Aktori i njohur Keanu Reeves ka vendosur të flasë publikisht në mbështetje të regjisorit Carl Rinsch, i cili është shpallur fajtor për përvetësimin e miliona dollarëve të destinuara për një projekt të Netflix.

Sipas mediave amerikane, Reeves i ka dërguar një letër gjykatës federale në New York, ku ka kërkuar që ndaj regjisorit të tregohet “mëshirë dhe mirëkuptim” gjatë vendimit për dënimin e tij.

Carl Rinsch, i njohur për bashkëpunimin me Reeves në filmin “47 Ronin”, u shpall fajtor në fund të vitit 2025 për mashtrim financiar dhe pastrim parash. Hetimet zbuluan se ai kishte përdorur rreth 11 milionë dollarë të dhëna nga Netflix për prodhimin e serialit “White Horse”, por fondet u shpenzuan për luks personal dhe investime të rrezikshme.

Prokurorët pretendojnë se paratë janë përdorur për makina luksoze, ora të shtrenjta, mobilie, pagesa kartash krediti dhe investime në kriptovaluta, ku një pjesë e madhe e shumës u humb.

Në letrën e tij, Keanu Reeves ka treguar se e njeh prej vitesh regjisorin dhe e konsideron një artist shumë të talentuar. Aktori shkruan se, megjithëse nuk justifikon veprimet e tij, beson se Carl Rinsch është një person që shpesh dëmton vetveten për shkak të ambicieve të mëdha artistike.

Reeves kujtoi gjithashtu se kishte parë një version të papërfunduar të serialit “White Horse”, të cilin e cilësoi si një projekt kreativ dhe vizionar.

Dënimi i regjisorit pritet të shpallet në fund të qershorit, ndërsa Netflix po kërkon rikthimin e miliona dollarëve të humbur.

The post Aktori Keanu Reeves del në mbrojtje të regjisorit që dyshohet se përvetësoi fondet e Netflix appeared first on iconstyle.al.

Luka Modrić duket se po afrohet drejt kapitullit të fundit të karrierës së tij të jashtëzakonshme në futboll. Sipas raportimeve të mediave sportive italiane, mesfushori kroat po mendon seriozisht të tërhiqet nga futbolli i luajtur pas përfundimit të Kupës së Botës 2026.

Veterani kroat, i cili do të mbushë 41 vjeç në shtator, thuhet se ka marrë këtë vendim pas situatës së krijuar te Milani gjatë javëve të fundit. Dështimi i skuadrës italiane për të siguruar një vend në UEFA Champions League ka ndikuar ndjeshëm në planet e tij për të ardhmen.

Sipas burimeve pranë klubit, Modrić e kishte lidhur vazhdimin e aventurës së tij në “San Siro” me pjesëmarrjen në kompeticionin më prestigjioz europian. Megjithatë, Milani mbeti jashtë zonës Champions pas humbjes në javën e fundit të kampionatit, duke e bërë më të paqartë të ardhmen e kroatit.

Ndërkohë, ndryshimet e shumta në strukturën drejtuese të klubit dhe largimi i trajnerit Massimiliano Allegri kanë ndikuar gjithashtu në vendimin e tij. Raportohet se Modrić kishte një marrëdhënie shumë të mirë me teknikun italian dhe e konsideronte atë si një figurë kyçe në projektin e Milanit.

Pavarësisht përpjekjeve të drejtuesve të klubit për ta bindur të vazhdojë edhe një sezon tjetër, duket se mesfushori dëshiron që Botërori 2026 të jetë paraqitja e tij e fundit në arenën e madhe ndërkombëtare.

Nëse kjo konfirmohet, futbolli botëror do t’i japë lamtumirën një prej mesfushorëve më të mëdhenj të brezit modern.

The post Luka Modrić drejt fundit të karrierës, Botërori 2026 mund të jetë turneu i tij i fundit appeared first on iconstyle.al.

Një ngjarje e pazakontë financiare që lidhet me aktorin e famshëm Johnny Depp ka përfunduar me arrestimin e një të dyshuari në Hungari. Sipas mediave të huaja, autoritetet kanë ndaluar një 27-vjeçar nga Jordania, i cili dyshohet se për afro dy vite ka përdorur të dhënat e kartës bankare të aktorit për të kryer qindra pagesa online.

Hetimet tregojnë se transaksionet janë realizuar nga janari i vitit 2024 deri në fund të vitit 2025 dhe përfshijnë rezervime akomodimi, blerje online dhe pagesa të tjera dixhitale. Vlera totale e shumës së shpenzuar mendohet të kalojë 600 mijë euro.

Ajo që ka habitur më shumë hetuesit është fakti se Johnny Depp nuk kishte dijeni për këto lëvizje financiare. Rasti u zbulua vetëm pasi banka identifikoi aktivitet të dyshimtë në një prej llogarive të tij dhe njoftoi autoritetet.

Pas nisjes së hetimeve, policia gjurmoi të dhënat dixhitale të lidhura me pagesat, duke analizuar adresa IP, llogari email-i dhe një numër telefoni të regjistruar në Hungari. Këto prova çuan në identifikimin dhe arrestimin e të dyshuarit në Budapest, ku ai kishte marrë me qira një apartament.

Gjatë kontrollit në banesë, autoritetet sekuestruan pajisje elektronike që dyshohet se janë përdorur për mashtrimin. Po ashtu, në apartament u gjetën edhe substanca të dyshuara narkotike, çka ka sjellë hapjen e një hetimi të dytë ndaj tij.

I arrestuari ka mohuar akuzat, ndërsa gjykata ka vendosur ta mbajë në paraburgim deri në përfundim të hetimeve. Ndërkohë, autoritetet po punojnë për të zbuluar se si janë siguruar të dhënat bankare të aktorit dhe nëse në skemë mund të jenë përfshirë persona të tjerë.

