Ka ndërruar jetë fëmija që ishte goditur nga një veturë më 27 maj në fshatin Zhur të Prizrenit, pas 11 ditësh betejë për jetën në Qendrën Klinike Universitare të Kosovës.

Sipas informacioneve, aksidenti kishte ndodhur rreth orës 15:20 në rrugën “Sali Zhuri”, kur një veturë e tipit Citroen C2, që drejtohej nga një grua, kishte goditur fëmijën sapo ai kishte dalë në rrugë nga oborri i shtëpisë së familjes së tij.

Burimet bëjnë të ditur se pas goditjes, fëmija ishte tërhequr zvarrë nga automjeti deri në ndalimin e tij përfundimtar, duke pësuar lëndime të rënda, veçanërisht në pjesën e kokës.

Fillimisht ai ishte trajtuar në Spitalin Rajonal të Prizrenit, por për shkak të përkeqësimit të gjendjes shëndetësore ishte transferuar në QKUK për trajtim të specializuar.

Sot, më 7 qershor, autoritetet janë njoftuar nga QKUK se fëmija nuk ka arritur t’u mbijetojë plagëve të marra në aksident.

Me urdhër të prokurorit kujdestar, trupi i pajetë është dërguar në Institutin e Mjekësisë Ligjore për autopsi, ndërsa rasti tashmë pritet të trajtohet si aksident trafiku me pasojë vdekjen.

Hetimet për zbardhjen e plotë të rrethanave të ngjarjes janë në vazhdim.

Sinjali – aty ku e vërteta flet para lajmit!

/GazetaSinjali/

The post E rëndë: Ndërron jetë fëmija i goditur nga vetura në Zhur pas 11 ditësh luftë për jetën appeared first on Sinjali.

Instituti Hidrometeorologjik i Kosovës ka parashikuar një javë me mot kryesisht të ngrohtë dhe stabil, të shoqëruar me periudha të diellit, vranësira lokale dhe reshje të herëpashershme shiu, ndërsa në disa zona nuk përjashtohet as mundësia e breshrit.

Gjatë pjesës më të madhe të javës, vendi do të ndikohet nga masa ajrore të qëndrueshme, duke sjellë mot me diell dhe temperatura mbi vlerat mesatare për këtë periudhë të vitit. Megjithatë, nga mesi i javës pritet depërtimi i një fronti të dobët atmosferik, i cili do të sjellë zhvillime të vranësirave, reshje lokale dhe shkarkesa elektrike.

Sipas parashikimit, të hënën dhe të martën moti do të jetë kryesisht i kthjellët dhe stabil, me temperatura që do të arrijnë deri në 29 gradë Celsius. Nga e mërkura e në vazhdim, pritet rritje e vranësirave dhe reshje të izoluara shiu, të shoqëruara me stuhi të shkurtra dhe mundësi për breshër në disa zona.

E enjtja dhe e premtja do të sjellin një ulje të lehtë të temperaturave, me reshje të përkohshme dhe kushte më të freskëta atmosferike në të gjithë territorin e vendit.

Autoritetet meteorologjike kanë paralajmëruar indeks të lartë UV gjatë ditës, duke rekomanduar shmangien e ekspozimit të gjatë në diell gjatë orëve të mesditës, ndërsa kushtet biometeorologjike vlerësohen përgjithësisht të favorshme për shumicën e qytetarëve.

Sinjali – aty ku e vërteta flet para lajmit!

/GazetaSinjali/

The post Java e motit në Kosovë: temperatura të larta, por edhe reshje lokale dhe breshër appeared first on Sinjali.

Komisioni Qendror i Zgjedhjeve ka publikuar rezultatet preliminare të zgjedhjeve të parakohshme parlamentare të mbajtura sot në Kosovë.

Sipas kryesuesit të KQZ-së, Kreshnik Radoniqi, deri në përditësimin e fundit janë procesuar rreth 96.84% e vendvotimeve, ku Lëvizja Vetëvendosje prin me 43.06% të votave.

