Studentët kanë dalë në protestë para Ambasadës së Maqedonisë së Veriut në Prishtinë, në kuadër të një aksioni solidarizues me kërkesat për përdorimin e gjuhës shqipe.

Tubimi, i organizuar nga Unioni i Studentëve në bashkëpunim me parlamentet studentore, ka nisur në orën 14:00 dhe po mbahet në kryeqytet.

Sipas organizatorëve, protesta synon të shprehë mbështetje për studentët shqiptarë në Maqedoninë e Veriut dhe kërkesat e tyre që gjuha shqipe të përdoret pa kufizime në proceset arsimore dhe provimet shtetërore.

Sinjali – aty ku e vërteta flet para lajmit!

/GazetaSinjali/

The post Fillon protesta e studentëve në Prishtinë në mbështetje të gjuhës shqipe në RMV appeared first on Sinjali.

Ministria e Industrisë, Ndërmarrësisë dhe Tregtisë ka njoftuar për përditësimin e ri të çmimeve të derivateve në tregun vendor.

Sipas vendimit të fundit, çmimi i naftës është rritur për 1 cent krahasuar me ditën e djeshme dhe sot shitet me 1.52 euro për litër.

Edhe benzina ka shënuar një rritje të lehtë prej 1 cent, duke u tregtuar me 1.42 euro për litër.

Ndërkohë, çmimi i gazit ka mbetur i pandryshuar dhe vazhdon të jetë 0.71 euro për litër.

The post MINT publikon çmimet e derivateve të naftës për sot, nafta dhe benzina rriten për 1 cent appeared first on Sinjali.

Bashkimi Evropian do të dërgojë 100 milionë euro mbështetje shtesë financiare për ushtrinë e Libanit, ndërsa ajo vepron në kuadër të armëpushimit të brishtë, tha shefja e politikës së jashtme të bllokut.

Kaja Kallas tha se marrëveshja e re e armëpushimit midis Izraelit dhe Libanit ofroi “një shans” për të ndaluar luftimet ushtarake në shkallë të plotë, por pranoi se zjarri i vazhdueshëm tregoi se ishte “i dobët”.

“Mënyra më e mirë për të zvogëluar kërcënimin që paraqet Hezbollahu është forcimi i shtetit libanez, fuqizimi i institucioneve të tij dhe rivendosja e monopolit të tij mbi përdorimin e forcës”, postoi ajo në X.

Ushtria libaneze është një entitet dallues i veçantë nga Hezbollahu, një grup militant i mbështetur nga Irani me bazë brenda vendit, shkruan Abcnews.al.

Vetë Libani nuk ka nisur operacionet e veta ofensive kundër Izraelit.

Sinjali – aty ku e vërteta flet para lajmit!

/GazetaSinjali/

The post BE do të ofrojë 100 milionë euro për ushtrinë e Libanit appeared first on Sinjali.

Të tjera detaje kanë dalë në dritë në lidhje me plagosjen me armë zjarri të ndodhur dje në mbrëmje në fshatin Sevaster të Vlorës.

Burime bëjnë me dije për A2CNN se i plagosuri është 37-vjeçari Shpati Kamberaj, i cili është transportuar me urgjencë drejt spitalit.

Sipas informacioneve paraprake, Kamberaj ka marrë një plumb në pjesën e femurit, në njërën këmbë. Fatmirësisht, ai ndodhet jashtë rrezikut për jetën.

Mësohet se menjëherë pas ngjarjes, 37-vjeçari është transportuar fillimisht nga familjarët e tij deri në fshatin Kotë, ku është marrë nga një ambulancë dhe është dërguar drejt spitalit.

Pas mbërritjes në spital, ai është futur në sallën e operacionit, ku po i nënshtrohet një ndërhyrjeje kirurgjikale për trajtimin e plagës së marrë.

Ndërkohë, policia ka nisur hetimet për të zbardhur rrethanat e ngjarjes dhe për të identifikuar autorin e mundshëm, shkruan A2CNN.

Deri më tani, nuk ka ende informacion mbi motivet e plagosjes.

Sinjali – aty ku e vërteta flet para lajmit!

/GazetaSinjali/

The post Të shtënat me armë zjarri në Vlorë: Një 37-vjeçari i plagosur, dalin detaje appeared first on Sinjali.

Në Tivat të Malit të Zi sot fillojnë punimet e Samitit të Bashkimit Evropian për Ballkanin Perëndimor, ku bëhen bashkë liderë nga vendet e rajonit dhe përfaqësues të institucioneve të BE-së.

Në këtë takim rajonal, Republika e Kosovës përfaqësohet nga ushtruesja e detyrës së Presidentes, Albulena Haxhiu.

Sipas njoftimit të Presidencës, diskutimet në samit do të përqendrohen në perspektivën evropiane të vendeve të Ballkanit Perëndimor, Planin e Rritjes së Bashkimit Evropian, si dhe në çështjet e sigurisë dhe stabilitetit në rajon.

