Kandidati për deputet nga Partia Demokratike e Kosovës (PDK), Xhavit Haliti, së bashku me zyrtarë dhe mbështetës të partisë, kanë vazhduar aktivitetet e fushatës zgjedhore në Prizren.

Gjatë takimeve me qytetarët, përfaqësuesit e PDK-së kanë theksuar rëndësinë e mobilizimit për zgjedhjet e 7 qershorit, duke shprehur bindjen se partia do të shënojë një tjetër fitore në këtë komunë.

“Në Prizrenin e fitoreve të PDK-së, të fortë, të bashkuar dhe me motiv të madh për fitoren e radhës më 7 qershor”, ka deklaruar ai gjatë aktivitetit elektoral.

Fushata në Prizren është pjesë e angazhimeve të PDK-së në mbarë vendin, ndërsa partia po intensifikon takimet me qytetarët në prag të përfundimit të fushatës zgjedhore.

Kandidati për deputet nga Lëvizja Vetëvendosje, Metë Shatri, bashkë me ushtruesen e detyrës së Presidentes, Albulena Haxhiu, kanë zhvilluar një takim me studentë të Fakultetit të Mjekësisë.

Gjatë bashkëbisedimit me studentët, Shatri dhe Haxhiu diskutuan për sfidat dhe perspektivat e të rinjve në sektorin e arsimit dhe shëndetësisë, si dhe për politikat që synojnë fuqizimin e studentëve dhe profesionistëve të ardhshëm shëndetësorë.

Haxhiu theksoi se studentët dhe të rinjtë kanë qenë në qendër të politikave qeveritare gjatë viteve të fundit, duke përmendur arsimin publik falas, bursat për studentët e fushave STEM dhe programin “Mobiliteti për Studentë”, i cili mbështet ata që studiojnë larg vendbanimit të tyre.

Nga ana e tij, Metë Shatri vlerësoi rëndësinë e investimit në kapitalin njerëzor dhe në përgatitjen profesionale të gjeneratave të reja, duke theksuar se një sistem shëndetësor më i fortë fillon me mbështetjen e studentëve dhe profesionistëve të ardhshëm.

“Investimi në arsim dhe në rininë tonë është investim në të ardhmen e Kosovës”, u tha gjatë takimit, ku studentët patën mundësinë të paraqesin idetë dhe shqetësimet e tyre lidhur me studimet dhe zhvillimin profesional.

Kandidati për Kryeministër nga Lidhja Demokratike e Kosovës (LDK), Lumir Abdixhiku, së bashku me kandidaten për Presidente nga kjo parti, Vjosa Osmani, kanë vazhduar fushatën zgjedhore në komunën e Obiliq, në kuadër të aktiviteteve për zgjedhjet e 7 qershorit.

Gjatë takimeve me qytetarë dhe mbështetës të partisë, drejtuesit e LDK-së theksuan rëndësinë e pjesëmarrjes qytetare dhe mobilizimit elektoral në ditët e fundit të fushatës, duke kërkuar mbështetje për programin e tyre politik.

“Faleminderit Obiliq për pritjen e jashtëzakonshme. Tani drejt 7 qershorit, me besim të plotë në fitoren që bashkon qytetarët tanë.”

Takimi në Obiliq vjen si pjesë e serisë së vizitave të lidershipit të partisë në zona të ndryshme të vendit, me fokus në konsolidimin e mbështetjes dhe mobilizimin e elektoratit për ditën e votimit.

Kandidati i Aleancës për deputet, Daut Haradinaj, ka reaguar për çështjen e ligjit për shtetësinë, duke kërkuar transparencë të plotë dhe përgjegjësi institucionale në zbatimin e tij.

Nga Gjakova, në rrugën “Armend Qymyri”, Haradinaj ka deklaruar se po tentohet të mbulohet e vërteta rreth procesit të regjistrimit të shtetësisë, duke theksuar se “nuk mund të mbulohet dielli me shoshë”.

“Është e papranueshme që të ketë mungesë transparence në një çështje kaq të ndjeshme për shtetin. Kosova ka nevojë për përgjegjësi dhe sqarim të plotë para qytetarëve,” ka thënë ai.

Haradinaj tha se debati është intensifikuar pas miratimit të ligjit për shtetësinë, i cili është votuar në Kuvend me mbështetjen e Lëvizjes Vetëvendosje dhe Listës Serbe.

MPB i reagon Haradinajt: Rankoviq është qytetare e Kosovës që nga viti 2001, Bojoviq i regjistruar që nga viti 2007

Ky ligj, sipas tij, mundëson që qytetarë që kanë jetuar në Kosovë deri në vitin 1999 të aplikojnë për shtetësi, pa përjashtuar raste që kërkojnë verifikim të thelluar institucional.

Ai ka theksuar se institucionet duhet të sigurojnë që procesi të mos keqpërdoret dhe të garantohet integriteti i shtetit.

Haradinaj ka kërkuar që çështja të trajtohet me seriozitet të lartë dhe me kontroll të plotë institucional, duke shmangur çdo keqinterpretim apo mungesë transparence në opinionin publik.

Forca e Sigurisë së Kosovës, po merr pjesë në Konferencën e 22-të Ndërkombëtare të Liderëve të Lartë të Nënoficerëve Senior (ICC 2026), e cila po mbahet në Shkollën e NATO-s në Oberammergau të Gjermanisë.

FSK në këtë ngjarje të rëndësishme ndërkombëtare përfaqësohet nga Rreshteri Major OR9 Ilir Rama, i cili po merr pjesë krahas liderëve të lartë ushtarakë nga vendet anëtare të NATO-s dhe shtetet partnere.

Konferenca, e organizuar nga Komanda Aleate e NATO-s për Transformim (ACT), ka në fokus sfidat aktuale të sigurisë globale, prioritetet strategjike dhe forcimin e bashkëpunimit ndërmjet forcave ushtarake.

Gjatë punimeve të konferencës, Rreshteri Major Rama ka zhvilluar takime me homologë nga vende të ndryshme, duke shkëmbyer përvoja dhe praktika mbi zhvillimin profesional të nënoficerëve dhe rolin e tyre në strukturat moderne ushtarake.

“Zhvillimi i vazhdueshëm profesional i nënoficerëve mbetet një nga shtyllat kryesore të forcimit të kapaciteteve tona operacionale dhe të modernizimit të FSK-së”, është theksuar gjatë prezantimit të vizionit të Komandës së FSK-së në konferencë.

Sipas njoftimit të FSK-së, pjesëmarrja në këtë forum ndërkombëtar shërben si mundësi për thellimin e bashkëpunimit me partnerët ndërkombëtarë dhe për shkëmbimin e përvojave në fushën e sigurisë dhe mbrojtjes.

“Shkëmbimi i mësimeve të nxjerra nga operacionet ndërkombëtare dhe forcimi i bashkëpunimit ndërmjet vendeve aleate dhe partnere janë thelbësore për përballimin e sfidave të përbashkëta të sigurisë”, u tha në kuadër të diskutimeve të konferencës.

Në konferencë po trajtohen gjithashtu përvojat nga operacionet ndërkombëtare, sfidat e reja të sigurisë dhe mënyrat për të rritur bashkëpunimin mes vendeve aleate dhe partnere, me qëllim avancimin e stabilitetit dhe sigurisë globale.