Në vendin e dytë renditet Partia Demokratike e Kosovës me 21.24%, ndërsa Lidhja Demokratike e Kosovës me 17.70%. Aleanca për Ardhmërinë e Kosovës ka marrë 7.07%.

Radoniqi theksoi se këto janë rezultate preliminare dhe se procesi ende nuk ka përfunduar, pasi pritet numërimi i votave me postë, votave me kusht dhe votave të diasporës.

Ai shtoi se nga nesër do të nisë edhe numërimi në Qendrat Komunale të Numërimit, ndërsa rezultatet përfundimtare do të publikohen pas përmbylljes së të gjitha procedurave.

Sinjali – aty ku e vërteta flet para lajmit!

/GazetaSinjali/

The post KQZ shpall rezultatet preliminare: LVV prin, PDK e dyta, LDK e treta appeared first on Sinjali.

Një person ka humbur jetën sonte në Gjakovë në rrethana tragjike, ndërsa sipas informacioneve të para, motivi i ngjarjes dyshohet të lidhet me një konflikt paraprak mes fëmijëve, i cili më pas ka eskaluar mes të rriturve.

Në Spitalin Rajonal të Gjakovës janë parë forca të shumta policore, teksa autoritetet po merren me zbardhjen e plotë të rastit dhe identifikimin e të gjitha rrethanave që çuan deri te ngjarja fatale.

Hetimet janë në fazën fillestare dhe ende nuk ka një version zyrtar për motivin apo rrjedhën e saktë të ngjarjes.

Lajmi në përditësim.

Sinjali – aty ku e vërteta flet para lajmit!

/GazetaSinjali/

The post EKSKLUZIVE | Dyshohet se vrasja në Gjakovë ndodhi pas një zënke mes fëmijëve, Policia në numër të madh në spital appeared first on Sinjali.

Kandidatja për presidente nga radhët e Lidhjes Demokratike të Kosovës (LDK), Vjosa Osmani, ka reaguar pas publikimit të rezultateve preliminare të zgjedhjeve parlamentare, ku partia e saj ka arritur rreth 17.69 për qind të votave.

Osmani ka falënderuar qytetarët për mbështetjen, duke theksuar se LDK ka shënuar rritje të ndjeshme pavarësisht kohës së shkurtër të fushatës.

“Ajo që kemi parë është rritje e votës elektorale për rreth 34 për qind dhe 20 mandate, që për ne është rritja më e madhe e një subjekti politik në këto zgjedhje”, tha Osmani.

Ajo shtoi se ky rezultat përbën vetëm fillimin e procesit të ringritjes së LDK-së, duke paralajmëruar punë më të madhe në terren dhe afër qytetarëve.

“Ky është veç hapi i parë drejt ringritjes, por na jep shpresë se jemi në rrugën e duhur”, u shpreh Osmani.

Sinjali – aty ku e vërteta flet para lajmit!

/GazetaSinjali/

The post Osmani pas rezultateve: Ky është vetëm hapi i parë i ringritjes së LDK-së appeared first on Sinjali.

Qindra mijëra besimtarë nga e gjithë Spanja dhe vende të tjera u mblodhën në rrugët e Madridit për të marrë pjesë në meshën e hapur të udhëhequr nga Papa Leo XIV, në kuadër të vizitës së tij zyrtare në vend.

Sipas organizatorëve, më shumë se një milion njerëz morën pjesë në ceremoninë fetare të mbajtur në Plaza de Cibeles, duke e kthyer qendrën e kryeqytetit spanjoll në një nga tubimet më të mëdha fetare të viteve të fundit.

Papa Leo XIV përshëndeti turmat nga papamobili, ndërsa besimtarët valëvitnin flamuj të Spanjës dhe Vatikanit dhe brohorisnin në mbështetje të kreut të Kishës Katolike.

