Kosova vazhdon të ketë ambasadorë me mandat të kaluar në shumë shtete të botës.

Fatmir Haxholli, kryetar i Sindikatës në MPJD, ka theksuar se çështja e mandateve në shërbimin e jashtëm duhet trajtuar në mënyrë të strukturuar dhe me përgjegjësi institucionale, duke paralajmëruar për pasoja konkrete në funksionimin e diplomacisë së Kosovës.

“Së pari, tejzgjatja e mandateve të shefave të misioneve diplomatike dhe konsullore përbën një devijim serioz nga funksionimi i rregullt, efikas dhe me integritet i shërbimit të jashtëm”, ka deklaruar ai për Telegrafin.

Sipas Haxhollit, një numër i madh i ambasadorëve, si politikë ashtu edhe të karrierës, e kanë tejkaluar mandatin katërvjeçar që nga viti 2021, duke përfshirë mbi 20 misione diplomatike dhe rreth pesë konsullore.

“Si rezultat i kësaj situate është krijuar një gjendje e sforcuar institucionale, me implikime ligjore, financiare dhe me ndikim të drejtpërdrejtë në cilësinë e përfaqësimit të Kosovës në arenën ndërkombëtare”, ka thënë ai, shkruan Telegrafi.

Ai shton se kjo gjendje ka ndikuar edhe në funksionimin e përgjithshëm të diplomacisë.

“Në kundërshtim me natyrën dinamike që kërkon diplomacia, është krijuar stagnim dhe dobësim i funksionimit të saj”, ka theksuar Haxholli.

Duke folur për arsyet e kësaj situate, ai ka kritikuar qasjen e ndjekur më herët nga Vjosa Osmani, ish presidente e Kosovës.

“Kjo situatë lidhet drejtpërdrejt me qasjen e gabuar të ndjekur nga ish-presidentja, e cila nuk e adresoi tejkalimin e mandateve përtej afateve ligjore, me arsyetimin e shmangies së vakancave në misionet diplomatike”, ka deklaruar ai.

Sipas tij, një qasje e tillë nuk qëndron as juridikisht dhe as në praktikën ndërkombëtare.

“Korniza ligjore ndërkombëtare dhe vendore ka paraparë mekanizma të qartë tranzitorë përmes të ngarkuarve me punë, që garantojnë vazhdimësi pa cenuar ligjshmërinë”, është shprehur Haxholli.

Në anën tjetër, ai ka vlerësuar si të domosdoshëm veprimet e fundit të Qeverisë për hapjen e procesit të rotacionit.

“Veprimi aktual i Qeverisë për hapjen e procesit të shprehjes së interesit për rotacion përfaqëson një hap të domosdoshëm dhe proaktiv në drejtimin e duhur”, ka deklaruar ai.

Sipas Haxhollit, ky proces synon rifreskimin e shërbimit diplomatik dhe forcimin e ligjshmërisë dhe meritokracisë.

“Përfshirja e diplomatëve të karrierës dhe përbërja e komisionit të rotacionit, e dominuar nga profesionistë të shërbimit diplomatik, janë garanci për një proces të drejtë, kredibil dhe të bazuar në nevojat reale të diplomacisë”, ka shtuar ai.

Ai thekson se bëhet fjalë për më shumë se një procedurë teknike.

“Ky nuk është thjesht një hap procedural, por një përpjekje serioze për të vendosur standard dhe besim institucional në shërbimin e jashtëm”, ka thënë Haxholli.

Në fund, ai ka nënvizuar se aktualisht nuk ekzistojnë pengesa kushtetuese për avancimin e emërimeve të reja.

“Institucionet janë funksionale dhe kompetencat për dekretim janë të plota, duke i dhënë Qeverisë hapësirë të qartë për veprim”, ka deklaruar ai.

Sipas tij, procesi i rotacionit duhet të trajtohet si prioritet strategjik për shtetin.

