Reading view

Apeli i Speciales lë në paraburgim Isni Kilajn

2 September 2025 at 13:22

Dhoma e Apelit në Gjykatën Speciale në Hagë ka rrëzuar kërkesën e fundit të Isni Kilajt kundër masës së paraburgimit.

Sipas njoftimit të Dhomave të Specializuara të Kosovës në Hagë, vendimi është marrë më 1 shtator.

Dhoma e Apelit në Gjykatën Speciale në Hagë ka rrëzuar kërkesën e fundit të Isni Kilajt kundër masës së paraburgimit. Sipas njoftimit të Dhomave të Specializuara të Kosovës në Hagë, vendimi është marrë më 1 shtator.

“Më 1 shtator 2025, Paneli i Gjykatës së Apelit rrëzoi apelin e Isni Kilajt kundër vendimit të Gjykatëses së Procedurës Paraprake ku urdhëronte vazhdimin e paraburgimit të tij, të lëshuar më 5 qershor të këtij viti”, thuhet në faqën zyrtare të gjykatës.

Ky është apeli i katërt i Kilajt kundër vazhdimit të paraburgimit që rrëzohet, dhe sikurse tri vendimet paraprake, edhe kësaj radhe kërkesa e tij u refuzua tërësisht.

Sipas Apelit, vendimi i gjyqtares së procedurës paraprake, Marjorie Masselot, për rrezikun e pengimit të procedurave, është i bazuar në prova të mjaftueshme.

Apeli është pajtuar me gjyqtaren e procedurës paraprake, që “masa e paraburgimit mbetet e nevojshme”.

Nën akuzat për tentim pengim të drejtësisë, Kilaj u arrestua më 5 dhjetor të vitit të kaluar, bashkë me Bashkim Smakajn dhe Fadil Fazliun, të cilët më pas u transferuan në qendrën e paraburgimit në Hagë./KP/.

The post Apeli i Speciales lë në paraburgim Isni Kilajn appeared first on Telegrafi.

Tentoi të hynte në Shqipëri teksa ishte në kërkim, ndalohet 55-vjeçari serb

Telegrafi

By: Muhamet Hajrullahu

2 September 2025 at 13:08

Një shtetas serb është ndaluar në Pikën Kufitare të Morinës, ndërsa tentonte të hynte në Shqipëri, pavarësisht se ishte në kërkim ndërkombëtar nga autoritetet gjermane për vepra penale në fushën e krimeve ekonomike.

Si rezultat i kontrolleve të shtuara në hyrje/dalje dhe verifikimeve të detajuara për parandalimin e paligjshmërive në kufi, shërbimet e Policisë Kufitare të Morinës, në bashkëpunim me strukturat e DVP Kukës, bënë të mundur ndalimin e shtetasit serb G. S., 55 vjeç.

Nga shkëmbimi i informacionit ndërmjet Interpol Tiranës dhe partnerëve gjermanë, rezultoi se ky shtetas ishte shpallur në kërkim ndërkombëtar nga autoritetet gjermane. Ai ishte dënuar me masën e sigurisë “Arrest në burg” nga Gjykata e Mainz, për veprat penale “Evazion fiskal” dhe “Përfitim i kundërligjshëm i pagave apo shpërblimeve të personave të tjerë”.

Interpol Tirana po vijon procedurat për ekstradimin e 55-vjeçarit drejt Gjermanisë, në bashkëpunim të ngushtë me autoritetet e drejtësisë gjermane./EuronewsAlbania/.

The post Tentoi të hynte në Shqipëri teksa ishte në kërkim, ndalohet 55-vjeçari serb appeared first on Telegrafi.