Gjatë predikimit të tij, Papa bëri thirrje për solidaritet, ndihmë ndaj të varfërve dhe mbështetje për njerëzit në nevojë, duke theksuar se besimi duhet të shfaqet përmes veprave dhe jo vetëm përmes fjalëve.

Në meshë morën pjesë edhe Mbreti Felipe VI dhe Mbretëresha Letizia, ndërsa autoritetet spanjolle kishin angazhuar masa të shtuara sigurie për mbarëvajtjen e aktivitetit.

Vizita e Papës në Spanjë do të vazhdojë gjatë javës me takime dhe aktivitete të tjera fetare e institucionale.

Sinjali – aty ku e vërteta flet para lajmit!

/GazetaSinjali/

The post Mbi një milion besimtarë në Madrid, Papa Leo XIV mban meshë madhështore në zemër të qytetit appeared first on Sinjali.

Përfaqësuesja e Iranit ka mbërritur në Meksikë për të nisur përgatitjet për Kupën e Botës 2026, ndërsa pjesëmarrja e saj në turne po shoqërohet me polemika rreth vizave amerikane.

Ekipi iranian zbarkoi në Aeroportin Ndërkombëtar të Tijuanës, ku do të vendoset përkohësisht para ndeshjeve të fazës së grupeve që do t’i zhvillojë në Shtetet e Bashkuara të Amerikës.

Sipas raportimeve, autoritetet amerikane kanë lëshuar viza për lojtarët dhe stafin esencial të kombëtares, por hyrja në SHBA u është refuzuar 15 zyrtarëve dhe anëtarëve të tjerë të delegacionit iranian.

Federata iraniane e futbollit e ka cilësuar vendimin si ndërhyrje politike në sport, duke shprehur pakënaqësi për kufizimet e vendosura para nisjes së turneut.

Irani do të luajë të gjitha ndeshjet e grupit në territorin amerikan, ndërsa lojtarët dhe stafi i autorizuar pritet të udhëtojnë për çdo ndeshje sipas rregullave të përcaktuara nga autoritetet amerikane.

Botërori 2026 nis më 11 qershor dhe shënon një situatë të pazakontë, pasi Irani do të luajë në një nga vendet organizatore me të cilin aktualisht ka tensione të theksuara politike.

Sinjali – aty ku e vërteta flet para lajmit!

/GazetaSinjali/

The post Irani zbarkon në Meksikë për Botërorin, SHBA refuzon vizat për disa zyrtarë appeared first on Sinjali.

Procesi i numërimit të votave në kryeqytet po vazhdon, ndërsa rezultatet preliminare tregojnë një epërsi të thellë të Lëvizjes Vetëvendosje.

Sipas të dhënave të fundit të Komisionit Qendror të Zgjedhjeve, pas numërimit të 48% të votave në Prishtinë, LVV-ja kryeson me 50.25%, duke lënë pas rivalët e saj politikë.

Në vendin e dytë renditet LDK-ja me 25.07%, ndërsa PDK-ja mban pozitën e tretë me 17.66% të votave të numëruara deri më tani. AAK-ja ka siguruar 4.41%.

Rezultatet mbeten preliminare dhe pritet të ndryshojnë me procesimin e kutive të mbetura të votimit, por aktualisht Vetëvendosje po dominon bindshëm garën në kryeqytet.

Sinjali – aty ku e vërteta flet para lajmit!

/GazetaSinjali/

The post Numrohen 48% e votave në Prishtinë, kjo parti po prin appeared first on Sinjali.

Procesi i numërimit të votave po vazhdon në të gjithë Kosovën, ndërsa rezultatet preliminare po japin një pasqyrë gjithnjë e më të qartë të renditjes së subjekteve politike.

Sipas të dhënave të fundit nga Komisioni Qendror i Zgjedhjeve, pas numërimit të mbi 70% të vendvotimeve, Lëvizja Vetëvendosje vazhdon të prijë me mbi 42% të votave.

Në vendin e dytë mbetet Partia Demokratike e Kosovës (PDK) me rreth 22%, ndërsa e treta renditet Lidhja Demokratike e Kosovës (LDK) me afërsisht 18%.