The post Arrestohet i riu që dyshohet se shpenzoi mijëra euro nga karta e Johnny Depp appeared first on iconstyle.al.

Zërat për një krizë mes Mateos dhe Brikenës po qarkullojnë gjithnjë e më shumë në rrjet, ndërsa lëvizjet e fundit të dyshes kanë tërhequr menjëherë vëmendjen e ndjekësve.

Fansat vunë re fillimisht se dy ish-banorët e “Big Brother VIP Albania 5” nuk ndiqen më në Instagram, një detaj që ndezi menjëherë aludimet për një ftohje në raportin e tyre. Po ashtu, nga profilet e tyre janë zhdukur edhe postimet e përbashkëta që dikur mbushnin rrjetin me komente dhe reagime.

Një tjetër detaj që nuk kaloi pa u komentuar ishte fakti se Brikena ndryshoi foton e profilit, duke hequr imazhin ku shfaqej pranë Mateos. Ndërkohë, Mateo vazhdon ende të mbajë fotografinë e tyre në profilin personal.

Mes gjithë diskutimeve online, Mateo ka reaguar në mënyrë indirekte përmes një postimi në Instastory. Ai është shfaqur në Elbasan, qytetin e tij të lindjes, i rrethuar nga disa fëmijë, teksa në foto duket duke bërë shenjën e paqes me duar. Krahas imazhit, ai ka shkruar: “Një ditë normale në Elbasan”.

Megjithatë, ndjekësit kanë vënë re menjëherë një detaj që po komentohet shumë. Në foto, dora e majtë e Mateos nuk shihet plotësisht, duke ngritur pikëpyetje nëse ai vazhdon ende të mbajë unazën që prej kohësh konsiderohej simbol i lidhjes së tij me Brikenën.

Për momentin, as Mateo dhe as Brikena nuk kanë bërë një deklaratë zyrtare lidhur me raportin e tyre, duke lënë gjithçka në kuadrin e aludimeve.

The post Pas ndarjes nga Brikena, reagon për herë të parë Mateo appeared first on iconstyle.al.

Princess Diana dhe Sarah Ferguson thuhet se ndërprenë marrëdhënien e tyre të ngushtë pas publikimit të autobiografisë së Ferguson në vitin 1996, sipas autorit dhe historianit mbretëror Andrew Lownie.

Në një video të publikuar nga Daily Mail më 28 maj, Lownie foli për marrëdhënien mes dy kunatave, të cilat kishin qenë mike që në fëmijëri dhe u martuan me familjen mbretërore britanike vetëm pak vite larg njëra-tjetrës.

Sipas tij, Diana u ndje e tradhtuar pas publikimit të librit “My Story”, ku Sarah Ferguson përmendi një episod ku pretendonte se kishte marrë një verrukë (lyth) pasi kishte huazuar këpucët e Dianës.

“Diana ishte shumë e shqetësuar se Sarah Ferguson mund të ishte duke shitur histori për të dhe marrëdhënia mes tyre nuk u riparua kurrë,” tha Lownie.

Ai shtoi se Diana shpesh shkonte tek Ferguson për të diskutuar frustrimet që kishte me jetën brenda familjes mbretërore. Të dyja ndiheshin të kufizuara nga rregullat dhe presioni publik, por Diana mendonte se sjellja e Fergie shpesh dëmtonte reputacionin e saj.

Lownie pretendoi gjithashtu se Diana e lejoi Ferguson të përballej e vetme me divorcin nga Princi Andrew, ndërsa vetë mësoi nga mënyra si familja mbretërore trajtoi Fergie për të menaxhuar divorcin e saj nga Princi Charles.

Megjithatë, Sarah Ferguson ka deklaruar më parë se ajo dhe Diana kishin një lidhje të veçantë dhe mbështesnin njëra-tjetrën gjatë viteve të vështira në qendër të vëmendjes publike.

The post Autori Andrew Lownie zbulon arsyen e ftohjes mes Princeshës Diana dhe Sarah Ferguson appeared first on iconstyle.al.

Meta ka prezantuar zyrtarisht planet e reja të abonimit për Facebook, Instagram dhe WhatsApp, duke sjellë funksione shtesë dhe më shumë mundësi personalizimi për përdoruesit në mbarë botën.

Paketat e reja mbajnë emrin “Plus” dhe do të funksionojnë paralelisht me shërbimin ekzistues Meta Verified. Sipas kompanisë, qëllimi është t’u ofrohet përdoruesve më shumë kontroll mbi përmbajtjen dhe eksperiencën e tyre në aplikacione.

Abonimi për Facebook Plus dhe Instagram Plus do të kushtojë 3.99 dollarë në muaj, ndërsa WhatsApp Plus do të jetë i disponueshëm për 2.99 dollarë në muaj.

Në Instagram dhe Facebook, përdoruesit që zgjedhin paketën Plus do të kenë akses në statistika më të avancuara për Stories, përfshirë numrin e rishikimeve dhe mundësinë për të krijuar lista të pakufizuara audience. Po ashtu, do të mund të zgjasin kohëzgjatjen e Stories përtej limitit standard prej 24 orësh.

Ndër veçoritë e tjera përfshihen parapamja e Stories para publikimit, kërkimi në listën e shikuesve dhe opsioni për të postuar përmbajtje në profil pa u shfaqur në feed-in e ndjekësve.

Nga ana tjetër, WhatsApp Plus do të sjellë më shumë opsione personalizimi, si tema të reja, zile të veçanta, më shumë biseda të fiksuara dhe paketa shtesë ngjitësesh.

Me këtë lëvizje, Meta duket se po investon gjithnjë e më shumë në shërbimet premium dhe eksperiencat e personalizuara për përdoruesit e saj.