“Ky proces duhet të shihet jo vetëm si zëvendësim, por si rikthim i ligjshmërisë, funksionalitetit dhe kredibilitetit të përfaqësimit ndërkombëtar të Kosovës”, ka përfunduar Haxholli./Telegrafi/

Zgjedhjet e mundshme të jashtëzakonshme në Kosovë, në mungesë të një marrëveshjeje për presidentin, po shihen gjithnjë e më shumë si një skenar i pashmangshëm.

Në “Përballje Podcast”, analisti politik Imer Mushkolaj vlerësoi se, nga konfigurimi aktual politik, zgjedhjet mund t’i përshtaten më së shumti Lidhjes Demokratike të Kosovës (LDK).

Sipas tij, një skenar i tillë lidhet edhe me zhvillimet brenda LDK-së dhe mundësinë e një konfigurimi të ri politik, ku përmendet edhe përfshirja e ish-presidentes Vjosa Osmani në një listë të përbashkët, përkrah liderit të partisë, Lumir Abdixhiku.

“Unë mendoj që aktualisht, me idenë që mbase zonja Osmani do t’i bashkohet LDK-së, përkatësisht do të mund t’i printe ndonjë liste të përbashkët me ndonjë parti tjetër më të vogël, zgjedhjet mund t’i konvenojnë vetëm z. Abdixhiku, aktualisht po flas nëse po krijohet një momentum. Po të mos ishte Vjosa Osmani, as LDK-së nuk do t’i përshtateshin zgjedhjet,” u shpreh Mushkolaj gjatë diskutimit me kryeredaktorin e Telegrafit, Muhamet Hajrullahu.

- YouTube youtu.be

Sipas tij, Abdixhiku kishte problem të mbetej në krye të LDK-së dhe tash kjo po shihet edhe me listën e re në kryesi.

“Zgjedhjet e reja do të ishin një shpëtim edhe për z. Abdixhiku dhe zonjën Osmani. Z. Abdixhiku mezi u zgjodh në krye të LDK-së dhe pamë kryesinë e re, pamë kush është, njerëz të afërt me të. Në anën tjetër, çka bën zonja Osmani nëse s’ka zgjedhje? Harrohet politikisht edhe si mundësi politike nëse s’ka zgjedhje… pra për z. Abdixhiku dhe Osmanin është me rëndësi të ketë zgjedhje”, u shpreh ai.

Në anën tjetër, ai vlerësoi se edhe Partia Demokratike e Kosovës (PDK) ka probleme por edhe Aleanca për Ardhmërinë e Kosovës (AAK), ndërsa Lëvizja Vetëvendosje (LVV), e cila sipas tij thotë se nuk dëshiron me shku në zgjedhje e pavarësisht se është subjekti më i madh, rrezikon të mos arrijë një rezultat që do ta zhbllokonte situatën.

Çështja e presidentit, Mushkolaj: Papërgjegjësi e klasës politike – LVV mban fajin kryesor për krizën

Mushkolaj shtoi se edhe në rast të ndryshimeve të vogla në përqindje apo mandate, problemi kryesor mbetet mungesa e kompromisit politik dhe përgjegjësia kryesore bie mbi LVV-në. /Telegrafi/.

Debati për zgjedhjen e presidentit në Kosovë vazhdon të mbetet i bllokuar mes qëndrimeve të pushtetit dhe opozitës, ndërsa kërkesa për një figurë të pavarur po bëhet gjithnjë e më e theksuar.

Në “Përballje Podcast”, analisti politik Imer Mushkolaj tha se në këtë proces po përplasen dy qasje, ajo e pushtetit për të pasur një president të afërt politikisht dhe ajo e opozitës për të ruajtur balancën institucionale.

“E kuptoj intencën e Lëvizjes Vetëvendosje që të jetë dikush që ia ruan vijën politike… në anën tjetër e kuptoj edhe opozitën që kërkon balanc, që është jashtëzakonisht i rëndësishëm,” u shpreh Mushkolaj.

