorit rus, si dhe nga shenjat e para të pakënaqësisë ndaj luftës brenda disa qarqeve të udhëheqjes në Moskë. Sipas raportimit, një nga arsyet kryesore për të vepruar tani është shmangia e një dimri tjetër gjatë të cilit Rusia mund të intensifikojë sulmet ndaj civilëve dhe infrastrukturës energjetike ukrainase. Megjithatë, burimet theksuan se çdo vendim për t’iu afruar Moskës mbetet në dorën e Zelensky-it dhe se vendet evropiane nuk do të ushtrojnë presion mbi Kievin për të ndjekur një strategji që ai nuk e mbështet. Kryeministri britanik Keir Starmer pritet të zhvillojë bisedime në ditët në vijim me kancelarin gjerman Friedrich Merz dhe presidentin francez Emmanuel Macron lidhur me këtë çështje. Jo të gjithë brenda vendeve të ashtuquajtura E3 mbështesin një qasje të tillë. Disa zyrtarë argumentojnë se koha nuk është e përshtatshme për negociata, pasi Putin nuk ka treguar gatishmëri reale për kompromis dhe vazhdon të paraqesë kërkesa maksimaliste, përfshirë dorëzimin nga Ukraina të territoreve që aktualisht nuk kontrollohen nga Rusia. Sipas këtij grupi, aleatët duhet të përqendrohen në furnizimin e Ukrainës me më shumë armë dhe në forcimin e mëtejshëm të sanksioneve ndaj Rusisë. Burimet shtuan se vendet evropiane duhet të koordinohen ngushtë me Shtetet e Bashkuara për çdo nismë diplomatike, pasi pengesa kryesore për negociatat ndodhet në Moskë dhe jo në Kiev. #voxnews #media #news

7528 views

Ylli Manjani, i ftuar në Euronews Albania, ka shpërthyer ndaj një pjese të protestuesve që, sipas tij, e kanë sharë dhe ofenduar në rrjetet sociale dhe në telefonin e tij. Manjani, i pyetur nga moderatorja Erla Mëhilli në lidhje me protestën, tha se nuk e kishte ndjekur atë dhe u dha një mesazh atyre që e ofendojnë. Ndërsa më tej, ai nuk i kurseu sharjet dhe ofendimet e rënda ndaj një pjese të protestuesve. Mëhilli: Si e ke parë protestën? Manjani: S’e kam parë fare deri më tani, me thënë të drejtën. Kam marrë vesh se ka pasur një protestë, erdha këtu dhe e pashë, por s’më ka dhënë asnjë emocion. Mëhilli: Si nuk të jep emocione? Manjani: Nuk më jep, çfarë problemi ka? Dhe më tepër, kur disa prej tyre kanë marrë guximin të më shajnë në telefonin tim me rob shpie, robt ku t’i kenë. Ja, po e filloj kështu… Mëhilli: Të ruajmë etikën. Manjani: Etikën ta ruajnë ata, se kurva e kurvarë, po e përdor tani, ata legenë, pisa, qelbësira, të cilët trashin gjuhën në mënyrë private. Ata që kanë marrë përsipër të më shajnë në telefonin tim, janë të sharë deri në brezin e tretë, se s’po çoj më shumë. Ku t’i kenë! Hajdeni tani me gjithë protestë, se s’dua t’ia di fare. Mëhilli: Na kanë sharë të gjithëve. Manjani: Nuk i kam askujt borxh. Unë dhe familja ime s’i kemi borxh askujt. Kjo dhunë është pisllëk. #voxnews #media #news

36.5K views

Një foto e Enea Mekollit është vendosur në shkallët e Kryeministrisë, e shoqëruar me dy lule. “Sot protestoj për Enean, që u vra nga shteti”, shkruhej në foton e vendosur. Enea Mekolli humbi jetën këtë të enjte pas një aksioni për kapjen e një personi me rrezikshmëri të lartë në Maliq. Ndërkohë, protestuesit kërkojnë anulimin e projektit në Zvërnec, ndërsa gjatë tubimit janë dëgjuar edhe thirrje për dorëheqjen e kryeministrit Edi Rama. Protestuesit theksojnë se protesta është e qytetarëve dhe e asnjë partie politike, duke përjashtuar edhe forcat e reja. Protestuesit kanë rreshtuar edhe pesë kërkesa, që nga dorëheqja e kryeministrit Edi Rama dhe rënia e qeverisë aktuale, te shfuqizimi i statusit që lidhet me investitorët strategjikë, shfuqizimi i Paketës së Maleve, anulimi i ndryshimeve në ligjin për zonat e mbrojtura dhe atyre te ligji për trashëgiminë kulturore shqiptare. #voxnews #media #news @voxnews.al

