Aktorja e njohur, Sharon Stone, ka treguar se momenti vendimtar që çoi në fundin e martesës së saj të dytë ishte reagimi i bashkëshortit gjatë një krize serioze shëndetësore në fillim të viteve 2000.

Stone zbuloi se mjekët kishin gjetur tumore në gjoksin e saj, ku njëri prej tyre ishte shumë i madh.

Një mjek i tha se ekzistonte dyshimi i fortë për kancer dhe i rekomandoi një mastektomi të dyfishtë (heqjen e të dy gjinjve).

Sharon Stone

Edhe pse ajo ishte e bindur se nuk kishte kancer, vendosi t’i nënshtrohej operacionit për siguri.

Sipas saj, bashkëshorti i atëhershëm kundërshtoi ashpër këtë vendim, duke e quajtur 'qesharak'.

Ai ishte i zemëruar me mundësinë që ajo të hiqte të dy gjinjtë, ndërsa Stone këmbënguli se vendimet për trupin dhe shëndetin e saj i merrte vetë.

Ajo tha se pikërisht ky reagim i tij e bëri të kuptonte se martesa kishte marrë fund.

Sharon Stone

Sipas Stone, ai mendonte se ajo po merrte shumë vendime vetë dhe nuk e mbështeti në një moment kritik të jetës së saj.

Megjithatë, pas operacionit rezultoi se tumoret ishin beninje (jo kancerogjene), kështu që nuk pati nevojë për mastektomi të dyfishtë.

Megjithëse nuk e përmendi me emër, Stone ishte e martuar me Phil Bronstein nga viti 1998 deri në vitin 2004. /Telegrafi/

Aktorja Jennifer Aniston ka bërë një nga referencat e rralla publike për ish-bashkëshortin e saj, Brad Pitt, gjatë një bisede me mikeshën dhe kolegen e saj nga seriali "Friends", Lisa Kudrow.

Gjatë intervistës për “Actors on Actors”, Aniston dhe Kudrow kujtuan momentet më të mira nga seriali.

Biseda u ndal te episodet e 'Ditës së Falënderimeve', kur Kudrow përmendi episodin ku Brad Pitt ishte mysafir dhe e cilësoi atë si 'shumë qesharak'.

- YouTube www.youtube.com

Aniston u pajtua me këtë vlerësim dhe kujtoi me humor yjet e shumtë që kishin marrë pjesë në serial, përfshirë Brad Pitt, Bruce Willis, Julia Roberts, Isabella Rossellini dhe Sean Penn.

Ajo tha se gjithmonë i kishte habitur fakti që edhe yjet më të mëdhenj të Hollywood-it ndiheshin nervozë para paraqitjeve në “Friends”.

Brad u shfaq në sezonin e tetë të serialit, duke luajtur personazhin e Will Colbert, një ish-shok shkolle i Ross dhe Monicas, i cili urrente Rachel Green, personazhin e interpretuar nga Aniston.

Jennifer Aniston dhe Brad Pitt nisën lidhjen e tyre në vitin 1998, u fejuan në vitin 1999 dhe u martuan në vitin 2000.

- YouTube www.youtube.com

Ata njoftuan ndarjen në vitin 2005.

Pavarësisht divorcit, Aniston kishte deklaruar atëherë se shpresonte që një ditë të mbeteshin miq.

Jennifer Aniston dhe Brad Pitt

Me kalimin e viteve, duket se marrëdhënia mes tyre është përmirësuar.

Një nga momentet që tërhoqi vëmendje ishte përqafimi i tyre miqësor në prapaskenat e ndarjes së çmimeve 'Screen Actors Guild Awards 2020'. /Telegrafi/

Modelja dhe ylli televiziv britanik, Katie Price, raportohet se po përpiqet të sigurojë lirimin e bashkëshortit të saj, Lee Andrews, i cili ndodhet në burg në Dubai.

Sipas raportimeve, Andrews duhet të paguajë mbi 100 mijë euro për t'u liruar nga paraburgimi.

