Asociacioni i Gazetarëve të Shqipërisë (AGSH) ka reagaur në lidhje me episodin e përplasjes fizike të regjistruar këtë të hënë mes efektivëve të policisë dhe gazetarëve, në ambjentet pranë Kuvendit. Sipas AGSH-së, nga pamjet filmike dhe informacionet e mbledhura në terren rezulton se punonjës të Policisë së Shtetit kanë goditur fizikisht gazetarin e Ora News, […]

The post AGSH dënon dhunën ndaj gazetarëve gjatë protestës te Kuvendi appeared first on BoldNews.al.

Një nga dramat më të vlerësuara bashkëkohore të dramaturgut Florian Zeller do të ngjitet në skenën e Etno Festit. Shfaqja “Pylli”, e sjellë nga Teatri “Bekim Fehmiu” i Prizrenit, do të prezantohet para publikut më 6 gusht në Kukaj.

Me regji të Erson Zymberit, “Pylli” trajton tema të thella psikologjike, duke eksploruar kufirin mes së vërtetës dhe iluzionit, kujtesës, fajit dhe identitetit. Përmes një rrëfimi të ndërtuar me tension dhe atmosferë të errët, shfaqja e fton publikun në një udhëtim ku çdo kujtim, zgjedhje dhe heshtje mund të ndryshojë rrjedhën e së vërtetës.

Organizatorët e Etno Festit kanë ftuar artdashësit që t’i bashkohen kësaj mbrëmjeje teatrore më 6 gusht në Kukaj, ku publiku do të ketë mundësinë të ndjekë një nga veprat më të fuqishme të teatrit bashkëkohor, të interpretuar nga trupa e Teatrit “Bekim Fehmiu” të Prizrenit./rtk/KultPlus.com

UEFA ka miratuar një sistem të ri për kualifikimet e Euro 2028, duke vendosur që edhe vendet organizatore të marrin pjesë në eliminatore dhe të mos kenë më një biletë automatike për fazën finale.

Vendimi ka nxitur debat, sidomos pasi krahasohet me vendimin e FIFA për t’i garantuar Argjentinës, Paraguait dhe Uruguait, nga një vend në Kupën e Botës 2030.

Anglia duhet të kualifikohet, ndryshe nga Argjentina

Edhe pse Anglia është një nga katër organizatorët e Euro 2028, së bashku me Skocinë, Uellsin dhe Republikën e Irlandës, ajo nuk e ka të garantuar pjesëmarrjen në turne.

Ndërkohë, Argjentina ka siguruar tashmë një vend në Kupën e Botës 2030, pasi do të organizojë një nga ndeshjet festive të turneut, në kuadër të 100-vjetorit të Kampionatit Botëror.

Sipas raportimeve të The Sun, ky vendim i FIFA-s ka shkaktuar polemika, ndërsa shumë tifozë kanë kritikuar faktin që Argjentina përfiton nga kualifikimi automatik.

Si do të zhvillohen kualifikimet për Euro 2028?

Sipas formatit të ri të UEFA-s, të 55 përfaqësueset evropiane, përfshirë edhe katër vendet organizatore, do të marrin pjesë në kualifikime.

Skuadrat do të ndahen në 12 grupe, me nga katër ose pesë ekipe secili. Fituesit e çdo grupi dhe tetë kombëtaret më të mira të vendit të dytë do të sigurojnë direkt kualifikimin, duke plotësuar 20 nga 24 vendet e fazës finale.

I vetmi privilegj për organizatorët është se ata nuk mund të shortohen në të njëjtin grup eliminator.

UEFA rezervon dy vende për organizatorët

Megjithatë, UEFA ka parashikuar edhe një mekanizëm sigurie. Dy nga katër vendet e mbetura në Euro 2028 do të rezervohen për organizatorët që nuk arrijnë të sigurojnë kualifikimin përmes eliminatoreve.

Në praktikë, nëse një ose më shumë prej vendeve organizatore kualifikohen normalisht, dy vendet rezervë mund të përdoren për organizatorët që kanë dështuar në kualifikuese.

Nëse tre ose katër organizatorë mbeten jashtë përmes rrugës së zakonshme, dy vendet rezervë do t'u jepen dy ekipeve organizatore me renditjen më të mirë.

Euro 2028 do të zhvillohet në katër shtete

Kampionati Evropian i vitit 2028 do të organizohet nga Anglia, Skocia, Uellsi dhe Republika e Irlandës.