The post Risi në rrjetet sociale, Meta prezanton paketat “Plus” appeared first on iconstyle.al.

Shtëpia e njohur e modës Gucci do të hyjë zyrtarisht në botën e Formula 1 si sponsori kryesor i skuadrës Alpine, duke nisur nga sezoni i vitit 2027. Kjo do të jetë hera e parë në historinë e sportit që një markë luksi e modës mban rolin e sponsorit titullar të një ekipi në Formula 1.

Skuadra franceze do të garojë me emrin e ri “Gucci Racing Alpine Formula One Team”, duke zëvendësuar sponsorin aktual BWT, kompania austriake e trajtimit të ujit që mbështet ekipin prej vitit 2022.

Marrëveshja pritet të sjellë edhe ndryshime të mëdha vizuale për Alpine. Ekipi do të heqë ngjyrat tradicionale blu dhe rozë, për t’i zëvendësuar me paletën ikonike të Gucci-t: të kuqe, jeshile, të zezë dhe ari.

Po ashtu, marka italiane ka njoftuar krijimin e një divizioni të ri të quajtur “Gucci Racing”, i cili do të fokusohet te performanca, preciziteti dhe luksi në motorsport.

Një rol të rëndësishëm në realizimin e kësaj marrëveshjeje ka luajtur Luca de Meo, ish-drejtuesi i Renault, i cili në vitin 2025 mori drejtimin e kompanisë Kering, grupi që zotëron Gucci-n.

Ky zhvillim tregon edhe njëherë afrimin gjithnjë e më të madh të botës së modës me Formula 1, pas marrëveshjeve të fundit të markave luksoze me sportin më të ndjekur të garave automobilistike.

The post Gucci hyn në Formula 1 si sponsori kryesor i Alpine appeared first on iconstyle.al.

Steven Spielberg duket se ka rikthyer edhe një herë magjinë që e ka bërë një nga emrat më të mëdhenj të kinemasë botërore. Filmi i tij më i ri, “Disclosure Day”, ka marrë reagime shumë pozitive që në vlerësimet e para dhe po konsiderohet nga kritikët si një nga projektet më të arrira të regjisorit në vitet e fundit.

Filmi, i cili trajton një histori me elemente fantastiko-shkencore dhe mistere që lidhen me UFO-t, ka tërhequr menjëherë vëmendjen për atmosferën intensive dhe stilin karakteristik të Spielberg. Sipas kritikëve, regjisori i është rikthyer mënyrës së tij klasike të rrëfimit, duke kombinuar tensionin emocional me ndjesinë e aventurës dhe misterit.

Një nga elementet më të vlerësuara të filmit është kolona zanore e kompozuar nga John Williams. Kritikët e kanë cilësuar muzikën si një nga pikat më të forta të produksionit, duke theksuar se ajo ndikon ndjeshëm në krijimin e emocioneve dhe atmosferës së filmit.

Po ashtu, shumë vëmendje ka marrë edhe interpretimi i Emily Blunt. Aktorja po përmendet si një nga surprizat më të mëdha të filmit, me disa recensentë që parashikojnë se performanca e saj mund të jetë konkurruese në sezonin e ardhshëm të çmimeve.

Me reagimet pozitive që po merr që tani, “Disclosure Day” pritet të jetë një nga filmat më të komentuar dhe më të ndjekur të këtij viti.

The post “Disclosure Day” cilësohet si rikthimi më i fortë i Spielberg pas shumë vitesh appeared first on iconstyle.al.

Victoria Beckham ka folur hapur për pasionin e saj ndaj punës, vështirësitë financiare që ka kaluar biznesi i saj dhe mbështetjen që ka marrë nga bashkëshorti, David Beckham.

Në një intervistë të fundit për “The Times”, stilistja dhe ish-anëtarja e Spice Girls u shpreh se nuk e sheh veten larg angazhimeve profesionale dhe se puna vazhdon të mbetet një pjesë shumë e rëndësishme e jetës së saj.

“E dua atë që bëj dhe i dua njerëzit me të cilët punoj. Për momentin, nuk mendoj fare për pensionimin”, tha ajo.

Victoria tregoi se e ka të vështirë të qëndrojë pa punuar, pasi i pëlqen të jetë aktive dhe e përfshirë në projekte të ndryshme. “Do të mërzitesha shumë nëse nuk do të punoja. Më pëlqen të jem e zënë. Gjithashtu, dua që fëmijët e mi të shohin sa e apasionuar jam pas asaj që bëj”, u shpreh Beckham.

Ajo shtoi se së bashku me David Beckham janë përpjekur t’u transmetojnë fëmijëve rëndësinë e punës dhe përkushtimit. “Mendoj se është e rëndësishme që fëmijët të shohin prindërit e tyre duke punuar fort dhe duke ndjekur pasionin e tyre”, tha ajo.

Në dokumentarin e publikuar nga Netflix gjatë vitit 2025, Victoria Beckham foli edhe për krizën më të vështirë financiare të kompanisë së saj. “Pothuajse humba gjithçka. Ishte një periudhë shumë e errët. Qaja çdo ditë para se të shkoja në punë sepse ndihesha sikur po shuaja zjarr pas zjarri”, rrëfeu ajo.

Në fund, Beckham pranoi se kishte humbur drejtimin e kompanisë dhe se ishte detyruar të bënte ndryshime të mëdha për të shmangur falimentimin.

The post Victoria Beckham rrëfen krizën financiare: “Pothuajse humba gjithçka” appeared first on iconstyle.al.

Zgjimi herët në mëngjes nuk lidhet vetëm me disiplinën apo rutinën, por edhe me disa karakteristika që studiuesit i konsiderojnë të rëndësishme për suksesin dhe mirëqenien personale. Sipas disa kërkimeve mbi stilin e jetesës, njerëzit që zgjohen në agim priren të kenë tipare që sot po bëhen gjithnjë e më të rralla.

