Këngëtari i njohur Butrint Imeri ka rikthyer vëmendjen e madhe në rrjetet sociale me një iniciativë të pazakontë mes fansave të tij, lidhur me albumin e ri “I Pari”.

Sipas një video-mesazhi në TikTok, artisti ka lansuar një sfidë ku pjesëmarrësit mund të fitojnë 100 mijë euro, duke krijuar video me këngët nga albumi i ri.

Në sfidë kërkohet përdorimi i hashtagut #Ipari dhe ndjekja e profilit të tij në platformë.

Fituesi do të shpallet më 3 korrik, ndërsa videot më kreative thuhet se mund “ta ndryshojnë verën – madje edhe jetën” e pjesëmarrësve.

Kjo nismë vjen në një moment kur Butrint Imeri ka rikthyer fuqishëm aktivitetin e tij muzikor me këngën “Sytë e mi”, pjesë e albumit “I Pari”, i cili pritet të publikohet zyrtarisht më 10 qershor 2026.

Kënga e re është pritur me interes të madh nga fansat, të cilët e kanë cilësuar si një baladë emocionale me temë dashurie dhe nostalgjie, ndërsa albumi i ri po shihet si një nga projektet më të rëndësishme të karrierës së tij.

@imbutrint "i Pari" me 100K! Lets gooooo!!!! Rregullat n'koment. #ipari ♬ original sound – BUTRINT IMERI

Sinjali – aty ku e vërteta flet para lajmit!

/GazetaSinjali/

The post Butrint Imeri me super ofertë për fansat: 100 mijë euro për videot më kreative në TikTok appeared first on Sinjali.

Interesi për finalet e NBA-së në NBA ka shpërthyer në nivele rekord në New York, ku çmimet e biletave për ndeshjet në Madison Square Garden kanë arritur shifra marramendëse.

Sipas të dhënave të fundit, bileta më e lirë për ndeshjen e tretë kushton rreth 11 mijë dollarë, ndërsa për ndeshjen e katërt çmimi minimal kalon 13 mijë dollarë. Ky rritje e madhe e çmimeve lidhet drejtpërdrejt me emocionin që po sjell seria finale dhe mundësinë që kampionati të vendoset pikërisht në New York.

New York Knicks kanë nisur fuqishëm serinë, duke fituar dy ndeshjet e para në transfertë. Nëse arrijnë edhe dy fitore të tjera, tifozët në ndeshjen e katërt mund të jenë dëshmitarë të një momenti historik: kurorëzimit të titullit pas 53 vitesh pritje.

Entuziazmi në qytet është i jashtëzakonshëm, pasi Knicks po rikthehen në një finale pas 27 vjetësh mungesë. Atmosfera është rritur edhe më shumë nga interesi i tifozëve të njohur, përfshirë regjisorin Spike Lee dhe aktorin Ben Stiller, të cilët kanë udhëtuar drejt Teksasit për të ndjekur skuadrën në ndeshjet kundër San Antonio Spurs.

Finalet po shndërrohen kështu jo vetëm në një ngjarje sportive, por edhe në një fenomen kulturor dhe financiar, me kërkesë të jashtëzakonshme për bileta dhe një atmosferë që po e mban New York-un në tension të plotë.

Sinjali – aty ku e vërteta flet para lajmit!

/GazetaSinjali/

The post Finalet e NBA-së në New York: biletat arrijnë çmime rekord mbi 13 mijë dollarë appeared first on Sinjali.

Ish-kryeministri dhe ish-ministri i Jashtëm i Suedisë, Carl Bildt, ka vlerësuar se procesi i integrimit të vendeve të Ballkanit Perëndimor në Bashkimin Evropian ka ecur me ritme shumë të ngadalta, por ka shprehur optimizëm për përparimin e Malit të Zi.

Pas samitit BE–Ballkani Perëndimor të mbajtur në Tivat, Bildt tha se pas më shumë se tri dekadash nga momenti kur Bashkimi Evropian hapi perspektivën e anëtarësimit për vendet e rajonit, ende nuk është arritur progresi i pritur.

“Ishin jo më pak se 33 vjet më parë kur BE hapi për herë të parë perspektivën e anëtarësimit për Ballkanin Perëndimor. Procesi ka qenë shumë i ngadaltë, për ta thënë butë”, u shpreh ai.

Megjithatë, diplomati suedez theksoi se samiti i zhvilluar në Tivat solli një sinjal pozitiv për të ardhmen e rajonit, duke veçuar veçanërisht Malin e Zi si vendin më pranë anëtarësimit në union.

Sipas tij, ekziston një mundësi reale që Mali i Zi të bëhet anëtar i Bashkimit Evropian deri në vitin 2028, duke shënuar kështu një hap të rëndësishëm për procesin e zgjerimit të bllokut evropian në Ballkanin Perëndimor.

Deklaratat e Bildt vijnë në një kohë kur liderët evropianë po riafirmojnë mbështetjen për integrimin e rajonit, ndërsa u kërkojnë vendeve kandidate të përshpejtojnë reformat dhe harmonizimin me standardet e BE-së.