Ndërkohë, Aleanca për Ardhmërinë e Kosovës (AAK) vazhdon të mbajë vendin e katërt me mbi 7% të votave të numëruara deri më tani.

Rezultatet vazhdojnë të përditësohen në kohë reale, ndërsa pritet numërimi i pjesës së mbetur të vendvotimeve për të qartësuar përfundimisht përbërjen e re politike në Kuvendin e Kosovës.

Sinjali – aty ku e vërteta flet para lajmit!

/GazetaSinjali/

The post Numërohen mbi 70% e votave – LVV-ja ruan epërsinë, PDK-ja e dyta appeared first on Sinjali.

Komisioni Qendror i Zgjedhjeve po vazhdon publikimin e rezultateve preliminare nga procesi i numërimit të votave në zgjedhjet parlamentare.

Sipas të dhënave më të fundit, me 40% të votave të numëruara në nivel vendi, Lëvizja Vetëvendosje vazhdon të mbajë vendin e parë me 41.24% të votave.

Në vendin e dytë renditet Partia Demokratike e Kosovës (PDK) me 21.93%, ndërsa Lidhja Demokratike e Kosovës (LDK) mban pozitën e tretë me 18.08%.

Aleanca për Ardhmërinë e Kosovës (AAK) deri në këtë fazë të numërimit ka siguruar 8.31% të votave.

Procesi i numërimit po vazhdon në të gjitha komunat e vendit, ndërsa rezultatet mbeten preliminare deri në përfundimin e plotë të numërimit nga KQZ.

Sinjali – aty ku e vërteta flet para lajmit!

/GazetaSinjali/

The post Numërohen 40% e votave, kjo është renditja e partive appeared first on Sinjali.

Procesi zgjedhor është zhvilluar edhe në institucionet korrektuese në të gjithë Kosovën, në koordinim me Komisionin Qendror të Zgjedhjeve, duke mundësuar ushtrimin e së drejtës së votës për personat e privuar nga liria.

Sipas Shërbimit Korrektues të Kosovës (ShKK), gjithsej 1,509 të burgosur kanë pasur të drejtë vote në këto zgjedhje, ndërsa 653 prej tyre e kanë shfrytëzuar këtë të drejtë.

Zëdhënësi i ShKK-së, Florent Gashi, ka bërë të ditur se procesi i votimit në burgje është organizuar në përputhje me procedurat ligjore dhe standardet zgjedhore, duke garantuar siguri dhe transparencë gjatë gjithë procesit.

Ai theksoi se janë ndërmarrë të gjitha masat organizative dhe të sigurisë në bashkëpunim me KQZ-në, për të mundësuar zhvillimin e qetë të votimit brenda institucioneve korrektuese.

“Procesi i votimit është zhvilluar pa incidente dhe pa pengesa, duke respektuar të drejtat ligjore të të burgosurve që kanë të drejtë vote”, deklaroi Gashi.

Autoritetet kanë bërë të ditur se procesi në këto institucione ka përfunduar në mënyrë të rregullt dhe pa probleme.

Sinjali – aty ku e vërteta flet para lajmit!

/GazetaSinjali/

The post Mbi 600 të burgosur votojnë në institucionet korrektuese në Kosovë appeared first on Sinjali.

Ambasada e Mbretërisë së Bashkuar në Kosovë ka bërë thirrje për pjesëmarrje në procesin zgjedhor, duke inkurajuar qytetarët që të shfrytëzojnë të drejtën e tyre për të votuar.

Në një deklaratë publike, ambasada ka bërë të ditur se ekipet e saj kanë qenë të pranishme në disa zona të Kosovës gjatë ditës së zgjedhjeve, ku kanë vëzhguar nga afër mbarëvajtjen e procesit.