Ekspertët shpjegojnë se personat që e nisin ditën herët zakonisht janë më të organizuar dhe planifikojnë më mirë aktivitetet e tyre. Ata kanë tendencë të menaxhojnë kohën në mënyrë më efikase dhe të jenë më produktivë gjatë gjithë ditës.

Një tjetër karakteristikë që vihet re është niveli më i lartë i lumturisë dhe kënaqësisë me jetën. Sipas studiuesve, njerëzit që zgjohen herët ndihen më të qetë emocionalisht dhe arrijnë të ruajnë më lehtë balancën mes jetës personale dhe asaj profesionale.

Po ashtu, ata i kushtojnë më shumë rëndësi shëndetit fizik dhe mirëqenies mendore. Gjumi i rregullt, aktiviteti fizik dhe rutina e qëndrueshme ndikojnë pozitivisht në energjinë dhe humorin e tyre.

Studimet sugjerojnë gjithashtu se zgjimi herët lidhet me vetëbesimin dhe motivimin personal. Personat që kanë kontroll mbi rutinën e tyre shpesh ndihen më të sigurt në vendimet që marrin.

Megjithatë, ekspertët theksojnë se çdo individ ka ritmin e vet biologjik dhe se më e rëndësishme mbetet krijimi i një rutine të shëndetshme dhe të qëndrueshme.

The post Studimet: Ata që zgjohen herët kanë këto cilësi të rralla appeared first on iconstyle.al.

Jo të gjithë njerëzit që kanë sukses ndihen të detyruar ta tregojnë vazhdimisht jetën e tyre në rrjetet sociale. Shpesh, ata që ecin më shumë përpara janë pikërisht personat që zgjedhin të jetojnë në qetësi, pa bujë dhe pa kërkuar miratimin e të tjerëve.

Sipas ekspertëve të zhvillimit personal, njerëzit me inteligjencë të lartë kanë disa zakone dhe mënyra jetese që i ndihmojnë të ruajnë fokusin, qetësinë mendore dhe ekuilibrin emocional.

Një nga gjërat që ata bëjnë shpesh është të largojnë nga përditshmëria çdo gjë që nuk u shërben më, duke nisur që nga aplikacionet e panevojshme në telefon. Kjo i ndihmon të ndihen më pak të varur nga teknologjia dhe më të përqendruar te jeta reale.

Një tjetër tipar i tyre është besimi te instinktet personale. Ata nuk marrin vendime vetëm për të kënaqur të tjerët, por zgjedhin të jetojnë në mënyrë autentike dhe në përputhje me atë që ndjejnë.

Gjithashtu, njerëzit inteligjentë rikthehen shpesh te aktivitetet që dikur u sillnin lumturi, lexojnë për kënaqësi dhe investojnë kohë në zhvillimin personal.

Një rol të rëndësishëm luan edhe kujdesi për shëndetin fizik dhe emocional. Ata përpiqen të gjejnë rutina që i bëjnë të ndihen mirë me veten dhe të ruajnë energjinë mendore.

Në fund, suksesi i tyre nuk lidhet gjithmonë me atë që shfaqet online, por me zgjedhjet e vogla dhe të qëndrueshme që bëjnë çdo ditë.

The post Njihuni me zakonet që njerëzit inteligjentë i praktikojnë larg syve të të tjerëve appeared first on iconstyle.al.

Personazhi i njohur i TikTok-ut, Cllevio, u paraqit këtë të enjte në Gjykatën e Posaçme Kundër Korrupsionit dhe Krimit të Organizuar (GJKKO), ku ishte thirrur për të dëshmuar në procesin gjyqësor ndaj Laert Haxhiut.

Pas daljes nga ambientet e gjykatës, ai dha një prononcim për mediat, ku komentoi jo vetëm mbi çështjen për të cilën ishte paraqitur, por edhe mbi konfliktin e tij të bujshëm me reperin Noizy.

Cllevio u përpoq ta minimizonte situatën mes tyre, duke deklaruar se gjithçka ka qenë vetëm në nivel verbal dhe jo fizik. “Jemi sha me rob, siç shahen aty në Parlament. Nuk je sha ti me rob?”, u shpreh ai me ironi para gazetarëve.

Ai sqaroi më tej se nuk i ka kërkuar ndihmë Laert Haxhiut për konfliktin me reperin, duke këmbëngulur se bëhet fjalë për një përplasje personale dhe “artistike”.

Në fund të deklaratës së tij, Cllevio bëri edhe një koment që shkaktoi reagime dhe të qeshura mes të pranishmëve pranë gjykatës. “I kam kërkuar Ramës të më pajtojë se e ka të vetin, por nuk më ka kthyer përgjigje”, tha ai.

Ndërkohë, mësohet se seanca gjyqësore ndaj Laert Haxhiut është shtyrë për më 3 qershor, ndërsa dëshmia e Cllevios pritet të jepet më 10 qershor.

The post Cllevio flet pas daljes nga GJKKO: “Jemi sha me rob, siç shahen aty në Parlament” appeared first on iconstyle.al.

Soni Malaj ka ndarë me publikun një nga historitë më prekëse të jetës së saj, teksa ishte pjesë e një bisede brenda Ferma VIP. Këngëtarja rrëfeu periudhën e vështirë që përjetoi në fëmijëri, kur u përball me një problem të rëndë shëndetësor që e la për një kohë të paralizuar.

Mes emocionesh, artistja tregoi se gjithçka nisi kur ishte vetëm 7 ose 8 vjeçe dhe jetonte në Tropojë. Ajo u diagnostikua me një formë të rëndë reumatizmi, që i shkaktonte dhimbje të forta dhe e kishte bërë të pamundur ecjen.

