Kryetari i Grupit Parlamentar të Partisë Socialiste, Taulant Balla, gjatë prezantimit të disa ndryshimeve në ligjin për ‘Turizmin’ ne Komisionin për Kulturën, Turizmin dhe Diasporën, publikoi një dokument i cili tregon se vendimet për zhvillimet në zonën e Vlorës janë miratuar nga qeveria e drejtuar nga Sali Berisha.

Balla deklaroi se vendimi për gjurmën e Aeroportit të Vlorës, si edhe ai që përcakton Nartën dhe Zvërnecin si zona me potencial për zhvillim turistik, mban firmën e Sali Berishës në cilësinë e kryetarit të KRRTRSH-së në vitin 2009.

“Po ju bëj publike se kush i ka firmosur vendimet për aeroportin e Vlorës edhe për zonën ndërtimore zhvillimore turistike në Zvërnec. Personi quhet Sali Berisha. Ja ku e keni,” u shpreh Balla.

Policia financiare italiane dhe autoritetet doganore kanë sekuestruar më shumë se 770 kilogramë kokainë në portin Vado Ligure, në Itali. Droga ishte fshehur në një ngarkesë me banane që kishte mbërritur nga Ekuadori.

Sipas autoriteteve italiane, gjatë kontrollit në një kontejner frigoriferik u gjetën rreth 650 paketime me lëndë narkotike. Analizat e para treguan se bëhej fjalë për kokainë me pastërti shumë të lartë.

Në një pjesë të pakove të drogës ishte vendosur flamuri i Serbisë, ndërsa autoritetet nuk kanë dhënë ende detaje për personat apo grupet që mund të qëndrojnë pas këtij trafiku.

Sipas policisë italiane, nëse droga do të kishte arritur në tregun ilegal, organizatat kriminale do të mund të përfitonin rreth 250 milionë euro.

Operacioni konsiderohet një nga sekuestrimet më të mëdha të viteve të fundit në portin Vado Ligure.

Autoritetet italiane thanë se aksioni ishte rezultat i kontrolleve të shtuara ndaj rrugëve tregtare që lidhin Amerikën e Jugut me Evropën, të cilat po përdoren gjithnjë e më shumë edhe për trafik të lëndëve narkotike.

Read More...

Tre persona me raste të konfirmuara të hantavirusit kanë vdekur në shtetin lindor të Anzoateguit në Venezuelë, njoftoi të martën Ministria e Shëndetësisë e vendit.

Dy vdekje të tjera, të dyja të punonjësve të shëndetësisë në shtetin e Barinasit, nuk kanë lidhje me rastet në Anzoategui dhe janë ende nën hetim, shtoi ministria në një deklaratë, duke theksuar se bëhet fjalë për raste të veçanta që nuk përbëjnë rrezik për shëndetin e komunitetit.

“Ky virus transmetohet nga brejtësit në zona rurale dhe bujqësore, kryesisht përmes thithjes së grimcave të urinës, jashtëqitjes ose pështymës në ambiente të mbyllura,” thuhej në deklaratë. “Nuk ka prova shkencore për transmetim nga njeriu te njeriu në vendin tonë.”

Qendrat për Kontrollin dhe Parandalimin e Sëmundjeve (CDC) në SHBA njoftuan muajin e kaluar se kishin përfunduar reagimin ndaj shpërthimit të hantavirusit të lidhur me një anije turistike, pothuajse dy muaj pasi virusi shkaktoi vdekjen e tre personave.

Virusi Andes, i përfshirë në atë shpërthim, është i vetmi hantavirus i njohur që mund të përhapet përmes kontaktit të ngushtë dhe të zgjatur midis njerëzve.

Një plan për vrasjen e presidentit turk, Recep Tayyip Erdogan gjatë tentativës së dështuar për grusht shteti në vitin 2016 është zbuluar.