Ai aktualisht po mbahet në burgun Al Awir në Dubai për një çështje civile private dhe jo për akuzat për spiunazh që kishte pretenduar fillimisht.

Foto: Instagram

Price udhëtoi drejt Dubait këtë javë për t'u takuar me bashkëshortin e saj dhe thuhet se ka vizituar disa herë burgun në përpjekje për të përfunduar dokumentacionin e nevojshëm për lirimin e tij.

Burime pranë saj kanë deklaruar se, pavarësisht gjithçkaje që ka ndodhur, ajo dëshiron ta ndihmojë dhe të marrë përgjigje për situatën në të cilën ai është përfshirë.

Ndërkohë, Andrews besohet se i ka garantuar Katie se do të sigurojë vetë shumën e nevojshme dhe se ajo nuk do të ketë nevojë të kontribuojë financiarisht.

Mediat britanike raportojnë gjithashtu se Andrews kishte kaluar rreth tre muaj në të njëjtin burg edhe vitin e kaluar, pasi dyshohej për mashtrim financiar lidhur me një kredi hipotekare prej rreth 230 mijë eurosh, e cila pretendohet se ishte marrë duke përdorur nënshkrimin e falsifikuar të një ish-partnereje.

Katie Price

Marrëdhënia mes çiftit ka qenë në qendër të vëmendjes që nga fillimi i këtij viti, kur ata bënë publike romancën e tyre dhe u martuan vetëm pak kohë pasi ishin njohur. /Telegrafi/

Aktorja e Hollywoodit, Sharon Stone, kujtoi sulmin fizik që përjetoi 10 vjet më parë.

Gjatë një paraqitjeje në podcast-in "The Person Who Believed in Me", të drejtuar nga korrespondenti i CBS David Begnaud, Stone foli për sulmin.

"Nuk e di sa shumë mund të them për këtë, por më goditën nga pas. Nuk e dija vërtet çfarë më ndodhi. Isha pa ndjenja në dysheme. Nuk e di si arrita atje", tha ajo.

Sharon Stone

Pas kësaj, Stone shkoi te mjeku për probleme me pjesën e pasme të qafës dhe shpatullave.

"Shkova në klinikë sepse kisha shumë probleme me pjesën e pasme të qafës dhe shpatullave, të cilat më dhembnin shumë. Ata donin të më bënin një lloj injeksioni dhe më bënë të gjitha rrezet X të gjoksit, qafës dhe shpatullave. Mjeku më tha më pas se gjoksi im ishte thyer plotësisht. Ai tha se ishte e qartë se isha sulmuar dhe se ajo që më ndodhi ishte një akt kriminal", tha ajo.

Stone nuk donte t'i përgjigjej pyetjes se kush e sulmoi.

"Nuk do ta them publikisht, por ne e raportuam dhe bëmë gjithçka. Pata mundësinë të paraqes një raport dhe duke qenë se kanë kaluar 10 vjet dhe unë jam një figurë publike, vendosa të mos e bëj. Jam mjaft e sigurt se e di kush ma bëri këtë", tha ajo.

- YouTube www.youtube.com

Kur u pyet nëse besonte se sulmi ishte dhunë në familje, Stone tha se nuk lejohej të thoshte diçka. /Telegrafi/

Këngëtari i njohur shqiptar, Sinan Vllasaliu, ka pësuar një aksident me motor.

Prive Klan Kosova ka mësuar se artisti ka pësuar lëndime në këmbë.

Ai aktualisht ndodhet në spital, ku i është nënshtruar një ndërhyrjeje kirurgjikale.

Foto: Instagram

Fatkeqësisht aksidenti ndodhi vetëm pak ditë pasi u zbulua se këngëtari ishte përzgjedhur të këndonte në dasmën e yllit botëror, Dua Lipa e cila do të zhvillohet në Itali.