“Kam qenë e paralizuar e vogël. Ka qenë një reumatizëm i shkallës së lartë, arsyen se pse nuk e di. Nuk ecja dot deri në shkollë fillore”, u shpreh Soni, duke kujtuar se kaloi disa periudha të vështira në spital, nën kujdesin e mjekëve dhe familjarëve.

Sipas rrëfimit të saj, pas trajtimeve mjekësore kishte nisur të ndiente përmirësim, por gjatë një udhëtimi familjar në Valbonë situata u përkeqësua sërish. Ajo tregoi se pasi futi këmbët në ujë të ftohtë, siç i ishte sugjeruar, problemet iu rikthyen menjëherë dhe mbeti sërish pa mundur të ecte.

”Ikëm në Valbonë, që iknim në fundjavë, futa këmbët në ujë të ftohtë dhe u paralizova direkt.”

Këngëtarja kujtoi me shumë emocion sakrificat e prindërve dhe njerëzve të afërt, të cilët e mbanin në krahë për çdo lëvizje, madje edhe për ta çuar te shoqet e klasës që të vazhdonte mësimet.

Rrëfimi i saj preku banorët e fermës dhe publikun, duke sjellë një anë krejt tjetër të artistes, larg skenës dhe suksesit që e shoqëron sot.

The post “Kam qenë e paralizuar”, Soni Malaj rrëfen dramën e fëmijërisë appeared first on iconstyle.al.

Kleviol Ahmeti, reperi dhe tiktokeri i njohur për publikun me emrin “Cllevio”, është paraqitur këtë të enjte në ambientet e Gjykatës së Posaçme kundër Korrupsionit dhe Krimit të Organizuar, në cilësinë e dëshmitarit në procesin ndaj të akuzuarve si pjesë e grupit kriminal të drejtuar nga Laert Haxhiu.

Seanca është pjesë e procesit gjyqësor ndaj nëntë të pandehurve, të cilët po hetohen për disa ngjarje të rënda kriminale. Ende nuk janë bërë publike detaje mbi dëshminë e Cllevios dhe lidhjen e tij me çështjen që po shqyrtohet nga GJKKO.

Dy javë më parë, në të njëjtin proces, dëshmoi edhe Bashkim Rajku, babai i reperit të njohur Noizy. Ai foli para trupës gjykuese për shpërthimin me tritol që ndodhi në një biznes në pronësi të tij në Durrës, në qershor të vitit 2022.

Sipas dëshmisë së tij, nga shpërthimi u shkaktuan dëme materiale, ndërsa lënda plasëse ishte vendosur në murin e jashtëm të objektit dhe ishte aktivizuar me fitil përcjellës.

Ndërkohë, edhe vetë Noizy ishte paraqitur në fillim të muajit maj në GJKKO në cilësinë e dëshmitarit, duke u bërë pjesë e procesit që vijon të tërheqë vëmendje të madhe publike dhe mediatike.

Procesi ndaj grupit të dyshuar kriminal vijon në GJKKO, ndërsa pritet që në seancat e ardhshme të thirren edhe dëshmitarë të tjerë lidhur me ngjarjet që po hetohen.

The post Pas Noizyt dhe babait të tij, edhe Cllevio paraqitet në GJKKO appeared first on iconstyle.al.

Vjedhja e bizhuterive me vlerë 100 milionë euro nga muzeu i Luvrit po bëhet film, me regji nga Romain Gavras, i cili po adapton për ekranin e madh një libër të ri rreth çështjes së profilit të lartë, të titulluar “Main basse sur le Louvre” (botuar nga Flammarion). Çështja vazhdon të jetë e mbuluar nga misteri pasi, pas shtatë muajsh hetimesh, as autorët dhe as mallrat e vjedhura nuk janë identifikuar.

Të drejtat e librit u blenë tetorin e kaluar nga kompania e prodhimit Iconoclast, por ende nuk janë njoftuar detaje, siç janë kasti apo titulli i filmit.

Megjithatë, libri u shkrua nga tre gazetarë, bashkëpunëtorë të gazetave Le Parisien, Le Monde dhe revistës Paris Match.

Duhet të kujtojmë këtu se grabitja në Luvër kishte ngritur pyetje serioze në lidhje me sigurinë në muze, duke çuar në zëvendësimin e drejtorit të tij, Laurence des Cars. Siç komentojnë autorët e librit, kjo tani është zhvilluar ” në një enigmë që i ka zhytur studiuesit në konfuzion”.

Romain Gavras, djali i Costas Gavras , pasi drejtoi një seri videoklipesh dhe filmash në gjuhën frënge, debutoi në filmin anglisht me filmin “Sacrifice” (2025), në Festivalin e Torontos: një komedi aksioni me një kast mbresëlënës ( Anya Taylor-Joy , Chris Evans, Salma Hayek, Vincent Cassel, Ambika Mod, Sam Richardson, Charli XCX, Yung Lean, John Malkovich ).

The post Grabitja që tronditi Francën vjen në kinema nga Romain Gavras appeared first on iconstyle.al.

Një nga aktorët më të njohur të Hollywood-it, Nicolas Cage, ka folur hapur për vendimin që mori vite më parë për të ndryshuar mbiemrin dhe për t’u shkëputur nga hija e familjes së famshme Coppola.

Në një intervistë të fundit për Variety, aktori zbuloi se ndryshimi i emrit nuk ishte thjesht një zgjedhje artistike, por një mënyrë për të krijuar identitetin e tij në industrinë e filmit dhe për të mos u parë gjithmonë si “djali apo nipi i Coppola-s”.

“Nuk doja të isha kushëriri klloun në periferi të familjes së dikujt tjetër”, u shpreh aktori me sinqeritet. “Jam Nic Cage. E ndryshova ligjërisht emrin vitin e kaluar. Në jetë jam Nic Cage dhe para kamerës jam po ashtu Nic Cage”, deklaroi ai.

