Presidenti i Azerbajxhanit, Ilham Aliyev, deklaroi se gjatë këtij muaji në Baku janë takuar ish-zyrtarë të lartë gjermanë dhe rusë për të diskutuar mundësitë e përfundimit të luftës në Ukrainë.

“Territori ynë është përdorur për një takim të tillë pa dijeninë tonë. Nuk mund të komentoj detajet, sepse nuk kemi qenë të pranishëm në takim. Megjithatë, të dhënat e fluturimeve më lejojnë të them se takimi sekret në Baku ka ndodhur me të vërtetë”, tha Aliyev para gazetarëve në Berlin, gjatë një konference të përbashkët për media me kancelarin gjerman Friedrich Merz.

“Nëse qëllimi i këtij takimi ka qenë të kontribuojë në përfundimin e luftës mes Rusisë dhe Ukrainës, këtë mund ta mirëpresim vetëm”, tha Aliyev. Ai shtoi se takimi është zhvilluar nga 12 deri më 14 korrik.

Kancelari gjerman Friedrich Merz deklaroi se qeveria e tij nuk ka marrë pjesë në organizimin e këtij takimi.

“Nuk jam në dijeni për ndonjë takim të tillë”, u përgjigj Merz ndaj pyetjes së gazetarëve.

Sipas raportimeve të mediave, një delegacion jozyrtar gjerman, ku ishin Ronald Pofalla, ish-shefi i kabinetit të ish-kancelares gjermane, Angela Merkel, dhe Matthias Platzeck, ish-kryeministër i landit Brandenburg, është takuar në kryeqytetin e Azerbajxhanit me disa bashkëpunëtorë të afërt të presidentit rus Vladimir Putin.

Në delegacionin rus, sipas raportimeve, kanë qenë Valery Fadeev, kryetar i Këshillit të Presidentit rus për Shoqërinë Civile dhe të Drejtat e Njeriut, si dhe Viktor Zubkov, ish-zëvendëskryeministër i Rusisë dhe aktualisht kryetar i bordit drejtues të gjigantit shtetëror energjetik Gazprom. /Telegrafi/

Bashkimi Evropian ka shprehur shqetësim lidhur me dekretin e ushtrueses së detyrës së presidentes së Kosovës për shkarkimin e prokurorëve serbë, si dhe vendimin e Këshillit Prokurorial të Kosovës për të mos pranuar tërheqjen e dorëheqjeve të tyre.

Në një komunikatë për media, zëdhënësja e BE-së ka vlerësuar se këto veprime "duken të papajtueshme me ligjin, procesin e rregullt ligjor dhe kërkesat e përgjithshme të sundimit të ligjit në Kosovë".

BE-ja ka mirëpritur vendimin e gjyqtarëve, prokurorëve dhe stafit mbështetës nga radhët e komunitetit serb për të tërhequr dorëheqjet e tyre, duke rikujtuar se vazhdimisht ka kërkuar nga institucionet e Kosovës që të mundësojnë riintegrimin e personelit gjyqësor serb.

Sipas Brukselit, riintegrimi duhet të bëhet në përputhje me ligjet e Kosovës dhe marrëveshjet e arritura në kuadër të dialogut të ndërmjetësuar nga Bashkimi Evropian.

"BE-ja u bën thirrje të gjitha institucioneve përkatëse që të përmbahen nga veprimet që synojnë pengimin e riintegrimit të personelit gjyqësor serb të Kosovës", thuhet në komunikatë.

Bashkimi Evropian ka theksuar se, bazuar në Kushtetutën e Kosovës, vendi është një shoqëri shumetnike e ndërtuar mbi parimin e sundimit të ligjit, ndërsa sistemi i drejtësisë duhet të reflektojë diversitetin etnik të shoqërisë.

Ajax ka nisur një projekt të ri ambicioz nën drejtimin e trajnerit spanjoll Míchel, me synimin për ta rikthyer klubin në elitën e futbollit holandez dhe evropian pas disa sezoneve zhgënjyese.

Gjiganti nga Amsterdami ka mbetur në hijen e rivalit PSV në vitet e fundit dhe tashmë kanë kaluar katër sezone që nga titulli i fundit në Eredivisie.

Sezoni i kaluar ishte një tjetër dështim, pasi Ajax e mbylli kampionatin në vendin e pestë dhe siguroi vetëm një vend në Ligën e Konferencës.

Pas një sezoni kaotik, ku skuadra u drejtua nga tre trajnerë të ndryshëm – John Heitinga, Fred Grim dhe Óscar García – drejtuesit vendosën t'ia besojnë projektin Michelit, i cili u largua nga Girona pas rënies së klubit katalanas në kategorinë e dytë.