Gjatë qëndrimit të saj, Haxhiu pritet të ritheksojë angazhimin e Kosovës për integrim në Bashkimin Evropian, trajtim të barabartë në procesin e zgjerimit, si dhe forcimin e bashkëpunimit mes vendeve të rajonit në funksion të paqes dhe stabilitetit.

Sinjali – aty ku e vërteta flet para lajmit!

/GazetaSinjali/

The post Në Tivat nis sot samiti BE–Ballkani Perëndimor appeared first on Sinjali.

Këshilli Studentor i Fakultetit të Filologjisë ka njoftuar se sot, duke filluar nga ora 14:00, do të organizojë një protestë paqësore në mbështetje të përdorimit të gjuhës shqipe në provimet shtetërore në Maqedoninë e Veriut.

Protesta do të mbahet para Ambasadës së Maqedonisë së Veriut në Prishtinë dhe ka për qëllim të kundërshtojë çdo kufizim të përdorimit të gjuhës shqipe, si dhe të kërkojë respektimin e të drejtave gjuhësore të shqiptarëve.

Ky organizim vjen pas protestave të ngjashme që janë zhvilluar edhe në Shkup dhe në Tiranë, ku studentë dhe qytetarë kanë reaguar ndaj çështjes së përdorimit të gjuhës shqipe në provimet shtetërore.

Organizatorët kanë ftuar studentët, profesorët dhe qytetarët që t’i bashkohen tubimit për të shprehur solidaritetin dhe mbështetjen e tyre për këtë kauzë.

Sinjali – aty ku e vërteta flet para lajmit!

/GazetaSinjali/

The post Sot protestë në Prishtinë për gjuhën shqipe në provimet shtetërore në RMV appeared first on Sinjali.

Presidenti ukrainas propozon takim në një vend të tretë neutral, ndërsa Trump thotë se të dyja palët duhet të “bëjnë kompromise”.

Presidenti ukrainas, Volodymyr Zelenskyy , ka bërë thirrje për negociata ballë për ballë në një letër publike drejtuar drejtpërdrejt presidentit rus, Vladimir Putin, shkruan The Guardian.

Letra, e para që Zelenskyy i shkruan publikisht drejtpërdrejt Putinit që kur Rusia nisi pushtimin e saj të plotë në vitin 2022, ishte një kritikë gjithëpërfshirëse ndaj 26 viteve të udhëheqësit rus në pushtet, transmeton Sinjali.

Zelenskyy pranoi ndryshimin e prioriteteve të SHBA-së, duke thënë se do të ishte gabim të pritej thjesht që administrata Trump të kthente vëmendjen e saj te përfundimi i luftës në Ukrainë, ndërsa ajo mbetet shumë e përqendruar në luftën e Iranit.

“Po propozoj një takim”, shkroi Zelenskyy.

Ai dukej se po përpiqej të kapte një moment vendimtar në luftë, ndërsa Ukraina ka filluar të rifitojë disa ndikime në fushën e betejës, kryesisht përmes aftësive të përmirësuara të sulmeve me rreze të gjatë veprimi që kanë komplikuar përparimet e Rusisë. Në të njëjtën kohë, Moska ka intensifikuar fushatën e saj ajrore vdekjeprurëse në të gjithë Ukrainën, duke kërkuar të shfrytëzojë mungesat e Kievit dhe cenueshmërinë e vazhdueshme ndaj sulmeve me raketa balistike.

Putin tha të enjten se Rusia do të forcojë mbrojtjen e saj ajrore për t’iu kundërvënë sulmeve të fundit të Ukrainës me dronë, të cilat kanë arritur thellë brenda vendit të tij dhe kanë hedhur një re mbi forumin e tij ekonomik në qytetin e tij të lindjes, Shën Petersburg.

Duke folur gjatë një takimi me krerët e agjencive ndërkombëtare të lajmeve, Putin pranoi dëmet nga sulmet me dronë ukrainasë. “Me keqardhjen tonë, disa prej tyre depërtojnë“, tha Putin për sulmet. “Rusia ka një sistem mbrojtjeje ajrore, ne duhet ta përmirësojmë, ta forcojmë atë dhe ne do ta bëjmë këtë“.Sesioni i gjerë për median u zhvillua në margjinat e Forumit Ekonomik Ndërkombëtar të Shën Petersburgut, ekspozita vjetore e investimeve e Putinit. Disa orë para hapjes së forumit të mërkurën, një sulm me dron ukrainas i vuri flakën një terminali nafte në qytet dhe goditi gjithashtu një bazë detare aty pranë.

Putin tha gjithashtu se Rusia ishte e hapur për një kompromis mbi Ukrainën në përputhje me marrëveshjet e arritura në samitin e tij me Donald Trump në Anchorage të Alaskës, dhe Ukraina duhej t’i pranonte ato për të arritur një marrëveshje për t’i dhënë fund konfliktit, i cili tani është në vitin e tij të pestë.