Ndeshjet në Angli do të luhen në stadiumet Wembley, Tottenham Hotspur Stadium, Etihad Stadium, stadiumin e ri të Evertonit, St James' Park dhe Villa Park.

telegrafi.com

Vendimi i UEFA-s paraqet një ndryshim të madh nga praktika e deritanishme, ku organizatorët kualifikoheshin automatikisht, dhe e dallon qartë Evropën nga modeli i FIFA-s, e cila u ka garantuar pjesëmarrjen vendeve pritëse të Kupës së Botës 2030. /Telegrafi/

TIRANË, 27 korrik /ATSH/ Deputeti i Partisë Demokratike, Klevis Balliu, reagoi sot pas protestës së zhvilluar këtë të hënë para parlamentit, ku theksoi se ndaj protestuesve u ushtrua dhunë dhe se policia u përdor ndaj kundërshtarëve politikë të Kryeministrit.

Sipas Balliut, arrestimet dhe shoqërimet e qytetarëve kanë nisur që përpara fillimit të protestës, ndërsa shprehet se disa të rinj janë tërhequr zvarrë nga efektivë policie.

Balliu tha se, disa qytetarë kanë përfunduar në spital, ndërsa të tjerë janë shoqëruar në komisariate, vetëm sepse, sipas tij, tentuan të hedhin vezë në shenjë proteste ndaj qeverisë.

“Shoqërimet dhe arrestimet filluan që përpara protestës, të rinjtë u tërhoqën zvarrë nga mercenarë partie, që ditën vishen si policë dhe natën veshin mantelin e patronazhistit. Disa qytetarë janë dërguar sërish në spital, të tjerë në qelitë e paraburgimit. Edhe më i turpshëm është fakti që, gjatë gjithë kësaj kohe që qytetarët janë dhunuar, institucionet ligjzbatuese nuk kanë ndërmarrë asnjë hap për të mbrojtur protestuesit. Ku është Prokuroria? Ku është drejtësia? Si ka mundësi që qytetarët dhunohen në mes të ditës dhe nuk arrestohen as urdhëruesit, as ekzekutuesit?”, tha Balliu.

Balliu theksoi se “Partia Demokratike dënon këto akte kriminale, çnjerëzore dhe barbare të këtij pushteti, tashmë të degraduar dhe në grahmat e fundit”.

“Ne u garantojmë qytetarëve se do të bëjmë gjithçka për t’i vendosur para drejtësisë këta narkopushtetarë, të cilët kanë dhunuar qytetarët e lirë të këtij vendi me skema të denja për diktaturën hoxhiste. Nuk është e largët dita kur të gjithë këta narkoterroristë të pushtetit do të përballen me ligjin, me drejtësinë dhe me qytetarët”, tha ai.

/m.q/j.p/

The post Balliu: PD dënon dhunën ndaj protestuesve para parlamentit appeared first on Agjencia Telegrafike Shqiptare.

Drejtoria e Policisë Financiare ka ngritur kallëzim penal në Prokurorinë Themelore Publike në Gjevgjeli kundër drejtuesit dhe pronarit të një personi juridik dhe kundër vetë personit juridik për dyshimin për shmangie të tatimit.

Sipas akuzave, në periudhën 2024-2025, kompensimi ligjor për mbeturinat nga tekstilet e importuara në vlerë prej 3.852.067 denarësh nuk është raportuar dhe paguar, gjë që ka dëmtuar buxhetin e shtetit.

Siç njoftojnë nga Drejtoria, i raportuari i parë T.D., në cilësinë e tij si drejtues i personit juridik të raportuar të dytë, me vetëdije dhe me qëllim të paracaktuar për të përfituar dobi pasurore të paligjshme për veten dhe personin juridik, në periudhën 2024–2025, duke vepruar në kundërshtim me nenet 23 dhe 54 të Ligjit për Menaxhimin e Rrjedhave Shtesë të Mbeturinave, nuk e ka raportuar dhe paguar kompensimin e mbeturinave në Ministrinë e Mjedisit dhe Planifikimit Hapësinor të Republikës së Maqedonisë së Veriut për tekstilet e importuara nga personi juridik i raportuar i dytë, në një shumë totale prej 3.852.067 denarësh.

"Për të fshehur mosraportimin dhe mospagimin e kompensimit ligjor, i raportuari i parë ka filluar një procedurë për likuidimin e personit juridik të raportuar të dytë para Regjistrit Qendror të Republikës së Maqedonisë së Veriut më 17.4.2026", thonë nga Drejtoria.

Ata shtojnë se me veprimet e lartpërmendura, të dyshuarit kanë dëmtuar Buxhetin e Republikës së Maqedonisë së Veriut për një shumë totale prej 3.852.067 denarësh./Telegrafi/

Aktivistët dhe qytetarët që iu bashkuan protestës së thirrur para Parlamentit të hënën u përballën me kordonët e policisë, të vendosur deri në qindra metra larg godinës ku deputetët ishin mbledhur në seancë plenare. Rreth orës 08:30, protestuesit u mblodhën me thirrjet “nuk na përfaqësoni”, “deputetë të krimit”, por qindra punonjës policie, përfshi dhe ata […]The post ‘Më shumë policë se protestues’: Aktivistët paqësorë shoqërohen dhunshëm appeared first on Reporter.al.