Në prezantimin e tij, tekniku spanjoll nuk e fshehu entuziazmin për sfidën e re.

"Jam krenar që kam ardhur te Ajax. Është një klub i madh evropian, me një filozofi të qartë dhe një traditë të jashtëzakonshme në zhvillimin e lojtarëve të rinj. Besoj plotësisht se mund ta rikthejmë Ajaxin në vendin që i takon", deklaroi Míchel.

Blind dhe Caio Henrique, përforcimet e para

Ajax ka nisur menjëherë punën në afatin kalimtar dhe ka siguruar dy përforcime me përvojë për repartin defensiv.

Daley Blind është rikthyer në Amsterdam pas aventurës me Gironan, ku ishte një nga lojtarët më të besuar të Míchelit gjatë tre sezoneve të fundit. Edhe pse 36-vjeçar, ai pritet të sjellë eksperiencë dhe lidership në dhomat e zhveshjes.

Klubi ka transferuar gjithashtu edhe mbrojtësin brazilian Caio Henrique nga Monaco, një futbollist me eksperiencë ndërkombëtare, që pritet të forcojë krahun e majtë të mbrojtjes.

Ter Stegen dhe Ounahi në listën e dëshirave

Afati kalimtar i Ajaxit nuk pritet të mbyllet me kaq. Sipas raportimeve, klubi është pranë marrëveshjes me portierin gjerman Marc-André ter Stegen, i cili humbi vendin e titullarit te Barcelona pas ardhjes së Joan Garcías.

Míchel e kishte afruar edhe te Girona në janar, por një dëmtim e pengoi portierin të kishte ndikim.

Një tjetër objektiv i trajnerit spanjoll është mesfushori maroken Azzedine Ounahi, i cili ka impresionuar me paraqitjet e tij dhe vlerësohet rreth 25 milionë euro.

Në listën e dëshirave është përmendur edhe sulmuesi Abel Ruíz, megjithëse kjo pistë duket më pak e mundshme pas afrimit të pritshëm të Marcos Leonardo nga Al-Hilal.

Me Míchelin në stol dhe një afat kalimtar të fokusuar te përvoja dhe cilësia, Ajax synon të nisë një epokë të re dhe të rikthehet mes skuadrave më të forta të futbollit evropian. /Telegrafi/

Reshjet e dendura të shiut dhe breshërit, të shoqëruara me erëra të forta, kanë shkaktuar dëme edhe në zonën e Brezovicës.

Si pasojë e motit të paqëndrueshëm, një lis është rrëzuar mbi dy vetura, duke shkaktuar dëme materiale.

Pamjet nga vendi i ngjarjes janë dërguar nga lexuesit, ku shihet momenti pas rënies së pemës mbi automjete.

Sipas informacioneve të deritanishme, nuk raportohet për persona të lënduar.

Moti i lig ka shkaktuar probleme edhe në disa zona të tjera të Kosovës, ndërsa qytetarët janë këshilluar të kenë kujdes gjatë lëvizjeve, veçanërisht në zonat e prekura nga erërat e forta.

Telegrafi ka kontaktuar Policinë e Kosovës për të marrë konfirmim zyrtar lidhur me rastin, por deri në publikimin e këtij lajmi nuk ka pranuar përgjigje.

Lisi rrëzohet mbi dy vetura në Brezovicë, shkaktohen dëme materiale nga moti i lig telegrafi.com

Erëra të forta kanë përfshirë edhe qytetin e Prizrenit gjatë ditës së sotme, duke shkaktuar shqetësim te qytetarët dhe duke ndikuar në lëvizjen në disa zona.

Kushtet e paqëndrueshme atmosferike kanë prekur disa pjesë të Kosovës, ndërsa për sot janë paralajmëruar stuhi të mundshme me erëra të fuqishme dhe breshër në disa rajone të vendit.

Qytetarëve u është bërë thirrje që të kenë kujdes, veçanërisht gjatë qëndrimit në ambiente të hapura, pranë pemëve, objekteve të pasigurta apo elementeve që mund të dëmtohen nga era.

Deri tani nuk janë raportuar dëme të konfirmuara në Prizren si pasojë e erërave të forta.

Institucionet kanë rekomanduar që qytetarët të ndjekin njoftimet zyrtare dhe të shmangin aktivitetet që mund të paraqesin rrezik gjatë kohës së motit të lig.

Ripërtëritja Demokratike e Maqedonisë (RDM) thekson se identifikimi i autorëve specifikë të ndotjes së ujit në Gostivar është një hap i nevojshëm, por i pamjaftueshëm.