Nuk ka informacione të tjera lidhur me gjendjen e tij dhe nuk dihet nëse i njëjti do të mund të rikuperohet për të marrë pjesë në ceremoninë e martesës së Lipës.

Këngëtarja me famë botërore, Dua Lipa dhe aktori Callum Turner, po numërojnë orët drejt festës së madhe të martesës së tyre në Sicili, vetëm pak ditë pasi kurorëzuan ligjërisht dashurinë në Londër.

Çifti, i cili u martua në një ceremoni private më 31 maj, është parë duke shijuar momente qetësie në ballkonin e hotelit luksoz Villa Igiea në Palermo, ku do të qëndrojnë edhe shumë prej të ftuarve të tyre gjatë fundjavës.

Sipas raportimeve, Dua do të veshë një fustan të dizajnuar nga Donatella Versace për ceremoninë, ndërsa organizimi i gjithë dasmës pritet të kushtojë rreth 1.75 milionë euro.

Foto: Daily Mail

Vetëm suita luksoze ku po qëndron çifti kushton rreth 7 mijë euro në natë.

Avioni privat i çiftit mbërriti në Sicili të mërkurën në mbrëmje, ndërsa gjatë ditëve në vijim pritet të mbërrijnë rreth 300 të ftuar, mes tyre emra të njohur të industrisë së muzikës dhe showbiz-it ndërkombëtar.

Foto: Daily Mail

Festa do të zgjasë tri ditë dhe janë organizuar në disa prej vendeve më prestigjioze të Palermos dhe Bagherias.

Një pritje kokteji do të mbahet në Galleria d'Arte Moderna Palermo, për të cilën çifti ka paguar rreth 10 mijë euro për mbylljen e përkohshme të hapësirës për publikun.

Foto: Daily Mail

Një tjetër event do të zhvillohet në Villa Valguarnera, një vilë historike e shekullit të 17-të, e njohur edhe nga seriali "The White Lotus".

Raportohet se vetëm marrja me qira e kësaj prone ka kushtuar rreth 100 mijë euro.

Foto: Daily Mail

Masat e sigurisë janë jashtëzakonisht të larta.

Mbi 50 truproja janë angazhuar nga Londra dhe Roma, janë vendosur zona ku ndalohet fluturimi i dronëve dhe të gjithë punonjësit e përfshirë në organizim kanë nënshkruar marrëveshje konfidencialiteti.

Foto: Daily Mail

Kjo konsiderohet nga mediat britanike si një nga dasmat më të mëdha të vitit në botën e showbiz-it dhe kanë kthyer Palermon në qendrën e vëmendjes ndërkombëtare, me autoritetet lokale që e shohin këtë ngjarje si një promovim të rëndësishëm turistik për Sicilinë. /Telegrafi/

Foto: DailyMail

Foto: Daily Mail

Foto: Daily Mail

Këngëtari dhe fituesi i edicionit të dytë të Big Brother VIP Albania, Luiz Ejlli, ka shprehur publikisht qëndrimin e tij lidhur me protestat që po zhvillohen në Tiranë.

Përmes një postimi në InstaStory, ai ka ndarë një fotografi nga protesta, duke treguar mbështetjen e tij për qytetarët që kanë dalë në rrugë për të kundërshtuar projektin e diskutueshëm në zonën e Nartës dhe Zvërnecit.

Në mesazhin e tij, Luizi vlerësoi reagimin qytetar, duke e cilësuar atë si formën më autentike të opozitës, në krahasim me debatet që zhvillohen në studio televizive apo në rrjetet sociale.

Foto: Instagram

“Kjo është opozita e vërtetë, jo ajo që flet nga studiot apo rrjetet sociale. Kjo është opozita që më përfaqëson mua dhe çdo shqiptar që nuk hesht përballë padrejtësive”, shkroi ai.

Protestat e ditëve të fundit janë fokusuar kryesisht te kundërshtimi i një projekti të madh turistik që planifikohet të realizohet në zonën e Nartës dhe Zvërnecit.