Sipas aktakuzës së Prokurorisë Speciale të Republikës së Kosovës (PSRK) të ngritur më 30 dhjetor 2025 ndaj 21 personave të akuzuar për masakrën e Reçakut, dëshmi për këtë rast nga mundësia hetuese e veçantë ka dhënë William Walker para Gjykatës Themelore në Prishtinë.

Ai ka rrëfyer se si kuptoi për ngjarjen, çfarë pa kur shkoi në vendin e ngjarjes, gjendjen e trupave të masakruar dhe veprimet që e pasuan atë ditë, raporton BetimipërDrejtësi.

Sipas aktakuzës, Walker ka deklaruar se në vitin 1998 kishte ardhë në Kosovë në cilësi të kryesuesit të misionit verifikues të OSBE-së dhe më 15 janar 1999 rreth orës 18:00-19:00 pasi ishte kthyer në Prishtinë nga Mali i Zi, ishte njoftuar nga zëvendësi i misionit të OSBE-së, generali Gjon apo siç njihej gjenerali Dizet nga Mbretëria e Bashkuar, se gjenerali i ushtrisë Llonqak i cili ishte përgjegjës për dhënien e infomatave tek zyra e komisionit verifikues, kishte dhënë informacione për një betejë të ndodhur në vendin e quajtur Reçak. Sipas tij, beteja kishte ndodhur mes pjestarëve të Ushtrisë Çlirimtare të Kosovës (UÇK) dhe njësisë ushtarake të Serbisë.

Gjenerali Llonqar, sipas tij, i kishte thënë gjeneralit Dizet se në këtë betejë, 15 pjesëtarë të UÇK-së ishin vrarë dhe se nga pjesëtarët e forcave të sigurisë serbe nuk kishte pasoja. Sipas Dizet, kishte pasur informacion jo të saktë të marrë nga Lloqnak.

Walker ka deklaruar se duke parë që gjenerali Dizet dhe zyrtari i tyre i zyrës regjionale në Prizren kanë vërtetuar se diçka në këtë betejë nuk ishte në rregull kishin vendosur të shkojnë në vendin e ngjarjes, ku kishin ftuar edhe Lloqnakun, por që ai kishte refuzuar të shkonte.

Çfarë pa Walker në vendin ku ndodhi Masakra?

Sipas aktakuzës, Walker ka deklaruar se të nesërmen ishte nisur për Reçak dhe se aty kishte pasur pjesëtarë të OJQ-ve dhe gazetarë dhe se pas njoftimit të gjeneralit Meizon se kishte më tepër se 15 persona të vrarë, atëherë kishte vendosur që të shkonte pikërisht te vendi për t’i parë për së afërmi.

Walker në dëshmi ka rrëfyer se ka parë kufomat pa kokë, një burrë të shtrirë në shpinë me disa ndryshime në kafkë i cili kishte qenë me veshje civile, e cila veshje ishte tipike e një fshatari që punon tokën, s’kishte shenjë identifikuese që e identifikonte si ushtarak. Kishte deklaruar se ka parë plumba që kishin depërtuar në trup, plagë, gjak që kishte rrjedhur nga plagët, dhe nuk kishte parë gjurmë që trupi ishte zhvendosur apo larguar, por kishte qenë aty i vrarë.

Në luginën e ngushtë që të shpinte në pjesën e sipërme të fshatit, Walker ka deklaruar se kishte parë trupa të tjerë të njerëzve të vdekur, të gjithë kishin mbetur në pozicionin siç i kishin vrarë, në trupat e tyre kishte pasur vrima, depërtim plumbash në kokë, secili prej tyre kishte veshje civile dhe se s’kishin shenja apo diçka të identifikimit si pjesëtarë të UÇK-së.

Gjithnjë sipas dëshmisë së Walker, shumica e viktimave ishin të moshës së re apo mesatare, të gjithë meshkuj, kishte parë diku 17, 18 apo 19 trupa, prej tyre 2-3 të moshës më të vjetër të cilët kishin pasur plisa dhe nuk kishte përreth tyre ndonjë armë apo gëzhojë.

Verifikuesit që kanë qenë aty, thuhet se erdhën në përfundim se gjuajtjet kishin ardhur prej lart brenda shtratit ku kanë qenë trupat, ku është gjuajtur nga dy kodra, dhe se aty janë gjetur karikatorë dhe gëzhoja.

Walker ka theksuar se kryesisht të gjitha plagët kanë qenë në pjesën e sipërme të trupit dhe në kokë. Atij i kishin thënë se kishte më shumë viktima, por nuk kishte arritur t’i shihte të gjithë trupat, 45 sa ishin gjithsej, por vetëm gjysmën e tyre.

Sipas aktakuzës, Walker u kishte thënë verifikuesve që të realizonin fotografi sa më shumë që të mundeshin, pasi që kishte shumë viktima, me qëllim që verifikuesit të sigurojnë sa më shumë dëshmi dhe fotografi.

Çka i thanë dëshmitarët dhe çka deklaroi Walker për gazetarët?

Pas kësaj, ai ka treguar se kishte shkuar në fshat për të biseduar me ndonjë dëshmitar lidhur me masakrën, e që vazhdimisht po përcjellej nga gazetarët. E gazetarët që flisnin anglisht mendon se ishin nga ekipi i CNN, për të cilët kishte dhënë intervistë të drejtpërdrejtë ku ndër të tjera ka deklaruar: “Vetëm mund t’ju them se ishte një ngjarje e tmerrshme dhe po mundohem të kuptoj më së miri se çfarë ka ndodhur prej dje, mirëpo nuk dua të bëj ndonjë konkluzion këtu, por pasi që të kthehem në zyrë, atje do të jap konferencë për shtyp”.

Walker ka rrëfyer se si i ka intervistuar dy gra për të kuptuar se çka ka ndodhur në ditën kritike, dhe me këtë rast ato kanë deklaruar se fshati ishte bombarduar me artileri dhe me tanke, dhe se pas ndërprerjes së sulmit, njësitet policore ishin lëshuar mbi fshat dhe kishin kërkuar që meshkujt të dilnin. Shumica e tyre kishin dalë për të parë se çfarë ka ndodhur, mirëpo disa ishin frikësuar dhe tentuan të iknin në drejtime të ndryshme.

Sipas Walker, ishin mbledhur burra, fëmijë dhe disa të vjetër në grup dhe kishin marshuar në drejtim të shtratit të lumit deri në kodër lart, duke menduar se po dërgohen për intervistim ose t’i rrahin, ose të dyja bashkë. Këtë situatë njëjtë e kishte spjeguar edhe një burrë që kishte arritur të ikte, e i cili u kishte kërkuar verifikuesve dhe ekipeve të tyre që të mundohen të mbledhin sa më shumë dëshmi.

Si i përshkruan William Walker veprimet e gjyqtares serbe Danica Marinkoviq?

Kurse, gjyqtaren Danica Marinkoviw kishte thënë se e kishte njohur disa muaj para masakrës, por jo për herë të fundit se kishte ndërhyrë në hetime që janë bërë ndaj ndërkombëtarëve.

Sipas aktakuzës, Marinkoviq kishte vendosur kushte për verifikuesit e Walker që ata të mund të hyjnë në Reçak, por duhet të jenë të shoqëruar nga Policia.

Për këtë situatë, gjenerali Dizen kishte paralajmëruar gjyqtaren Marinkoviq që nëse vendosin kushte, mund të rrezikohej jeta e verifikuesve sepse mund të kishte shkëmbim eventual zjarri dhe kishte shkëmbyer fjalë të rrepta me të.