Ky skandal nuk duhet të mbyllet vetëm me përgjegjësi individuale, sepse fajtori i vërtetë është një sistem plotësisht jofunksional.
Nga atje thonë se klientelizmi dhe paaftësia në institucione kanë krijuar një mjedis në të cilin shëndeti publik është vazhdimisht i rrezikuar.

Faji individual nuk duhet të shërbejë si alibi për neglizhencën institucionale./Telegrafi/

Roza Gilles, një ish-modele nga Uzbekistani, ka zbuluar për herë të parë historinë e saj të tmerrshme rreth viteve të abuzimit dhe përdhunimit që duroi në duart e pedofilit të dënuar Jeffrey Epstein.

Fakti që abuzimi ndodhi në vitin 2009, ndërsa Epstein po vuante dënimin me burg sipas programit të diskutueshëm të "lirimit nga puna", është veçanërisht tronditës, shkruan CNN.

Kur 18-vjeçarja Roza Gilles u shfaq në një zyrë në katin e 14-të të një rrokaqielli në Palm Beach, Florida, në verën e vitit 2009, ajo mendoi se po vinte për një punë fundjave si recepsioniste për të shlyer borxhet që kishte krijuar me të mbërritur në SHBA. Në vend të kësaj, ajo ra në një kurth.

Ajo gjeti një grua në dhomë duke i masazhuar këmbët Epsteinit, i tha ajo CNN-së në një intervistë ekskluzive. Gilles vuri re se Epstein kishte një brez të zi plastik rreth kyçit të këmbës me një kuti të vogël dhe një dritë që ndizte. Kur ajo i pyeti se çfarë ishte, Epstein dhe gruaja qeshën. Pak çaste më vonë, filloi makthi.

"Isha duke ngrirë. Një grua erdhi dhe filloi të më zbërthente bluzën. E hoqi, pastaj më hoqi reçipetat dhe doli jashtë", kujton Gilles ditën kur Epstein e sulmoi seksualisht për herë të parë.

Foto nga rinia e Roza Gilles (Foto: CNN)

Vetëm më vonë ajo e kuptoi se sulmuesi po vuante dënimin për joshjen e të miturve në prostitucion. Ishte vetëm fillimi i viteve të tëra përdhunimi dhe torture.

Gilles mbërriti në SHBA nëpërmjet agjentit Jean-Luc Brunel, pronar i agjencisë MC2 Model Management në Nju Jork, i cili ishte i lidhur ngushtë me Epstein.

Agjencia menjëherë u atribuoi vajzave të reja mijëra dollarë borxhe për viza dhe qira. Kur vajzat hynin në një situatë të pashpresë financiare, Epstein hynte në histori me oferta "bujare" për punë shtesë.

Mesazhi ishte i qartë - gratë e reja migrante ishin plotësisht në mëshirën e agjencisë dhe Epsteinit.

Epstein përdori një marrëveshje kontroverse të pranimit të fajësisë të vitit 2008 gjatë dënimit të tij 13-mujor, e cila i lejoi atij të kalonte pjesën më të madhe të kohës jashtë një qelie burgu.

Ai formoi organizatën jofitimprurëse "Florida Science Foundation", ku i lejohej të punonte deri në 12 orë në ditë.

Është tronditëse që gjatë abuzimit të vajzave, rojet e burgut dhe zëvendësit e sherifit të Qarkut Palm Beach ishin të pranishëm në dhomat ngjitur.

Survivor details Epstein abuse that began during his jail timeyoutube.com

Agjencia e Epsteinit u pagoi atyre më shumë se 128,000 dollarë për "siguri" dhe mbajtjen e të dhënave të vizitorëve.

Gilles kujton momentin kur pa një oficer policie me uniformë duke qeshur dhe duke bërë shaka me Epstein në rezidencën e Epstein.

"Mendova me vete, 'Falë Zotit, kjo është dita kur gjithçka do të marrë fund'. I shikova, i urova një ditë të mbarë dhe ai kaloi pranë meje pa thënë asnjë fjalë. Atëherë e kuptova - çfarëdo që të bësh, askush nuk do ta ndalojë këtë njeri. Mund të bërtasësh nga maja e universit, askush nuk do të interesohet", kujton Gilles.

Pasi arriti pavarësinë financiare nëpërmjet një karriere në Nju Jork, Gilles më në fund iku nga mjedisi i Epstein. Ajo u zhvendos në perëndim të SHBA-së, u martua dhe sot punon si trajnere fitnesi.

Ajo e fshehu të kaluarën e saj të errët për vite me radhë, madje edhe nga prindërit e saj, por vendosi të fliste publikisht pasi Departamenti i Drejtësisë i SHBA-së publikoi më parë dokumente që, pavarësisht premtimeve për të mbrojtur privatësinë e viktimave, zbuluan emrin dhe korrespondencën e saj me një shkelës seksual të dënuar.

