Mediumi i njohur zviceran 20 Minuten i ka kushtuar një reportazh të veçantë një dasme tradicionale kosovare, duke sjellë nga afër atmosferën e ceremonisë së Arianës dhe Sunajt, e cila u mbajt në Prishtinë, përcjell albinfo.ch.
Gazetaret e pranishme përshkruajnë një festë madhështore me rreth 400 të ftuar, të shoqëruar me muzikë të lartë, valle tradicionale shqiptare dhe fishekzjarre, ndërsa atmosfera festive vazhdoi deri në orët e vona të natës.
Çifti kurorëzoi martesën në ambientet e kompleksit “Grand Events”, pranë pishinës, në një ceremoni të veçantë që u pasua nga një festë e madhe familjare.
Sipas organizatores së dasmës, edhe për standardet e Kosovës, një dasmë me mbi 400 pjesëmarrës konsiderohet një ngjarje e pazakontë për nga përmasat.
Dy gazetaret e 20 Minuten morën pjesë edhe në vallëzimet tradicionale, duke e përshkruar përvojën si të veçantë dhe premtuan se së shpejti do të publikojnë reportazhin e plotë me momentet më interesante nga ceremonia, transmeton albinfo.ch./ KultPlus.com
Pesë trupa foshnjash të pajeta janë gjetur në banesën e një çifti në Orange, në jug të Francës, sipas burimeve lokale. Policia zbuloi mbetjet e foshnjave në shtëpinë e çiftit, ndërsa gruaja kishte sjellë në jetë vetëm një ditë më parë një foshnjë të shëndetshme. Trupat u gjetën të fshehur brenda kutive prej kartoni.
Sipas ‘Le Parisien’, gruaja, e lindur në vitin 1994, solli në jetë një tjetër fëmijë të hënën në mbrëmje, pasi për herë të tretë kishte mohuar se ishte shtatzënë. Personeli i spitalit në Orange vuri re elemente të dyshimta dhe njoftoi policinë.
Efektivët shkuan në banesën e gruas së bashku me babanë e foshnjës dhe aty zbuluan kufomat. Prokuroria e Carpentras ka refuzuar për momentin të japë informacione të tjera mbi çështjen.
Brenda banesës, policia gjeti edhe mbetje të tjera foshnjash, të ruajtura në qese plastike të vendosura brenda kutive prej kartoni. Çifti ka edhe dy fëmijë të tjerë, të moshës 8 dhe 12 vjeç.
Në mars të këtij viti, një tjetër grua nga fshati i afërt Bédoin u dënua me 25 vjet burg, pasi trupat e dy foshnjave u gjetën në ngrirësen e shtëpisë së saj./kb
Nazmi Shahini, i njohur edhe me mbiemrin Drazhi, është vetëdorëzuar në polici, pasi ishte shpallur në kërkim nga SPAK në kuadër të një hetimi për trafik ndërkombëtar të lëndëve narkotike dhe pjesëmarrje në grup të strukturuar kriminal. Arrestimi i tij u krye në zbatim të masës së sigurisë “arrest në burg”, të caktuar në mungesë nga GJKKO. […]
Kryeministri i RMV-së, Hristijan Mickoski thotë se masat e Qeverisë japin rezultate, dhe se turizmi ka shënuar rritje prej 40% të turistëve të huaj. “Masat e Qeverisë dhe nisma qeveritare për tërheqjen e turistëve po japin rezultate. Kemi rritje të madhe të numrit të ardhjeve në aeroportet tona. Këtë e konstaton edhe Banka Botërore në […]
Ministri francez për Çështje Evropiane, Benjamin Haddad, ka zhvilluar një vizitë zyrtare në Kosovë, gjatë së cilës ka takuar kryeministrin në detyrë Albin Kurti, përfaqësues të partive politike në Kuvendin e Kosovës, si dhe ka vizituar Manastirin e Graçanicës dhe trupat franceze të angazhuara në kuadër të misionit të KFOR-it.