Sinjali – aty ku e vërteta flet para lajmit!

/GazetaSinjali/

The post Carl Bildt: Pas dekadash pritjeje, Mali i Zi po i afrohet Bashkimit Evropian appeared first on Sinjali.

Në një kohë kur gjithnjë e më shumë shërbime, të dhëna personale dhe transaksione financiare kalojnë nëpër hapësirën digjitale, siguria kibernetike po bëhet një prej çështjeve më të rëndësishme për shtetet moderne.

Për Kosovën, sfidat nuk lidhen vetëm me mbrojtjen e qytetarëve dhe bizneseve, por edhe me mbrojtjen e institucioneve nga kërcënimet që vijnë prej çdo cepi të botës.

Eksperti i sigurisë kibernetike, Robert Shala, thotë në podkastin 5 pyetje të Radios Evropa e Lirë se Kosova tashmë është pjesë e një hapësire globale ku kufijtë fizikë kanë gjithnjë e më pak rëndësi.

“Kosova, si shtet, normalisht që ekziston në një kontekst kompleks të sigurisë. Kosova ka kërcënime dhe rreziqe të ndryshme, prej vendeve të ndryshme të botës, e hapësira kibernetike lejon që aktorë prej viseve të largëta të bëjnë dëm këtu në vendin tonë, pa qenë fizikisht”, tregon ai.

Shala, i cili ka kontribuar në hartimin e kurrikulës mbrojtëse për siguri kibernetike të Forcës së Sigurisë së Kosovës dhe në zhvillimin e strategjisë kombëtare për siguri kibernetike, thotë se Kosova vazhdimisht lufton sulme kibernetike.

“Sulmet kibernetike nuk ndalen. Në hapësirën kibernetike, konflikti është diçka e natyrshme. Kur nuk ka sulme, atëherë ka pikëpyetje pse s’po mundemi t’i shohim sulmet”, shprehet ai.

Megjithatë, Shala vlerëson se në shumicën e rasteve, reagimi institucional dhe profesional ka qenë i duhur.

Rreziku më i madh: spiunazhi kibernetik

Përkundër frikës së përhapur për sulmet ndaj infrastrukturës kritike, Shala beson se kërcënimi më serioz për Kosovën është spiunazhi kibernetik.

Sipas tij, spiunazhi tradicional me rekrutim të agjentëve në shtetet armike, që mund të ofrojnë sekrete dhe informacione me vlerë, është më i kushtueshëm dhe merr më shumë kohë krahas spiunazhit kibernetik, ku grumbullimi i informacioneve në botën digjitale është më i lehtë.

“Hapësira kibernetike ka krijuar një mundësi të re për shumicën e agjencive të inteligjencës në botë. Duke e ditur që shumica e të dhënave janë në hapësirë kibernetike, edhe grumbullimi i inteligjencës bëhet në hapësirë kibernetike”, shpjegon ai në 5 pyetje.

Bashkëpunimi me aleatët

I pyetur nëse Kosova do të mund ta përballonte një sulm të madh që paralizon institucionet kryesore të shtetit, Shala thotë se asnjë vend nuk mund ta bëjë këtë i vetëm.

“Gjithmonë duhet ndihma e aleatëve. Me NATO-n, me Shtetet e Bashkuara dhe me partnerët tanë strategjikë, bashkëpunimi është i domosdoshëm. Pa të, siguria kibernetike nuk mund të funksionojë”, thekson ai./REL/

Sinjali – aty ku e vërteta flet para lajmit!

/GazetaSinjali/

The post Sa e përgatitur është Kosova përballë sulmeve kibernetike? appeared first on Sinjali.

Ambasada e Republikës së Kosovës në Slloveni u ka bërë thirrje të gjithë shtetasve të Kosovës të regjistruar për votim që të marrin pjesë në procesin zgjedhor dhe të ushtrojnë të drejtën e tyre demokratike në Ambasadën e Kosovës në Lubjanë.

Përmes një njoftimi zyrtar, ambasada ka rikujtuar se kanë mbetur vetëm disa orë deri në përfundimin e votimit, duke ftuar qytetarët që ende nuk kanë votuar të paraqiten në qendrën e votimit brenda afatit të përcaktuar.

Sipas njoftimit, votuesit mund të identifikohen me letërnjoftim, pasaportë ose leje vozitjeje të vlefshme të Republikës së Kosovës.

Autoritetet diplomatike kanë bërë të ditur se vendvotimi do të mbetet i hapur deri në orën 19:00 në ambientet e ambasadës, të vendosura në adresën Tivolska cesta 48, në Lubjanë.

Ambasada ka inkurajuar të gjithë qytetarët e regjistruar që të shfrytëzojnë mundësinë për të votuar dhe të kontribuojnë në procesin demokratik përmes pjesëmarrjes së tyre në zgjedhje.