"Gjërat që ai më bëri më lënduan shumë. Ato lanë shenjën më të madhe dhe unë kurrë nuk do të jem në gjendje të ec përpara plotësisht, pavarësisht se sa shumë përpiqem", tha Gilles në fund të rrëfimit të saj prekës. /Telegrafi/

Aleanca ka prezantuar logon e saj të re, vetëm një ditë pas mbajtjes së mbledhjes së Këshillit të Përgjithshëm, në të cilën u zgjodh Kryesia e re e partisë.

Në mbledhjen e mbajtur të hënën, Këshilli i Përgjithshëm miratoi përbërjen e re të Kryesisë, duke përmbyllur procesin e riorganizimit të brendshëm të subjektit politik.

Përveç zgjedhjes së Kryesisë, u funksionalizuan edhe organet e tjera drejtuese të Aleancës, ndërsa delegatët votuan edhe për miratimin e logos së re të partisë.

Sipas Aleancës, ndryshimet e miratuara janë pjesë e procesit të reformimit dhe organizimit të strukturave të saj, me synim forcimin e funksionimit të brendshëm dhe përgatitjen për aktivitetet e ardhshme politike.

Spanja u shpall kampione e botës për herë të dytë në histori, ndërsa një nga çelësat e suksesit ishte mbrojtja e saj e jashtëzakonshme.

Gjatë gjithë Kupës së Botës 2026, skuadra e Luis de la Fuente ishte pothuajse e pakalueshme, duke pësuar vetëm një gol në të gjithë turneun.

Portieri Unai Simón ishte një nga protagonistët kryesorë të këtij suksesi. Ai mbajti portën të paprekur për 650 minuta radhazi, duke vendosur rekordin për serinë më të gjatë pa pësuar gol në historinë e Kupës së Botës.

Për paraqitjet e tij ai u shpërblye me çmimin "Doreza e Artë" si portieri më i mirë i turneut.

Seria historike mori fund vetëm në çerekfinalen ndaj Belgjikës, kur Charles De Ketelaere realizoi me kokë për të barazuar përkohësisht rezultatin. Ai mbetet lojtari i vetëm që arriti të mposhtte mbrojtjen spanjolle gjatë gjithë Botërorit.

Megjithatë, Spanja reagoi shpejt dhe fitoi ndeshjen 2-1, duke vazhduar rrugëtimin drejt titullit të kampionit të botës.

Soliditeti defensiv i spanjollëve ishte rezultat i një organizimi të shkëlqyer, me Pau Cubarsí, i shpallur "Lojtari më i mirë i ri" i turneut, dhe Aymeric Laporte që formuan një dyshe mbresëlënëse në qendër të mbrojtjes. Falë punës së tyre dhe pritjeve vendimtare të Unai Simónit, Spanja lejoi shumë pak raste për kundërshtarët gjatë gjithë garës.

Në këtë mënyrë, De Ketelaere mbeti i vetmi futbollist që arriti të gjejë rrugën e rrjetës ndaj Spanjës, ndërsa emra të mëdhenj si Lionel Messi, Kylian Mbappe, Cristiano Ronaldo, Ousmane Dembele, Romelu Lukaku dhe Julián Álvarez nuk ia dolën ta mposhtnin portierin spanjoll gjatë rrugëtimit të kampionëve drejt trofeut. /Telegrafi/

Stuhia e fortë që ka përfshirë pasditen e së hënës komunën e Suharekës ka shkaktuar dëme materiale në qytet dhe në disa fshatra përreth.

Lajmin e ka bërë të ditur kryetari i Komunës së Suharekës, Bali Muharremaj, i cili përmes një reagimi u bëri thirrje qytetarëve të tregojnë kujdes.

“Nga stuhia e fortë ka disa dëmtime në qytetin e Suharekës dhe fshatra me rrethinë. Apelojmë për kujdes”, ka shkruar Muharremaj.

Ai nuk ka dhënë detaje mbi shkallën e dëmeve apo nëse ka persona të lënduar.

Ndërkohë, autoritetet lokale pritet të dalin në terren për të vlerësuar situatën dhe dëmet e shkaktuara nga moti i ligë.

Gjyqtari i njohur i Ligës Premier, Anthony Taylor ka njoftuar pensionimin pas përfundimit të Kupës së Botës.

Taylor, 47 vjeç, i ka dhënë fund karrierës së tij pas më shumë se dy dekadash dhe plot 831 ndeshjesh të gjykuara.