Trump tha të enjten se do të ishte “shumë mirë” që Zelensky të takohej me Putinin, por tha se të dyja palët duhet të bënin kompromise, pa dhënë shpjegime të mëtejshme.

“Jam i kënaqur që ndoshta po flasin për një takim. Mendoj se kishim shumë të bënim me të”, u tha Trump gazetarëve në Zyrën Ovale. “Mendoj se do të ishte shumë mirë nëse do të takoheshin. Duhet ta bëjnë këtë”.

“Të dy do të bëjnë kompromise, unë sugjerova ato kompromise, dhe e dini, ne kemi pasur shumë të bëjmë me këtë”.

Ndërkohë, Dhoma e Përfaqësuesve miratoi legjislacionin që do të ndihmonte Ukrainën dhe do të sanksiononte segmente kyçe të ekonomisë ruse, duke anashkaluar kundërshtimet e udhëheqësve republikanë të cilët paralajmëruan se projektligji do të minonte negociatat e hartuara për të arritur një rezultat të krahasueshëm, por më të fortë.

Vota 226-195 ishte një shenjë e padurimit me qasjen e Trump ndaj luftës. Legjislacioni i sponsorizuar nga demokratët synon të çimentojë ndihmën e Uashingtonit për Kievin duke ofruar më shumë se 1 miliard dollarë ndihmë për sigurinë dhe rindërtimin. Ai do të vinte në dispozicion edhe 8 miliardë dollarë të tjerë për mbrojtjen e Ukrainës përmes kredive. Projektligji do të duhet të miratohet në Senat, gjë që mbështetësit e kanë pranuar se mund të jetë e pamundur.

Në letrën e Zelensky-t, ai tha se bisedimet e propozuara mund të organizoheshin nga një vend i tretë neutral, duke përjashtuar Moskën dhe Kievin si vende takimi, dhe sugjeroi Zvicrën, Turqinë ose shtetet arabe si vende të mundshme organizimi për negociata.

Sinjali – aty ku e vërteta flet para lajmit!

/GazetaSinjali/

The post Zelensky bën thirrje për negociata ballë për ballë për luftën në Ukrainë në letër drejtuar Putinit appeared first on Sinjali.

Liverpooli ka bërë publik emërimin e trajnerit të ri, duke i besuar drejtimin e skuadrës spanjollit Andoni Iraola. Klubi nga “Anfield” njoftoi se 43-vjeçari ka firmosur një marrëveshje që do ta mbajë në krye të ekipit për dy vitet e ardhshme.

Iraola merr detyrën pas largimit të Arne Slot, i cili u shkarkua më 30 maj, duke i dhënë fund aventurës së tij dyvjeçare në stolin e “Reds”. Spanjolli ishte ndër emrat më të përfolur për ta pasuar holandezin dhe në fund mori besimin e drejtuesve të klubit.

Ai vjen në Liverpool pas një pune të suksesshme me Bournemouthin, ku kaloi tre sezone dhe shkroi histori duke e udhëhequr skuadrën drejt pjesëmarrjes së parë në garat evropiane.

Gjatë periudhës së tij në klubin anglez, Iraola fitoi vlerësime të shumta për stilin e lojës dhe për transformimin e ekipit në një kundërshtar më konkurrues në Premier League.

Bournemouth e përfundoi edicionin 2025/26 në vendin e gjashtë të renditjes, vetëm tri pikë larg Liverpoolit që u rendit i pesti. Ky rezultat konsiderohet si një tregues i qartë i punës së trajnerit spanjoll, i cili tani përballet me sfidën e rikthimit të Liverpoolit në luftën për trofe dhe konsolidimin e klubit në nivelet më të larta të futbollit anglez.

Sinjali – aty ku e vërteta flet para lajmit!

/GazetaSinjali/

The post Zyrtare: Andoni Iraola bëhet trajneri i ri i Liverpoolit appeared first on Sinjali.

Dashi

Në jetën sentimentale pritet një ditë me shumë tension. Mosmarrëveshjet me partnerin mund të jenë të shpeshta dhe vështirë se do të gjeni gjuhë të përbashkët. Për beqarët, fati do të jetë më i favorshëm pasi mund të shfaqen mundësi interesante për njohje të reja. Në aspektin financiar kërkohet kujdes maksimal, pasi pakujdesia mund të sjellë vështirësi të mëtejshme.

Demi

Marrëdhënia në çift do të karakterizohet nga harmonia dhe afërsia. Do të ndiheni të sigurt për të bërë plane apo vendime të rëndësishme së bashku. Beqarët kanë gjasa të nisin një histori të bukur dashurie me dikë që ua fiton zemrën. Financat kërkojnë maturi; shmangni shpenzimet e nxituara dhe merrni parasysh këshillat e familjarëve.