Publikohen ndryshimet e reja në ligjin “Për organizimin dhe funksionimin e administratës shtetërore”, të cilat synojnë një riorganizim të thellë institucional. Ndër pikat më të rëndësishme që sjell ky ligj, i dekretuar nga Presidenti Bajram Begaj, është saktësimi i statusit dhe mënyrës së emërimit apo shkarkimit të stafit të ngushtë të ministrave, rritja e llogaridhënies për institucionet e varësisë, si dhe krijimi i “Agjencive Autonome”.

Ndryshimet prekin zyrtarët e emëruar në kabinetet e ministrave

Një theks i veçantë në amendamentet e reja i është vendosur zyrtarëve të kabineteve ministrore, duke i dhënë fund çdo paqartësie mbi statusin e tyre. Ligji saktëson se kjo kategori nuk gëzon mbrojtjen e statusit të nëpunësit civil, por varet plotësisht nga ecuria e titullarit të institucionit dhe marrëdhënia e tyre është tërësisht e lidhur me mandatin e ministrit.

“Marrëdhënia e punës së funksionarit të kabinetit është marrëdhënie besimi me ministrin, të cilit i shërben. Funksionari i kabinetit lirohet nga detyra, lirisht, nga ministri,” thuhet në nenin 17 të ligjit të ndryshuar.

Ligji sqaron më tej se kjo marrëdhënie pune përfundon automatikisht në momentin e lirimit nga detyra të vetë ministrit (me përjashtim kur ministri pasues vendos t’i mbajë në detyrë), me dhënien e dorëheqjes, me dënimin me vendim të formës së prerë për vepra penale, ose në rastet e gjendjes në një situatë të vazhdueshme të konfliktit të interesit.

Krijimi dhe pavarësia e Agjencive Autonome

Krahas kabineteve ministrore, një risi kryesore është përcaktimi i qartë i statusit të agjencive autonome. Këto institucione do të krijohen me ligj të posaçëm për rregullimin dhe mbikëqyrjen e tregjeve ose shërbimeve me interes publik. Qëllimi është ruajtja e standardeve teknike dhe ekonomike, duke e mbrojtur interesin publik nga ndërhyrjet administrative apo politike.

“Agjencia autonome gëzon pavarësi të plotë funksionale në ushtrimin e kompetencave të saj rregullatore të përcaktuara me ligj. Aktet e agjencisë autonome nuk revokohen, nuk shfuqizohen, nuk anulohen, nuk rishikohen apo nuk ndryshohen nga asnjë organ apo institucion tjetër publik,” përcaktohet në nenin 10.

Zyrtarët drejtues të këtyre agjencive do të emërohen me një mandat 5-vjeçar, me të drejtë riemërimi vetëm një herë, dhe shkarkimi i tyre bëhet vetëm në raste të shkeljeve të rënda apo mungesës së performancës.

Filtër strikt për institucionet e varësisë dhe rritje e llogaridhënies

Për t’i dhënë fund zgjerimit të pajustifikuar të aparatit shtetëror, ligji i ri vendos një filtër të rreptë. Çdo ministri që kërkon të krijojë apo të mbyllë një institucion të varësisë duhet të kryejë më parë një “analizë të thelluar organizativo-funksionale”, duke justifikuar kostot buxhetore dhe nevojën për personel.

Gjithashtu, sipas nenit 23, rritet llogaridhënia: çdo institucion varësie apo agjenci autonome detyrohet të hartojë një “plan vjetor të performancës”. Në fund të vitit, ata duhet të dorëzojnë një raport të detajuar (deri më 31 mars), i cili i nënshtrohet një “dialogu të strukturuar” me ministrinë. Mosmiratimi i këtij raporti për dy vite radhazi përbën shkak ligjor për shkarkimin e titullarit.

Pjesa më e madhe e ligjit do të hyjë në fuqi 15 ditë pas botimit në Fletoren Zyrtare, ndërsa dispozitat specifike për Agjencitë Autonome do t’i shtrijnë efektet e tyre duke nisur nga data 1 maj 2027.

Reshjet e shiut me intensitet të lartë kanë shkaktuar probleme në disa akse rrugore në veri të Shqipërisë, duke sjellë rënie gurësh dhe materiali inert në pjesë të rrugëve.

Autoriteti Rrugor Shqiptar ka bërë të ditur se reshjet e fundit kanë prekur kryesisht zonat malore, ku janë evidentuar rënie gurësh në akset Bajram Curri–Valbonë, Ura e Bujanit–Qafë Morinë, Qafë Mejdan–Tropojë–Buçaj, Bajram Curri–Fierzë dhe Dushaj–Lekbibaj.

Sipas ARRSH-së, pavarësisht situatës së krijuar, qarkullimi i automjeteve nuk është ndërprerë dhe rrugët kanë vijuar të jenë të kalueshme.