Sipas informacionit të publikuar, autorët e dyshuar kishin planifikuar ta kapnin Erdoganin në hotelin ku ai qëndronte gjatë natës së puçit, më pas ta nxirrnin jashtë Turqisë me një avion të huaj dhe ta vrisnin gjatë fluturimit, shkruajnë mediat.

Plani, megjithatë, dështoi pasi presidenti turk ishte larguar nga hoteli pak para se grupi i atentatorëve të mbërrinte në vendngjarje.

Dy persona mbetën të plagosur pas një sulmi me thikë që ndodhi mëngjesin e së martës rreth orës 08.00 pranë hyrjes jugore të zonës arkeologjike të Akropolit në Athinë dhe zonës ku priten biletat.

Alarmi u dha pasi një kalimtare njoftoi policinë për një burrë që mbante një thikë dhe kërcënonte njerëzit në zonë.

Kur mbërritën në vendngjarje, efektivët zbuluan se ai kishte sulmuar pa asnjë shkak një çift greko-amerikan.

Si pasojë e sulmit, gruaja pësoi plagë të lehta në këmbë, ndërsa burri u plagos rëndë ku me pas u transportua për në spital për ndihme mjekësore.

Mediat greke raportojnë se ata janë të dy jashtë rrezikut për jetën.

Menjëherë në vendngjarje mbërritën forcat e policisë dhe ekipet e urgjencës, të cilat u dhanë ndihmën e parë të plagosurve.

Autori, një 60-vjeçar që sipas autoriteteve vuan nga probleme të shëndetit mendor, u neutralizua dhe u arrestua nga policia e Athinës.

Burime policore bëjnë të ditur se i dyshuari ka precedentë penalë.

Ai ishte arrestuar edhe në qershor të këtij viti për fyerje në zonën e Kypselit, ndërsa në vitin 2019 ishte ndaluar për mbajtje të një thike.

Kosova pritet të përballet me mot të paqëndrueshëm gjatë ditës së sotme dhe në orët në vijim, ndërsa Instituti Hidrometeorologjik i Kosovës ka lëshuar paralajmërime për reshje intensive, stuhi, breshër dhe erëra të forta.

IHM ka njoftuar se gjatë ditës në vend do të mbajë mot me diell dhe vranësira të pjesshme, por nga orët e mesditës pritet ndryshim i kushteve atmosferike.

Sipas institutit, gjatë orëve të mesditës dhe pasdites do të zhvillohen vranësira, të cilat vende-vende do të shoqërohen me reshje lokale shiu dhe shkarkesa rrufesh.

Paralelisht me këtë paralajmërim, Organizata Evropiane për Parashikimin e Stuhive (ESTOFEX), e cila monitoron motin e ashpër në Evropë, ka lëshuar një alarm të nivelit 3, niveli më i lartë i rrezikut, për Kosovën dhe disa vende të rajonit.

Alarmi i nivelit 3 është lëshuar për zonën që shtrihet nga Italia, përmes Kroacisë jugore, Bosnjës jugore, Malit të Zi dhe Kosovës.

Në një intervistë për “Balkan Update” mbi krizën politike në vend, përfaqësuesi i Aleancës, Labinot Bislimi, ka akuzuar kryeministrin Albin Kurti për lojë të dyfishtë politike me qëllim përçarjen e opinionit publik dhe çuarjen e vendit në zgjedhje.

Bislimi sqaroi se propozimi që Ramush Haradinaj të jetë president është një kërkesë mbarëqytetare, por nënshtroi se kjo çështje nuk përbën kusht nga ana e Aleancës.

Sipas tij, Kurti e di që nuk mund të qeverisë më, veçanërisht pas dëmtimit të raporteve me partnerët ndërkombëtarë si SHBA. Në këto rrethana, Aleanca vlerëson se figura e Haradinajt është e domosdoshme për të kapërcyer bllokadën aktuale politike.