Binjakët

Sot do të reflektoni mbi sjelljen tuaj në raport me partnerin dhe do të pranoni disa gabime të së kaluarës. Kjo do të ndikojë pozitivisht në marrëdhënie. Për beqarët, dita sjell mundësi të mira për të nisur një lidhje serioze dhe afatgjatë. Gjendja ekonomike paraqitet e qëndrueshme dhe e favorshme për investime.

Gaforrja

Komunikimi me partnerin do të jetë i hapur dhe konstruktiv. Bashkëpunimi mes jush do të forcohet edhe më shumë. Beqarët do të kenë takime të këndshme dhe do të ndihen më optimistë për të ardhmen sentimentale. Financat mbeten në gjendje të mirë, duke ju mundësuar edhe shlyerjen e disa detyrimeve të vjetra.

Luani

Për çiftet kjo do të jetë një ditë e qetë dhe plot mirëkuptim. Problemet e mëparshme do të gjejnë zgjidhje, ndërsa mbrëmja premton emocione të bukura. Beqarët nuk do të përjetojnë ndonjë zhvillim të veçantë. Në planin financiar mund të hasni pengesa dhe shqetësime që kërkojnë kujdes.

Virgjëresha

Mosmarrëveshjet me partnerin mund të krijojnë tension gjatë ditës. Debatet do të jenë të vështira për t’u shmangur. Beqarët duhet të tregohen të matur dhe të mos nxitojnë në vendime sentimentale. Financat do të mbeten nën kontroll falë menaxhimit të kujdesshëm të shpenzimeve.

Peshorja

Edhe pse mund të ketë disa përplasje të vogla në çift, atmosfera e përgjithshme do të jetë pozitive. Me qetësi do t’i kaloni pengesat. Beqarët duhet të kenë ende pak durim për të gjetur personin e duhur. Në aspektin financiar, disa vendime të rëndësishme do të ndikojnë ndjeshëm në të ardhmen tuaj.

Akrepi

Marrëdhënia me partnerin mund të kalojë momente të vështira dhe debatet nuk do të mungojnë. Beqarët do të jenë më të vendosur se kurrë për të fituar zemrën e personit që pëlqejnë. Për financat, mos u mbështetni te premtimet e të tjerëve, por organizohuni vetë.

Shigjetari

Do të tregoheni më të kujdesshëm ndaj partnerit dhe do të respektoni mendimet e tij. Kjo do ta bëjë marrëdhënien më të fortë. Beqarët mund të përjetojnë një tërheqje të menjëhershme ndaj një personi nga e kaluara apo nga rrethi i njohjeve. Financat kërkojnë disiplinë dhe kontroll të rreptë.

Bricjapi

Nëse arrini të mbani nën kontroll xhelozinë dhe tregoheni më të hapur, dita do të jetë shumë e këndshme për ju. Beqarët do të njohin njerëz të rinj, por pa krijuar ende bindjen për një lidhje serioze. Situata financiare paraqitet e qëndrueshme dhe pa probleme të mëdha.

Ujori

Dashuria do të jetë në qendër të vëmendjes. Marrëdhënia në çift do të karakterizohet nga pasioni, afrimiteti dhe momentet e bukura. Edhe beqarët do të kenë mundësi për njohje interesante. Financat do të përmirësohen gradualisht dhe kjo do t’ju japë më shumë qetësi.

Peshqit

Aftësia juaj për të komunikuar dhe për të vepruar me diplomaci do të ndikojë pozitivisht në marrëdhënien me partnerin. Gjërat do të zhvillohen sipas pritshmërive tuaja. Beqarët do të preferojnë të shijojnë lirinë dhe nuk do të kërkojnë angazhime serioze. Në aspektin ekonomik duhet të tregoheni më të kujdesshëm me shpenzimet, pasi mund të veproni pa menduar gjatë.

Sinjali – aty ku e vërteta flet para lajmit!

/GazetaSinjali/

The post Horoskopi i datës 5 qershor, e premte appeared first on Sinjali.

Sot në vendin tonë pritet të mbajë mot kryesisht me diell, i shoqëruar me vranësira të pakta dhe kalimtare gjatë ditës.

Era do të fryjë nga veriperëndim me shpejtësi 1–4 m/s.

Temperaturat do të shënojnë rritje të ndjeshme, ku ato minimale do të lëvizin ndërmjet 10 dhe 13°C, ndërsa maksimalet e ditës pritet të arrijnë nga 22 deri në 26°C.

Sinjali – aty ku e vërteta flet para lajmit!

/GazetaSinjali/

The post Moti gjatë ditës së sotme me diell appeared first on Sinjali.

Një informacion për të shtëna me armë ka mobilizuar njësitë policore në Vushtrri, ndërsa pas intervenimit në terren është sekuestruar një armë zjarri dhe municion.

Burime të besueshme nga strukturat e afërta me hetimin bëjnë të ditur se Policia ka pranuar më 3 qershor, rreth orës 19:20, informatë për të shtëna me armë në fshatin Samadrexhë të Vushtrrisë.