Ndërkohë, aksi Qafë Thorë–Theth është bllokuar përkohësisht si pasojë e reshjeve, por ndërhyrja e ekipeve në terren ka mundësuar pastrimin e rrugës dhe rikthimin e qarkullimit për të gjitha mjetet.

Autoritetet kanë bërë apel për kujdes gjatë lëvizjes në zonat malore, veçanërisht gjatë reshjeve intensive, për shkak të mundësisë së rrëshqitjeve dhe rënies së materialeve në rrugë.

The post Reshjet e fundit shkaktojnë rënie gurësh në disa rrugë në veri të Shqipërisë appeared first on Sinjali.

Pas ditësh bombardimesh pa ndërprerje, sinjale zbutjeje vijnë nga lufta SHBA-Iran. Republika Islamike deklaroi se do të ndërpriste sulmet për aq kohë sa Shtetet e Bashkuara do të bënin të njëjtën gjë.

Pas 13 netësh sulmesh intensive ajrore kundër Iranit, Pentagoni pezulloi fushatën të premten dhe, prej atëherë, nuk janë raportuar më bombardime.
Teherani, që po ashtu ka ndalur zjarrin gjatë fundjavës, tha përmes një zyrtari për agjencinë e lajmeve Reuters se pozicioni i tij mbetet “sulm për sulm”.

Megjithatë, situata në Ngushticën e Hormuzit mbetet e tensionuar, teksa Garda Revolucionare deklaroi të dielën se kishte ndaluar gjashtë anije.

Ambasadori i SHBA-së në OKB, Mike Waltz, tha për Fox News se vendimi për ndërprerjen e luftimeve ishte marrë për t’i dhënë më shumë kohë diplomacisë. “Siç ka thënë presidenti, ne jemi plotësisht të gatshëm për veprim dhe kemi dislokuar edhe më shumë mjete ushtarake në rajon. Megjithatë, ai po u jep hapësirë bisedimeve. Po u jep atyre pak kohë”, tha ai.

Zhvillimet vijnë mes raportimeve për debate brenda Shtëpisë së Bardhë lidhur me pakësimin e arsenalit ushtarak amerikan.

Ndërsa rifillimi i operacioneve mbetet një opsion, CNN raporton se zëvendëspresidenti JD Vance dhe gjenerali Dan McCain ishin të shqetësuar për rreziqet që lidhen me shterimin e municioneve, përfshirë interceptorët Patriot dhe sisteme të tjera të mbrojtjes ajrore.

Ndërkohë, The Wall Street Journal pretendon se Pentagoni kishte qenë gati të niste të premten një fushatë intensive sulmesh ajrore, e cila mund të zgjaste deri në dy javë, por operacioni u pezullua për të vlerësuar efektet e reduktimit të raketave Patriot dhe interceptorëve të tjerë.

E fortë ishte replika e Shtëpisë së Bardhë, e cila theksoi se SHBA-ja ka më shumë municione se çdo vend tjetër në botë./mxh

Arbitri i finales së Kupës së Botës, Slavko Vincic, është pensionuar, vetëm një javë pasi turneu përfundoi në SHBA.

Slloveni 46-vjeçar u përball me kritika të gjera për lejimin që Argjentina të përvetësonte një qasje tepër fizike gjatë humbjes 1-0 ndaj Spanjës në kohën shtesë në finale.

Vincic përjashtoi mesfushorin e Argjentinës dhe Chelseat, Enzo Fernandez, në kohën shtesë në fund të kohës së rregullt.

“Një javë pas finales së Kupës së Botës në SHBA, Slavko Vincic zyrtarisht e përfundoi karrierën e tij historike si arbitër në majën e botës”, tha Federata Sllovene e Futbollit në një deklaratë.

Pavarësisht kritikave që u bënë për finalen, Vincic u shpall gjyqtari më i mirë i turneut si nga Federata Ndërkombëtare e Historisë dhe Statistikave të Futbollit (IFFHS) ashtu edhe nga Shoqata e Gjyqtarëve Italianë (AIA).

AIA i jep Çmimin dyvjeçar Giulio Campanati gjyqtarit më të mirë në çdo Kupë Bote ose Kampionat Evropian.

Anëtar i grupit elitar të gjyqtarëve të UEFA-s që nga viti 2019, Vincic drejtoi ndeshjen në Euro 2020 dhe drejtoi gjysmëfinalen e Kampionatit Evropian 2024 midis Spanjës dhe Italisë.

Ai arbitroi katër ndeshje gjatë Kupës së Botës këtë verë, përfshirë ndeshjen hapëse të Grupit C të Brazilit kundër Marokut dhe fitoren 2-0 të Meksikës ndaj Ekuadorit në raundin e 16-tave.

Gjatë ndeshjes së fundit, ai përjashtoi mbrojtësin e Ekuadorit dhe Arsenalit, Piero Hincapie, sepse mbuloi gojën ndërsa fliste me një lojtar meksikan, në përputhje me një rregull të ri të futur para turneut.