Walker ka deklaruar se në konferencë për shtyp kishtë thënë se duhet të ketë edhe hetim ndërkombëtar ose ekspertë të forenzikës në rast se qeveria nuk pajtohet me atë se çka kishte ndodhur në Reçak. Pra, të mos lejohej vetëm Qeveria e Beogradit të bëjë hetimin, por të ketë edhe hetim ndërkombëtar.

Për këtë arsye, ishte ftuar ekspertja finlandeze, doktoresha Ranta të bëjë ekzaminimin forenzik, e cila kishte kërkuar të mos bëhet autopsia derisa të vinte ekipi i saj, Por, thuhet se gjyqtarja Marinkoviq duke shfrytëzuar të drejtën e saj legjitime që me gjasë e ka marrë edhe nga ndonjë gjykatë e Serbisë, me ekipin e saj kishte bërë autopsinë e 5-8 trupave të cilët ishin më të dëmtuarit, duke mos iu mundësuar ekzaminuesve ndërkombëtarë të bëjnë edhe një herë ekzaminimin.

Ish-ambasadori Walker ka deklaruar që Marinkoviq kishte insistuar që familjarët të vijnë t’i identifikojnë trupat të cilët ishin dërguar në Prishtinë, e ndërkohë ata të frikësuar nga ngjarja që kishte ndodhur, u ishin dashur disa ditë të shkojnë për t’i identifkuar familjarët.

Më tej, Walker ka deklaruar se kishte kuptuar nga verifikuesit dhe zëvendësi i tij gjerman- të cilët e kishin përcjellë ngjarjen, se trupat ishin hedhur në pjesën e prapme si valixhe në bagazhin e makinës.

Gjithashtu, ka deklaruar se doktoresha Ranta kishte nxjerrë një raport të autopsisë për viktimat, të cilin e kishte parë por s’e ka lexuar tërësisht.

Walker dëshmoi para Gjykatës në Prishtinë se ishin mbajtur dy konferenca për shtyp, njëra më 16 janar, 1 ose 2 orë pas kthimit nga Reçaku, kurse e dyta dy muaj më vonë. Ka thënë se Randa kishte ardhë në Prishtinë dhe me organizim të OSBE kanë mbajtur konferencë, ku ishte pjesëmarrës edhe një përfaqësues i korit diplomatik finlandez në Beograd.

Walker u shpreh i dëshpëruar me dr.Rantan, me arsyetimin se kur u pyet nëse ekzaminimi i saj konfirmon, vërteton apo kundërshton deklaratën e Walker, i cili e kishte cilësuar rastin si masakrër, krim kundër njerëzimit, e krim lufte, ajo ishte nervozuar duke thënë se nuk është juriste. Megjithëse, në fund theksoi se ishte masakër, por jo në atë kuptim ligjor.

Si erdhi në përfundim që ngjarja në Reçak ishte masakër?

Lidhur me atë se e quajti masakër që herën e parë, Walker deklaroi se “atë çka kam parë në Reçak, nuk jep shpjegim tjetër”. E kjo sipas tij, bazuar në trupat e shumta të viktimave, të gjymtuar, grupe trupash, të gjithë me tipare të personave civilë.

Me atë sa i kujtohet dhe çfarë ka parë në pllakën përkujtimore, Walker e di që më i riu i vrarë në atë masakër ishte 14-vjeçar e më i vjetri 99-vjeçar, dhe se asnjë prej tyre nuk mund të mendohet se ishte luftëtar i UÇK-së.

Rreth kryerës e të vrasjes së civilëve, Walker ka thënë se nuk ka qenë dëshmitar i momentit të vrasjes, por dëshmitarët dhe verifikuesit i kanë treguar se një natë para ditës kritike, burrat e fëmijët kanë qenë të grumbulluar e të paarmatosur në një vend, kanë kaluar nëpër fshat nën tytat e policisë në shtratin e lumit deri në kodër, e herën tjetër i ka parë të vdekur.

Për këtë çështje, William Walker ka thënë se edhe po të ishin ushtarë të UÇK-së viktimat, të cilët janë zënë dhe përcjellë me armë, edhe po të ishin ekzekutuar, prapë do të ishte krim lufte sepse ishin të paarmatosur.

“Ai shtiu se aty gjendja e trupave ishte e rëndë, njëri ishte pa kokë, ndërsa të gjithë të tjerët rëndë të dëmtuar”, citohet se deklaroi Walker.

Krejt në fund, ka thënë se ka dhënë deklaratë edhe pranë Gjykatës Penale në ish-Jugosllavi në rastin kundër Slobodan Millosheviqit dhe qëndron pranë asaj deklarate.

Për masakrën e Reçakut, Gjykata Themelore në Prishtinë ka caktuar seancën fillestare për 20 korrik 2026, dhe tashmë ftesa për seancë është publikuar në ueb-faqen e Gjykatës, ku iu bëhet thirrje të akuzuarve për pjesëmarrje në seancë, si dhe palëve tjera në procedurë.

Kandidati për deputet nga radhët e Partisë Demokratike të Kosovës (PDK), Xhavit Haliti, ka shprehur optimizëm për rezultatin e zgjedhjeve të 7 qershorit, duke theksuar se partia e tij synon fitore në këtë proces zgjedhor.

Pas një takimi me qytetarë në Dragash, Haliti ka publikuar një mesazh në rrjetet sociale ku ka theksuar se vendi ka nevojë për ndryshim të kursit politik dhe për përfundimin e, siç e ka quajtur ai, “periudhës së krizës”.

“Nga Dragashi i njerëzve me zemër të madhe, punëtorë e atdhetarë: mjaft më me krizë, koha për fitore”, ka shkruar Haliti në Facebook.

Ai është shprehur se Partia Demokratike e Kosovës po hyn në fazën finale të fushatës me besim për fitore, duke kërkuar mbështetjen e qytetarëve në zgjedhjet parlamentare.

Kandidatja për Presidente nga radhët e Lidhjes Demokratike të Kosovës (LDK), Vjosa Osmani, ka vazhduar fushatën e saj elektorale me një vizitë në Vushtrri, ku ka vlerësuar kontributin e figurave historike dhe të sigurisë së Kosovës.

Gjatë një tubimi me qytetarë, Osmani ka deklaruar se Vushtrria ka dhënë disa nga emrat më të rëndësishëm për historinë e vendit, duke përmendur Hasan Prishtinën si figurë të rëndësishme historike, si dhe Enver Zymerin dhe Afrim Bunjakun.

Ajo ka theksuar se këto figura përfaqësojnë sakrificën dhe kontributin për shtetin e Kosovës, duke i cilësuar si shembuj të përkushtimit ndaj vendit dhe rendit publik.

Fushata po zhvillohet në disa qytete të Kosovës, ku ajo po paraqet vizionin e saj politik dhe mesazhe për unitet institucional dhe forcim të shtetit.

Osmani, e cila ka mbajtur më parë edhe postin e Presidentes së Kosovës, mbetet një nga figurat kryesore politike në vend dhe një nga emrat kryesorë në garat elektorale të LDK-së.

Kandidati i Lidhjes Demokratike të Kosovës (Lidhja Demokratike e Kosovës), Berat Rrukiqi, ka kritikuar qëndrimin e Qeverisë ndaj projektit të gazit të lëngshëm amerikan, duke thënë se Kosova duhet të mbështesë diversifikimin e burimeve energjetike dhe forcimin e partneritetit me Shtetet e Bashkuara.