Përmes disa postimeve në platformën “X”, Haddad ka bërë të ditur se gjatë takimit me kryeministrin Kurti kanë diskutuar për të ardhmen e marrëdhënieve ndërmjet Kosovës dhe Francës.
“Faleminderit për këtë intervistë, zoti kryeministër Albin Kurti. Ishte një mundësi për të diskutuar të ardhmen e marrëdhënieve Kosovë–Francë: Lojërat Mesdhetare, Frankofonia, siguria, bashkëpunimi gjyqësor dhe reformat”, ka shkruar Haddad.
Merci pour cet entretien Monsieur le Premier ministre @albinkurti. L’occasion d’évoquer l’avenir des relations 🇽🇰🇫🇷 : Jeux Méditerranéens, francophonie, sécurité, coopération judiciaire, réformes. La France est aux côtés du Kosovo depuis le premier jour. pic.twitter.com/ZmpkXkP1ey — Benjamin Haddad (@benjaminhaddad) July 28, 2026
Ai ka theksuar se Franca ka qenë pranë Kosovës që nga fillimi i shtetndërtimit të saj, duke nënvizuar rëndësinë e vazhdimit të bashkëpunimit mes dy vendeve.
Gjatë qëndrimit në Prishtinë, ministri francez është takuar edhe me përfaqësues të partive kryesore politike në Kuvendin e Kosovës, përfshirë Partinë Demokratike të Kosovës, Lidhjen Demokratike të Kosovës, Listën Serbe dhe Aleancën për Ardhmërinë e Kosovës.
“U takova në Prishtinë me përfaqësuesit e partive kryesore në Kuvendin e Kosovës. Pluralizmi është jetik për jetën demokratike të Kosovës dhe për të ardhmen e saj evropiane”, ka deklaruar ai.
Je me suis entretenu à Pristina avec les représentants des principaux partis de l’Assemblée kosovare : @PDKzyrtare, la ligue démocratique du Kosovo, la liste serbe et l’Alliance pour le Kosovo.
Le pluralisme est vital pour la vie démocratique du Kosovo et son avenir européen. pic.twitter.com/ZtWUmH5c0C — Benjamin Haddad (@benjaminhaddad) July 28, 2026
Haddad ka vizituar edhe kontingjentin francez të angazhuar në Kosovë në kuadër të misionit “Forca për Kosovën”, ku ka shprehur mirënjohjen për ushtarët francezë të vendosur në vend.
“Shpreha mirënjohjen time për ushtarët tanë francezë të dislokuar në Kosovë. Kjo forcë shumëkombëshe dëshmon mbështetjen evropiane për stabilitetin në rajon”, ka shkruar ministri francez.
Visite de la « Force pour le Kosovo » à Pristina 🇽🇰
J’ai affirmé ma reconnaissance à nos soldats français mobilisés au Kosovo.
Cette force armée multionationale illustre le soutien européen à la stabilité de la région. pic.twitter.com/1l2rA8hF47 — Benjamin Haddad (@benjaminhaddad) July 28, 2026
Në kuadër të vizitës, Haddad ka qëndruar edhe në Manastirin e Graçanicës, të cilin e ka cilësuar si një vend të rëndësishëm të kulturës dhe historisë së serbëve të Kosovës.
“Një vizitë madhështore në Manastirin Ortodoks të Graçanicës, një vend kyç i kulturës dhe historisë së serbëve të Kosovës, që pasqyron karakterin shumëetnik të vendit”, ka shkruar ai.
Vizita e ministrit francez vjen në kuadër të angazhimit të Francës për forcimin e marrëdhënieve me Kosovën, mbështetjen e stabilitetit rajonal dhe procesin e integrimit evropian të Ballkanit Perëndimor. /Telegrafi/
Magnifique visite du monastère orthodoxe de Gracanica, haut-lieu de la culture et de l’histoire des Serbes du Kosovo, qui illustre le caractère multi-ethnique du pays. pic.twitter.com/JsQ3WBAhrI — Benjamin Haddad (@benjaminhaddad) July 28, 2026
Vetëdorezohet në polici Nazmi Shahini alias Drazhi, ai ishte shpallur në kërkim nga SPAK për trafik ndërkombëtar droge dhe grup kriminal.