Ndeshja e tij e fundit ishte ajo e fazës së 1/8 së finales së Kupës së Botës mes Spanjës dhe Portugalisë këtë verë, të cilën kampionët e botës, e fituan 1-0 falë golit të Mikel Merinos në minutat shtesë.

Gjatë 16 sezoneve në Ligën Premier, Taylor drejtoi 432 ndeshje të elitës angleze, ndërsa në karrierën e tij arbitroi edhe finalen e Ligës së Kampionëve në vitin 2024 mes Borussia Dortmundit dhe Real Madridit.

“Të gjykosh në nivelin më të lartë ka qenë një privilegj i jashtëzakonshëm, por presioni është i madh dhe vëmendja ndaj çdo vendimi është e vazhdueshme. Tani është momenti i duhur për t'u tërhequr dhe për të nisur kapitullin e ri të karrierës sime”.

“Dua të shpreh mirënjohjen time më të thellë për dy asistentët e mi, Gary dhe Adam, kolegët e arbitrazhit dhe të gjithë ata që janë pjesë e futbollit për mbështetjen gjatë gjithë këtyre viteve. Mbi të gjitha, dua të falënderoj familjen dhe miqtë e mi për mbështetjen e palëkundur gjatë sakrificave të mëdha që kjo karrierë ka kërkuar”, deklaroi ai.

Taylor mori pjesë si arbitër në dy Kupa Bote, atë të Katarit në vitin 2022 dhe atë të vitit 2026, si edhe në Kampionatin Evropian të viteve 2020 dhe 2024.

Në karrierën e tij ai drejtoi gjithashtu finalet e FA Cup në vitet 2017 dhe 2020, finalen e Carabao Cup në vitin 2015, si dhe finalen e play-offit të Championship në vitin 2018./Telegrafi/

Berim Ramosaj, ish-deputet i Lidhjes Demokratike të Kosovës ka kritikuar edhe mënyrën e organizimit dhe sjelljen e lidershipit aktual të këtij subjekti, duke thënë se brenda udhëheqjes ka mungesë bashkëpunimi dhe elemente të “narcizmit grupor ose individual”.

Në “Përballje Podcast”, Ramosaj tha se nuk synon ta marrë në mbrojtje udhëheqjen aktuale, pasi, sipas tij, edhe ajo ka bërë gabime të shumta.

“Nuk po duam ta marrim në mbrojtje këtë udhëheqje, sepse edhe kjo ka mjaft gabime në organizim dhe në sjelljen e lidershipit. Ka mungesë bashkëpunimi me të tjerët dhe, në njëfarë forme, narcizëm të grupit ose të individit”, ka deklaruar Ramosaj shkruan Telegrafi.

Megjithatë, ai ka vlerësuar se kërkesa për rishikimin e lidershipit në këtë moment mund të prodhojë pasoja politike që do ta vinin në pikëpyetje edhe mundësinë e arritjes së koalicioneve.

Sipas tij, një përplasje e re brenda LDK-së mund ta rikthejë partinë në pozicione të ngurta dhe ta çojë drejt një barikadimi të ngjashëm me atë të mëhershëm të partive opozitare.

Ramosaj: Hoti dhe ish-udhëheqësit që sot kërkojnë ndryshime mbajnë përgjegjësi të madhe për rënien e LDK-së

“Në këtë moment, të kërkosh rishikim të udhëheqjes mund të prodhojë rezultate që e vënë në pikëpyetje edhe mundësinë për koalicione. Mund të çojë sërish te barikadimi i partive opozitare për të mos hyrë në koalicione”, ka thënë ai.

Ramosaj ka theksuar se opozitarizmi është pjesë legjitime e demokracisë, por vetëm për aq kohë sa nuk dëmton interesin institucional dhe nacional të vendit.

- YouTube www.youtube.com

“Opozitarizmi në dëm të institucioneve të Kosovës nuk do të duhej të bëhej. Ka forma legjitime të opozitarizmit, por nuk është legjitime kur dëmtohet interesi nacional në emër të rezultatit të një grupi, të disa individëve apo të një partie politike”, ka deklaruar Ramosaj.

Ai ka shtuar se pakënaqësitë, mllefi apo zelli për përplasje politike nuk duhet të vendosen mbi nevojën për funksionalizimin e institucioneve të Kosovës./Telegrafi/.

A plot to assassinate Turkish President Recep Tayyip Erdogan during the failed coup attempt in 2016 has been uncovered.

According to published information, the suspected perpetrators had planned to capture Erdogan at the hotel where he was staying on the night of the coup, then take him out of Turkey on a foreign plane and kill him during the flight, the media wrote.