Sinjali – aty ku e vërteta flet para lajmit!

/GazetaSinjali/

The post Ambasada e Kosovës në Lubjanë apel mërgatës: Shfrytëzoni të drejtën e votës para mbylljes së procesit appeared first on Sinjali.

Një ngjarje tragjike ka ndodhur paraditen e së shtunës në Fushë Kosovë, ku një grua e moshuar humbi jetën pasi ra nga ballkoni i katit të gjashtë të një ndërtese banimi.

Sinjali mëson se viktima është Nexhmije Rrahmani, nga komuna e Dragashit.

Sipas informacioneve të siguruara, rasti është raportuar më 6 qershor 2026, rreth orës 11:40, në rrugën “Abedin Sogojeva”. Menjëherë pas pranimit të njoftimit, në vendin e ngjarjes kanë dalë njësitë policore dhe ekipi mjekësor i QKMF-së në Bresje.

Pas ekzaminimit fillestar, personeli mjekësor ka konstatuar se viktima ishte pa shenja jete.

Në vendngjarje kanë dalë Prokurori i Krimeve të Rënda, njësitë e Hetimeve Rajonale, Instituti i Mjekësisë Ligjore dhe ekipet e Forenzikës nga Prishtina, të cilat kanë kryer veprimet e nevojshme hetimore.

Rrethanat që çuan deri te rënia fatale e gruas ende nuk janë bërë të ditura, ndërsa organet kompetente po vazhdojnë hetimet për zbardhjen e pl

Sinjali – aty ku e vërteta flet para lajmit!

/GazetaSinjali/

The post Ekskluzive | Kjo është gruaja që humbi jetën pasi ra nga kati i gjashtë i një ndërtese në Fushë Kosovë appeared first on Sinjali.

Papa Leoni ka nisur një vizitë njëjavore në Spanjë, ku në fjalimin e tij të parë u ka bërë thirrje udhëheqësve botërorë që të shmangin ndarjet politike dhe përçarjet e shoqërisë përmes “thjeshtëzimeve sterile” që, sipas tij, nxisin polarizim dhe dëmtojnë dinjitetin njerëzor.

Duke folur në Pallatin Mbretëror në Madrid, para Mbretit Felipe VI, Papa theksoi se tendenca për të fituar popullaritet duke thelluar ndarjet shoqërore është rritur në mbarë botën dhe se kjo qasje po e vështirëson dialogun dhe bashkëjetesën.

Ai u bëri thirrje liderëve që të dëgjojnë më shumë thirrjet globale për paqe dhe të vendosin në qendër të politikave të tyre respektimin e çdo qenieje njerëzore.

Papa Leoni, i cili më herët ka kritikuar politikat anti-imigracion dhe qëndrimet për konfliktet ndërkombëtare, pritet të zhvillojë takime me grupe të ndryshme shoqërore gjatë vizitës së tij, përfshirë persona të pastrehë në Madrid dhe emigrantë në Ishujt Kanarie.

Në fjalimin e tij, ai theksoi gjithashtu rolin e teknologjisë në rritjen e polarizimit, duke paralajmëruar se ajo shpesh amplifikon paragjykimet dhe dobëson mendimin kritik.

Papa iu referua gjithashtu historisë së Spanjës si shembull të bashkëjetesës ndërfetare dhe bashkëpunimit kulturor, duke përmendur periudhat kur komunitetet e ndryshme kanë kontribuar në zhvillimin e dijes dhe përkthimin e teksteve në Evropën mesjetare.

Sipas tij, “kultura e takimit” është rruga që sjell stabilitet dhe prosperitet, në kontrast me përplasjet ideologjike që, siç u shpreh ai, shpesh e pengojnë progresin shoqëror.

Sinjali – aty ku e vërteta flet para lajmit!

/GazetaSinjali/

The post Papa Leoni në Spanjë: Thirrje për unitet dhe fund të polarizimit politik appeared first on Sinjali.

Kryeministri Edi Rama ka reaguar sërish lidhur me debatet për projektin turistik në Zvërnec, duke publikuar pamje dhe informacion për një resort prestigjioz në Katar, që sipas tij është ndërtuar nga i njëjti brand dhe investitor që qëndron pas projektit në Shqipëri.

Në një postim në rrjetet sociale, Rama theksoi se ishulli luksoz në Katar menaxhohet nga marka ndërkombëtare Anantara dhe është zhvilluar nga vëllezërit Alkhayatt, të cilët janë bashkëpronarë të konglomeratit Power International Holding.

Sipas kryeministrit, të njëjtët investitorë janë të përfshirë edhe në projektin turistik të Zvërnecit, i cili ka qenë objekt debatesh publike dhe kritikash në Shqipëri.

Rama e ka cilësuar projektin si një mundësi për zhvillimin e turizmit dhe rritjen ekonomike, duke kundërshtuar zërat kritikë që, sipas tij, e paragjykojnë investimin pa bazë.