Ai theksoi se raporti mes presidentit dhe kryeministrit nuk duhet të jetë domosdoshmërisht i njëjtë në çdo çështje, duke nënvizuar rëndësinë e pavarësisë institucionale.

“Presidenti dhe kryeministri nuk duhet të jenë domosdoshmërisht në një vijë për çdo çështje… mund të ketë mendime dhe qëndrime të ndryshme,” tha ai shkruan Telegrafi.

Sipas Mushkolajt, problemi kryesor mbetet rreziku që posti i presidentit të politizohet.

“Nuk na duhet një president kukull politike… na duhet një person me integritet që e kryen detyrën sipas Kushtetutës dhe nuk i nënshtrohet askujt,” deklaroi ai.

Mushkolaj: Më shumë po shkojmë drejt zgjedhjeve të jashtëzakonshme se sa drejt zgjidhjes për presidentin

Ai shtoi se ka përshtypjen që pushteti po synon një emër të tillë, ndërsa opozita po heziton të dalë me propozime konkrete.

“Opozita po heziton për shkak se po e ka frikë… por kjo nuk e amniston që të mos propozojë emra,” theksoi Mushkolaj.

- YouTube www.youtube.com

Në këtë situatë, sipas tij, mungesa e guximit politik dhe e ofertave konkrete po e zgjat edhe më shumë krizën për zgjedhjen e presidentit. /Telegrafi/.

Kosova mund të përballet me një situatë të tjetër të ngërçit politik për shkak të moszgjidhjes së presidentit dhe mungesës së kompromisit mes partive, ndërsa rreziku për zgjedhje të reja dhe krizë të thelluar institucionale mbetet real.

Në “Përballje Podcast”, analisti politik Imer Mushkolaj e cilëson këtë situatë si pasojë direkte të dështimit të klasës politike për të marrë përgjegjësi dhe për të arritur marrëveshje.

“Duhet të pajtohemi që kjo është një papërgjegjësi ekstreme e klasës politike… kanë arritë që ta sjellin vendin në një situatë kur tash e gati katër muaj pas zgjedhjeve nuk arrijnë ta zgjedhin një president,” theksoi Mushkolaj gjatë diskutimit me kryeredaktorin e Telegrafit, Muhamet Hajrullahu.

Ai shton se mungesa e një zgjidhjeje nuk lidhet me pamundësinë për kompromis, por me interesat politike dhe personale të partive.

“Ma shumë se sa përpjekje për me arritë zgjidhje, ka përpjekje për me e fajësu tjetrin,” u shpreh ai.

- YouTube www.youtube.com

Zgjedhjet nuk janë zgjidhje

Sipas Mushkolajt, skenari i zgjedhjeve të jashtëzakonshme nuk do të sillte ndonjë ndryshim thelbësor dhe rrezikon ta thellojë krizën.

“Unë nuk mendoj që zgjedhjet e reja do të prodhojnë një rezultat shumë më ndryshe… atëherë mund të futemi në një krizë të re. Pra, cikli i krizave nuk po përfundon,” tha ai shkruan Telegrafi.

Ai thekson se vendi po kalon nga një krizë në tjetrën, pa arritur të ndërtojë stabilitet institucional.

Përgjegjësia kryesore te LVV

Mushkolaj vlerëson se përgjegjësia kryesore për situatën aktuale i takon partisë në pushtet, për shkak të peshës që ka në Kuvend.

“Përgjegjësia më e madhe dhe kryesore për krizën është e Vetëvendosjes… nga një parti që ka fitu mbi 50 për qind të votave pritet që me gjetë zgjidhje dhe me ba kompromis,” deklaroi ai.

Sipas tij, mungesa e gatishmërisë për kompromis është një nga problemet kryesore që po e bllokon procesin.

“Z. Kurti nuk është prej atyne që bën kompromis… dëshiron t’i ketë të gjitha për vete dhe kjo është jashtëzakonisht e rrezikshme,” u shpreh Mushkolaj.

Opozita pa alternativë të qartë

Në anën tjetër, ai kritikon edhe opozitën për mungesë unifikimi dhe për mos bashkim të alternativave konkrete.