Ndaj tij SPAK ka lëshuar masën e sigurisë arrest në burg pasi nga hetimet ka rezultuar se sëbashku me persona të tjerë ka patur rolin e financuesit dhe drejtuesit të grupit kriminal që trafikuan 8.1 ton lëndë narkotike nga vendet e Amerikës Latine drejt Europës.
Drejtori i Shoqatës Humanitare Bamirëse “Nëna Terezë”, Zef Shala, ka rrëfyer për gjendjen e rëndë të mijëra qytetarëve të strehuar në Xhaminë e Qirezit, në Skenderaj, gjatë vitit 1997.
Në një intervistë në “Përballje Podcast”, Shala tha se përfaqësuesit e shoqatës kishin alarmuar institucionet ndërkombëtare se Kosova po i afrohej një katastrofe humanitare shkruan Telegrafi.
Për t’ua dëshmuar situatën në terren, ishte organizuar një vizitë e një delegacioni ndërkombëtar në Qirez. Sipas Shalës, përfaqësuesit e Shoqatës “Nëna Terezë” kishin shkuar në xhami rreth dy orë para mbërritjes së delegacionit.
“Kemi shkuar dy orë më herët në Xhaminë e Qirezit. Nuk mund ta merrni me mend se çfarë pamjeje ishte kur hymë brenda”, deklaroi Shala.
Ai tregoi se numri i qytetarëve të strehuar ishte aq i madh, sa hapësira e xhamisë nuk mjaftonte për t’i zënë të gjithë.
“Njerëzit dhe fëmijët ishin vendosur në disa nivele, sepse xhamia nuk i zinte. Kishin frikë të dilnin jashtë, sepse kriste pushka”, tha Shala.
Sipas tij, qytetarëve u ishte kërkuar të qëndronin brenda dhe të mos largoheshin deri në mbërritjen e përfaqësuesve ndërkombëtarë, në mënyrë që delegacioni ta shihte gjendjen reale në të cilën ndodheshin.
“U thamë se shumë shpejt do të vinte delegacioni ndërkombëtar dhe iu lutëm që të mos largoheshin. Donim që ata ta shihnin vetë situatën”, rrëfeu ai.
Shala tha se ngjarja kishte ndodhur pikërisht ashtu siç kishin parashikuar. Para mbërritjes së delegacionit, forcat serbe, të cilat po e përcillnin situatën, ishin larguar nga zona.
Në vizitë, sipas tij, morën pjesë përfaqësues të 13 agjencive ndërkombëtare, të cilët u përballën drejtpërdrejt me pamjet e mijëra njerëzve të ngujuar brenda një objekti të vogël fetar.
“Kur hynë brenda dhe e panë gjendjen, nuk mund ta përshkruanin tronditjen. E panë vetë se në çfarë kushtesh po jetonin njerëzit”, tha Shala.
Ai deklaroi se pas kësaj vizite dhe dëshmive të marra nga terreni, situata në Kosovë ishte trajtuar si katastrofë humanitare.
“Prej atij momenti, delegacioni u kthye dhe u shpall katastrofë humanitare”, u shpreh Shala.
Në mesin e delegacionit ishte edhe Sadako Ogata, Komisionerja e Lartë e Kombeve të Bashkuara për Refugjatët në periudhën 1991–2000. Sipas Shalës, pasi pa nga afër kushtet në të cilat ishin strehuar mijëra qytetarë, Ogata u kthye dhe alarmoi për përmasat e katastrofës humanitare në Kosovë
Sipas rrëfimit të tij, pas alarmimit ndërkombëtar në Kosovë nisën të vinin organizata të mëdha humanitare, përfshirë Programin Botëror të Ushqimit, institucionet për refugjatët dhe agjenci të tjera të Kombeve të Bashkuara.