Ai ka theksuar gjithashtu madhësinë e grupit investues, duke e përshkruar Power International Holding si një konglomerat me qindra kompani, mijëra të punësuar dhe operim në shumë vende të botës.

Në reagimin e tij, kryeministri ka nënvizuar se projekte të tilla nuk rrezikojnë reputacionin e kompanive ndërkombëtare, por përkundrazi sjellin zhvillim dhe rritje të standardit turistik në vend.

Sinjali – aty ku e vërteta flet para lajmit!

/GazetaSinjali/

The post Rama publikon pamje resorti prestigjioz në Katar: E ka ndërtuar i njëjti brand që do bëjë Zvërnecin appeared first on Sinjali.

Policia e Shtetit ka publikuar planin e masave të sigurisë për ndeshjen miqësore mes Shqipërisë dhe Luksemburgut, e cila do të zhvillohet të shtunën në orën 20:00 në stadiumin “Air Albania” në Tiranë.

Sipas njoftimit zyrtar, masat do të zbatohen para, gjatë dhe pas përfundimit të takimit, me qëllim garantimin e rendit dhe sigurisë publike gjatë zhvillimit të aktivitetit sportiv.

Policia bën me dije se janë angazhuar një numër i konsiderueshëm punonjësish, ndërsa do të kryhen kontrolle të imtësishme ndaj tifozëve në hyrje të stadiumit. Kontrollet do të synojnë parandalimin e futjes së sendeve të ndaluara, përfshirë lëndë piroteknike, banderola me përmbajtje raciste, sende të forta, monedha metalike, çadra, çakmakë dhe çdo objekt tjetër që mund të rrezikojë sigurinë e pjesëmarrësve.

Në kuadër të planit të masave, nga ora 17:00 deri në përfundim të ndeshjes do të ketë kufizime të përkohshme të qarkullimit në disa akse kryesore të kryeqytetit. Hyrja e tifozëve në stadium do të fillojë në orën 18:00.

Ndër rrugët që do të bllokohen përkohësisht përfshihen Bulevardi “Dëshmorët e Kombit”, “Papa Gjon Pali II”, “Dervish Hima”, “Ismail Qemali”, “Abdyl Frashëri” dhe disa segmente të tjera pranë zonës së stadiumit dhe institucioneve diplomatike.

Autoritetet theksojnë se këto masa janë të domosdoshme për mbarëvajtjen e ndeshjes dhe sigurinë e qytetarëve, ndërsa rrugët kryesore si Rruga e Elbasanit, Unaza dhe bulevardi “Bajram Curri” do të mbeten të hapura për qarkullim.

Sinjali – aty ku e vërteta flet para lajmit!

/GazetaSinjali/

The post Policia vendos masa të rrepta sigurie për ndeshjen Shqipëri–Luksemburg në “Air Albania” appeared first on Sinjali.

Këngëtarja me famë botërore Dua Lipa është vënë në qendër të vëmendjes në Palermo, pasi festimet e dasmës së saj në Sicili kanë shkaktuar reagime të banorëve lokalë për shkak të mbylljes së disa hapësirave publike.

Sipas raportimeve të mediave britanike, përfshirë The Sun, dy sheshe të qytetit u përdorën për festimet e dasmës luksoze të artistes dhe bashkëshortit të saj, aktorit Callum Turner, duke sjellë kufizime në lëvizjen e banorëve dhe parkimin në zonë.

Banorët e zonës kanë shprehur pakënaqësi përmes posterave protestues me mesazhe si “Palermo nuk është me qira” dhe “Sheshi ynë nuk është dhoma juaj e ndenjjes”, të cilat më pas janë hequr nga autoritetet lokale.

Sipas The Sun, Dua Lipa ka dhënë rreth 5,000 paund për banorët e zonës si shenjë falënderimi dhe kompensimi për shqetësimet e shkaktuara gjatë organizimit të festimeve. Ky gjest është interpretuar si përpjekje për të zbutur tensionet me komunitetin lokal.

Festimet e dasmës së saj janë zhvilluar në ishullin italian të Sicilisë, ku çifti ka mbledhur edhe personalitete të njohura nga bota e artit dhe showbiz-it.

Dasma e saj në Itali ka tërhequr vëmendje të madhe mediatike, pasi më herët çifti ishte martuar edhe në një ceremoni private në Londër përpara festimeve në Sicili.

Sinjali – aty ku e vërteta flet para lajmit!

/GazetaSinjali/

The post Dua Lipa jep 5 mijë paund për banorët në Palermo si shenjë falënderimi për telashet që ua shkaktoi dasma appeared first on Sinjali.

Një ngjarje e rëndë kriminale është zbardhur nga Policia e Lezhës në fshatin Fushë Mamurras, në Kurbin, ku një 85-vjeçare dyshohet se është vrarë nga vajza e saj 57-vjeçare.

Sipas hetimeve, viktima D. Sh. ka ndërruar jetë më 30.04.2026, fillimisht siç ishte raportuar si vdekje natyrale, pa u njoftuar Policia në momentin e parë të ngjarjes.