“Albin Kurti po luan një lojë në dy anë. Nga njëra anë kërkon që populli të perceptojë që nuk është faji i tij që populli po shkon në zgjedhje dhe nga ana tjetër kërkon që të fitojë zgjedhjet dhe të shkojnë në zgjedhje. Aleanca nuk e ka vënë kush çështjen e presidentit. Aleanca vetëm ka propozuar që Ramush Haradinaj të jetë president, por nuk është kusht. Është një kërkesë mbarë qytetare.

Figura e zotit Haradinaj është shumë e respektuar nga populli. Është parë si një figurë e domosdoshme për kohën e tanishme. Kurti po bën lojën e vet. Ai ka qëllimin që të përçajë në opinionin publik. Amerika nuk ulet më në tavolinë me Albin Kurtin.

Ai e di shumë mirë që nuk mund të qeverisë, por mundohet që ta mbajë pezull. Po mundohet që të qeverisë në këto kushte sa të jetë e mundur”, tha Bislimi.

Në një intervistë për “Balkan Update”, gazetari i Klan Kosovës, Kastriot Tahiri, ka raportuar mbi aksidentet e rënda rrugore që kanë tronditur vendin së fundmi.

Një numër i madh qytetarësh janë mbledhur në varreza për t’u dhënë lamtumirën tre anëtarëve të një familjeje, të cilët humbën jetën si pasojë e mungesës së sinjalistikës dhe një devijimi të automjetit.

Ndërkohë, një tjetër aksident me pasojë vdekjen e një të reje dhe plagosjen e rëndë të tre familjarëve të saj ka ndodhur gjithashtu në Kosovë. Me rritjen e fluksit të pushuesve gjatë këtyre muajve, Policia e Kosovës u ka bërë thirrje të gjithë drejtuesve të mjetit për kujdes të shtuar në rrugë.

“Në varrezat kanë ardhur një numër i madh njerëzit, për t’u dhënë lamtumirën tre personave nga e njëjta familje që humbën jetën.

Një nga arsyet e aksidentit, ka qenë mungesa e sinjalistikës rrugore. Për shkak të  një devijimi që u bë nga shoferi u bë shkak për humbjen e tre jetëve. Një aksident tjetër ka ndodhur në Kosovës, ku një e re ka humbur jetën dhe 3 familjare ndodhen në gjendje të rëndë.

Këto muaj vete ka më shumë fluks në Kosovës, ku kohën më të madhe të pushimeve e kalojnë në Kosovë, policia ka rekomanduar që të ketë sa më shumë kujdes, që t’u shmangemi këtyre aksidenteve”, tha gazetari.

Read More...

Një zjarr ka përfshirë pasditen e sotme një sipërfaqe toke në zonën e unazës jugore të Elbasanit, duke mobilizuar menjëherë forcat zjarrfikëse për vënien e flakëve nën kontroll.

Sipas informacioneve paraprake, gjatë ndërhyrjes së efektivëve janë dëgjuar disa shpërthime të ngjashme me plasjen e fishekëve, çka ka rritur nivelin e rrezikut në zonë. Ende nuk dihet me saktësi burimi i këtyre shpërthimeve.

Në vendngjarje ndodhen edhe efektivë të Policisë, të cilët kanë rrethuar zonën dhe po punojnë për të garantuar sigurinë, si dhe për të sqaruar rrethanat e ngjarjes.

Deri në këto momente nuk raportohet për persona të lënduar, ndërsa autoritetet vijojnë punën për shuarjen e plotë të zjarrit dhe verifikimin e shkaqeve që çuan në përhapjen e flakëve.

Ndryshimet e fundit në qeverinë ukrainase nga presidenti Volodymyr Zelensky po shihen nga ekspertët si lëvizje strategjike në disa fronte njëkohësisht.