Menjëherë pas pranimit të informacionit, në vendin e ngjarjes kanë dalë njësitë reaguese dhe hetuesit policorë, të cilët kanë nisur verifikimin e rrethanave të rastit.

Gjatë veprimeve hetimore është identifikuar Veltit Maloku, i cili ka dorëzuar vullnetarisht një pushkë të tipit M-48 si dhe tre fishekë.

Megjithatë, pavarësisht informacionit fillestar, hetuesit nuk kanë arritur të sigurojnë prova që do të vërtetonin se në lokacion kishte pasur të shtëna me armë zjarri.

Në konsultim me prokurorin kujdestar, rasti është iniciuar për veprën penale “Mbajtja në pronësi, kontroll ose posedim të paautorizuar të armëve”.

Arma dhe municioni janë sekuestruar nga Policia si prova materiale, ndërsa i dyshuari është intervistuar dhe më pas është liruar në procedurë të rregullt.

Hetimet lidhur me rastin janë duke vazhduar.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Alarm për të shtëna me armë në Vushtrri, 62-vjeçari ia dorëzon Policisë pushkën dhe fishekët appeared first on Sinjali.

Një person ka përfunduar në ndalim policor, ndërsa një tjetër është shpallur në kërkim, pasi dyshohet se kanë vjedhur qindra litra naftë nga një kamion në Fushë Kosovë.

Burime të besueshme nga strukturat e afërta me hetimin bëjnë të ditur se rasti ishte raportuar më 31 maj 2026 në Stacionin Policor të Fushë Kosovës, ku ankuesi kishte njoftuar se persona të panjohur kishin vjedhur rreth 200 litra naftë nga rezervuari i kamionit të tij.

Sipas dëshmitarit, vlera e dëmit të shkaktuar arrin në rreth 300 euro.

Pas pranimit të informacionit, Njësia e Hetimeve në Fushë Kosovë ka zhvilluar veprime intensive operative dhe hetimore, duke siguruar dëshmi materiale dhe pamje nga kamerat e sigurisë.

Si rezultat i analizimit të video-incizimeve, hetuesit kanë arritur të identifikojnë njërin prej të dyshuarve, Vehbi Ajvazin, i cili më pas është lokalizuar dhe shoqëruar në stacion policor.

Gjatë intervistimit, në prani të avokatit mbrojtës, i dyshuari ka pranuar se ka marrë pjesë në kryerjen e veprës penale për të cilën po hetohej.

Me vendim të prokurorit kujdestar, ndaj tij është caktuar masa e ndalimit për 48 orë.

Ndërkohë, personi tjetër i dyshuar, i cili dyshohet se ka marrë pjesë në vjedhje së bashku me Ajvazin, nuk është arritur ende të lokalizohet dhe është futur në kërkim policor.

Hetimet për rastin janë duke vazhduar.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | I vodhën 200 litra naftë nga kamioni në Fushë Kosovë, kamerat zbulojnë njërin prej të dyshuarve appeared first on Sinjali.

Një 25-vjeçar ka përfunduar në prangat e Policisë pasi dyshohet se muaj më parë kishte plagosur rëndë një bashkëmoshatar në Gjilan dhe më pas ishte arratisur jashtë Kosovës.

Burime të besueshme nga strukturat e afërta me hetimin bëjnë të ditur se ngjarja kishte ndodhur më 14 maj 2026 para kafiterisë “Ten Ten” në rrugën “Lufta e Gjilanit” në Gjilan.

Sipas hetimeve, pas një mosmarrëveshjeje që lidhej me një motoçikletë, Lorent Cana kishte shkuar para lokalit bashkë me dy persona të tjerë. Konflikti verbal mes palëve kishte eskaluar, ndërsa i dyshuari dyshohet se kishte marrë një kubëz betoni me përmasa rreth 20 x 25 centimetra dhe e kishte goditur A. Sh. në kokë.

Si pasojë e goditjes, viktima kishte pësuar lëndime të rënda në pjesën e hundës dhe ballit. Pas trajtimit fillestar në Emergjencën e Gjilanit, ai ishte transferuar në Qendrën Klinike Universitare të Kosovës në Prishtinë, ku iu nënshtrua ndërhyrjes kirurgjikale dhe qëndroi për trajtim për dhjetë ditë.

Pas incidentit, i dyshuari ishte larguar nga Kosova dhe, sipas burimeve, ishte arratisur në Shqipëri. Për lokalizimin e tij, Njësia e Hetimeve në Gjilan kishte lëshuar kërkim policor.

Megjithatë, arratisja e tij mori fund më 3 qershor 2026, rreth orës 14:00, kur ai u identifikua dhe u arrestua nga Policia Kufitare në Aeroportin Ndërkombëtar “Adem Jashari”, derisa po tentonte të udhëtonte drejt Zvicrës.

Pas arrestimit, ai u shoqërua në Gjilan, ku u intervistua në prani të avokatit mbrojtës. Sipas burimeve, gjatë intervistimit i dyshuari e ka pranuar në tërësi veprën penale që i vihet në barrë.