Aktori, emri i vërtetë i të cilit është Nicholas Kim Coppola, është djali i August Coppola dhe nipi i regjisorit legjendar Francis Ford Coppola, krijuesi i filmave ikonë si “The Godfather”. Pikërisht pesha e këtij mbiemri, sipas Cage, krijonte shpesh paragjykime dhe presion të madh gjatë fillimeve të tij në Hollywood.

Ai tregoi se dëshironte të ndërtonte suksesin me forcat e veta dhe jo të perceptohej si një produkt i nepotizmit apo i famës së familjes së tij.

“Është më mirë të jesh patriarku i familjes tënde të vogël sesa të jetosh në hijen e një familjeje tjetër”, tha aktori, duke shpjeguar arsyen pse vendosi të bëhej “Cage”.

Mbiemri i ri nuk u zgjodh rastësisht. Nicolas Cage tregoi se u frymëzua nga personazhi i Marvel, Luke Cage, por edhe nga kompozitori avangard John Cage. Ai kërkonte një emër “të shkurtër, të fortë dhe me impakt”, në stilin e ikonave të vjetra të Hollywood-it si James Dean.

Aktori foli edhe për emrin e tij “Nicolas”, i cili shkruhej në stilin francez nga i ati. Sipas tij, kjo i shkaktonte gjithmonë bezdi sepse njerëzit vazhdimisht shtonin shkronjën “h” dhe e shkruanin “Nicholas”.

Edhe pse publiku e njeh prej dekadash si Nicolas Cage, aktori pranoi se lidhja me familjen Coppola ka qenë gjithmonë një temë që e ka ndjekur pas. Megjithatë, ai theksoi se zgjedhja për të krijuar identitetin e tij artistik ishte një nga vendimet më të rëndësishme të jetës dhe karrierës së tij.

Sot, Nicolas Cage konsiderohet një nga figurat më të veçanta të kinemasë amerikane, me role ikonike dhe një stil krejt unik, larg hijes së mbiemrit të famshëm që mbante dikur.

The post Nicolas Cage zbulon pse hoqi dorë nga mbiemri Coppola: Nuk doja të isha kushëriri klloun appeared first on iconstyle.al.

Nuk ka ndjesi më të bukur sesa të hapësh derën e shtëpisë dhe të të presë me gëzim kafsha jote shtëpiake. Një bisht që tundet pa pushim, një mjaullimë e ëmbël apo një cicërimë plot entuziazëm janë momentet që i bëjnë shumë njerëz të ndihen menjëherë më të lumtur pas një dite të lodhshme.

Çdo kafshë ka karakterin dhe mënyrën e saj të veçantë për të krijuar lidhje me kujdestarin. Disa janë energjike dhe aventureske, të tjera të qeta dhe përkëdhelëse. Po ashtu, edhe njerëzit kanë personalitete të ndryshme dhe astrologët besojnë se shenja e horoskopit mund të ndikojë në zgjedhjen e kafshës ideale shtëpiake.

Me një ton argëtues dhe plot humor, ja cila kafshë duket se i përshtatet më shumë secilës shenjë të zodiakut:

Dashi
Energjikë dhe gjithmonë në lëvizje, Dashët kanë nevojë për një shok po aq aktiv. Racat si Barinjtë Gjermanë, Border Collie apo Dalmatët janë perfekte për aventurat e tyre të pafundme.

Demi
Demët adhurojnë qetësinë, komoditetin dhe momentet relaksuese në shtëpi. Një mace e butë dhe përkëdhelëse është partnerja ideale për orë të gjata rehatie në divan.

Binjakët
Komunikues dhe plot kuriozitet, Binjakët do të argëtoheshin pafund me një papagall “llafazan”, që do t’i mbante gjithmonë të shoqëruar.

Kanceri
Të ndjeshëm dhe mbrojtës, Gaforret duan të kujdesen për dikë. Një lepurush i vogël dhe i ëmbël do të ishte zgjedhja perfekte për natyrën e tyre të dashur.

Luani
Ashtu si “mbreti i xhunglës”, edhe Luanët kërkojnë elegancë dhe admirim. Një mace krenare dhe plot personalitet është kafsha ideale për ta.

Virgjëresha
Praktikë dhe të organizuar, Virgjëreshat preferojnë kafshë që nuk kërkojnë shumë rrëmujë. Një hamster i vogël do t’i përshtatej stilit të tyre të rregullt.

Peshorja
Romantikë dhe të dashuruar pas harmonisë, Peshoret do të ndiheshin më të lumtura me një çift zogjsh të dashuruar që sjellin qetësi në shtëpi.

Akrepi
Misteriozë dhe enigmatikë, Akrepët tërhiqen nga kafshë më të pazakonta si iguanat apo gjarpërinjtë, që pasqyrojnë natyrën e tyre intensive.

Shigjetari
Aventurierët e zodiakut nuk mund të jetojnë pa eksplorim. Një qen energjik si Beagle apo Jack Russell do të ishte partneri perfekt për udhëtimet e tyre.

Bricjapi
Të disiplinuar dhe praktikë, Bricjapët kanë nevojë për një kafshë të qetë dhe të lehtë për t’u kujdesur, si derrat e Guinesë.

Ujori
Originalë dhe paksa ekscentrikë, Ujorët preferojnë kafshë të pazakonta. Një iguanë do të përshtatej më së miri me natyrën e tyre boheme.

Peshqit
Emocionalë dhe të lidhur fort me elementin e ujit, Peshqit ndihen më afër vetes me një akuarium plot peshq relaksues dhe elegantë.

The post Cila është kafsha ideale shtëpiake sipas shenjës suaj të horoskopit? appeared first on iconstyle.al.