Rrukiqi tha se një javë më parë, së bashku me Prattipati, mori pjesë në konferencën e organizuar nga Oda Amerikane e Kosovës ku u diskutua çështja e gazit të lëngshëm.

Sipas tij, në prani të përfaqësuesve të Departamentit Amerikan të Energjisë dhe komunitetit të biznesit, një përfaqësuese e Ministrisë, në emër të ministres, kishte kundërshtuar gazin amerikan pa paraqitur argumente bindëse ekonomike, energjetike apo strategjike.

“Aty, para përfaqësuesve të Departamentit Amerikan të Energjisë dhe komunitetit të biznesit, këshilltarja e ministres, në emër të ministres, pa asnjë argument bindës ekonomik, energjetik apo strategjik, i tha jo gazit amerikan. Ne themi po”, ka deklaruar Rrukiqi.

Ai ka theksuar se LDK-ja mbështet sigurinë energjetike, diversifikimin e burimeve të energjisë, partneritetin strategjik me SHBA-në dhe investimet që rrisin konkurrueshmërinë e Kosovës.

“Po sigurisë energjetike. Po diversifikimit të burimeve. Po partneritetit strategjik me Shtetet e Bashkuara. Po investimeve që e bëjnë Kosovën më konkurruese. Ne do ta bëjmë. Për ekonominë. Për energjinë. Për sigurinë kombëtare të Kosovës”, ka thënë ai.

Deklarata e Rrukiqit vjen në kohën kur debati për orientimin e politikave energjetike të Kosovës dhe mundësitë për investime në sektorin e energjisë vazhdon të jetë pjesë e diskutimeve publike dhe politike.

Kandidati për deputet nga Aleanca për Ardhmërinë e Kosovës (AAK), Daut Haradinaj, ka deklaruar në Debat Plus se Syzana Rankoviq është pajisur me shtetësi të Kosovës dhe është regjistruar si banore e vendit.

Haradinaj tha se posedon dokumente për këtë çështje, të cilat, sipas tij, dëshmojnë regjistrimin e saj si qytetare e Kosovës.

“Ta ka pru qikën e Rankoviqit në Gjakovë… Nuk iu kanë dhënë shtetësi banorëve të Luginës së Preshevës, e qika Rankoviqit është banore e Kosovës. Ma së pari, kujdes, qysh e kanë parapa ata, jo ju. Në rrugën Armend Qymyri prapa ETC-së numër katër, është e regjisturme, numri personal. Syzana Rankoviq, kurrë kjo qytetare e Kosovës nuk ka qenë”, ka deklaruar ai.

Lidhur me këtë, ka reaguar Ministria e Punëve të Brendshme.

MPB ka sqaruar se Milovan Bojoviq dhe Suzana Rankoviq janë regjistruar në regjistrat civilë shumë vite më parë, përkatësisht në vitet 2007 dhe 2001, dhe se rastet e tyre nuk kanë asnjë lidhje me Ligjin e ri për Shtetësinë.

Sipas ministrisë, Bojoviq ka poseduar dokumente të UNMIK-ut dhe letërnjoftim të Kosovës që nga viti 2011.

“Sipas të dhënave zyrtare, Milovan Bojović është regjistruar për herë të parë në vitin 2007 dhe ka qenë posedues i dokumenteve identifikuese të UNMIK-ut. Letërnjoftimin e Republikës së Kosovës e ka marrë në vitin 2011. Që nga ajo kohë, ai nuk ka realizuar asnjë shërbim përmes sistemit të Gjendjes Civile. Gjithashtu, vlen të theksohet se i njëjti është arrestuar nga Policia e Kosovës më 8 prill 2016. Fillimisht ndaj tij ishte caktuar masa e paraburgimit, mirëpo më pas Gjykata e Apelit kishte vendosur ndërprerjen e kësaj mase, duke mundësuar lirimin e tij. Pas lirimit, ai ishte larguar nga territori i Republikës së Kosovës nga Policia e Kosovës”, thuhet nga ministria.

Ndërsa, Rankoviq thuhet se është qytetare e Kosovës dhe ka konvertuar dokumentet e UNMIK-ut në dokumente të Republikës së Kosovës në vitin 2015.

MPB ka hedhur poshtë gjithashtu pretendimin se Suzana Rankoviq është vajza apo mbesa e Aleksandër Rankoviqit dhe u ka bërë thirrje akterëve politikë që të verifikojnë faktet para deklarimeve publike.

Anëtarësimi i Kosovës në NATO, duhet të mbetet synim i patjetërsueshëm ani se Sekretari amerikan i Shtetit, Marco Rubio, konfirmoi në kongres se kjo çështje aktualisht nuk është në agjendën e vendeve anëtare të Aleancës.

Janë njohësit e sigurisë, përfshirë edhe ish-zyrtarë ushtarakë që i thanë KosovaPressit se megjithëse rruga drejt NATO-s mbetet sfiduese për shkak të mosnjohjes së Kosovës nga disa shtete anëtare dhe sfidat globale, anëtarësimi i vendit në Aleancën Veriatlantike nuk është i paarritshëm.

Ish-atasheu ushtarak i Kosovës në Shtetet e Bashkuara të Amerikës, Xhavit Gashi vlerëson se edhe vet fakti që çështja e anëtarësimit të Kosovës në NATO po diskutohet në nivele të larta në SHBA është një zhvillim pozitiv për perspektivën euroatlantike të vendit.

Siç thotë Gashi kjo deklaratë nuk e bënë të pamundur antarësimin e Kosovës në organizatën më të fuqishme ushtarake, por për shkak të zhvillimeve gjeopolitike kanë lëvizur edhe prioritetet.

“Ka shumë të mira, e para është e mirë që pra, anëtarësimi i Kosovës në NATO është temë e diskutimit në nivele të larta të Shteteve të Bashkuara të Amerikës. Pra, është shumë e rëndësishme edhe vizita që u bë nga delegacioni i kongresistëve amerikanë në Kosovë, pra e pati edhe pyetja vinte konkretisht nga pjesa e atij delegacioni... E mira tjetër e atij diskutimi është që nuk është që Kosova do të përjashtohet nga ai diskutim, pra, po në këtë moment, pra edhe e dimë me çdo gjë që po ndodh në botë, atëherë prioritetet lëvizin apo the shiftings in discussion nganjëherë kanë në diskutime ndryshime apo lëvizje të prioriteteve, por nuk do të thotë që Kosova nuk do të jetë asnjëherë pjesë e NATO-s. Edhe ne kemi shumë elemente që e përafrojmë, për ata janë edhe diskutimet në anën tjetër që Kosova është afër. Edhe me shumë elemente po, Kosova është afër anëtarësimit, por pastaj po, katër shtetet që nuk e njohin Kosovën pra që janë anëtare të NATO-s, e vështirësojnë pak anëtarësimin, por nuk e bëjnë të pamundur”, deklaroi ai.

Atasheu i parë ushtarak në ShBA, thekson se nuk mund të përcaktohen afate të menjëhershme për anëtarësimin në NATO, por është optimist se ky proces nuk është i largët.

Sipas tij, Kosova duhet të vazhdojë të sillet dhe të kontribuojë sikur të ishte tashmë anëtare e Aleancës, duke ndjekur standardet dhe praktikat e saj.