The plan, however, failed after the Turkish president left the hotel shortly before the group of assassins arrived at the scene.

The coup attempt occurred on July 15, 2016, when a group of military officers attempted to seize control of Turkey's key institutions.

After the clash between government forces and putschists, more than 250 people lost their lives.

The Turkish government has blamed cleric Fethullah Gulen's network for orchestrating the coup, while the now-deceased imam and his supporters have denied the allegations.

The event remains one of the most important political moments in modern Turkish history. /Telegraph/

Një plan për vrasjen e presidentit turk, Recep Tayyip Erdogan gjatë tentativës së dështuar për grusht shteti në vitin 2016 është zbuluar.

Sipas informacionit të publikuar, autorët e dyshuar kishin planifikuar ta kapnin Erdoganin në hotelin ku ai qëndronte gjatë natës së puçit, më pas ta nxirrnin jashtë Turqisë me një avion të huaj dhe ta vrisnin gjatë fluturimit, shkruajnë mediat.

Plani, megjithatë, dështoi pasi presidenti turk ishte larguar nga hoteli pak para se grupi i atentatorëve të mbërrinte në vendngjarje.

Tentativa për grusht shteti ndodhi më 15 korrik 2016, kur një grup ushtarakësh tentuan të merrnin kontrollin e institucioneve kryesore të Turqisë.

Pas përplasjes mes forcave qeveritare dhe puçistëve, më shumë se 250 persona humbën jetën.

Qeveria turke ka fajësuar rrjetin e klerikut Fethullah Gulen për organizimin e puçit, ndërsa imami tashmë i ndjerë dhe përkrahësit e tij i kanë mohuar akuzat.

Ngjarja mbetet një nga momentet më të rëndësishme politike në historinë moderne të Turqisë. /Telegrafi/

Disa përvoja të fëmijërisë mund të kenë efekte afatgjata, por ato gjithashtu mund të formësojnë disa tipare që më vonë rezultojnë të jenë një aset.

Psikologia Jonica Webb, e cila studion neglizhencën emocionale në fëmijëri, beson se njerëzit, prindërit e të cilëve rrallë i vinin re nevojat e tyre emocionale, shpesh zhvillojnë pika të forta të vlefshme që i ndihmojnë ata në moshë madhore.

Ajo veçoi pesë tipare që thotë se janë veçanërisht të zakonshme tek njerëzit që janë rritur duke u ndjerë të injoruar.

Ata janë jashtëzakonisht të pavarur

Sipas Webb, fëmijët që rriten duke ndjerë se duhet të përballen vetë me problemet, shpesh rriten dhe bëhen të rritur shumë të pavarur. Ata i kanë zgjidhur vetë mosmarrëveshjet në shkollë ose midis miqve, kështu që janë mësuar të mbështeten te vetja.

"Nëse je rritur në këtë mënyrë, je shumë i aftë dhe për këtë arsye mund t’i bësh shumicën e gjërave vetë", thekson psikologu për YourTango. Ai shton se hulumtimet tregojnë se pavarësia e tepërt, megjithëse mund të jetë e dobishme, ndonjëherë e bën të vështirë mbajtjen e marrëdhënieve të ngushta sepse njerëzit kanë tendencë të kërkojnë ndihmë nga të tjerët.

Ata janë shumë të dhembshur

Psikologia pohon se njerëzit që mendonin se emocionet e tyre nuk viheshin re në fëmijëri, shpesh zhvillojnë një ndjeshmëri ekstreme ndaj ndjenjave të të tjerëve. Edhe pse ndonjëherë mund të kenë vështirësi në njohjen e emocioneve të tyre, ata kanë më shumë gjasa të vënë re se si ndihen njerëzit e tjerë. "Njerëzit që u rritën duke u ndjerë të pavënë re shpesh kanë shumë dhembshuri për të tjerët", thotë ajo.

Ata janë shumë bujarë

Sipas Webb, fëmijët e lënë pas dore emocionalisht shpesh mësojnë të mos kërkojnë shumë për veten e tyre, sepse nuk janë mësuar që nevojat e tyre të njihen. Si rezultat, ata u kushtojnë më shumë vëmendje të tjerëve sesa vetes si të rritur. "Nuk kërkon shumë, por jep shumë", shpjegon Webb. Ai beson se pavarësia dhe dhembshuria janë arsyet pse njerëz të tillë shpesh i ndihmojnë të tjerët pa egoizëm.