Në nivel klubesh, Vincic arbitroi finalen e Ligës së Kampionëve UEFA të vitit 2024, në të cilën Real Madridi mposhti Borussia Dortmundin 2-0 për të fituar titullin e 15-të evropian, që e zgjat rekordin.

Ai gjithashtu mbikëqyri finalen e Europa League të vitit 2022 midis Eintracht Frankfurt dhe Rangers dhe shërbeu si gjyqtari i katërt kur Villarreal mposhti Manchester United në penallti në finalen e vitit 2021.

Në vitin 2025, Vincic u bë gjyqtari i parë i huaj që drejtoi një ndeshje të Superligës Turke midis rivalëve të Stambollit, Galatasaray dhe Fenerbahce, pasi të dy klubet kërkuan një gjyqtar të huaj.

The post Arbitri i finales së Kupës së Botës tërhiqet nga futbolli pas kritikave për ndeshjen Argjentinë-Spanjë appeared first on Euronews Albania.

Presidenti amerikan, Donald Trump paralajmëroi për përshkallëzim të operacioneve ushtarake amerikane kundër Iranit nëse përpjekja e re diplomatike nuk çon në një marrëveshje përfundimtare me Iranin.

“Ne jemi në negociata intensive me Iranin. Nëse nuk ka rezultat, do të kthehemi me një përgjigje të ashpër ushtarake”, tha ai në një intervistë me Axios.

I pyetur se sa kohë është i gatshëm t’i kushtojë procesit diplomatik, ai u përgjigj se afati kohor është i kufizuar.

“Jo shumë. Ose do të lëvizë shpejt ose aspak,” i tha ai Axios.

Negociatat janë përqendruar në një marrëveshje të re që mund të çojë në rihapjen e Ngushticës së Hormuzit dhe rifillimin e bisedimeve për një marrëveshje më të gjerë mbi programin bërthamor të Iranit.

Kontaktet janë kryesisht midis Iranit dhe Omanit, ndërsa Katari, Pakistani dhe Egjipti po luajnë gjithashtu një rol aktiv në përpjekjet diplomatike. Të dërguarit e Trump, Steve Witkoff dhe Jared Kushner, po marrin pjesë gjithashtu në konsultime.

Sipas presidentit amerikan, vendimi për të pezulluar sulmet u mor të premten, pas një kërkese nga vendet ndërmjetësuese të bisedimeve.

“Të gjithë ata që ishin në kontakt me Iranin më kërkuan të mos hapja zjarr”, tha ai, ndërsa shprehu vlerësimin se Teherani dëshiron që të arrihet një marrëveshje.

Trump argumentoi se pauza e përkohshme nuk rezultoi në ndonjë humbje për Shtetet e Bashkuara, duke përdorur frazën “asgjë e fituar, asgjë e humbur”. Ai gjithashtu vuri në dukje se pas pezullimit të sulmeve, çmimet e naftës ranë, ndërsa tregjet e aksioneve lëvizën më lart.

The post Trump: Jemi në negociata intensive me Iranin. Nëse s’do të ketë rezultat, do përgjigjemi ashpër appeared first on Euronews Albania.

TIRANË, 27 korrik /ATSH/ Kreu i grupit parlamentar të Partisë Socialiste, Taulant Balla mbrojti procedurën e ndjekur për miratimin e marrëveshjes me Shtetet e Bashkuara për financimin e pajisjeve ushtarake, duke theksuar se interesi kombëtar dhe siguria e vendit justifikonin shqyrtimin e përshpejtuar në Kuvend.

I pyetur për akuzat e opozitës se ishin shkelur afatet parlamentare, Balla tha se Kushtetuta përcakton qartë rastet kur nuk lejohet procedura e përshpejtuar dhe se, në këtë rast, institucionet shqiptare vepruan me seriozitet maksimal.

Sipas tij, marrëveshja prej 302 milionë dollarësh është mbështetja më e madhe që Shtetet e Bashkuara i kanë dhënë Shqipërisë në dekadat e fundit dhe do të forcojë kapacitetet mbrojtëse të vendit në kuadër të angazhimeve në NATO.

Balla tha se procedura u përshpejtua për të mos vonuar hyrjen në fuqi të marrëveshjes dhe nisjen e disbursimit të fondeve, që sipas tij pritet të fillojë në fillim të muajit shtator. Ai shtoi se norma e interesit nuk mund të bëhet publike, pasi është pjesë e informacionit konfidencial të dakordësuar mes dy vendeve.