“Ekipet e ambasadës sonë kanë vëzhguar zgjedhjet sot në pjesë të ndryshme të Kosovës. Është mirë të shohësh votuesit në Kosovë duke i ushtruar të drejtat e tyre demokratike”, thuhet në deklaratë.

Ambasada britanike theksoi gjithashtu se ende ka kohë për qytetarët që të dalin dhe të votojnë, duke i ftuar ata të marrin pjesë në mënyrë aktive në vendimmarrjen demokratike.

“Ende ka kohë të dalësh dhe të votosh, prandaj i inkurajojmë të gjithë të përdorin të drejtën e tyre demokratike për të zgjedhur ata që besojnë se do t’i përfaqësojnë më së miri interesat e tyre në Kuvendin e Kosovës”, thuhet më tej në reagim.

Sinjali – aty ku e vërteta flet para lajmit!

/GazetaSinjali/

The post Ambasada britanike inkurajon qytetarët të votojnë: Ende ka kohë për të ushtruar të drejtën demokratike appeared first on Sinjali.

Komisioni Qendror i Zgjedhjeve (KQZ) ka publikuar të dhënat më të fundit mbi pjesëmarrjen e qytetarëve në zgjedhjet e parakohshme parlamentare, duke raportuar një rritje të ndjeshme të daljes në votime gjatë orëve të pasdites.

Sipas statistikave zyrtare, deri në orën 18:00 të drejtën e votës e kanë shfrytëzuar gjithsej 573,825 qytetarë në të gjithë Kosovën.

Ky numër tregon një intensifikim të procesit zgjedhor në orët e fundit të votimit, teksa qytetarët kanë vijuar të paraqiten në qendrat e votimit në mbarë vendin.

KQZ ka bërë të ditur se në këto shifra janë përfshirë vetëm votat në vendvotimet e rregullta, ndërsa ende nuk janë llogaritur votat me kusht, votat e personave me nevoja të veçanta dhe votat nga diaspora.

Procesi zgjedhor pritet të përmbyllet zyrtarisht në orën 19:00, kur edhe do të mbyllen të gjitha qendrat e votimit në vend.

Sinjali – aty ku e vërteta flet para lajmit!

/GazetaSinjali/

The post Mbi 573 mijë qytetarë votojnë deri në orën 18:00, rritet pjesëmarrja në zgjedhje appeared first on Sinjali.

Premier League ka publikuar një përmbledhje të figurave të njohura që kanë qenë pjesë e aktiviteteve gjatë sezonit të fundit, ku mes emrave të përmendur figuron edhe këngëtarja shqiptare me famë botërore, Dua Lipa.

Artistja kishte vizituar gjatë sezonit skuadrën e Arsenalit, duke u bërë pjesë e momenteve të veçanta të klubit londinez. Në atë vizitë, ajo ishte parë edhe në shoqëri të futbollistëve të ekipit, përfshirë mbrojtësin italian Riccardo Calafiori.

Arsenali, që këtë sezon u shpall kampion i Premier League, ka pasur një vit të suksesshëm si në fushë ashtu edhe në vëmendjen mediatike jashtë saj, me praninë e disa figurave të njohura nga bota e artit dhe muzikës.

Postimi i Premier League ka tërhequr vëmendje të madhe në rrjetet sociale, duke rikujtuar ndërthurjen e sportit me kulturën pop dhe ndikimin global të kampionatit anglez.

Sinjali – aty ku e vërteta flet para lajmit!

/GazetaSinjali/

The post Premier League kujton personazhet e njohur të sezonit, në listë edhe Dua Lipa appeared first on Sinjali.

Katër persona janë arrestuar sot në Prizren, në kuadër të një operacioni policor që lidhet me dyshimet për ndërhyrje në procesin zgjedhor, mëson Sinjali.

Rasti është regjistruar gjatë ditës së zgjedhjeve, ku njësitet e Policisë së Kosovës kanë ndërmarrë veprime të menjëhershme hetimore pas informacioneve të pranuara për dyshime në cenim të integritetit të procesit zgjedhor.