“Afatet nuk mund të jenë të menjëhershme, pra nuk mund t'i caktoj as unë, as zyrtarët më të lartë të cilët janë kompetentë për të folur për këtë. Mirëpo prapë unë mendoj që nuk është aq i largët anëtarësimi i Kosovës në NATO. Unë mendoj që ne duhet të vazhdojmë të sillemi ashtu siç jemi duke u sjell, pra sikur me qenë anëtarë i NATO-s, sepse ju e dini, domethënë të gjithë e dimë sepse Kosova është duke bërë hapa edhe duke kontribuar si shtetet e tjera të NATO-s, ndoshta jo me kapacitete të njëjta”, theksoi ish-atasheu ushtarak.

Ndërkohë, drejtori ekzekutiv në Qendrën Kosovare për Studime të Sigurisë (QKSS), Mentor Vrajolli teska komenton deklaratën e sekretarit Rubio thotë se aktualisht NATO po përballet me sfida të shumta globale, ndërsa SHBA-të dhe aleatët e saj janë të fokusuar në kriza të tjera ndërkombëtare, gjë që e bën më të vështirë mbajtjen e vëmendjes së vazhdueshme te çështja e Kosovës.

“Është e kuptueshme që tashmë NATO është duke u ballafaquar me shumë sfida dhe mbase agjenda e Kosovës mund të mos ketë atë interesin e madh. Kjo për shkak se edhe është çështje sfiduese për faktin që katër anëtare të NATO-s nuk e njohin Kosovën dhe nevojitet një trysni jashtëzakonisht e fuqishme për të arritur që këto, të paktën dy apo tre nga mosnjohëset, të bëjnë hapin rreth pranimit të Kosovës në NATO. Andaj mendoj që anëtarësimi në NATO është proces i vështirë. Absolutisht ndoshta është edhe proces më i komplikuar sesa anëtarësimi në Bashkimin Evropian... Mendoj që SHBA-të nuk e kanë vëmendjen te shumë çështje që ndërlidhen me Evropën, për shkak të prioriteteve të tjera që domosdo janë më emergjente sesa Kosova. Shtetet e Bashkuara të Amerikës së fundmi kanë qenë të përfshira në një konflikt, në një intervenim ushtarak në Iran, i cili mendoj që për ta është një prioritet jashtëzakonisht i madh. Pastaj, ka edhe çështje të tjera të cilat ndërlidhen me luftën në Ukrainë, me problemet që janë në paqësor. Dhe është ndoshta shumë jomodeste të pritet që SHBA-të të kenë një vëmendje të vazhdueshme në çështjen e Kosovës”, deklaroi ai.

Ky njohës i çështjeve të sigurisë, vlerëson se institucionet e Kosovës duhet të forcojnë vazhdimisht marrëdhëniet bilaterale me shtetet me ndikim në NATO në mënyrë që të rritet presioni ndaj vendeve që nuk e kanë njohur Kosovën.

“Mendoj që institucionet tona duhet të punojnë vazhdimisht sa i përket fuqizimit të marrëdhënieve bilaterale me shtetet të cilat kanë një ndikim të veçantë në aleancë dhe përmes kësaj qasjeje të arrihet që të rritet trysnia tek këto shtete jonjohëse, e që eventualisht në ndërkohë, besoj me një presion të shtuar edhe nga Shtetet e Bashkuara të Amerikës, njohja mund të ndodhë. Por, mendoj që është e padrejtë që të pritet njohja apo trysnia vetëm nga ana e Shteteve të Bashkuara të Amerikës. Mendoj që trysnia fillimisht duhet të fillojë nga shtetet evropiane, për shkak se Kosova pjesë e NATO-s e bën Evropën më të sigurt dhe e bën paqen në Ballkan më afatgjate”, deklaroi ai.

Kjo çështje u ngrit në seancë dëgjimore në Kongresin amerikan me sekretarin Rubio, ku kongresisti republikan Keith Self i kërkoi atij ta mbështesë anëtarësimin e Kosovës në NATO. Self bashkë dhe demokratin Suhas Subramanyam në fund të muajit maj vizituan Kosovën ku takuan ushtruesen e detyrës së presidentit të Kosovës, Albulena Haxhiu, dhe kryeministrin në detyrë, Albin Kurti.Anëtarësimi i Kosovës në NATO, duhet të mbetet synim i patjetërsueshëm ani se Sekretari amerikan i Shtetit, Marco Rubio, konfirmoi në kongres se kjo çështje aktualisht nuk është në agjendën e vendeve anëtare të Aleancës.

Janë njohësit e sigurisë, përfshirë edhe ish-zyrtarë ushtarakë që i thanë KosovaPressit se megjithëse rruga drejt NATO-s mbetet sfiduese për shkak të mosnjohjes së Kosovës nga disa shtete anëtare dhe sfidat globale, anëtarësimi i vendit në Aleancën Veriatlantike nuk është i paarritshëm.

Ish-atasheu ushtarak i Kosovës në Shtetet e Bashkuara të Amerikës, Xhavit Gashi vlerëson se edhe vet fakti që çështja e anëtarësimit të Kosovës në NATO po diskutohet në nivele të larta në SHBA është një zhvillim pozitiv për perspektivën euroatlantike të vendit.

Siç thotë Gashi kjo deklaratë nuk e bënë të pamundur antarësimin e Kosovës në organizatën më të fuqishme ushtarake, por për shkak të zhvillimeve gjeopolitike kanë lëvizur edhe prioritetet.

“Ka shumë të mira, e para është e mirë që pra, anëtarësimi i Kosovës në NATO është temë e diskutimit në nivele të larta të Shteteve të Bashkuara të Amerikës. Pra, është shumë e rëndësishme edhe vizita që u bë nga delegacioni i kongresistëve amerikanë në Kosovë, pra e pati edhe pyetja vinte konkretisht nga pjesa e atij delegacioni... E mira tjetër e atij diskutimi është që nuk është që Kosova do të përjashtohet nga ai diskutim, pra, po në këtë moment, pra edhe e dimë me çdo gjë që po ndodh në botë, atëherë prioritetet lëvizin apo the shiftings in discussion nganjëherë kanë në diskutime ndryshime apo lëvizje të prioriteteve, por nuk do të thotë që Kosova nuk do të jetë asnjëherë pjesë e NATO-s. Edhe ne kemi shumë elemente që e përafrojmë, për ata janë edhe diskutimet në anën tjetër që Kosova është afër. Edhe me shumë elemente po, Kosova është afër anëtarësimit, por pastaj po, katër shtetet që nuk e njohin Kosovën pra që janë anëtare të NATO-s, e vështirësojnë pak anëtarësimin, por nuk e bëjnë të pamundur”, deklaroi ai.

Atasheu i parë ushtarak në ShBA, thekson se nuk mund të përcaktohen afate të menjëhershme për anëtarësimin në NATO, por është optimist se ky proces nuk është i largët.

Sipas tij, Kosova duhet të vazhdojë të sillet dhe të kontribuojë sikur të ishte tashmë anëtare e Aleancës, duke ndjekur standardet dhe praktikat e saj.