“Kushtetuta e vendit ka parashikuar ligjet për të cilat nuk lejohet procedura e përshpejtuar, por mendoj që interesat e vendit, dhe kur flas për interesat e vendit, janë edhe interesat e sigurisë kombëtare në kushtet e një bote të trazuar, për herë të parë në Europë që nga Lufta e Dytë Botërore ka një luftë. Mendoj që interesi kombëtar është i tillë që një marrëveshje që forcon kapacitetet mbrojtëse të Shqipërisë, për të cilat ne synojmë që, që në shtator të fillojnë lëvrimet e para, gjithçka që na duhet për të forcuar mbrojtjen tonë, për të respektuar edhe elementët e sekretit, pra, për të cilën kemi pasur gjithë diskutimin. Ka qenë e nevojshme që të gjitha institucionet e përfshira në shqyrtimin e saj…

“Gjej rastin të përgëzoj qeverinë shqiptare, Kryeministrin, ministrin e Financave, ministrin e Mbrojtjes, të gjithë ata të përfshirë në negocimin e kësaj marrëveshjeje. Janë 302 milionë dollarë. Nëse do të bënim një bilanc historik të 35 viteve. Të paktën 35 vite në 104 vite marrëdhënie diplomatike me Shtetet e Bashkuara të Amerikës. Kjo është edhe mbështetja më e madhe që Shtetet e Bashkuara të Amerikës i japin Shqipërisë”, tha ai.

Duke komentuar bojkotin e opozitës, Balla deklaroi se Partia Demokratike nuk mungoi për shkak të procedurave, por për arsye politike, duke e cilësuar marrëveshjen si historike për sigurinë kombëtare të Shqipërisë.

“Duhet të kuptoni që arsyeja pse Partia Demokratike bojkotoi sot seancën e votimit të saj marrëveshjeje. Nuk ka të bëjë fare me procedurat. Janë e njëjta parti politike që bojkotoi edhe pjesëmarrjen e Shqipërisë në Bordin e Paqes. Janë e njëjta parti politike që bojkoton sot votimin në Kuvend të kësaj marrëveshjeje historike. Nuk hezitoj ta quaj marrëveshje historike, sepse është e rëndësishme aq sa mund të lejohet, për shkak të disponimit dhe certifikatës të sigurisë dhe të firmosjes së deklaratës së konfidencialitetit”, tha ai.

Në prononcimin për gazetarët, Balla u ndal edhe te Reforma Administrativo-Territoriale, duke bërë të ditur se puna e Komisionit të Posaçëm po vijon sipas planit dhe se në sesionin e ardhshëm parlamentar do të paraqiten propozimet përfundimtare.

Ai theksoi se reforma nuk do të kufizohet vetëm te ndarja e re administrativo-territoriale, por do të përfshijë edhe masa për përmirësimin e shërbimeve publike, me synimin që qytetarët, si në zonat urbane ashtu edhe në ato rurale, të kenë akses më të mirë në arsim, shëndetësi, infrastrukturë dhe shërbime administrative. Sipas Ballës, do të parashikohen edhe zgjidhje për qytetarët që nuk përdorin shërbimet online, përmes zyrave të posaçme në çdo njësi vendore.

“Në sesionin tjetër, përveç kësaj pjese, do të keni edhe propozime që lidhen me përmirësimin e shërbimeve. Fokusi ynë është që të garantojmë që çdo shtetasi të Shqipërisë, pavarësisht se jeton në qendër të Tiranës apo në fshatin më të thellë të Shqipërisë, të ketë infrastrukturë arsimore të mirë, infrastrukturë shëndetësore të mirë, infrastrukturë rrugore të mirë, shërbime. Jo pa qëllim kemi investuar përmes e-Albania-s në përmirësimin e shërbimeve dhe ofrimin e shërbimeve online.

“Për këto shërbime online duhet të ofrohen në mënyrë të atillë që edhe moshat e treta apo të tjerë që nuk i aksesojnë dot shërbimet, t’i kenë në zyrat e posaçme në çdo fshat, në çdo qendër komune, në mënyrë që ne të kemi, flas për zonën rurale, të garantojmë shërbime”, tha ai.

/m.q/

The post Balla: Marrëveshja 302 milionë dollarëshe me SHBA u përshpejtua për interesin kombëtar appeared first on Agjencia Telegrafike Shqiptare.

Kryetari i Lidhjes Demokratike të Kosovës (LDK), Lumir Abdixhiku, e ka thirrur një kuvend të jashtëzakonshëm të partisë për 30 korrik, ku pritet të trajtohet nisma e qindra delegatëve të partisë për shkarkimin e tij, pas pakënaqësive me rezultatin e partisë në zgjedhjet e fundit parlamentare. Zyra e LDK-së njoftoi të hënën në Facebook se takimi është thirrur për të enjten e 30 korrikut në orën…

Source

Ministri në detyrë i Mbrojtjes, Ejup Maqedonci, ka bërë të ditur se forcimi i kapaciteteve profesionale të Forcës së Sigurisë së Kosovës (FSK) në fushën e operacioneve paqeruajtëse mbetet një nga prioritetet e Ministrisë së Mbrojtjes. Përmes një postimi në Facebook, Maqedonci njoftoi se majori Driton Haxhiaj ka përfunduar me sukses Kursin e Komandantit të […]