Noizy reagon ndaj protestave për Zvërnecin: Jam pro investimit gjigant për Shqipërinë

Kundërshtarët e projektit shprehin shqetësime për ndikimin e mundshëm në mjedis dhe në ekosistemin e zonës.

Reagimi i Ejllit ka tërhequr vëmendje të madhe në rrjetet sociale, duke nxitur diskutime të shumta mes mbështetësve dhe kritikëve të projektit. /Telegrafi/

Edicionit të tretë të Ferma VIP po i vjen fundi.

E tensionet me këtë rast vazhdojnë të rriten, ku së fundmi në një debat të ashpër është përfshirë poetja Mimoza Ahmeti dhe balerini Ilir Shaqiri.

Gjatë një përplasje të ashpër mes tyre, dy konkurrentët kanë shkëmbyer fyerje të rënda, përfshirë edhe familjarët.

Foto: YouTube

Gjithçka u ndez kur Moza ka ofenduar Ilirin për periudhën e tij të jetesës në Itali, gjersa ky i fundit i është kthyer me një term fyes.

Foto: YouTube

Pjesë nga biseda:

Moza: Injorant italie je ti. Ke mësuar ato gjërat e italianëve kujton se ça je tu bo.

Iliri: Po ti ça gjërash ke mësuar ti, nga i ke mësuar ti? Nga shkijat i ke mësuar ti gjërat?.

Moza: Shkija e satëme. More vesh? Shih atë gruan tënde dhe fëmijën tënd që nuk di asnjë fjalë shqip. Ta dhashë përgjigjen se u kruajte vetë.

Iliri: Kalamanit tim t’i marrësh të ligat ti, nga gjuha deri te ajo që bën çdo ditë. /Telegrafi/

- YouTube www.youtube.com

Reperja e njohur, Tayna, ka shënuar një moment të rëndësishëm në karrierën e saj, duke festuar 8-vjetorin e saj artistik me një event të veçantë në Prizren, qytetin e saj të lindjes.

Në këtë mbrëmje festive, ajo mblodhi miq, familjarë dhe figura të njohura të skenës muzikore, për të ndarë jo vetëm suksesin e rrugëtimit të saj artistik, por edhe projektin më të ri muzikor.

Eventi u shoqërua me promovimin e albumit të saj të fundit “Genesis”, i cili ka tërhequr vëmendje të madhe në publik dhe në rrjetet sociale.

Foto: YouTube

Një nga momentet kryesore të mbrëmjes ishte shfaqja e dokumentarit të realizuar nga artistja, ku ajo sjell prapaskenat e punës, procesin krijues dhe udhëtimin e realizimit të albumit.

Në dokumentar përfshihen edhe xhirime nga qytete të ndryshme evropiane si Berlini dhe Barcelona, duke treguar nga afër përkushtimin dhe punën intensive pas projektit muzikor.

Foto: YouTube

Dokumentari tashmë është publikuar edhe në platformën YouTube, ku fansat mund ta ndjekin të plotë dhe të zbulojnë më shumë nga sfidat e puna e madhe që qëndron pas gjithë kësaj.

Ajo ka falënderuar publikun për mbështetjen e vazhdueshme, duke theksuar se ky 8-vjetor është vetëm një etapë e re drejt projekteve edhe më të mëdha në të ardhmen. /Telegrafi/

Foto: YouTube

- YouTube www.youtube.com

Reperi i njohur nga Shqipëria, Stresi, ka folur hapur për raportin e tij me Cllevion gjatë një interviste për emisionin “Shqipëria Live”.

Teksa u pyet për marrëdhënien mes tyre, Stresi pranoi se nuk e ka të lehtë të flasë për ish-mikun e tij, duke kujtuar kohën kur ata kishin një miqësi të ngushtë.

“Cllevios i them ne na vrasin më shumë kujtimet, jo sharjet. Nuk e kam të lehtë të flas për këtë njeri sepse është ndër shokët e parë të mi, pavarësisht që sot kemi dy pole të ndryshme”, u shpreh reperi.