8442 views

Detaje të reja dalin në dritë nga ngjarja e rëndë e ndodhur në Lozhan të Maliqit, ku humbi jetën efektivi i policisë, Enea Mekolli, ndërsa mbeti i plagosur kolegu i tij, Edison Adri. Mësohet se lëvizjet e të shumëkërkuarit Violand Braçellari kishin mbërritur në Polici që një ditë më parë. Sipas të njëjtave burime, 43-vjeçari ishte parë duke lëvizur lirshëm në fshat, ndërsa më pas dyshohet se ishte strehuar në stanin ku ndodhi edhe përplasja me forcat e policisë. Ndërsa kanë nisur hetimet për ngjarjen, ka pikëpyetje serioze mbi mënyrën se si është organizuar operacioni policor. Mësohet se në terren kanë ndërhyrë vetëm rreth 40 efektivë të forcës “Shqiponja”, pavarësisht historikut të gjatë kriminal dhe nivelit të lartë të rrezikshmërisë të Braçellarit. Ky fakt ka ngritur dyshime mbi vlerësimin e riskut dhe planin operacional të ndjekur, sidomos duke pasur parasysh se i shumëkërkuari kishte mundur t’u shpëtonte disa operacioneve të mëparshme. Braçellari kishte shmangur të paktën katër operacione të mëhershme të forcave speciale, çka shton pikëpyetjet se përse në këtë ndërhyrje nuk kishte mbështetje nga forcat RENEA. Në fokus të kritikave është drejtori Policisë së Korçës, Vilson Bala, i cili ka marrë detyrën prej pak muajsh. #voxnews #media #news @voxnews.al

9685 views

Një përplasje ka ndodhur në seancën e sotme plenare mes ministrit të Bujqësisë, Andis Salla dhe deputetit socialist Erion Braçe, pas një interpelance të kërkuar nga ky i fundit. Salla e akuzoi Braçen se ka keqinformuar fermerët dhe ka ngritur alarme fals, ndërsa deputeti iu kthye duke i thënë se ai është i vetmi ministër i Bujqësisë që nuk e pranon që TVSH-ja ka shkatërruar blegtorinë. #voxnews #media #news #erionbrace

14.6K views

Ish-deputeti i PD, Edmond Spaho ka reaguar me tone të forta kundër protestës për Zvërnecin, për të cilën tha se është një komplot kundër vendit. Spaho thotë se “kjo lëvizje është komplot kundër vendit dhe shpejt do t’ia ndjejmë tymin”. Reagimi i Spahos: Vetëm një i leshtë mund të mendojë që kjo protestë nuk është e manipuluar dhe nuk ka komponentë politikë dhe mbështetje nga jashtë. Organizimi dhe financimi i protestës tregon që forca të tjera janë pas saj. E majta ekstreme, fondamentalistë ambientalistë, anarkistë, antitrampistë, marksistë-leninistë, LGBTQ dhe armiqtë tradicionalë të Shqipërisë janë bërë së bashku dhe kanë ndërmarrë këtë kryqëzatë. Tani po kalojnë në fazën e protestave nëpër Europë. Në vend që të përqendrohemi në plotësimin e kushteve për mbylljen e procesit të anëtarësimit në BE, Shqipëria po i drejtohet frikshëm, me vullnetin e saj, destabilizimit politik. Organizatorët e destabilitetit po fshihen pas mbrojtjes së ambientit, por kërkesat e tyre janë tërësisht politike dhe përfshijnë largimin e qeverisë. Plotësisht dakord për protestë politike; qeveria Rama duhej të kishte ikur prej vitesh. Po cilët jeni ju që doni të vini në pushtet, kë përfaqësoni, çfarë programi keni, cili është lideri juaj? Unë nuk mund të pranoj të përfaqësohem nga vagabondë që bërtasin në kor "tqr". Ata janë llumi i shoqërisë. Ju që fshiheni pas tyre, a keni emra? Pse nuk dilni në publik? Kam jetuar 32 vjet nën thundrën marksiste-leniniste dhe do ta kundërshtoj që një marksist-leninist si Arlind Qori të marrë drejtimin e vendit duke manipuluar turmat. Kjo lëvizje është komplot kundër vendit dhe shpejt do t’ia ndjejmë tymin. #voxnews #media #news

5421 views