Deputetja e zgjedhur e Lidhjes Demokratike të Kosovës (LDK), Hykmete Bajrami, ka bërë thirrje për ndryshime në parti, duke thënë se Kuvendi i jashtëzakonshëm i LDK-së duhet të jetë një mundësi për një fillim të ri dhe jo një përballje mes individëve. Bajrami ka thënë se LDK-ja duhet të ndryshojë për t’u ringritur, ndërsa ka […]

Refit Buzi, i cili vrau ish-vjehrrit dhe më pas veten, pas kthimit nga Anglia kishte tentuar të riniste jetën në Shqipëri dhe po merrej me import-eksport të fruta-perimeve. Sipas dosjes së siguruar nga gazetarja Anila Hoxha, thuhet se ndaj Refit (Nertil) Buzin kishte nisur një procedim për veprën penale “Mashtrimi”, teksa është zbardhur edhe dëshmia […]

The post Nga biznesi në Angli te krimi në Fier/ DETAJE nga dosja e Refit Buzit, në gjyq për mashtrim appeared first on BoldNews.al.

Deputetja e Aleancës për Ardhmërinë e Kosovës (AAK), Albana Bytyqi, ka bërë thirrje për reflektim dhe përgjegjësi nga të gjitha partitë politike, duke theksuar se vetëm përmes kompromisit mund të zhbllokohet situata politike në vend dhe të zgjidhen institucionet, përfshirë edhe presidenti.

Bytyqi tha se, megjithëse tashmë është bërë praktikë që Kuvendi të thirret në momentet e fundit, më e rëndësishmja është që procesi të prodhojë rezultate.

“Fatkeqësisht ne jemi mësuar me këto situata që të thirret Kuvendi në ditët e orët e fundit. Mirëpo nuk ka peshë ajo nëse kemi rezultat pozitiv. Nëse kemi rezultate pozitive, kemi frymë të mirë dhe po shkojmë rrugës së duhur”, u shpreh ajo.

Deputetja e AAK-së theksoi se përgjegjësia për tejkalimin e ngërçit institucional duhet të ndahet mes të gjitha subjekteve politike.

“Të gjithë duhet të marrin përgjegjësi nga pak. E dimë që partia e parë, LVV, është përgjegjëse, por edhe partive të tjera opozitare u takon përgjegjësia që të japin kontribut dhe të lëshojnë pe të dyja, si pozita ashtu edhe opozita, që të reflektojnë e të japin kontribut e të ecim si shtet, sepse kemi mbetur mbrapa. Ka ardhur koha e duhur për të reflektuar”, deklaroi Bytyqi.

Ajo u bëri thirrje deputetëve që, pavarësisht përkatësisë politike, të vendosin interesin e shtetit mbi interesat partiake.

“Është një kohë ku po ballafaqohemi të gjithë. Deputetët e zgjedhur duhet të reflektojnë, secili individualisht, pavarësisht partisë politike që i përkasin. Duhet të marrin përgjegjësi dhe secili nga pak të japim kontributin tonë që vendi të mos bllokohet kështu”, tha ajo.

Duke folur për zhvillimet politike, Bytyqi përmendi edhe kuvendin e brendshëm të Lidhjes Demokratike të Kosovës, i cili pritet të mbahet të enjten, duke shprehur shpresën se pas tij mund të krijohen kushtet për dialog mes partive.

“Individualisht, të enjten LDK-ja ka kuvendin e brendshëm. Uroj që ngadalë të hyhet në bisedime dhe të arrihet marrëveshje që vendi të mos shkojë në zgjedhje”, u shpreh deputetja.

Në fund, Bytyqi tha se nuk e sheh zgjedhjet si zgjidhje dhe shpreson që sa më shpejt të arrihet marrëveshja për zgjedhjen e presidentit dhe formimin e qeverisë.

“Edhe personalisht nuk jam që vendi të shkojë në zgjedhje. Uroj që të zgjidhen krejt, si presidenti ashtu edhe qeveria”, përfundoi ajo./Tv Dukagjini/

Një zyrtar policor në Indi është pezulluar nga detyra pasi u filmua duke përdorur një pushkë automatike AK-47 gjatë përballjes me protestuesit studentorë në shtetin Bihar.

Pamjet e publikuara në rrjete sociale tregojnë policin, i veshur me uniformë speciale, duke iu afruar turmës së protestuesve në qytetin Siwan dhe duke qëlluar disa herë në ajër me armën automatike.

Policia indiane ka konfirmuar autenticitetin e videove dhe ka bërë të ditur se askush nuk ka mbetur i lënduar nga të shtënat.