Shala theksoi se dokumentimi i gjendjes në Qirez ishte i rëndësishëm për t’i treguar botës përmasat e krizës dhe kushtet në të cilat po jetonte popullsia shqiptare.
Diskutimin e plotë me Zef Shalën mund ta ndiqni këtu:
Një aksident i ri trafiku është regjistruar sot në territorin e komunës së Istogut, duke mobilizuar menjëherë njësitë policore dhe ekipet emergjente në vendin e ngjarjes.
Deri më tani, autoritetet nuk kanë dhënë informacione zyrtare lidhur me rrethanat e aksidentit, numrin e automjeteve të përfshira apo nëse ka persona të lënduar.
Policia pritet të dalë me një njoftim zyrtar pasi të përfundojnë veprimet fillestare në vendngjarje dhe të sqarohen rrethanat e rastit.
Ky është një tjetër aksident i regjistruar në Istog brenda një periudhe të shkurtër, ndërsa autoritetet vazhdojnë të apelojnë për kujdes të shtuar dhe respektim të rregullave të trafikut.
Një 48-vjeçar është vënë në pranga këtë të martë nga policia, pasi ishte shpallur në kërkim ndërkombëtar. Sipas njoftimit të policisë, në pranga ka rënë Bledar Buxheli, alias Bledar Çelo, 48-vjeçari i dënuar me 11 vite burgim në Itali për trafik droge. Ndërkohë, pas kapjes së tij, 48-vjeçari pritet të ekstradohet në Itali, ku do […]
Ministri i Infrastrukturës dhe Energjisë, Enea Karakaçi, së bashku me drejtorin e Autoritetit Rrugor Shqiptar, Ami Kozeli, inspektuan punimet në Bypass-in e Tiranës, ku deri më tani janë realizuar mbi 30% e punimeve fizike. Karakaçi e vlerësoi këtë projekt si një nyje strategjike infrastrukturore, pasi mundëson lidhjen mes autostradës Milot–Thumanë–Kashar me vijimin e autostradës Kashar–Lekaj, […]
Ariana Grande ka ngritur një padi kundër hakerëve, të cilët, sipas saj, kanë vjedhur këngë të papublikuara, si dhe foto dhe video private, dhe i kanë shitur ato në internet. Grande ngriti padinë në një gjykatë të Los Angeles të hënën. Ajo nuk i përmend emrat e hakerave, të cilët quhen me emrin e përgjithshëm […]
Të shtëna me armë zjarri janë regjistruar rreth orës 02:00 në rrugën “Xheladin Hana”, në Kosovë.
Policia e Kosovës bënë me dije se autorë të dyshuar për ngjarjen janë dy vëllezër, ndërsa i plagosuri ndodhet në spital dhe po merr trajtimin e nevojshëm mjekësor.
Autoritetet po vazhdojnë hetimet për zbardhjen e plotë të rrethanave të ngjarjes dhe shkaqet që cuan në plagosjen e një personi.
Bypass-i i Tiranës është një tjetër projekt i rëndësishëm infrastrukturor për të cilin ka nisur puna në terren në dy fazat e para. Kjo vepër ka një gjatësi prej 21 kilometrash dhe projekti parashikon ndërtimin e një rruge të kategorisë A, (rrugë ndërurbane kryesore). Ministri i Infrastrukturës dhe Energjisë, Enea Karakaçi, së bashku me Drejtorin […]
Skip to content Categories Botërori 2026 E-sports Euro 2024 Ndërkombëtar Opinione Post Qatar 2022 Showbizz Sporte tjera Top Ligat Top Tema Trending Uncategorized Vendor July 2026 M T W T F S S 1 2 3 4 5 6 7 8 9 10 11 12 13 14 15 16 17 18 19 20 21 […]
Irani tha se nuk do të lejonte që SHBA-të të përcaktojnë se kur dy vendet do të hyjnë në luftë ose kur do të bëjnë paqe, pasi katër netë radhazi pa shkëmbime të reja zjarri ngritën shpresat se ndërmjetësimi i udhëhequr nga Katari dhe Pakistani mund të ringjallte marrëveshjen e përkohshme të shembur.