Sipas ekspertit të çështjeve ndërkombëtare Ledion Kristafi, Zelensky po kërkon ndalimin e luftës ndërsa po konsolidon pozitën e tij të brendshme për të shmangur rivalët e ardhshëm presidencialë.

Ledion Kristafi: Zelensky është duke luajtur shumë lojërat në të njëjtën kohë. Nga njëra anë kërkoj që të ndalojë luftën, por nga ana tjetër po bën një luftë të brendshme për veten, që të mos ketë kandidatë kundërshtarë për postin e presidentit në të ardhshme.

Nga ana tjetër, eksperti Xhavit Shala vlerëson se këto ndryshime ishin të nevojshme dhe me kosto politike, por treguan gatishmërinë e tij për t’iu përgjigjur akuzave ruse mbi mungesën e legjitimitetit. Këto lëvizje pasqyrojnë sfidën e dyfishtë të udhëheqjes ukrainase mes menaxhimit të konfliktit dhe ruajtjes së stabilitetit politik.

Xhavit Shala: Ndryshimet janë të nevojshme, ai po luan me koston e vet politike. Rusët gjithmonë e kërcënonin për zgjedhje dhe mungesë legjitimiteti, Zelensky u tregua i gatshëm.

Intensifikimi i luftës gjatë sezonit të verës po shfaq një përplasje të ashpër ku palët po konsumojnë në thellësi kapacitetet e njëra-tjetrës.

Prof. Assoc. Xhavit Shala thotë se goditjet ndaj rafinerive ruse po shkaktojnë goditje ekonomike dhe probleme sociale brenda Rusisë, duke dëmtuar seriozisht reputacionin e Putinit.

Nga ana tjetër, Ukraina po forcon mbrojtjen dhe goditjet me dronë falë përvojës së saj dhe mbështetjes nga Perëndimi. Sipas ekspertit të sigurisë, ky intensitet i lartë luftarak nga ana e Ukrainës pritet ta detyrojë Rusinë të marrë në konsideratë një armëpushim apo ngrirje të konfliktit. Kjo pauzë taktike do t’i hapte më pas rrugën nisjes së një procesi dialogu mes palëve.

“Goditja e kapaciteteve rafinerisë të naftës kanë dëme të tjera për ushtrinë, por hapen edhe probleme sociale. Rusët po ndjejnë jo vetëm bombat që po shkojnë afër shtëpisë së tyre, por edhe shikojnë rënie në anën ekonomikë.

Nga ana tjetër kemi një Ukrainë që po përqendrohet në forcat e veta, por edhe me një mbështetje nga Perëndimi. Ukraina ka një mbrojtje të mirë të dronëve, kanë një lloj eksperience. Rusia do të bëjë përpjekje për të arritur në tokë, sepse në këto dëme që po shkaktohen reputacioni i Putinit brenda dhe jashtë vendit ka rënë.

Në këto kushte mund të themi që palët po konsumojnë njëra-tjetrën në thellësi dhe me këtë intensitet lufte që po bën Ukraina, do të detyrojë patjetër Rusinë që të mendojë për një ngrirje, armëpushim me afat për t’i hapur më pas rrugën një dialogu”, tha Xhavit Shala.

Read More...

Numri i viktimave nga sulmi rus ndaj një anijeje mallrash në brigjet e qytetit ukrainas të Odesës është rritur në 10, sipas autoriteteve ukrainase.

Anija Golden Leo, me flamur të Guinea-Bissau, u godit të dielën nga raketa lundrimi ruse, duke shkaktuar një zjarr të madh. Pas sulmit u zhvillua një operacion kërkim-shpëtimi që zgjati gjatë gjithë natës.

Autoriteti portual i Ukrainës njoftoi se nëntë anëtarë të ekuipazhit dhe një pilot i portit humbën jetën. Më vonë, India konfirmoi se katër nga viktimat ishin shtetas të saj.