Megjithatë, pas hetimeve të thelluara, autoritetet kanë dyshime se 85-vjeçarja është vrarë si pasojë e goditjeve me thikë nga vajza e saj, V. Sh., e cila është ndaluar nga Policia e Lezhës.

Ajo dyshohet për veprën penale “Vrasje për shkak të marrëdhënieve familjare”, ndërsa gjatë hetimeve është sekuestruar edhe thika e dyshuar si mjeti i krimit, së bashku me prova të tjera materiale.

Po ashtu, materialet procedurale janë referuar edhe ndaj një mjekeje me inicialet A. Ll., e cila dyshohet për veprën penale “Shpërdorim detyre”, pasi ka plotësuar aktin e vdekjes duke e cilësuar rastin si vdekje natyrale dhe pa njoftuar organet kompetente.

Hetimet për zbardhjen e plotë të rrethanave të ngjarjes po vazhdojnë.

Sinjali – aty ku e vërteta flet para lajmit!

/GazetaSinjali/

The post Tragjedi në Kurbin: Vajza dyshohet se vret nënën, rasti fillimisht u raportua si vdekje natyrale appeared first on Sinjali.

Një aksion i Policisë së Kosovës dhe Prokurorisë Themelore në Prizren ka rezultuar me arrestimin e dy personave të dyshuar për veprën penale të fajdesë, mes tyre biznesmeni nga Suhareka, Habib Tafaj, dhe Burim Kuqi.

Sipas hetimeve, rasti lidhet me veprime që dyshohet se janë kryer që nga viti 2021, ku të dyshuarit Habib Tafaj dhe Burim Kuqi dyshohet se kanë ushtruar presion ndaj viktimave L. S. dhe M. S., me qëllim përfitimin e kundërligjshëm përmes fajdesë.

Më 5 qershor 2026, Sektori Rajonal i Hetimeve në Prizren, në koordinim me Prokurorinë Themelore, ka realizuar arrestimin e të dyshuarve dhe ka zhvilluar veprime hetimore për sigurimin e provave.

Pas intervistimit nga organet hetimore, Habib Tafaj është liruar në procedurë të rregullt, ndërsa Burim Kuqi me vendim të Prokurorit të Shtetit është ndaluar për 48 orë dhe është dërguar në Qendrën e Mbajtjes.

Ndërkohë, Prokuroria Themelore në Prizren ka bërë të ditur se ka paraqitur kërkesë për caktimin e masës së paraburgimit ndaj të pandehurit për veprën penale “Fajdeja”.

Sipas Prokurorisë, nga hetimet rezulton se në shtator të vitit 2021 është lidhur një marrëveshje huazimi në shumën prej 50,000 euro, me kushte të rënda financiare, ku më pas janë kërkuar dhe përfituar shuma shumëfish më të larta se borxhi fillestar.

Prokuroria dyshon se përmes presionit të vazhdueshëm ndaj familjarëve dhe kërkesave për pagesa, të dëmtuarit kanë paguar rreth 150,000 euro, pa përfshirë borxhin bazë.

Hetimet po vazhdojnë edhe për një person tjetër të dyshuar për veprën penale “Manipulimi me prova”, me dyshime për pengim të procedurës penale.

Prokuroria Themelore në Prizren ka theksuar se mbetet e përkushtuar në luftimin e veprave penale që cenojnë sigurinë juridike dhe ekonomike të qytetarëve.

Rasti është raportuar ekskluzivisht nga Gazeta Sinjali.

Ekskluzive | Arrestohen dy persona për fajde në Suharekë – dyshohet se për vite të tëra ushtruan presion ndaj viktimave për përfitime të paligjshme

“Mu ka pështjellë emri”, u arrestua për fajde, biznismeni Habib Tafaj flet për Sinjalin: Jam i pastër, personat s’i njoh

Ekskluzive | Biznesmeni Habib Tafaj arrestohet për fajde, dyshohet se për vite të tëra ushtroi presion ndaj viktimave për përfitime të paligjshme

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Kërkohet paraburgimi i të dyshuarit për fajde për fajde në Prizren appeared first on Sinjali.

Kandidati për deputet dhe ish-kryeministri i Kosovës, Avdullah Hoti, ka reaguar lidhur me projektin e gazit amerikan, duke thënë se ai sot po përkrahet nga pothuajse të gjitha subjektet politike, ndonëse më herët ishte kundërshtuar ashpër nga një pjesë e skenës politike.

Hoti tha se ky projekt buron nga Marrëveshja e Uashingtonit, të cilën ai e ka nënshkruar gjatë mandatit të tij si kryeministër, dhe që sipas tij në atë kohë ishte kritikuar rëndë nga kundërshtarët politikë.

Ai theksoi se marrëveshja ishte cilësuar si “tradhti kombëtare” nga disa zëra politikë, ndërsa ishte vënë në pikëpyetje edhe aleanca e Kosovës me Shtetet e Bashkuara të Amerikës.