“Ne nuk do të lejojmë që Shtetet e Bashkuara të përcaktojnë kohën e luftës dhe paqes”, tha zëdhënësi i Ministrisë së Jashtme, Esmaeil Baghaei, në konferencën për shtyp.
Ai tha se çdo vendim mbi bisedimet e ardhshme do të bazohet vetëm në interesat kombëtare të Iranit dhe se Teherani do të vazhdojë të mbrojë veten “për aq kohë sa të jetë e nevojshme”.
Baghaei pranoi se Teherani dhe Uashingtoni ende po shkëmbenin mesazhe, por tha se veprimet ushtarake të SHBA-së kishin shkatërruar kushtet për negociata kuptimplote, me përparësinë e menjëhershme të Iranit që është mbrojtja e sovranitetit dhe integritetit të tij territorial.
Ndërkohë, Presidenti i SHBA-së, Donald Trump, u tha gazetarëve se Irani kishte kërkuar bisedime “përmes ndërmjetësve dhe drejtpërdrejt”, duke pretenduar se Teherani ishte i gatshëm të negocionte për shkak të presionit ushtarak me të cilin ishte përballur.
“Po zhvillojmë bisedime të thella me Iranin. Nëse ata dështojnë, ne do të kthehemi në një operacion ushtarak në shkallë të gjerë”, tha ai.
Ai tha se i ishte përgjigjur pozitivisht kërkesave të ndërmjetësve për t’i dhënë diplomacisë një shans tjetër, por nuk do të lejonte që bisedimet të zvarriteshin pafundësisht. “Kam shumë kohë”, tha ai, ndërsa këmbënguli se Irani kishte “pësuar një goditje” gjatë dy javëve të fundit.
LACANAU, 28 korrik /ATSH-DPA/- Mijëra turistë po evakuohen nga bregdeti francez i Atlantikut për shkak të rrezikut të lartë nga zjarret pyjore, në resortin e njohur turistik Lacanau.
Prefektura e Bordosë urdhëroi sot në mëngjes, evakuimin e kampeve turistike dhe fshatrave të pushimit në zonat Lacanau dhe Oqeanin Lacanau.
Pushuesve iu kërkua të merrnin me vete të gjitha bagazhet dhe të ndiqnin me përpikëri udhëzimet e shërbimeve të emergjencës.
Rreth 4 mijë persona janë prekur nga masa e evakuimit. Autoritetet bënë të ditur se, për momentin, qyteti i Lacanau-së dhe banorët e tij nuk janë të përfshirë në evakuim.
Sipas autoriteteve, bëhet fjalë për një evakuim parandalues, i ndërmarrë për shkak të mundësisë së përkeqësimit të kushteve të motit.
Me afrimin e një tjetër vale të të nxehtit, temperaturat pritet të rriten dhe lagështia e ajrit të ulet.
Shërbimet zjarrfikëse shpjeguan se nxehtësia dhe era, po vështirësojnë përpjekjet për shuarjen e zjarreve, megjithëse flakët nuk janë përhapur më tej që prej fundjavës.
Mijëra efektivë të emergjencave, vijojnë të jenë të angazhuar në luftën kundër vatrave të mbetura të zjarrit. //a.i/
Ministria finlandeze e Transportit dhe Komunikacionit ka njoftuar mbylljen e një pjese të hapësirës ajrore në pjesën juglindore të vendit. Kufizimet zbatohen për rajonin Kaakkois-Suomi dhe pilotëve u këshillohet t’i marrin ato parasysh kur planifikojnë itineraret e tyre.