Dasma që po konsiderohet si një nga eventet më të mëdha të showbizit botëror duket se është shumë më pranë nga sa mendohej. Sipas raportimeve ekskluzive të medias prestigjioze italiane “La Repubblica”, ylli shqiptar me famë ndërkombëtare, Dua Lipa, dhe partneri i saj, aktori britanik Callum Turner, pritet të martohen këtë fundjavë.

Burimet bëjnë me dije se ceremonia do të zhvillohet mes datave 5 dhe 7 qershor, ndërsa çifti ka organizuar gjithçka në fshehtësi të plotë. Fillimisht përflitej për një datë tjetër, por duket se planet janë ndryshuar në momentet e fundit, duke e afruar ceremoninë shumë më shpejt.

Për vendin e martesës është përzgjedhur Bagheria, një qytet historik pranë Palermos në Sicili, i njohur për atmosferën romantike dhe arkitekturën aristokratike. Ceremonia kryesore raportohet se do të mbahet në “Villa Valguarnera”, një rezidencë madhështore e shekullit XVIII që konsiderohet ndër vendet më luksoze dhe elegante të zonës.

Për të ruajtur privatësinë e plotë të çiftit dhe të ftuarve VIP, organizatorët kanë marrë masa të forta sigurie. Mediat italiane raportojnë se dy kate të tëra të hotelit luksoz me pesë yje “Rocco Forte” janë rezervuar ekskluzivisht për këtë event.

Ndërkohë, përgatitjet në Sicili kanë hyrë në fazën finale, ndërsa emrat e të ftuarve po mbahen sekret. Dasma pritet të mbledhë personazhe të njohur nga bota e muzikës, filmit dhe modës.

Romanca mes Dua Lipës dhe Callum Turner ka qenë një nga më të komentuarat muajt e fundit në mediat rozë ndërkombëtare. Çifti është parë shpesh së bashku në evente publike dhe pushime luksoze, duke tërhequr vazhdimisht vëmendjen e fansave dhe paparacëve.

Tani duket se historia e tyre e dashurisë po shkon drejt hapit më të madh: martesës.

The post Dasma sekrete e Dua Lipës? Del data dhe vendi luksoz në Itali appeared first on iconstyle.al.

Presidenti i SHBA-së, Donald Trump, ka vendosur të vazhdojë betejën e tij ligjore kundër gazetës amerikane The Wall Street Journal, duke paraqitur një padi të re për shpifje pasi gjykata hodhi poshtë kërkesën e tij të mëparshme.

Përplasja lidhet me një artikull të publikuar nga gazeta, ku pretendohej se Trump kishte dërguar një letër me përmbajtje të papërshtatshme financierit Jeffrey Epstein për 50-vjetorin e tij në vitin 2003.

Muajin e kaluar, një gjykatë në Florida rrëzoi padinë fillestare të Trump. Gjykatësi Darrin P. Gales argumentoi se presidenti nuk kishte paraqitur prova të mjaftueshme për të treguar se gazeta kishte vepruar me “keqdashje” gjatë publikimit të materialit.

Megjithatë, sipas raportimeve të fundit të The Wall Street Journal, Trump ka dorëzuar një version të rishikuar të padisë, ku rithekson se media ka vepruar qëllimisht për ta dëmtuar figurën e tij publike. Presidenti amerikan ka mohuar vazhdimisht se letra ekziston ose se është shkruar prej tij.

Ashtu si në padinë e parë, Trump kërkon të paktën 10 miliardë dollarë dëmshpërblim nga gazeta dhe pronarët e saj.

Në qendër të debatit është raporti i publikuar vitin e kaluar nga The Wall Street Journal, ku thuhej se letra e supozuar përmbante tekst me nënkuptime seksuale dhe një vizatim të një figure femërore të realizuar me laps. Trump e ka quajtur artikullin të pavërtetë dhe shpifës.

Pas publikimit të lajmit, presidenti ngriti padi edhe ndaj manjatit të mediave Rupert Murdoch, perandoria mediatike e të cilit zotëron The Wall Street Journal.

Trump ka pasur shpesh përplasje të forta me mediat amerikane dhe ndërkombëtare, duke akuzuar vazhdimisht organizata si CNN, Washington Post dhe BBC për raportime të njëanshme kundër tij.

Emri i Trump është përmendur disa herë në dokumentet që lidhen me Jeffrey Epstein, pasi të dy njiheshin në vitet 1990 dhe në fillim të viteve 2000. Megjithatë, deri më sot nuk ka prova që e lidhin presidentin amerikan me aktivitetet kriminale të Epstein, ndërsa vetë Trump ka deklaruar publikisht se nuk ka qenë kurrë “mik” i financierit të ndjerë.

The post Trump rikthehet në gjyq kundër Wall Street Journal, kërkon miliarda dollarë dëmshpërblim appeared first on iconstyle.al.

Kur fotografi Greg Brennan pa Kate Moss të ulur në fund të një shkallësh emergjence, të veshur me një pallto leshi dhe duke mbajtur një cigare, ai e dinte se e priste një moment i veçantë.

Ishte viti 2007 dhe, pa e ditur ai në atë kohë, një nga fotot që bëri atë natë do të bëhej një imazh ikonik i “epokës së festave” të modeles së famshme dhe fotografia më e famshme e karrierës së saj gati 40-vjeçare.

Imazhi nga mesi i viteve 2000 ka fituar një tërheqje të përjetshme për shkak të thjeshtësisë së tij: “Ajo ishte diçka midis një balerine dhe Janis Joplin. Ajo kishte një estetikë të fortë rock ‘n’ roll”, tha fotografi për CNN.