Me vendim të Prokurorit të Shtetit, ndaj tij është caktuar masa e ndalimit për 48 orë dhe i njëjti është dërguar në Qendrën e Ndalimit.

Rasti po hetohet si “Lëndim i rëndë trupor”.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | E goditi me kubëz betoni në kokë para lokalit “Ten Ten” në Gjilan, arrestohet në aeroport i dyshuari që ishte arratisur në Shqipëri appeared first on Sinjali.

Një operacion i njësisë për hetimin e narkotikëve në Ferizaj ka rezultuar me sekuestrimin e një sasie të konsiderueshme të substancës së dyshuar narkotike, ndërsa i dyshuari ka arritur të largohet dhe vazhdon të kërkohet nga Policia.

Burime të besueshme nga strukturat e afërta me hetimin bëjnë të ditur se ngjarja ka ndodhur mbrëmjen e 3 qershorit në rrugën “Robin Kuk” në Ferizaj, gjatë zbatimit të planit operativ “Stop Drogave në Shkolla”.

Sipas burimeve, hetuesit e Drejtorisë për Hetimin e Trafikimit me Narkotikë kishin identifikuar si të dyshimtë Erdonit Tuniqin dhe i janë afruar me qëllim kontrolli. Megjithatë, sapo ka vërejtur praninë e zyrtarëve policorë, i dyshuari ka hipur me shpejtësi në një veturë pick-up të tipit Opel me targa vendore dhe është larguar nga vendi i ngjarjes.

Meqenëse hetuesit ndodheshin në këmbë, nuk kanë arritur ta ndalojnë, ndërsa menjëherë kanë nisur kërkimet për lokalizimin e tij.

Gjatë ekzaminimit të zonës ku ndodhej i dyshuari para arratisjes, policia ka gjetur dhe sekuestruar një sasi të konsiderueshme të substancës së dyshuar narkotike, të paketuara dhe të gatshme për shpërndarje.

Sipas të dhënave të siguruara, janë konfiskuar:

12 paketime me substancë të dyshuar narkotike të llojit marihuanë me peshë 131.10 gramë;

1 qese najloni me substancë të dyshuar narkotike të llojit marihuanë me peshë 57.80 gramë;

1 peshore digjitale që dyshohet se përdorej për matjen dhe paketimin e narkotikëve.

Pesha totale e substancës së sekuestruar arrin në 188.90 gramë marihuanë, ndërsa vlera e saj në tregun ilegal vlerësohet të jetë rreth 2 mijë euro.

Lidhur me rastin është njoftuar prokuroria dhe ka autorizuar ndërmarrjen e të gjitha veprimeve hetimore për sigurimin e të dyshuarit dhe procedimin e rastit.

Provat materiale janë tërhequr dhe proceduar nga njësitë e Forenzikës Rajonale, ndërsa Policia po vazhdon kërkimet për arrestimin e personit të dyshuar.

Rasti është iniciuar për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | I dyshuari për drogë u arratis para syve të hetuesve në Ferizaj, lë pas gati 190 gramë marihuanë dhe peshore digjitale appeared first on Sinjali.

Një incident i dyshimtë është raportuar gjatë një tubimi elektoral të Lidhjes Demokratike të Kosovës (LDK) në fshatin Vrellë të Istogut, ku një qytetar ka gjetur veturën e tij të dëmtuar derisa po merrte pjesë në aktivitetin politik.

Burime të besueshme nga strukturat e afërta me hetimin bëjnë të ditur se ngjarja ka ndodhur mbrëmjen e 3 qershorit, në intervalin kohor mes orës 20:20 dhe 20:50, në parkingun ku ishin të vendosura automjetet e pjesëmarrësve në tubim.

Sipas informacioneve, pronari i automjetit, M. J., kishte marrë pjesë në tubimin elektoral, ndërsa pas përfundimit të aktivitetit ka konstatuar se persona ende të paidentifikuar i kishin shpërthyer të katër gomat e veturës me mjet të mprehtë.

Nga ekzaminimet e para rezulton se dëmet janë kufizuar vetëm në goma, ndërsa pjesët e tjera të automjetit nuk janë prekur.

Njësitë policore kanë dalë menjëherë në vendin e ngjarjes, kanë kryer shikimin e vendit të ngjarjes dhe kanë intervistuar ankuesin lidhur me rrethanat e rastit.

Lidhur me incidentin është njoftuar prokurori kujdestar, i cili ka urdhëruar inicimin e rastit për veprën penale “Asgjësim apo dëmtim i pasurisë”.

Hetuesit po punojnë për identifikimin e personit apo personave që qëndrojnë pas dëmtimit të automjetit dhe për zbardhjen e motiveve të këtij veprimi.

Sinjali – aty ku e vërteta flet para lajmit!

/GazetaSinjali/

The post Ekskluzive | Shkon në tubimin e LDK-së në Istog, i gjen të katër gomat e veturës të shpuara kur kthehet appeared first on Sinjali.