Foto: YouTube

Ai shtoi se, megjithëse rrugët e tyre janë ndarë, i uron suksese në karrierë.

Stresi vlerësoi gjithashtu talentin e Cllevios në muzikë, duke e këshilluar që të përqendrohet më shumë te projektet artistike.

“Cllevio ka zgjedhur rrugën e vet. I uroj shumë suksese. Është artist shumë i talentuar, të merret me muzikën, të fokusohet në muzikë dhe t’i lërë gjërat e tjera anash. Ka ardhur momenti”, deklaroi ai.

Deklarata e Stresit është komentuar gjerësisht nga ndjekësit, duke rikthyer në vëmendje raportin mes dy artistëve, të cilët dikur ndanin një miqësi të afërt, por që sot duket se kanë zgjedhur drejtime të ndryshme. /Telegrafi/

- YouTube www.youtube.com

Këngëtarja me famë botërore, Dua Lipa dhe aktori Callum Turner, duket se po përgatiten për një tjetër ceremoni martesore, vetëm pak ditë pasi kurorëzuan dashurinë e tyre në Londër.

Sipas raportimeve, çifti u martua më 31 maj në një ceremoni intime të mbajtur në Old Marylebone Town Hall, ku morën pjesë vetëm familjarë dhe miq të afërt.

Pas asaj, ata janë parë në Palermo të Italisë, ku po bëjnë përgatitjet për një festë më të madhe disa-ditore.

Foto: Backgrid

Fotografitë e publikuara tregojnë Lipën dhe Turner duke shëtitur në Palermo.

Këngëtarja ishte veshur me një këmishë të bardhë dhe kapelë sportive, ndërsa Turner me një këmishë ngjyrë kafe dhe pantallona të shkurtra.

Më vonë ata u panë edhe me veshje sportive, teksa vazhdonin organizimet për eventin.

Në aeroportin e Palermos janë fotografuar gjithashtu motra e saj, Rina Lipa si dhe babai i saj, Dukagjin Lipa, të cilët kanë mbërritur në Sicili për ceremoninë.

Dua Lipa dhe Callum Turner

Historia e dashurisë mes tyre nisi të tërhiqte vëmendjen në janar të vitit 2024, kur u panë së bashku në një festë pas premierës së serialit “Masters of the Air” në Londër.

Marrëdhënia e tyre u bë zyrtare në Instagram në korrik të po atij viti.

Në qershor 2025, Dua konfirmoi fejesën gjatë një interviste për British Vogue, duke zbuluar se dëshironte të martohej pasi të përfundonte turneun e saj botëror.

Këngëtarja ka shprehur edhe dëshirën për t’u bërë nënë në të ardhmen, megjithëse ka pranuar se balancimi mes jetës familjare dhe karrierës muzikore mbetet një sfidë.

Rina Lipa

Ndërkohë, unaza e fejesës së artistes shqiptare ka tërhequr vëmendje të madhe.

Ekspertët vlerësojnë se vlera e saj mund të jetë mes 65 mijë dhe 125 mijë dollarëve, varësisht nga madhësia dhe cilësia e diamantit. /Telegrafi/

Reperi i njohur, Noizy, ka reaguar së fundmi lidhur me debatet dhe protestat që po zhvillohen kundër projektit të planifikuar në Zvërnec.

Përmes një postimi në InstaStory, i cili më pas u fshi, artisti kritikoi ashpër kundërshtarët e projektit, duke u bërë thirrje qytetarëve që të mos mjaftohen me komente në rrjetet sociale, por të marrin pjesë në protesta nëse besojnë se duhet të ketë ndryshim.

“Na keni rrujt lesht... Kush do ndryshim, dilni në protestë, mos na bëni si moralistë shumë se na keni ça k***. Nuk është duke e shitur njeri Shqipërinë, rrini të qetë. Unë njoh shumë polakë, rusë, grekë, gjermanë e austriakë që kanë blerë toka, shtëpi e prona në Durrës. E çfarë do të thotë kjo?”, shkroi ai.