Zyrtari i lartë policor Nilesh Kumar ka deklaruar se përdorimi i armës ishte i pajustifikueshëm dhe se polici kishte vepruar gabimisht, pasi përballë tij ishin studentë dhe jo persona të rrezikshëm.

Sipas autoriteteve, arma ishte dhënë nga një njësi e inteligjencës që zakonisht merret me operacione kundër kriminelëve të rrezikshëm, ndërsa ndaj policit priten masa të mëtejshme ligjore.

Protestat studentore në Bihar janë pjesë e një vale më të gjerë pakënaqësish në Indi, të nxitura nga një skandal me rrjedhjen e pyetjeve të një provimi kombëtar për pranimin në shkollat e mjekësisë.

Studentët kanë kërkuar përgjegjësi nga institucionet, ndërsa analistët vlerësojnë se pakënaqësia lidhet edhe me probleme më të gjera si papunësia e të rinjve dhe shqetësimet për ndikimin e inteligjencës artificiale në tregun e punës.

Sinjali – aty ku e vërteta flet para lajmit!

/GazetaSinjali/

The post Polici nxjerr AK-47 gjatë protestës studentore në Indi, pezullohet pas pamjeve tronditëse appeared first on Sinjali.

Çdo lëvizje qytetare që synon të ndryshojë rrënjësisht një sistem politik përballet, herët a vonë, me të njëjtën pyetje: a mjafton protesta për të marrë pushtetin? Historia politike, jo vetëm në Shqipëri, por edhe në demokracitë perëndimore, jep pothuajse gjithmonë të njëjtën përgjigje: JO!. Protesta mund të zgjojë ndërgjegjen publike, të ushtrojë presion mbi qeverinë dhe të ndikojë në debatin…

Source

Mbrojtësi kosovar Liridon Berisha ishte një nga protagonistët e ndeshjes mes Vaduzit dhe Luganos, por jo në rolin e tij të zakonshëm.

28-vjeçari u detyrua të kalonte në portë në minutat e fundit të takimit, pasi portieri i Vaduzit, Leon Schaffran, u ndëshkua me karton të kuq në minutën e 82-të, ndërsa skuadra kishte kryer tashmë të pesë zëvendësimet.

Berisha veshi dorezat e portierit, fanellën jeshile dhe zuri vendin mes shtyllave, në një situatë krejtësisht të papritur.

"Nuk mund ta planifikosh një gjë të tillë. Nuk e mbaj mend herën e fundit kur kam luajtur në portë. Ndoshta kur isha pesë ose gjashtë vjeç dhe vëllai im më gjuante topin", tha ai me humor pas ndeshjes.

Traversa e shpëtoi në aksionin e parë

Berisha pati fat që në provën e parë si portier. Një goditje dënimi e Anto Grgic u përplas në traversë, ndërsa më pas ai reagoi mirë edhe në disa raste të tjera, përfshirë një ndërhyrje në kohën shtesë, kur një krosim i Carbone përfundoi në cepin e sipërm të portës.

Pavarësisht përpjekjeve të tij, Vaduz nuk arriti ta shmangte humbjen 2-1 ndaj Luganos në ndeshjen e parë të sezonit, duke e nisur me disfatë rikthimin në elitën e futbollit zviceran pas pesë vitesh mungesë.

Pas ndeshjes, Berisha u shpreh i zhgënjyer me rezultatin, duke theksuar se skuadra e tij kishte bërë paraqitje të mirë.

"Sigurisht që meritonim më shumë, sepse duhej të kishim kaluar në epërsi që në pjesën e parë. Dy golat i pësuam nga goditjet nga këndi dhe duhet të marrim përgjegjësi për këtë. Në të ardhmen duhet të jemi më agresivë dhe më të kujdesshëm në mbrojtje", deklaroi ai.

Trajneri mbështet ekipin dhe Berishën

Trajneri i Vaduzit, Marc Schneider, mbrojti ekipin e tij pas humbjes. "Ky ishte një paraqitje e mirë dhe e guximshme. Golat e tillë mund të ndodhin, sidomos kur përballesh me lojtarë të fuqishëm si Mai, Papadopoulos dhe Bichsel", tha ai.

Sa i përket kartonit të kuq të Schaffranit, Schneider e cilësoi vendimin si të ashpër, edhe pse pranoi se portieri ndërhyri me vonesë ndaj sulmuesit të Luganos, Dereck Moncada, dhe vendimi i gjyqtarit ishte i drejtë.

Edhe pse nuk është portier, Berisha e përfundoi ndeshjen pa pësuar gol si ruajtës i portës.

Ai shpreson që një situatë e tillë të mos përsëritet, por është i gatshëm të ndihmojë ekipin nëse do të jetë e nevojshme.

"Shpresoj të mos më duhet ta bëj përsëri, por nëse ekipi ka nevojë, do t'i vesh sërish dorezat", përfundoi mbrojtësi kosovar. /Telegrafi/