Kate Moss kishte fituar tashmë një reputacion si një grua që e donte jetën intensive të natës në vitet ’90, me tabloidët britanikë që ndiqnin pothuajse çdo paraqitje publike të saj.

Megjithatë, Brennan argumenton se shumë nga ato që u shkruan për atë natë nuk ishin të vërteta. Siç thotë ai, fotografia e famshme tani është gjithashtu një nga më të keqkuptuarat e karrierës së tij: “Lexova të gjitha llojet e budallallëqeve. Se ajo u pengua mbi fustanin e saj, se ra nga shkallët , se ishte ora 4 e mëngjesit. Asnjëra prej tyre nuk ishte e vërtetë”, tha fotografi 53-vjeçar.

Libri i tij i ri, “The Big Shot”, përpiqet të rivendosë, siç thotë ai, historinë e vërtetë pas fotos, por edhe të përshkruajë kombinimin e përvojës dhe fatit që e çoi atë në daljen e pasme të një teatri në Londër në ditëlindjen e 33-të të Moss.

Në vitin 2007, Kate Moss ishte në kulmin e karrierës së saj. Po atë vit, revista Time e emëroi atë një nga 100 njerëzit më me ndikim në botë, dhe Forbes e renditi modelen e dytë më të paguar në botë, pas vetëm Gisele.

Në atë kohë, lidhja e saj me këngëtarin e Babyshambles, Pete Doherty, ishte një temë e nxehtë në tabloid, me thashetheme për një martesë që qarkullonin.

Brennan ishte caktuar të fotografonte festën e saj të ditëlindjes në Hotelin Dorchester në Londër, një ngjarje që ai tha se ishte bërë një “ngjarje vjetore mediatike”.

Pak më vonë, ai u informua se Moss dhe Doherty ishin ende në teatrin Donmar Warehouse . Kur mbërriti, gjeti një turmë fotografësh dhe kalimtarësh që mbushnin hyrjen kryesore.

Pastaj ndodhi një zhvillim i papritur: bateritë e blicit të tij pothuajse u mbaruan. Ndërsa po kthehej në makinë, iu kujtua se kinemaja kishte një dalje emergjence në pjesën e pasme, të cilën e kishte përdorur më parë kur kishte fotografuar Nicole Kidman duke u larguar nga i njëjti vend në fund të viteve 1990.

Fotografi vendosi të ndalonte “për një vështrim të shpejtë”, siç e përshkroi ai. “Ajo ishte ulur në shkallë, duke pirë duhan. Kalova pranë derës, e pashë dhe e dija se kisha sekonda për të reaguar”, tha ai.

Duke futur kamerën e tij nëpër derën gjysmë të hapur, ai bëri rreth dhjetë foto . Në atë moment, ai dëgjoi një makinë që ndaloi jashtë dhe kuptoi se çfarë po ndodhte: Moss dhe Doherty kishin dërguar një automjet tjetër në hyrjen kryesore si shpërqendrim, ndërsa ata vetë po largoheshin nëpër daljen e pasme.

Brennan pranoi se ai madje ndihmoi të hapte derën e makinës për Moss, si nga mirësjellja ashtu edhe për t’u siguruar që ajo të kishte momentin vetëm para se të mbërrinin pjesa tjetër e fotografëve.

Në fund, ai nuk u kthye më kurrë në Dorchester. Ai i dërgoi fotot redaktorëve të tij dhe shkoi në shtëpi i sigurt se kishte siguruar fotot më të mira të mbrëmjes. Megjithatë, ajo që ai nuk e priste ishte që një nga ato imazhe do të përfundonte në faqet e para të pothuajse çdo tabloidi britanik të nesërmen.

Meqenëse Moss kishte arritur t’i shmangte fotografët për pjesën më të madhe të natës, shumë gazeta e përdorën foton nga shkallët pranë saj në raportet rreth festave të saj të çmendura të ditëlindjes. Daily Mail e shoqëroi atë me raportet e një “feste 24-orëshe me pije dhe vallëzim”, ndërsa gazeta të tjera e lidhën atë me histori për sherre dhe festa të çmendura.

Vetë Brennan beson se fotografia fitoi famë më shumë për shkak të klimës së kohës dhe imazhit që tabloidët kishin krijuar rreth Kate Moss.

 

View this post on Instagram

 

A post shared by ACC Art Books US (@accartbooksus)

Në vitin 2005, një skandal droge i kishte shkaktuar një goditje serioze karrierës së saj, me disa shtëpi të mëdha mode që ndërprenë bashkëpunimin e tyre me të, megjithëse ajo nuk u akuzua kurrë. Një vit më vonë, megjithatë, ajo u emërua Modelja e Vitit në British Fashion Awards.

“E kuptoj pse e bënë. Kate Moss vetëm ulur në një shkallë dhe duke pirë duhan nuk shet gazeta”, tha fotografi.

Pavarësisht famës që e shoqëroi, Brennan pohoi se nuk e shihte kurrë Moss si një “vajzë festash”. «Për mua, ajo ishte thjesht një nga modelet e mia të preferuara, në momentin më të mirë të karrierës së saj», tha ai.

Siç zbuloi ai, fotografia e tij e preferuar nga ajo natë nuk është fotografia e famshme e shkallëve, por një fotografi e bërë disa sekonda më vonë, në të cilën Moss ngrihet dhe shkon drejt daljes.

“Ka më shumë ndjesinë e një pasarele ,” tha ai. “Thonë se çdo fotograf i mirë duhet të ketë një imazh në një moment të karrierës së tij që dallohet nga të gjithë të tjerët. Mendoj se e bëra këtë me këtë , por nuk ishte kurrë e planifikuar,” përfundoi ai.

The post “E kuptova që kisha disa sekonda”/ Si u shkrep fotografia më ikonike e Kate Moss dhe pse keqkuptohet appeared first on iconstyle.al.