Foto: Instagram

Më tej, reperi u shpreh skeptik ndaj pretendimeve se projekti nënkupton shitjen e Shqipërisë te investitorë të huaj, duke theksuar se ai nuk i beson këtyre narrativëve.

“Tashmë e dini që ka protestë. Dilni aty dhe mbylleni gojën. Kush ka prona atje dhe kujtime me atë vend, le të dalë në protestë. Unë nuk u besoj përrallave që po shitet Shqipëria te Izraeli, prandaj nuk dal në protestë dhe as kam ndërmend të dal. Madje, unë jam pro investimit gjigant për Shqipërinë”, deklaroi Noizy.

Reagimi i tij ka ngjallur diskutime të shumta në rrjetet sociale, ku një pjesë e ndjekësve kanë mbështetur qëndrimin e artistit, ndërsa të tjerë e kanë kritikuar për gjuhën e përdorur dhe pozicionimin e tij ndaj çështjes. /Telegrafi/

Ish-konkurrentja e spektaklit televiziv, Ferma VIP, Vanesa Sono, ka zgjuar kureshtjen e ndjekësve me një paralajmërim për projektin e saj më të ri muzikor.

Përmes një videoje të publikuar në TikTok, artisja ka ndarë një fragment të këngës që pritet të publikohet së shpejti, duke e shoqëruar postimin me mbishkrimin e shkurtër: “Së shpejti”.

Megjithatë, ajo që ka tërhequr më shumë vëmendje nuk është njoftimi i këngës, por mesazhi që përcjell teksti i saj.

Vanesa Sono

Vargjet e publikuara kanë nxitur reagime të shumta në rrjetet sociale, ku shumë ndjekës besojnë se projekti i ri mund të jetë frymëzuar nga marrëdhënia e saj me Indrin.

Në pjesën e zbuluar të këngës dëgjohen vargje që flasin për zhgënjim, dyshime dhe ndjenja të lënduara, elemente që sipas komentuesve përkojnë me zhvillimet e fundit mes dyshes pas përfundimit të eksperiencës në Ferma VIP.

Historia e Vanesës dhe Indrit tërhoqi vëmendje të madhe gjatë qëndrimit të tyre në fermë, ndërsa pas daljes së saj nga spektakli, raporti mes tyre mori një tjetër drejtim.

Indri deklaroi publikisht se nuk e kishte ndjerë mungesën e Vanesës gjatë kohës që ajo ishte jashtë, ndërsa më vonë i dha fund lidhjes përmes një letre të lexuar gjatë një spektakli.

Për momentin, Vanesa nuk ka dhënë asnjë koment nëse kënga lidhet drejtpërdrejt me këtë histori personale. /Telegrafi/

Selin Bollati ka festuar ditëlindjen e 24-të në një organizim privat, të rrethuar nga familjarë, miq të afërt dhe njerëzit më të dashur për të.

Në festë ishte i pranishëm edhe partneri i saj, DJ Gimbo, me të cilin krijoi një lidhje gjatë qëndrimit në Big Brother, lidhje që vazhdon të tërheqë vëmendjen e publikut.

Një nga momentet më të veçanta të mbrëmjes erdhi kur Gimbo vendosi ta surprizonte Selinin.

Foto: TikTok

Ai organizoi ardhjen e defatorëve, të cilët sollën atmosferë festive dhe e bënë atmosferën edhe më të veçantë për vajzën e ditëlindjes.

Pamjet nga surpriza janë shpërndarë në rrjetet sociale, ku kanë marrë komente të shumta nga ndjekësit e çiftit, të cilët kanë vlerësuar gjestin romantik të DJ-it.

Selini dhe Gimbo vazhdojnë të shijojnë historinë e tyre të dashurisë edhe pas përfundimit të spektaklit, duke u shfaqur shpesh së bashku në evente dhe momente nga përditshmëria e tyre.