“Afatet nuk mund të jenë të menjëhershme, pra nuk mund t'i caktoj as unë, as zyrtarët më të lartë të cilët janë kompetentë për të folur për këtë. Mirëpo prapë unë mendoj që nuk është aq i largët anëtarësimi i Kosovës në NATO. Unë mendoj që ne duhet të vazhdojmë të sillemi ashtu siç jemi duke u sjell, pra sikur me qenë anëtarë i NATO-s, sepse ju e dini, domethënë të gjithë e dimë sepse Kosova është duke bërë hapa edhe duke kontribuar si shtetet e tjera të NATO-s, ndoshta jo me kapacitete të njëjta”, theksoi ish-atasheu ushtarak.

Ndërkohë, drejtori ekzekutiv në Qendrën Kosovare për Studime të Sigurisë (QKSS), Mentor Vrajolli teska komenton deklaratën e sekretarit Rubio thotë se aktualisht NATO po përballet me sfida të shumta globale, ndërsa SHBA-të dhe aleatët e saj janë të fokusuar në kriza të tjera ndërkombëtare, gjë që e bën më të vështirë mbajtjen e vëmendjes së vazhdueshme te çështja e Kosovës.

“Është e kuptueshme që tashmë NATO është duke u ballafaquar me shumë sfida dhe mbase agjenda e Kosovës mund të mos ketë atë interesin e madh. Kjo për shkak se edhe është çështje sfiduese për faktin që katër anëtare të NATO-s nuk e njohin Kosovën dhe nevojitet një trysni jashtëzakonisht e fuqishme për të arritur që këto, të paktën dy apo tre nga mosnjohëset, të bëjnë hapin rreth pranimit të Kosovës në NATO. Andaj mendoj që anëtarësimi në NATO është proces i vështirë. Absolutisht ndoshta është edhe proces më i komplikuar sesa anëtarësimi në Bashkimin Evropian... Mendoj që SHBA-të nuk e kanë vëmendjen te shumë çështje që ndërlidhen me Evropën, për shkak të prioriteteve të tjera që domosdo janë më emergjente sesa Kosova. Shtetet e Bashkuara të Amerikës së fundmi kanë qenë të përfshira në një konflikt, në një intervenim ushtarak në Iran, i cili mendoj që për ta është një prioritet jashtëzakonisht i madh. Pastaj, ka edhe çështje të tjera të cilat ndërlidhen me luftën në Ukrainë, me problemet që janë në paqësor. Dhe është ndoshta shumë jomodeste të pritet që SHBA-të të kenë një vëmendje të vazhdueshme në çështjen e Kosovës”, deklaroi ai.

Ky njohës i çështjeve të sigurisë, vlerëson se institucionet e Kosovës duhet të forcojnë vazhdimisht marrëdhëniet bilaterale me shtetet me ndikim në NATO në mënyrë që të rritet presioni ndaj vendeve që nuk e kanë njohur Kosovën.

“Mendoj që institucionet tona duhet të punojnë vazhdimisht sa i përket fuqizimit të marrëdhënieve bilaterale me shtetet të cilat kanë një ndikim të veçantë në aleancë dhe përmes kësaj qasjeje të arrihet që të rritet trysnia tek këto shtete jonjohëse, e që eventualisht në ndërkohë, besoj me një presion të shtuar edhe nga Shtetet e Bashkuara të Amerikës, njohja mund të ndodhë. Por, mendoj që është e padrejtë që të pritet njohja apo trysnia vetëm nga ana e Shteteve të Bashkuara të Amerikës. Mendoj që trysnia fillimisht duhet të fillojë nga shtetet evropiane, për shkak se Kosova pjesë e NATO-s e bën Evropën më të sigurt dhe e bën paqen në Ballkan më afatgjate”, deklaroi ai.

Kjo çështje u ngrit në seancë dëgjimore në Kongresin amerikan me sekretarin Rubio, ku kongresisti republikan Keith Self i kërkoi atij ta mbështesë anëtarësimin e Kosovës në NATO. Self bashkë dhe demokratin Suhas Subramanyam në fund të muajit maj vizituan Kosovën ku takuan ushtruesen e detyrës së presidentit të Kosovës, Albulena Haxhiu, dhe kryeministrin në detyrë, Albin Kurti.

Kryetari i Komunës së Drenasit, Ramiz Lladrovci, ka shprehur ngushëllimet e tij për familjen Binaku pas ngjarjes tragjike të ndodhur në Shëngjin, ku humbën jetën dy të rinj nga Kosova, njëri prej tyre nga fshati Gllobar i Drenasit.

Në një telegram ngushëllimi, Lladrovci tha se humbja e të riut ka prekur jo vetëm familjen, por edhe gjithë komunën e Drenasit.

“Kjo humbje e rëndë dhe e parakohshme ka prekur jo vetëm familjen, por edhe gjithë komunën e Drenasit. Në këto momente dhimbjeje, ndajmë pikëllimin me familjen Binaku dhe lutemi që ata të gjejnë forcë për ta përballuar këtë tragjedi”, thuhet në mesazhin e ngushëllimit.

Në emër të Komunës së Drenasit dhe qytetarëve të saj, Lladrovci ka shprehur solidaritetin dhe mbështetjen për familjen e të ndjerit në këto momente të vështira.

Dy të rinjtë nga Kosova humbën jetën të mërkurën në plazhin e Shëngjin, pasi u morën nga dallgët gjatë larjes në det, ndërsa ngjarja ka shkaktuar pikëllim të madh në Kosovë dhe Shqipëri.

“I përjetshëm qoftë kujtimi për të ndjerin. Për familjen, miqtë dhe të gjithë të prekurit nga kjo tragjedi, ngushëllimet më të thella”, thuhet në telegramin e kryetarit të Drenasit.

Edhe pse protesta e qytetarëve u njoftua se është mbyllur pas disa orësh, dhjetëra të rinj kanë shkuar pranë ambienteve të selisë së PS-së. Ata gjithashtu kanë bllokuar rrugën ndërsa kanë bërë thirrje që të mos hapin qarkullimin.

Ka patur edhe qytetarë të cilët nuk ishin pjesë e protestës por kanë zbritur nga makina dhe kanë shprehur mbështetjen e tyre.

Pas pak çastesh protestuesit janë drejtuar drejt “Tajvanit” dhe zonës së “Bllokut” teksa u kanë bërë thirrje qytetarëve që të ngrihen nga kafet dhe t’u bashkohen në protestën e tyre kundër ndërtimit në Zvërnec.

Protesta e sotme ishte e katërta që nga e diela kur nisën marshimet. Fillimisht protesta e sotme nisi me përplasje me policinë. Situata u përshkallëzua kur protestuesit u hasën me kordonin e policisë, të vendosur në kuadër të masave për ndeshjen Shqipëri-Izrael.

Disa protestues çanë kordonin policor, ndërsa forcat e rendit ndërhynë për të stabilizuar situatën.

Pas disa momentesh tensionesh, gjithçka u neutralizua dhe protestuesit marshuan drejt Kryeministrisë.

Ata vijuan protestën për disa orë teksa bënë thirrje kundër ndërtimit. Ata mbanin në duar pankarta dhe flamuj të Shqipërisë.

Ambasadori i Kosovës në Shqipëri, Skënder Durmishi, së bashku me kryetarin e Bashkisë së Lezhës, Pjerin Ndreu, vizituan në Spitalin Rajonal të Lezhës tre të rinjtë kosovarë që po marrin trajtim mjekësor pas ngjarjes së rëndë të ndodhur në plazhin e Ranës së Hedhun në Shëngjin.