Ata përshtaten lehtë

Webb thotë se shumë njerëz që u rritën duke u ndjerë të injoruar si fëmijë nuk kishin shumë mundësi për të shprehur dëshirat ose nevojat e tyre. Si rezultat, ata mësuan të përshtateshin me rrethanat dhe të pranonin situatat ashtu siç janë. "Nuk je kërkues, ndërhyrës ose kontrollues. Në vend të kësaj, përshtatesh me ndryshimin shumë më lehtë se shumica e njerëzve", thotë ai.

Ata janë jashtëzakonisht të kujdesshëm ndaj të tjerëve

Së fundmi, Webb thekson se njerëz të tillë janë shpesh ndër më të njohurit në mjedisin e tyre, sepse janë të gatshëm të ndihmojnë familjen, miqtë dhe madje edhe të panjohurit e plotë. Megjithatë, ajo paralajmëron se ata nuk duhet të neglizhojnë nevojat e tyre gjatë këtij procesi. "Mund të qëndroni po aq të fortë sa më parë, por në të njëjtën kohë të mësoni të kërkoni ndihmë kur keni nevojë dhe ta vlerësoni veten më shumë", përfundon psikologia.

Autoritetet e Kosovës kanë nisur këtë të martë aksionin për rrënimin e 11 vilave të ndërtuara ilegalisht në pronën e Ndërmarrjes Publike Hidroekonomike “Ibër-Lepenc”, në zonën e Liqenit të Ujmanit, në komunën e Zubin Potokut.

Aksioni, i cili po zhvillohet nga Inspektorati i Ministrisë së Mjedisit, Planifikimit Hapësinor dhe Infrastrukturës me mbështetjen e Policisë së Kosovës, ka kaluar pa incidente.

Shefi i Planifikimit në kuadër të Operativës Rajonale të Policisë në Mitrovicë të Veriut, Erduan Baliqi, tha se policia ka qenë në terren vetëm për të garantuar sigurinë gjatë zbatimit të vendimit.

“Ajo çfarë mund të deklarojmë është se nga orët e mëngjesit kemi asistuar për ‘Ibër-Lepencin’. Këtu jemi për shkaqe sigurie, ndërsa ‘Ibër-Lepenci’ është duke i kryer punët e veta. Deri më tani nuk kemi pasur ndonjë incident ose ndonjë problem. Rrënimi i vilave pothuajse ka përfunduar dhe nuk është paraqitur nevoja për të intervenuar”, tha Baliqi.

Sipas burimeve të KosovaPress-it, në mesin e objekteve të rrënuara janë edhe dy vila që i përkasin kryesuesit të Kuvendit Komunal të Mitrovicës së Veriut, Ivan Zaporozhac, dhe vëllait të tij.

Kryeshefi ekzekutiv i “Ibër-Lepencit”, Faruk Mujka, konfirmoi se objektet ishin ndërtuar pa leje në pronën e ndërmarrjes dhe se pronarët ishin njoftuar paraprakisht për lirimin e tyre.

“Ne po e kthejmë pronën tonë. Po rrënohen 11 shtëpitë e ndërtuara ilegalisht në pronën e ndërmarrjes”, tha Mujka.

Ai bëri të ditur se më 3 korrik pronarëve u ishte kërkuar t’i largonin sendet dhe ta lironin pronën deri më 17 korrik. Pas skadimit të këtij afati, autoritetet nisën zbatimin e vendimit për rrënim.

Sipas Mujkës, përveç një objekti, të gjitha vilat e tjera janë ndërtuar gjatë viteve 2019 dhe 2020.

Gjatë aksionit, disa prej pronarëve janë lejuar të largojnë gjësendet personale nga objektet, pa penguar zhvillimin e operacionit.

Ndërkohë, Zyra për Kosovën në Qeverinë e Serbisë e ka dënuar aksionin, duke e cilësuar atë si të paligjshëm dhe duke pretenduar se rrënimi është kryer pa vendim gjyqësor dhe në dëm të serbëve lokalë.

Liqeni i Ujmanit konsiderohet një nga asetet strategjike të Kosovës, pasi furnizon me ujë të pijshëm një pjesë të madhe të vendit, shërben për prodhimin e energjisë elektrike dhe për ujitjen e sipërfaqeve bujqësore.

Në seancën e sotme, me propozim të ministrit të Shëndetësisë, Sasho Klekovski, Qeveria emëroi Zllatko Perinskin për u.d. Drejtor të Fondit të Sigurimeve Shëndetësore të Republikës së Maqedonisë së Veriut.

“Perinski ka një diplomë masteri në menaxhimin e burimeve njerëzore. Në karrierën e tij profesionale, ai shërbeu si Ministër i Vetëqeverisjes Lokale, Drejtor i Përgjithshëm i Ndërmarrjes Publike ‘Ujësjellës dhe Kanalizime’ – Shkup, si dhe Menaxher i Kompleksit Sportiv ‘Boris Trajkovski’”, thuhet në njoftimin e qeverisë për emërimin e Perinskit si drejtor i Fondit.