Defatoret e njëjta duket se kanë qenë edhe në Big Brother, në ditën kur Selin dhe Gimbo patën një dasmë. /Telegrafi/

Një moment i papritur gjatë eventit të organizuar nga Tayna ka bërë xhiron e rrjeteve sociale dhe ka nxitur reagime të shumta nga publiku.

Në mesin e të ftuarve ishin edhe ish-banorët e Big Brother VIP Kosova, Klodian Mihaj dhe Eljona Binakaj, të cilët u gjendën në qendër të vëmendjes për një situatë të ndodhur gjatë mbrëmjes.

Në një moment, gazetari Butrint Pasjaqa tentoi të realizonte një intervistë me Eljonën, por situata mori një kthesë të papritur kur Klodi ndërhyri gjatë bisedës.

Foto: Facebook

Pamjet e shpërndara në rrjetet sociale tregojnë se ai afrohet pranë gazetarit, ndërsa në një moment duket se e shtyn atë.

Videoja ka nxitur reagime të shumta online, ku një pjesë e publikut e ka cilësuar sjelljen e Klodit si të papërshtatshme dhe agresive.

Për më shumë detaje, ndiqni videon e plotë:

/Telegrafi/

Në eventin e Taynës në Prizren për albumin "Genesis" nuk ka munguar as Olta Gixhari.

Ish-opinionistja e Big Brother Kosova në një intervistë për "Prive by Liberta Spahiu", ka folur rreth këtij formati nëse do të jetë sërish.

Ajo është pyetur edhe për Leonora Jakupin, me të cilën ka qenë së bashku në edicion të katërt, por që pas mbarimit u hoqën nga rrjetet sociale.

Foto: TikTok

Kjo ka lënë të kuptohet që nuk ka raport të mirë mes tyre dhe se miqësia ka marrë fund.

Megjithatë, Olta nuk ka hezituar të flasë për të e ka dhënë lëvdata të mëdha.

"Patjetër që do të doja një sezon me Leonorën. është një zonjë, një grua shumë e mençur, një grua shumë e fortë dhe një artiste shumë e mirë", u shpreh ajo.

Më pas me ironi shtoi rreth pjesës së Instagramit, asaj që nuk ndiqen: "Nuk jemi folloë ne, jo nuk e besoj, s'e besoj". /Telegrafi/

Teuta Rugova, vajza e ish-presidentit historik të Kosovës, Ibrahim Rugova, është bërë nënë për herë të parë.

Lajmi u bë i ditur nga Blerta Rugova, e cila përmes një postimi emocionues në rrjetet sociale uroi Ukë Rugovën për titullin e ri të dajës.

“Urime titulli dajë”, shkroi ajo krahas një videoje që zbulonte momentin e gëzueshëm për familjen Rugova.

Ky është një kapitull i ri në jetën e Teutës, e cila verën e kaluar kurorëzoi dashurinë me bashkëshortin e saj, Agron Gjeloshi, djalin e aktivistit të njohur Nik Gjeloshi.

Çifti u martua në një ceremoni familjare të mbajtur në “Rezidencën Rugova” në Prishtinë.

E më pas u organizua edhe një dasmë në një nga restorantet në kryeqytet me elemente tradicionale.

Ardhja në jetë e foshnjës sjell një gëzim të veçantë për familjen Rugova, e cila ka pranuar urime të shumta nga miq, familjarë dhe qytetarë. /Telegrafi/

Foto: Norik Uka

Supermodelja e njohur, Gigi Hadid, ishte ndër mijëra personat që uruan Dua Lipën pas martesës së saj me aktorin britanik Callum Turner.

Menjëherë pasi Gigi komentoi në postimin e këngëtares me fotografitë nga ceremonia, fansat nisën t’i kujtonin lidhjen e dikurshme të Dua Lipës me vëllanë e saj, Anwar Hadid.

“Sa e mrekullueshme! Urime", shkroi Gigi në komentin e saj.