Siç mëson Sinjali, me urdhër të Prokurorisë kompetente janë bastisur në territorin e Prizrenit, ku gjatë kontrollit janë shoqëruar dhe arrestuar katër persona të dyshuar.

Gjatë aksionit kanë marrë pjesë njësi relevante policore, përfshirë hetuesit dhe njësitë e krimteknikës, ndërsa të dyshuarit janë dërguar në stacionin policor për intervistim.

Sipas burimeve të para hetimore, dyshohet se rasti lidhet me ndërhyrje të mundshme në procesin e votimit, por motivet dhe rrethanat e sakta ende janë nën hetim.

Me urdhër të prokurorit, është iniciuar procedurë hetimore, ndërsa policia po vazhdon mbledhjen e provave për zbardhjen e plotë të rastit.

Sinjali – aty ku e vërteta flet para lajmit!

/GazetaSinjali/

The post Ekskluzive | Policia në aksion gjatë zgjedhjeve në Prizren, 4 persona përfundojnë në pranga appeared first on Sinjali.

Komisioni Qendror i Zgjedhjeve (KQZ) ka publikuar të dhënat më të fundit për pjesëmarrjen në procesin zgjedhor deri në orën 17:00, ku Prishtina rezulton me një dalje të konsiderueshme të votuesve.

Sipas KQZ-së, nga gjithsej 1,959,962 qytetarë me të drejtë vote në nivel vendi, në kryeqytet kanë votuar 80 mijë e 470 qytetarë, që përbëjnë 36.63 për qind të elektoratit të regjistruar në Prishtinë.

Këto shifra tregojnë një pjesëmarrje aktive të qytetarëve në procesin zgjedhor gjatë ditës së votimit në kryeqytet.

KQZ ka bërë të ditur se pritet të publikojë përditësime të reja gjatë orëve të mbrëmjes, ndërsa procesi i votimit vazhdon deri në mbylljen e vendvotimeve në të gjithë vendin.

Autoritetet zgjedhore po e monitorojnë nga afër ecurinë e procesit për të siguruar mbarëvajtjen e tij.

Sinjali – aty ku e vërteta flet para lajmit!

/GazetaSinjali/

The post Prishtina me pjesëmarrje mbi 36% në votime deri në orën 17:00 appeared first on Sinjali.

Policia e Kosovës ka zhvilluar një aksion në dy lokacione në komunën e Zubin Potokut, në kuadër të hetimeve për një rast kanosjeje ndaj ministrit të Punëve të Brendshme, Xhelal Sveçla.

Sipas njoftimit zyrtar, pas pranimit të informacioneve për incidentin e ndodhur disa ditë më parë, njësitet policore kanë ndërmarrë veprime hetimore që kanë çuar në realizimin e bastisjeve në veri të vendit.

Autoritetet bëjnë të ditur se i dyshuari për rastin është një mashkull kosovar i nacionalitetit serb, i cili dyshohet se ndodhet jashtë territorit të Kosovës.

Gjatë kontrolleve në dy lokacionet e bastisura, policia ka sekuestruar gjithsej katër armë të gjata të llojeve të ndryshme. Në njërin lokacion janë gjetur dhe konfiskuar tri armë, ndërsa në tjetrin një armë tjetër. Dy prej armëve kanë rezultuar me leje, ndërsa dy të tjera pa leje.

Armët e sekuestruara janë marrë nga njësitet kompetente, ndërsa hetimet për rastin po vazhdojnë në koordinim me organet e drejtësisë.

Policia e Kosovës ka theksuar se mbetet e përkushtuar në garantimin e rendit dhe sigurisë publike, si dhe në parandalimin e veprave penale në të gjithë territorin e vendit.

Sinjali – aty ku e vërteta flet para lajmit!

/GazetaSinjali/

The post Bastisje në Zubin Potok, konfiskohen katër armë appeared first on Sinjali.

Gjatë procesit të votimit në zgjedhjet nacionale në Kosovë është regjistruar një rast i dëmtimit të qëllimshëm të një fletëvotimi.