Sipas raportimeve të medias, ky veprim mund të lidhet me rreziqet e sigurisë në mes të luftës së Rusisë kundër Ukrainës dhe është me natyrë parandaluese.
Kufizimet kërkojnë që pilotët të marrin në konsideratë mbylljen e hapësirës ajrore mbi rajonin Kaakkois-Suomi kur planifikojnë fluturimet. Ato vlejnë si për avionët me pilot ashtu edhe për dronët.
Sipas burimeve në Shtabin e Përgjithshëm të Forcave të Armatosura Finlandeze, kjo masë është parandaluese në natyrë dhe lidhet me luftën në Ukrainë. Siç vërehet, Ukraina kohët e fundit ka kryer sulme me dronë ndaj objektivave në Oblastin e Leningradit të Rusisë, pranë kufirit finlandez.
Forcat Ajrore Finlandeze do të kryejnë ushtrime të posaçme për të sprapsur sulmet me dronë në pjesën lindore të Gjirit të Finlandës, si dhe në rajonet Kymenlaakso dhe Karelia Jugore. që kufizohet me Rusinë, shkruan Abcnews.al.
Një delegacion nga Departamenti i Zjarrfikësve dhe Shpëtimit i Helsinkit në Finlandë kaloi katër ditë duke studiuar përvojën e punonjësve të shpëtimit ukrainas në përballjen me pasojat e luftës.
Kryeministri i RMV-së, Hristijan Mickoski thotë se masat e Qeverisë japin rezultate, dhe se turizmi ka shënuar rritje prej 40% të turistëve të huaj.
"Masat e Qeverisë dhe nisma qeveritare për tërheqjen e turistëve po japin rezultate. Kemi rritje të madhe të numrit të ardhjeve në aeroportet tona.
Këtë e konstaton edhe Banka Botërore në raportin ‘Tourism Watch’, në edicionin e fundit të publikuar në qershor të vitit 2026, në të cilin Maqedonia renditet si vendi i parë në Evropë për rritjen e përqindjes së ardhjes së turistëve, si dhe për rritjen e numrit të turistëve të huaj dhe netë qëndrimeve të tyre, gjë që për ne është vërtet mbresëlënëse.
Kjo rritje arrin në 40% krahasuar me vitin e kaluar. Dhe kjo për ne është një vlerësim i madh, veçanërisht duke pasur parasysh se turizmi kontribuon në Bruto Prodhimin e Brendshëm dhe unë pres që ky ndikim të reflektohet tashmë në Bruto Prodhimin e Brendshëm gjatë tremujorit të dytë të këtij viti", tha Mickoski./Telegrafi/
Zinedine Zidane, 54 vjeç, është emëruar trajner i ri i kombëtares franceze, një rol për të cilin ai ishte parë prej kohësh si kandidati kryesor dhe që e kishte pritur prej disa vitesh. Ai merr drejtimin e ekipit me një kontratë katërvjeçare, e cila shtrihet deri në Kupën e Botës 2030, që do të bashkëorganizohet nga Spanja, Portugalia dhe Maroku. Zidane zëvendëson Didier Deschamps…
Apeli i Posaçëm ka rrëzuar këtë të martë ankimin e Argita Berishës dhe Jamarbër Malltezit për heqjen e sekuestros ndaj 25 pasurive të paluajtshme.
Shkalla e dytë e gjyqësorit nuk mori parasysh kërkesën e çiftit Malltezi, duke lënë në fuqi vendimin e dhënë më herët nga Gjykata e Posaçme për mbajtjen e pasurive nën sekuestro.
Për sekuestrimin e 25 pasurive të Jamarbër Malltezit është shprehur më herët edhe Gjykata e Lartë, e cila ka lënë në fuqi të njëjtin vendim.
Pasuritë janë sekuestruar që në fazën e hetimeve paraprake nga SPAK për dosjen “Partizani”./kb
Login