Foto: Instagram

Mirëpo, reagimi i saj tërhoqi vëmendjen e ndjekësve, të cilët iu përgjigjën me komente të ndryshme.

“Gigi, ajo ishte gati të bëhej kunata jote”, shkroi një prej tyre, duke iu referuar romancës së mëparshme mes Dua Lipës dhe Anwar Hadid.

Anwar Hadid dhe Dua Lipa

Një pjesë e fansave përmendën edhe lidhjen e kaluar të vetë Gigi Hadid me këngëtarin Zayn Malik.

Sipas raportimeve të mediave britanike, Dua dhe Callum kurorëzuan dashurinë e tyre me martesë të dielën në Londër.

Ceremonia u mbajt në një atmosferë private dhe me një numër të kufizuar familjarësh dhe miqsh të afërt.

Pas ceremonisë në Londër, çifti do të organizojë edhe një festë disa ditore në Sicili për të kremtuar martesën me familjarë dhe miq. /Telegrafi/

Motra e madhe e aktores së njohur, Jamie Lee Curtis, ka ndërruar jetë fundjavën e kaluar në moshën 69-vjeçare.

Autoritetet kanë konfirmuar se vdekja ka ndodhur për shkaqe natyrore.

Sipas zyrës së mjekut ligjor, trupi i saj pritet të kremohet, ndërsa ende nuk dihet nëse familja ka kërkuar kryerjen e autopsisë.

Bashkëshorti i saj, John Marsh, raportohet se ishte i pranishëm kur në vendngjarje mbërritën autoritetet.

Pas lajmit të hidhur, Jamie Lee Curtis i kushtoi motrës një dedikim prekës në rrjetet sociale, duke e përshkruar si shoqen e saj të parë dhe personin të cilit i besonte më shumë gjatë gjithë jetës.

Aktorja kujtoi se motra e saj ishte një grua e talentuar dhe e dashur, me pasione të shumta, përfshirë familjen, natyrën, muzikën, udhëtimet dhe koleksionimin e breshkave.

Ajo theksoi gjithashtu krenarinë që motra ndiente për origjinën e saj daneze dhe hebreo-hungareze si dhe dashurinë për Shtetet e Bashkuara të Amerikës.

Në postimin prekës, Curtis tha se do ta kujtojë motrën për mirësinë, bujarinë, karakterin e fortë, kureshtjen për jetën dhe stilin e saj unik, duke nënvizuar se humbja e saj ka lënë një boshllëk të madh në familje. /Telegrafi/

Aktori i njohur nga Gjilani, Fatmir Spahiu, ka tërhequr vëmendjen e ndjekësve të tij në rrjetet sociale me një postim që tregon ndryshimin e jashtëzakonshëm që ka përjetuar ndër vite.

I dashur për publikun për rolet e tij humoristike dhe veçanërisht për personazhin e 'Bufit', Spahiu ka ndarë një krahasim interesant mes dy pasaportave të tij, duke zbuluar rezultatet e transformimit fizik që ka arritur.

Me dozën e tij karakteristike të humorit, aktori shkroi: “Për katër vite minus 90 kg dhe 2 cm”, duke iu referuar jo vetëm humbjes së konsiderueshme në peshë, por edhe ndryshimit të vogël në gjatësinë e shënuar në dokumentet zyrtare.

Foto: Instagram

Sipas të dhënave të publikuara, në pasaportën e vitit 2016 gjatësia e tij figuron 186 centimetra, ndërsa në dokumentin më të fundit ajo është regjistruar 184 centimetra.

Megjithatë, ajo që ka bërë më shumë përshtypje është rënia drastike prej 90 kilogramësh, një arritje që reflekton përkushtim, disiplinë dhe një angazhim të vazhdueshëm ndaj një jetese më të shëndetshme.

Ndjekësit nuk kanë kursyer fjalët e mira për Spahiun, duke e përgëzuar për ndryshimin e dukshëm fizik. /Telegrafi/