Një incident i pazakontë ka ndodhur mbrëmjen e së mërkurës në Qendrën Edukuese Korrektuese për të Mitur në Lipjan, ku dy të mitur kanë arritur të largohen nga institucioni ku po vuanin masat edukative të shqiptuara nga gjykata.

Burime të besueshme nga strukturat e afërta me hetimin bëjnë të ditur se rreth orës 21:30 zyrtarët korrektues kanë njoftuar Policinë se dy të mitur, të vendosur në këtë qendër me vendime gjyqësore, kishin arritur të arratiseshin nga institucioni.

Bëhet fjalë për dy të mitur nga Gjilani, të moshës 15-vjeçare, të cilët ndodheshin në qendër në kuadër të masave edukative të shqiptuara nga organet kompetente.

Sipas informacioneve, njëri prej tyre kishte rreth katër muaj që qëndronte në qendër dhe po vuante masë edukative në kohëzgjatje prej dy vitesh, ndërsa tjetri kishte rreth tre muaj në institucion dhe ishte i vendosur aty me masë edukative prej një viti.

Pas alarmimit të Policisë dhe angazhimit të institucioneve kompetente, dy të miturit janë lokalizuar dhe rikthyer në Qendrën Edukuese Korrektuese në Lipjan, ku do të vazhdojnë zbatimin e masave edukative të shqiptuara ndaj tyre.

Lidhur me rastin është iniciuar procedurë për “Arratisje të personit të privuar nga liria”, ndërsa autoritetet po hetojnë rrethanat se si dy të miturit kanë arritur të largohen nga institucioni korrektues.

Sinjali – aty ku e vërteta flet para lajmit!

/GazetaSinjali/

The post Ekskluzive | Arratisen dy të mitur nga Qendra Korrektuese në Lipjan, rikthehen pas disa orësh appeared first on Sinjali.

Një rast i dyshuar që kishte nisur në verën e vitit 2024 ka marrë tashmë epilog forenzik, pasi ekspertiza zyrtare ka konfirmuar se qindra euro të deponuara në një bankë në Prishtinë ishin të falsifikuara.

Burime të besueshme nga strukturat e afërta me hetimin bëjnë të ditur se më 8 gusht 2024, përfaqësues të një dege të një banke në Prishtinë kishin njoftuar Policinë lidhur me disa kartëmonedha të dyshuara si të falsifikuara, të cilat ishin deponuar nga persona të ndryshëm.

Sipas të dhënave të siguruara, vlera e përgjithshme e kartëmonedhave të dyshuara arrinte në 338 euro.

Pas pranimit të rastit, paratë janë sekuestruar dhe janë dërguar për ekzaminim në Agjencinë e Kosovës për Forenzik, ku janë kryer analizat profesionale për verifikimin e autenticitetit të tyre.

Burimet bëjnë të ditur se më 3 qershor 2026 ka përfunduar ekspertiza, e cila ka konstatuar se kartëmonedhat në fjalë janë të falsifikuara.

Pas pranimit të raportit forenzik, në konsultim me prokurorin e Krimeve të Rënda, rasti është rikualifikuar dhe është iniciuar zyrtarisht si vepër penale “Falsifikim i parasë”.

Aktualisht nuk janë identifikuar personat që qëndrojnë pas futjes së kartëmonedhave të falsifikuara në qarkullim, ndërsa hetimet po vazhdojnë për zbulimin e origjinës së tyre dhe identifikimin e të dyshuarve.

Sinjali – aty ku e vërteta flet para lajmit!

/GazetaSinjali/

The post Dy vite pas depozitimit në bankë, ekspertiza zbulon se 338 eurot ishin false appeared first on Sinjali.

Një zhvillim i rëndësishëm ka ndodhur në rastin e djegies së një veture luksoze në Prishtinë, ngjarje që kishte ndodhur në nëntor të vitit të kaluar dhe që kishte mbetur për muaj të tërë nën hetime.

Burime të besueshme nga strukturat e afërta me hetimin bëjnë të ditur se më 16 nëntor 2025, rreth orës 21:39, ishte raportuar një zjarrvënie në rrugën “Fadil Vata” në Prishtinë, ku cak i sulmit ishte një veturë Range Rover, me ngjyrë të zezë, në pronësi të familjes Sinani.

Menjëherë pas raportimit, në vendin e ngjarjes kishin dalë njësitë policore, ekspertët e zjarrit dhe ekipet e zjarrfikësve, të cilët kishin lokalizuar flakët dhe kishin parandaluar përhapjen e tyre. Megjithatë, automjeti kishte pësuar dëme të konsiderueshme si pasojë e zjarrvënies.

Hetimet e zhvilluara për muaj me radhë nga Njësia e Hetimeve të Prishtinës, në koordinim me Prokurorinë Themelore në Prishtinë, kanë rezultuar me identifikimin e personave që dyshohet se qëndrojnë pas këtij rasti.