Sipas Hotit, kanë kaluar gjashtë vjet që nga ajo kohë dhe, në këtë periudhë, qytetarët kanë përballuar kosto më të larta të energjisë elektrike, si dhe import të energjisë në vlera të konsiderueshme.

“Unë jam i bindur se qysh në fillim ka qenë e ditur për të gjithë rëndësia e këtij projekti strategjik. Kundërshtimet kanë qenë të motivuara politikisht”, ka deklaruar ai.

Në një postim publik, Hoti ka përsëritur se projekti i gazit amerikan tashmë është pranuar gjerësisht, ndërsa ka kritikuar qëndrimet e mëhershme kundërshtuese ndaj tij.

Ai gjithashtu ka theksuar se Marrëveshja e Uashingtonit, nga e cila rrjedh ky projekt, përfaqëson një hap të rëndësishëm strategjik për sigurinë energjetike të Kosovës.

Në fund, Hoti ka lënë të kuptohet se qytetarët do të kenë mundësi të vlerësojnë politikisht qëndrimet e partive për këtë çështje në zgjedhjet e 7 qershorit.

Sinjali – aty ku e vërteta flet para lajmit!

/GazetaSinjali/

The post Hoti: Projekti i gazit amerikan u kundërshtua padrejtësisht, sot po përqafohet nga të gjithë appeared first on Sinjali.

Një sulm ajror izraelit në jug të Libanit ka shkaktuar vdekjen e tre pjesëtarëve të Forcave të Armatosura Libaneze, mes tyre një gjeneral brigade dhe një kapiten, sipas njoftimit zyrtar të ushtrisë së Libanit.

Sipas autoriteteve libaneze, automjeti ushtarak u godit gjatë orëve të mëngjesit në një zonë pranë fshatit Kfar Tebnit. Nga sulmi mbetën të vrarë një gjeneral brigade, një kapiten dhe një ushtar tjetër.

Forcat e Mbrojtjes së Izraelit (IDF) deklaruan se automjeti ishte identifikuar duke lëvizur në mënyrë të dyshimtë në një zonë që konsiderohet fushë aktive operacionesh ushtarake. Sipas ushtrisë izraelite, zona ishte evakuuar më herët dhe ekzistonin shqetësime për aktivitete të mundshme të Hezbollahut.

Në deklaratën e saj, IDF tha se forcat izraelite ndodheshin në gjendje gatishmërie të lartë për shkak të kërcënimeve të mundshme dhe se vendimi për goditjen u mor bazuar në informacionet operative dhe rrezikun e perceptuar për trupat në terren.

Më vonë, ushtria izraelite konfirmoi se në automjet ndodheshin pjesëtarë të ushtrisë libaneze dhe bëri të ditur se incidenti është nën hetim.

“IDF vepron kundër organizatës Hezbollah dhe jo kundër ushtrisë libaneze”, thuhet në reagimin zyrtar, duke shtuar se pas hetimeve do të nxirren përfundimet dhe masat e nevojshme.

Ngjarja vjen në një kohë tensionesh të vazhdueshme përgjatë kufirit Izrael-Liban, ku përplasjet dhe operacionet ushtarake kanë shtuar shqetësimet për një përshkallëzim më të gjerë të konfliktit në rajon.

Sinjali – aty ku e vërteta flet para lajmit!

/GazetaSinjali/

The post Sulm vdekjeprurës në jug të Libanit: Izraeli godet automjetin e ushtrisë libaneze, tre ushtarakë humbin jetën appeared first on Sinjali.

Liderët evropianë kanë riafirmuar mbështetjen e tyre për zgjerimin e Bashkimit Evropian gjatë samitit BE–Ballkani Perëndimor të mbajtur në Tivat, duke theksuar se përparimi i vendeve aspirante varet nga zbatimi i reformave dhe përafrimi me politikat e unionit.

Një nga mesazhet më të forta të samitit iu drejtua Serbisë. Kancelari gjerman Friedrich Merz deklaroi se Beogradi duhet të përcaktojë qartë orientimin e tij strategjik dhe të vendosë nëse e sheh të ardhmen e vet brenda Bashkimit Evropian.

“Nuk është e mundur të ndiqet një politikë luhatjeje midis Rusisë, Kinës dhe Evropës”, u shpreh Merz para gazetarëve, duke nënvizuar se harmonizimi me politikën e jashtme dhe të sigurisë së BE-së mbetet një kusht kyç për avancimin e Serbisë në procesin e integrimit.

Në samit, liderët evropianë vlerësuan veçanërisht përparimin e Malit të Zi, i cili konsiderohet kandidati më i avancuar për anëtarësim dhe synon të bëhet pjesë e Bashkimit Evropian deri në vitin 2028.

Megjithëse takimi nuk përfundoi me një deklaratë të përbashkët, pjesëmarrësit ritheksuan përkushtimin e tyre ndaj perspektivës evropiane të vendeve të Ballkanit Perëndimor dhe vazhdimit të procesit të zgjerimit.