Në një fletëvotim të publikuar në media, shihet se një qytetar ka shkruar një mesazh jashtë rregullave të votimit, i cili përmban edhe shprehje kërcënuese.

Sipas rregullave të Komisionit Qendror të Zgjedhjeve, çdo shënim apo ndërhyrje në fletëvotim që nuk lidhet me votimin e kandidatëve e bën atë automatikisht të pavlefshëm.

Autoritetet zgjedhore theksojnë se raste të tilla trajtohen si shkelje të procedurave të votimit dhe nuk ndikojnë në numërimin e votës.

Procesi zgjedhor po vazhdon në të gjithë vendin, ndërsa deri tani nuk janë raportuar incidente të tjera serioze.

Sinjali – aty ku e vërteta flet para lajmit!

/GazetaSinjali/

The post “Gjaku i dëshmorëve ka me ju vra” – qytetari bën të pavlefshëm fletëvotimin appeared first on Sinjali.

Komisioni Qendror i Zgjedhjeve ka publikuar të dhënat e fundit mbi pjesëmarrjen në procesin zgjedhor deri në orën 16:00, ku dallohen ndryshime të mëdha mes komunave të vendit.

Sipas statistikave zyrtare, komunat me daljen më të lartë të votuesve janë Leposaviqi me 45 për qind dhe Ranillugu me 43 për qind, duke shënuar pjesëmarrjen më aktive deri në këtë fazë të ditës së votimit.

Në anën tjetër, pjesëmarrja më e ulët është regjistruar në komunën e Dragashit, ku deri në të njëjtën orë kanë votuar vetëm 12 për qind e qytetarëve me të drejtë vote.

KQZ ka bërë të ditur se do të vazhdojë të publikojë përditësime të reja gjatë orëve në vijim, ndërsa procesi zgjedhor po zhvillohet në përgjithësi pa probleme të raportuara serioze.

Autoritetet zgjedhore po monitorojnë nga afër ecurinë e votimeve në të gjitha komunat e vendit.

KLIKO KETU

The post Zgjedhjet: Ja ku po votohet më shumë dhe ku më pak – dalin shifrat e KQZ-së appeared first on Sinjali.

Ambasadori i Gjermanisë në Prishtinë, Rainer Rudolph, ka vlerësuar ecurinë e procesit zgjedhor që po zhvillohet sot në Kosovë, duke thënë se deri më tani gjithçka po shkon në mënyrë të qetë dhe pa probleme të raportuara.

Përmes një video-mesazhi, Rudolph bëri të ditur se është duke marrë pjesë në monitorimin e zgjedhjeve së bashku me katër ekipe të tjera, në kuadër të një ushtrimi të organizuar nga Zyra e Bashkimit Evropian në Prishtinë.

Ai theksoi se ekipet monitoruese janë duke vizituar qendrat e votimit në Prishtinë dhe rrethinë, me qëllim vëzhgimin nga afër të procesit zgjedhor në terren.

“Sot është dita e zgjedhjeve në Kosovë dhe po marrim pjesë me katër ekipe në ushtrimin e monitorimit të zgjedhjeve të organizuar nga Zyra e BE-së në Prishtinë. Deri tani gjithçka duket e qetë dhe pa probleme,” u shpreh ambasadori Rudolph.

Ai shtoi se pret me interes përfundimin e procesit dhe publikimin e rezultateve zgjedhore gjatë mbrëmjes, duke theksuar rëndësinë e një procesi të rregullt demokratik.

Autoritetet dhe vëzhguesit ndërkombëtarë po e ndjekin nga afër zhvillimin e zgjedhjeve në gjithë vendin.

Sinjali – aty ku e vërteta flet para lajmit!

/GazetaSinjali/

The post Ambasadori gjerman: Procesi zgjedhor në Kosovë po zhvillohet i qetë, po e vëzhgojmë me 4 ekipe appeared first on Sinjali.