Opozita e kritikoi ashpër propozimin që Perinski të jetë drejtori i ri i Fondit, sepse ai u diplomua në Fakultetin e Edukimit Fizik./Telegrafi/

Aktorja Olivia Wilde ka ndarë mendimet e saj mbi konceptin e "divorcit në dhomën e gjumit", duke shpjeguar se e gjen atë seksi.

Wilde ishte e ftuar në një episod të ri të podkastit të Louis Theroux, ku foli për mendimet e saj mbi marrëdhëniet pas publikimit të filmit të saj të ri "The Invite".

"Mendoj se ekziston kjo gjë e padrejtë, supozimi se gratë nuk duan aq shumë seks sa burrat. Mungesa e seksit nuk është normale, tregon se është miqësi. Mungesa e seksit e bën një marrëdhënie një shoqe dhome, jo një partneritet romantik", tha ajo.

Foto: Olivia Wilde/Instagram

Wilde theksoi se shumë njerëz e quajnë këtë fenomen si "dhoma e vdekur e gjumit" si dhe "divorc nga dhoma e gjumit".

"Mendoj se është paksa seksi, më intrigon. Ka pak mister në të, mendoj se është interesante", tha ajo.

Gjithashtu, Wilde foli më parë për ndarjen nga Harry Styles, duke deklaruar se ishte marrëdhënia më e bukur. Ajo shtoi se pjesëmarrja në filmin "The Invite" ishte shëruese për të. /Telegrafi/

Foto: Olivia Wilde/Instagram

Sulmuesi Edon Zhegrova do të ketë edhe një tjetër mundësi për ta dëshmuar kualitetin te Juventusi.

Pas një sezoni zhgënjyes që e ndoqi me lëndime të shumta dhe pak minuta në fushë, “Zonja e Vjetër” më saktësisht trajneri Luciano Spalletti ka vendosur t’i jep edhe një mundësi yllit të Kosovës për ta dëshmuar kualitetin.

Sipas asaj që raporton gazeta e madhe italiane “Gazzetta dello Sport”, Juventusi ka vendosur t’ia plotësojë dëshirën Zhegrovës për të qëndruar edhe një tjetër vit.

E tërë kjo u mundësua përmes Nico Gonzalez, pra mesfushorit argjentinas i cili ia ka bërë të qartë klubit italian se nuk e konsideron fare qëndrimin në Torino.

“Nico Gonzalez e ka bërë tashmë të qartë se nuk është i interesuar për të qëndruar në Torino. Ka mundësi reale që argjentinasi t’i bashkohet një ekipi të ri. Ai dëshiron të qëndrojë te Atletico, por negociatat nevojiten për ta kompletuar marrëveshjen”.

“Dëshira e Nicos për t’u larguar, i jep një tjetër shans Edon Zhegrovën për ta kapërcyer nivelin e dobët që tregoi në sezonin e tij të parë”, raporton gazeta italiane.

Ylli i Kosovës gjatë tërë verës e ka bërë të qartë se dëshiron të mbetet në Torino, ngase përpos që refuzoi të negociojë me klubet e interesuara edhe shkoi në parapërgatitje më herët.

Zhegrova ka për synim sa më parë të zërë vend te Juventusi, si dhe të rifitojë vendin e titullarit edhe te Kombëtarja e Kosovës në muajin shtator./Telegrafi/

KEDS Energy ka njoftuar se kushtet e pafavorshme atmosferike, të karakterizuara nga erëra të forta, reshje të dendura shiu dhe breshër, mund të ndikojnë në stabilitetin e sistemit të shpërndarjes së energjisë elektrike, duke shkaktuar ndërprerje të përkohshme të furnizimit.

Sipas njoftimit të kompanisë, ekipet teknike janë angazhuar në terren me kapacitete të shtuara dhe po monitorojnë vazhdimisht gjendjen, me qëllim që të ndërhyjnë sa më shpejt në rast të dëmtimeve në rrjet.

"Kushtet atmosferike mund të ndikojnë drejtpërdrejt në rrjetin e shpërndarjes, ndërsa ekipet tona janë të gatshme për intervenim të menjëhershëm dhe rikthimin sa më të shpejtë të furnizimit me energji elektrike", thuhet në njoftimin e KEDS.

Kompania u ka bërë thirrje qytetarëve për mirëkuptim në rast të ndërprerjeve të përkohshme, duke theksuar se prioritet mbetet siguria dhe rikthimi i energjisë në kohën më të shkurtër të mundshme. /Telegrafi/