Sinjali – aty ku e vërteta flet para lajmit!

/GazetaSinjali/

The post Merz i dërgon mesazh të qartë Serbisë: Nuk mund të qëndroni mes Evropës, Rusisë dhe Kinës appeared first on Sinjali.

Autoritetet shëndetësore në Kongo po përballen me sfida të mëdha në luftën kundër shpërthimit të ri të virusit Ebola, ndërsa mjekët paralajmërojnë se shumë pacientë po paraqiten në spitale vetëm në fazat e avancuara të sëmundjes.

Rastet e para të infektimit u raportuan në fund të muajit prill në qytetin Bunia, një nga zonat më të prekura nga epidemia. Megjithatë, ekspertët dyshojnë se virusi mund të ketë qarkulluar për disa javë pa u identifikuar, pasi fillimisht testimet ishin përqendruar në llojet më të zakonshme të Ebolës.

Sipas raportimeve, shpërthimi aktual është shkaktuar nga varianti Bundibugio, një formë shumë më e rrallë e virusit, e cila është regjistruar vetëm dy herë më parë. Për këtë lloj të Ebolës ende nuk ekziston një vaksinë apo trajtim i provuar shkencërisht.

Mjekët theksojnë se hezitimi i qytetarëve për të kërkuar ndihmë mjekësore po e vështirëson përballimin e situatës. Në disa raste, komunitetet lokale kanë shfaqur mosbesim ndaj institucioneve shëndetësore, madje janë raportuar edhe incidente pranë spitaleve.

Ndërkohë, stafi mjekësor po punon në kushte të vështira dhe ka kërkuar mbështetje shtesë nga autoritetet për të frenuar përhapjen e sëmundjes dhe për të shpëtuar sa më shumë jetë.

Sinjali – aty ku e vërteta flet para lajmit!

/GazetaSinjali/

The post Alarm në Kongo: Ebola përhapet me shpejtësi, mjekët paralajmërojnë për vonesat fatale në trajtim appeared first on Sinjali.

Një ngjarje e rëndë ka tronditur sot Ankaranë, ku një burrë mbajti peng vajzën e tij trevjeçare, e kërcënoi me thikë dhe e var nga dritarja e një apartamenti pas një konflikti me bashkëshorten e tij.

Sipas raportimeve nga mediat turke, incidenti ndodhi në lagjen Etimesgut. Burri dyshohet se u përfshi në një debat të ashpër me gruan e tij për arsye ende të paqarta, përpara se situata të përshkallëzohej në mënyrë dramatike.

Pas konfliktit, ai mori vajzën e mitur dhe e mbajti peng, ndërsa në dorë mbante një thikë. Dëshmitarët raportuan momente paniku kur burri u shfaq në dritaren e apartamentit duke e mbajtur fëmijën të varur jashtë ndërtesës.

Ngjarja shkaktoi alarm të madh te banorët e zonës, të cilët njoftuan menjëherë autoritetet. Forcat speciale të policisë turke ndërhynë me shpejtësi dhe arritën të shpëtonin fëmijën pa lëndime.

Pamjet e incidentit u shpërndanë gjerësisht në rrjetet sociale, duke dokumentuar momentet dramatike para ndërhyrjes së policisë. Autoritetet kanë nisur hetimet për zbardhjen e plotë të rrethanave të ngjarjes.

Ankara Etimesgut'ta eşiyle tartıştıktan sonra 3 yaşındaki kızını bıçakla rehin alan şüpheli, özel harekat polislerinin düzenlediği operasyonla etkisiz hale getirildi https://t.co/1K5QWzkfcb pic.twitter.com/M1ineSXFFy

— Halk TV (@halktvcomtr) June 5, 2026

Sinjali – aty ku e vërteta flet para lajmit!

/GazetaSinjali/

The post Horror në Ankara: Babai kërcënon vajzën 3-vjeçare me thikë dhe e var nga dritarja, policia e shpëton në momentet e fundit appeared first on Sinjali.

Policia e Kosovës dhe Zyra e Kryeprokurorit të Shtetit u kanë bërë thirrje qytetarëve që të raportojnë çdo parregullsi apo ndërhyrje të kundërligjshme që mund të cenojë integritetin e procesit zgjedhor.

Në një njoftim të përbashkët, institucionet theksuan se qytetarët duhet ta ushtrojnë të drejtën e votës në mënyrë të lirë, pa presion, frikësim apo ndikim nga palë të ndryshme.

Sipas autoriteteve, Policia dhe Prokuroria janë duke monitoruar vazhdimisht situatën në terren dhe do të trajtojnë me prioritet çdo informacion që lidhet me shkelje të mundshme gjatë zgjedhjeve të parakohshme parlamentare të 7 qershorit.

Po ashtu, qytetarët janë ftuar që, pa dallim etnie, gjuhe apo bindjeje politike, të bashkëpunojnë me institucionet duke raportuar rastet e dyshuara të kërcënimit, presionit, blerjes së votës apo çdo forme tjetër të ndikimit të paligjshëm në procesin zgjedhor.