Rajoni i Odesës ka qenë objekt i sulmeve të përsëritura ruse javët e fundit. Sipas guvernatorit rajonal Oleh Kiper, vetëm gjatë muajit korrik 28 persona kanë humbur jetën nga sulmet ajrore ruse në këtë rajon.

Ndërkohë, sulmet ndaj anijeve tregtare në Detin e Zi janë intensifikuar. Sulmi ndaj anijes Golden Leo konsiderohet si më vdekjeprurësi i këtij lloji deri më tani.

Ministria e Jashtme e Indisë dënoi sulmin, duke theksuar se rrezikimi i jetës së anëtarëve të ekuipazhit dhe cenimi i lirisë së lundrimit janë të papranueshme dhe duhet të shmangen.

Read More...

Read More...

Presidenti Donald Trump po paralajmëron për hakmarrje të fortë për vdekjet e ushtarëve amerikanë të shkaktuar nga Irani pas një fundjave vdekjeprurëse për anëtarët e shërbimit amerikan.

“Sa herë që Irani vret një ushtar amerikan, ata do të paguajnë për atë vrasje shumëfish”, shkroi ai në Truth Social të hënën.

Ai tha se ia kishte komunikuar udhëzimet e tij krerëve të lartë ushtarakë.

“Kjo direktivë i është përcjellë Sekretarit të Luftës, Pete Hegseth, Kryetarit të Shtabit të Përbashkët, Daniel Caine, dhe çdo Udhëheqësi në Ushtri”, shkroi ai.

Pentagoni konfirmoi tre vdekje në SHBA gjatë fundjavës, përfshirë dy në një bazë ushtarake në Jordani dhe një në Irakun verior.

Ushtria vazhdon të shqyrtojë mbetjet e paidentifikuara të gjetura në vendin e sulmit në Jordani, një tregues se numri i të vdekurve mund të rritet.

Garda Revolucionare e Iranit thotë se ka kryer sulme të njëkohshme në tre fronte duke synuar asetet amerikane në Lindjen e Mesme.

Në atë që e quan një “goditje të rëndë” ndaj Uashingtonit, IRGC, në një deklaratë të transmetuar nga agjencitë shtetërore të lajmeve Fars dhe Tasnim, merr përgjegjësinë për:

një sulm ndaj objekteve të magazinimit dhe riparimit të dronëve që Irani thotë se i përkisnin njësive amerikane të stacionuara në Aeroportin Al Sakhir në Bahrein, duke rezultuar në shkatërrimin e tyre;

një sulm ndaj objekteve për përgatitjen e dronëve detarë në Portin Salman në Bahrein, i cili thotë se rezultoi në shkatërrimin e tyre dhe shkaktoi dëme të konsiderueshme në anije;

një sulm që “shkatërroi plotësisht” objektet për vendosjen, mbështetjen dhe pajisjen e forcave speciale komando detare në bazën Arifjan në Kuvajt.

Deklarata thotë se sulmet vazhdojnë “në hakmarrje dhe në përgjigje të agresioneve” të ushtrisë amerikane.

Donald Trump tha se SHBA-të e kishin goditur Iranin “shumë fort” në atë që ishte nata e nëntë radhazi e sulmeve në vend, duke shtuar se Teherani kishte “humbur pothuajse gjithçka ushtarakisht”, duke përfshirë raketat dhe dronët.

Në një përgjigje të dukshme të drejtpërdrejtë ndaj këtyre komenteve, deklarata e IRGC-së vazhdon: “Presidenti i Shteteve të Bashkuara, i cili ka rrëfyer vazhdimisht mungesën e vetëdijes dhe mençurisë së tij për çështjet botërore… deklaron se vetëm disa raketa dhe dronë kanë mbetur për Iranin dhe se numri i tyre po zvogëlohet. Ai duhet ta dijë se, me hirin e Zotit, edhe nëse kjo luftë zgjat për disa vite, deri në ditën e fundit, raketat dhe dronët tanë do të bien”.

Read More...