Sipas burimeve, fillimisht ishte identifikuar njëri nga të dyshuarit, ndërsa hetimet kishin vazhduar për zbardhjen e plotë të rastit dhe identifikimin e personave të tjerë të përfshirë.

Si rezultat i veprimeve të mëtejshme operative, hetuesit kanë arritur të identifikojnë edhe të dyshuarin e dytë, Behar Halili, i cili prej kohësh ishte në kërkim policor lidhur me këtë rast.

Më 4 qershor 2026, Halili është ndaluar nga autoritetet në Pikën Kufitare të Jarinjës, në momentin kur po tentonte të hynte në Kosovë. Pas ndalimit, ai është shoqëruar në zyrat e Njësisë së Hetimeve në Prishtinë, ku është intervistuar në prani të organeve kompetente.

Pas intervistimit dhe shqyrtimit të provave të mbledhura deri më tani, Prokurori i Shtetit ka nxjerrë aktvendim për ndalimin e tij, ndërsa i njëjti është dërguar në mbajtje.

Burimet bëjnë të ditur se në këtë rast si të dyshuar figurojnë Ilir Maliqi dhe Behar Halili, ndërsa hetimet po vazhdojnë për të sqaruar motivin e zjarrvënies, rolin e secilit të dyshuar dhe rrethanat e plota që çuan në djegien e automjetit.

Rasti po trajtohet nga organet e drejtësisë si “Shtytje në zjarrvënie”, ndërsa pritet që në ditët në vijim të ndërmerren veprime të tjera procedurale ndaj të dyshuarve.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Dogjën Range Roverin e familjes Sinani në Prishtinë – arrestohet në Jarinjë i dyshuari që kërkohej prej muajsh appeared first on Sinjali.

Policia e Kosovës ka bërë të ditur se një grua ka njoftuar Policinë më 3 qershor 2026 se kishte humbur telefonin celular dhe portofolin e saj, ku ndodhej edhe një shumë parash, teksa po qëndronte në rrugën “Kolashini” në Mitrovicën e Veriut.

Më vonë, rreth orës 18:00, në stacionin policor është paraqitur qytetari E.R., i cili ka bërë të ditur se babai i tij kishte gjetur sendet e humbura. Me udhëzimin e tij, ai i ka dorëzuar ato pa vonesë tek autoritetet policore.

Pas procedurave të verifikimit, Policia ka bërë të mundur kthimin e telefonit, portofolit dhe shumës së parave te pronarja legjitime.

Përmes një njoftimi, Policia ka shprehur mirënjohje për E.R. dhe familjen e tij për gjestin e treguar, duke e cilësuar atë si një shembull të përgjegjësisë qytetare dhe të bashkëpunimit me institucionet, në funksion të forcimit të sigurisë dhe besimit në komunitet.

Sinjali – aty ku e vërteta flet para lajmit!

/GazetaSinjali/

The post Gjen telefonin dhe portofolin me para, i dorëzon në Polici appeared first on Sinjali.

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të zhvillohen sipas programit.

Gjykata e Distriktit të Amsterdamit rrëzoi kërkesën e Këshillit Qendror Hebraik të Holandës për të ndaluar koncertet e planifikuara më 6 dhe 8 qershor në GelreDome, duke argumentuar se nuk ekzistojnë prova që prania e artistit përbën kërcënim për rendin publik.

Organizata hebraike kishte paraqitur një padi emergjente duke iu referuar deklaratave të mëparshme antisemite të artistit. Megjithatë, gjykatësi vlerësoi se nuk kishte indikacione konkrete që koncertet do të shkaktonin trazira apo probleme sigurie.

“Nuk ka indikacione se prania e West në ditët në vijim do të çojë në rreziqe konkrete për rendin publik”, thuhet në vendimin e gjykatës.

Vendimi vjen në një periudhë kur disa nga koncertet evropiane të reperit janë anuluar. Shfaqje të planifikuara në Francë, Mbretërinë e Bashkuar, Poloni, Zvicër dhe së fundmi në Itali nuk u zhvilluan, me autoritetet që përmendën shqetësime për sigurinë dhe rendin publik.

Megjithatë, fundjavën e kaluar, West u rikthye në skenën evropiane pas më shumë se një dekade, duke performuar në Atatürk Olympic Stadium në Stamboll. Sipas raportimeve, koncerti mblodhi mbi 100 mijë spektatorë, ndërsa artisti pretendoi se bëhej fjalë për performancën më të madhe në stadium në histori, shkruan Euronews.al.

Koncertet në Holandë pritet të zhvillohen nën masa të shtuara sigurie, ndërsa autoritetet lokale do të monitorojnë nga afër situatën për të garantuar mbarëvajtjen e tyre.

Sinjali – aty ku e vërteta flet para lajmit!

/GazetaSinjali/

The post Kanye West lejohet të mbajë koncertet në Holandë, gjykata rrëzon kërkesën për ndalim appeared first on Sinjali.