Autoritetet ritheksuan përkushtimin e tyre për garantimin e një procesi zgjedhor të lirë, të drejtë dhe demokratik.

Sinjali – aty ku e vërteta flet para lajmit!

/GazetaSinjali/

The post Policia dhe Prokuroria: Raportoni çdo tentativë për manipulim të votës appeared first on Sinjali.

Kryeministri Edi Rama ka reaguar sërish lidhur me debatet për projektin turistik në Zvërnec, duke sjellë në vëmendje një investim të njohur turistik në Katar.

Në një postim në rrjetet sociale, Rama thekson se ishulli luksoz i administruar nga marka Anantara është zhvilluar nga vëllezërit Alkhayatt, bashkëpronarë të konglomeratit Power International Holding, të cilët janë gjithashtu të përfshirë si investitorë në projektin e Zvërnecit.

Kreu i qeverisë ka kundërshtuar kritikat ndaj investimit dhe ka vlerësuar potencialin e tij për zhvillimin e turizmit në Shqipëri.

“Ky ishull është në Katar dhe është një ndër destinacionet më të vizituara turistike të Lindjes së Mesme, i cili administrohet nga brandi prestigjioz Anantara.

E dini kush e ka zhvilluar?

Dy vëllezërit Alkhayatt, pikërisht bashkëpronarët e konglomeratit Power Holding, blerësit e tokës private dhe bashkëinvestitorët e projektit të Zvërnecit!

Tani kujt ia ha mendja se një kompani si Poëer Holding, vjen në Shqipëri të shkatërrojë reputacionin e vet me budallallëqet që thuhen për projektin, nuk kemi ç’i bëjmë. Po budallallëku që e ka lënë këtë vend mbrapa bote 100 vite, nuk ka për ta marrë dot peng Shqipërinë Europiane dhe Turistike.

*Poëer International Holding është një konglomerat nga Katari me më shumë se 400 kompani, të organizuara në gjashtë sektorë kryesorë të ekonomisë, me një portofol të vlerësuar afërsisht 40 miliardë dollarë. Ka më shumë se 65,000 të punësuar dhe operon në 25 vende të botës”, shkruan Rama.

Sinjali – aty ku e vërteta flet para lajmit!

/GazetaSinjali/

The post Rama publikon pamje resorti prestigjioz në Katar: E ka ndërtuar i njëjti brand që do bëjë Zvërnecin appeared first on Sinjali.

Mbrojtësi i Kombëtares së Kosovës, Mërgim Vojvoda, ka vlerësuar angazhimin e futbollistëve të rinj dhe ka theksuar se suksesi me Kombëtaren mbetet prioriteti i tij kryesor, pavarësisht arritjes së kualifikimit në Ligën e Kampionëve me Comon.

Në konferencën për shtyp para ndeshjes së Kosovës ndaj Andorrës, Vojvoda ka folur për rëndësinë e përfshirjes së lojtarëve të rinj në ekipin kombëtar dhe ndikimin e tyre në grup.

Ai ka përgëzuar futbollistët e rinj për angazhimin dhe përshtatjen e shpejtë me skuadrën.

“Besoj se kjo është një fat se kur mungojnë lojtarët që janë më të vjetër, është një shans për lojtarët e rinj që ta tregojnë veten dhe për këtë besoj se niveli nuk duhet të ndryshohet sepse ka një energji të re dhe dëshirë për të bërë mirë për Kombëtaren, për ta rritur kualitetin në grup”, ka thënë fillimisht Vojvoda.

Mbrojtësi kosovar është ndalur edhe te zhgënjimi pas humbjes në finalen e ‘play-off’-it për kualifikim në Botëror kundër Turqisë në Prishtinë, duke theksuar se skuadra duhet të vazhdojë përpara dhe të synojë suksese të reja.

Në nivel klubesh, Vojvoda do të luajë sezonin e ardhshëm në Ligën e Kampionëve me Comon, por ai ka nënvizuar se suksesi me Kosovën mbetet prioriteti i tij kryesor.

“Besoj se po të më pyesnit se njërën apo tjetrën, do ta zgjidhja me sy mbyllur suksesin me Kosovën. Por ky është realiteti, jam shumë i gëzuar që kemi arritur të kualifikohemi në Ligën e Kampionëve. Por, megjithatë, besoj se kemi qenë të gjithë të mërzitur pasi e humbëm finalen këtu në shtëpi kundër Turqisë. Por, nuk bën të dorëzohemi dhe do të kemi raste të tjera, dhe shpresoj se edhe me Kosovën do të bëjmë diçka të madhe”, përfundoi mbrojtësi i Kosovës.

Sinjali – aty ku e vërteta flet para lajmit!

/GazetaSinjali/

The post Para ndeshjes me Andorrën, Vojvoda: Lojtarët e rinj po sjellin energji të re në Kombëtare appeared first on Sinjali.