Gjatë vizitës, ambasadori u interesua nga afër për gjendjen shëndetësore të të rinjve dhe mori informacion nga stafi mjekësor lidhur me ecurinë e trajtimit të tyre.

Sipas ambasadorit Durmishi, gjendja e tre të rinjve është e stabilizuar dhe ata vijojnë të jenë nën kujdesin e vazhdueshëm të bluzave të bardha në urgjencën e Lezhës.

"Pesë shokët nga Kosova u futën në det...", policia jep detaje pas tragjedisë në Shëngjin me dy të vdekur

“Gjendja e tyre ishte shumë e mirë. Fati i tyre. Ngjarje shumë tronditëse, por ne jemi këtu të bëjmë atë nqë duhet bërë, për të informuar familjarët e dy viktimave”, u shpreh Ambasadori.

Ai falënderoi ekipet mjekësore dhe strukturat vendore për reagimin e shpejtë dhe ndihmën e ofruar, ndërsa shprehu solidaritetin me familjet e personave të përfshirë në këtë ngjarje tragjike.

Mjekët bëjnë me dije se të rinjtë po monitorohen në mënyrë të vazhdueshme dhe, deri tani, parametrat e tyre shëndetësorë paraqiten të qëndrueshëm.

Presidentja e 6-të e Republikës së Kosovës, dhe kandidatja e LDK-së për mandatin e dytë të presidentes Vjosa Osmani, ka zhvilluar tubimin elektoral me qytetarët në Ferizaj, duke e cilësuar si një kënaqësi të veçantë praninë e saj në një qytet që për dekada me radhë ka qenë simbol i punës, sipërmarrjes, zhvillimit dhe tatimpaguesve më të mëdhenj të Kosovës.

Sipas saj, ferizajasit janë njerëz që besojnë se e ardhmja ndërtohet me mund, me guxim dhe me përkushtim.

Osmani vuri në dukje se nga takimet anembanë vendit ka parë zhgënjimin e qytetarëve nga krizat e pafundme politike të krijuara për interesa të ngushta partiake, por shtoi se ky tubim jep mesazhin se njerëzit kanë shpresë për një kapitull të ri.

Për këtë kapitull, ajo theksoi se Kosovës i është ofruar një program i detajuar zhvillimor me ekspertë dhe kandidatin për kryeministër, Lumir Abdixhiku.

Në fjalën e saj, bartësja e listës së LDK-së, deklaroi se Kosova meriton më shumë dhe nuk guxon ta humbasë drejtimin strategjik, duke bërë një ndarje të prerë mes dy rrugëve që ka përpara vendi.

"Njëra rrugë është rruga e izolimit, e konflikteve të vazhdueshme, e krizave të pafundme dhe e bindjes së gabuar se Kosova mund të bëhet më e fortë duke u larguar nga miqtë dhe aleatët e saj. Rruga tjetër është ajo që e ndërtoi shtetin tonë, ajo që e udhëhoqi Presidenti historik Ibrahim Rugova, ajo që e bëri të mundur lirinë dhe pavarësinë tonë: rruga e institucioneve serioze, e aleancave strategjike, e partneritetit të palëkundur me Shtetet e Bashkuara të Amerikës..."

Sipas Osmanit, Ferizaji e kupton më mirë se kushdo tjetër rëndësinë e kësaj aleance, pasi siguria dhe stabiliteti nga prania amerikane kanë krijuar mundësi për investime dhe biznes.

Koalicioni i Organizatave Joqeveritare për Mbrojtjen e Fëmijëve (KOMF) ka reaguar ndaj përfshirjes së fëmijëve në aktivitetet e fushatës zgjedhore, duke kërkuar ndërhyrjen e Komisionit Qendror të Zgjedhjeve (KQZ).

Në reagimin e tij, KOMF thekson se pavarësisht thirrjeve të vazhdueshme për mosangazhimin e fëmijëve në aktivitetet politike, subjektet politike po vazhdojnë t’i përfshijnë ata në fushata, duke cenuar të drejtat dhe mirëqenien e tyre.

Sipas këtij koalicioni, përdorimi i fëmijëve për qëllime politike përbën shkelje të të drejtave të fëmijës dhe bie ndesh me parimin e interesit më të mirë të fëmijës, duke rrezikuar dinjitetin dhe mbrojtjen e tyre.

KOMF i ka bërë thirrje KQZ që të monitorojë në mënyrë aktive aktivitetet e subjekteve politike dhe, në rastet kur konstatohet përfshirja e fëmijëve në fushatë, të ndërmarrë masa ndëshkuese në përputhje me legjislacionin në fuqi.

Ky reagim vjen në një kohë kur fushatat zgjedhore në Kosovë janë intensifikuar, duke shtuar edhe shqetësimet për respektimin e standardeve të mbrojtjes së fëmijëve në aktivitetet politike.

Votuesit e regjistruar jashtë Kosovës mund të votojnë me dokumente identifikimi të Republikës së Kosovës me afat të skaduar.

Ky është njëri nga vendimet e Komisionit Qendror të Zgjedhjeve (KQZ) në mbledhjen elektronike që ka zhvilluar sot, më 03.06.2026.

“Ky vendim i KQZ-së vjen pas evidentimit të disa rasteve gjatë procesit të votimit në përfaqësitë diplomatike në zgjdhjet e kaluara për Kuvendin e Kosovës, i mbajtur më 8 shkurt 2025 dhe 27 dhjetor 2025, janë evidentuar raste të votuesve të cilët janë paraqitur me dokumente identifikimi të skaduara.” – thuhet në njoftimin e KQZ-së më 03.06.2026.

KQZ po ashtu në këtë mbledhje mori vendim për miratimin e procedurës standard të veprimit për aktivitetet në Qendrën e Numërimit dhe Rezultateve (QNR).

Kjo procedurë përcakton organizimin, funksionimin dhe përgjegjësitë e QNR-së gjatë administrimit të materialeve zgjedhore dhe numërimit të votave.

“Dokumenti rregullon të gjitha fazat e procesit, duke filluar nga pranimi i materialeve zgjedhore nga Qendrat Komunale të Numërimit, votimi me kusht, votimi i personave me nevoja të veçanta dhe votimi nga jashtë Kosovës, e deri te numërimi, verifikimi, rinumërimi eventual, tabulimi dhe publikimi i rezultateve.” – njofton KQZ.

Sipas KQZ-së, procedura përcakton rregullat për transparencën, praninë e vëzhguesve të akredituar, kontrollin e procesit, trajtimin e ankesave, masat disiplinore në rast shkeljesh dhe mbylljen përfundimtare të QNR-së pas përmbylljes së të gjitha aktiviteteve zgjedhore.

Zgjedhjet e parakohshme parlamentare do të mbahen më 07.06.2026, kurse fushata elektorale ka filluar më 28.05.2026.

Kryeministri i Shqipërisë, Edi Rama, ka deklaruar se vendi është duke u përballur me një “fushatë sulmesh hibride”, gjatë një interviste për CNN International, ku u pyet për projektin e planifikuar në zonën e Zvërnecit.

Në intervistën e drejtpërdrejtë, Rama u shpreh se kritikat dhe protestat e raportuara ndaj projektit janë të ekzagjeruara dhe të ndikuara nga dezinformimi, duke theksuar se nuk ka pasur protesta në të gjithë vendin, por vetëm në disa raste të izoluara.

Sipas tij, Shqipëria po përballet me një kombinim faktorësh, përfshirë “armiq të njohur”, konkurrencën rajonale në Mesdhe dhe, siç tha ai, rrjete të organizuara të profileve të rreme në rrjetet sociale që synojnë krijimin e perceptimeve negative.

“Jemi në një luftë hibride”, u shpreh Rama, duke shtuar se shumë prej reagimeve publike janë të ndikuara nga informacion i pasaktë.

Ai gjithashtu hodhi poshtë pretendimet për përfshirjen e familjes së ish-presidentit amerikan, Donald Trump, dhe biznesmenit Jared Kushner në një të ashtuquajtur “projekt ishulli në Zvërnec”, duke i cilësuar këto raportime si të pavërteta.

“Një gjë e tillë nuk ekziston,” tha Rama, duke theksuar se nuk ka asnjë projekt që lidhet me familjen Trump në zonat e mbrojtura apo në hapësirat bregdetare të vendit.

Zona e Zvërnec është përmendur kohët e fundit në debatet publike për zhvillime të mundshme turistike, të cilat kanë ngjallur reagime nga grupe të ndryshme mjedisore dhe qytetare.

Komisioni Qendror i zgjedhjeve mbajti mbledhjen e 61-të në këtë vit, të kryesuar nga kryesuesi, Kreshnik Radoniqi. Vendimet u morën në mbledhje elektronike.

Sipas pikës së parë të rendit të ditës, KQZ mori vendim për miratimin e procedurës standard të veprimit për aktivitetet në Qendrën e Numërimit dhe Rezultateve (QNR). Kjo procedurë përcakton organizimin, funksionimin dhe përgjegjësitë e QNR-së gjatë administrimit të materialeve zgjedhore dhe numërimit të votave.

Dokumenti rregullon të gjitha fazat e procesit, duke filluar nga pranimi i materialeve zgjedhore nga Qendrat Komunale të Numërimit, votimi me kusht, votimi i personave me nevoja të veçanta dhe votimi nga jashtë Kosovës, e deri te numërimi, verifikimi, rinumërimi eventual, tabulimi dhe publikimi i rezultateve. Po ashtu, procedura përcakton rregullat për transparencën, praninë e vëzhguesve të akredituar, kontrollin e procesit, trajtimin e ankesave, masat disiplinore në rast shkeljesh dhe mbylljen përfundimtare të QNR-së pas përmbylljes së të gjitha aktiviteteve zgjedhore.

Në këtë mbledhje, KQZ mori vendim që që votuesve të regjistruar për votim në përfaqësitë diplomatike jashtë Kosovës t’u lejohet votimi me dokumente identifikimi të Republikës së Kosovës me afat të skaduar të vlefshmërisë. Ky vendim i KQZ-së vjen pas evidentimit të disa rasteve gjatë procesit të votimit në përfaqësitë diplomatike në zgjdhjet e kaluara për Kuvendin e Kosovës, i mbajtur më 8 shkurt 2025 dhe 27 dhjetor 2025, janë evidentuar raste të votuesve të cilët janë paraqitur me dokumente identifikimi të skaduara. Pas njoftimit për këto raste, KQZ ka marrë vendim për lejimin e votimit me dokumente të skaduara të identifikimit.

Në pikën tjetër të rendit të ditës, KQZ mori vendim për miratimin e planit operacional për ditën e zgjedhjeve, 7 qershor 2026. Ky plan, përcakton organizimin, koordinimin dhe përgjegjësitë e zyrtarëve të angazhuara në administrimin e procesit zgjedhor brenda dhe jashtë vendit. Dokumenti përshkruan aktivitetet që lidhen me përgatitjen dhe funksionalizimin e Qendrave të Votimit, shpërndarjen e materialeve zgjedhore, komunikimin institucional, raportimin e pjesëmarrjes dhe rezultateve preliminare, si dhe menaxhimin e situatave operative gjatë ditës së zgjedhjeve. Po ashtu, plani parasheh funksionimin e dhomave operative për koordinim dhe mbështetje, bashkëpunimin me institucionet përgjegjëse për sigurinë, energjinë elektrike dhe mbështetjen teknike, si dhe përcakton ekipet dhe zyrtarët përgjegjës për informimin e votuesve, komunikimin me mediat, mbështetjen logjistike, teknologjinë informative, verifikimin e vëzhguesve dhe detyra të tjera të nevojshme për garantimin e një procesi zgjedhor.

Gjithashtu, me qëllim të informimit për ecurinë e procesit të votimit për zgjedhjet e parakohshme për Kuvendin e Kosovës, KQZ miratoi planin e konferencave për ditën e zgjedhjeve në përfaqësitë diplomatike më 6 qershor 2026 dhe për ditën e zgjedhjeve në Republikën e Kosovës 7 qershor 2026.

Më 6 qershor 2026, për procesin e votimit në përfaqësitë diplomatike, KQZ do të mbajë 3 konferenca, në këto orare:

09:00 – Konferenca e parë: KQZ njofton për fillimin e procesit të votimit në përfaqësitë diplomatike;

14:00 – Konferenca e dytë: KQZ njofton për pjesëmarrjen dhe ecurinë e votimit në përfaqësitë diplomatike;

20:00 – Konferenca e tretë: KQZ njofton për mbylljen e votimit në përfaqësitë diplomatike në Europë; dhe

01:00 – Njoftim për media: Përfundimi i votimit në përfaqësitë diplomatike.

Ndërkaq, në ditën e zgjedhjeve në Republikën e Kosovës, më 7 qershor 2026, KQZ do të mbajë 5 konferenca të rregullta, në këto orare:

08:00 – Konferenca e parë: KQZ njofton për fillimin e procesit të votimit;

11:30 – Konferenca e dytë: KQZ njofton për pjesëmarrjen e qytetarëve në votime deri në orën 11:00 dhe për ecurinë e procesit zgjedhor;

15:30 – Konferenca e tretë: KQZ njofton për pjesëmarrjen e qytetarëve në votime deri në orën 15:00 dhe për ecurinë e procesit zgjedhor deri në atë kohë;

19:30 – Konferenca e katërt: KQZ njofton për përfundimin e procesit të votimit, ecurinë e përgjithshme të tij, pjesëmarrjen e qytetarëve në zgjedhje dhe për fillimin e numërimit të fletëvotimeve; dhe

Konferenca e pestë: Për kohën e mbajtjes së konferencës së pestë, për publikimin e rezultateve të përmbledhura preliminare të subjekteve politike, KQZ-ja do të njoftojë me kohë.

Kandidatja e Lidhjes Demokratike të Kosovës (LDK) për presidente, Vjosa Osmani, ka vazhduar fushatën e saj në qytetin e Ferizajt, ku është pritur nga qytetarë dhe mërgimtarë.

Gjatë vizitës, një mërgimtare nga Zvicra është afruar dhe e ka përqafuar Osmanin, duke i shprehur mbështetje emocionale.

“O si çika jem t’kom”, është dëgjuar duke thënë qytetarja, ndërsa më pas ka shtuar se ajo dhe familja e saj kanë ardhur nga Zvicra dhe e përkrahin fuqishëm.

“Të dojna shumë”, është shprehur ajo gjatë takimit.

Dëshmi që diaspora e mbështetë Osmanin janë edhe veturat me fotografi të Osmanit, duke reflektuar përkrahjen e mërgimtarëve për kandidaturën e saj.