“Nuk është aq e lehtë që opozita të bëhet bashkë… por askush nuk i ndalon që të prezantojnë kandidatë. Nuk e dimë cili është kandidati i tyre,” tha Mushkolaj.

Ai shton se mungesa e transparencës dhe propozimeve konkrete e ka komplikuar edhe më shumë situatën politike.

Presidenti nuk duhet të jetë “kukull politike”

Duke folur për rolin e presidentit, Mushkolaj theksoi se posti nuk duhet të kontrollohet nga pushteti.

“Nuk na duhet një president kukull politike… na duhet një person me integritet që e kryen detyrën sipas Kushtetutës,” deklaroi ai.

Rrezik për institucionet e pavarura

Ai ngriti shqetësim edhe për zhvillimet në institucionet e pavarura si RTK dhe KPM, duke paralajmëruar për ndikim politik.

“Kjo është një përpjekje për me shtri ndikim në këto institucione që do të duhej të ishin të pavarura… kjo është jashtëzakonisht problematike,” tha Mushkolaj.

Në fund, Mushkolaj paralajmëron se kriza e brendshme po ndodh në një moment të ndjeshëm ndërkombëtar, duke e bërë situatën edhe më të rrezikshme për Kosovën.

“Ne nuk jemi duke jetuar në një situatë normale… dhe ky anormalitet nuk duhet mu përkthy në anormalitet të veprimeve politike,” përfundoi ai./Telegrafi/.

Sistemi aktual arsimor nuk është në hap me zhvillimet e reja teknologjike dhe kërkesat e kohës, vlerëson Darsej Rizaj nga Shkolla Digjitale.

Në “Përballje Podcast”, ai theksoi se edhe pse gjeneratat e reja janë më të avancuara, mungon një qasje e duhur në edukimin e tyre.

Sipas Rizajt, sistemi arsimor vazhdon të bazohet në modele të vjetra që nuk përputhen me realitetin aktual.

“Gjeneratat e reja janë jashtëzakonisht të avancuara, por me ta duhet me pasë kush me punu, sepse po vjen një riedukim i ri. Shkolla sot është e krijume për revolucionin e parë industrial… dhe sistemi i arsimit ka vazhdu qashtu edhe globalisht”, theksoi ai shkruan Telegrafi.

Ai shton se sfida kryesore është se nuk dihet saktësisht se ku po shkon zhvillimi teknologjik, ndërsa edukimi nuk po përshtatet me këtë pasiguri.

“Problemi është që as nuk e dimë ku ka me na çu ky zhvillim”, tha Rizaj.

Në këtë kontekst, ai kritikon mënyrën aktuale të mësimdhënies, e cila fokusohet kryesisht në memorizim.

“Po i mësojmë fëmijët me mbajt mend… fatkeqësisht”, deklaroi ai.

- YouTube www.youtube.com

Sipas tij, sistemi duhet të ndryshojë drejt zhvillimit të mendimit kritik dhe aftësisë për zgjidhje problemesh.

“Duhet mi testu fëmijët sa kanë mendim kritik, me mujt me lidh tema të ndryshme dhe me zgjidh probleme”, përfundoi Rizaj./Telegrafi/.

Në një kohë kur inteligjenca artificiale po transformon me shpejtësi çdo sektor, Darsej Rizaj bashkëthemelues i Shkollës Digjitale dhe StarLabs, ka dhënë një mesazh të drejtpërdrejtë për qytetarët dhe profesionistët në Kosovë, të mos e nënvlerësojnë këtë ndryshim dhe të veprojnë menjëherë.

Në “Përballje Podcast”, ai theksoi se inteligjenca artificiale përfaqëson një mundësi unike që rrallë ndodh në histori.

Sipas tij, kjo është një nga rastet e rralla kur individët mund të ndryshojnë rrënjësisht rrugën e tyre profesionale dhe ekonomike.

“Mos e nënvlerëso! Fillo sot… s’ka rëndësi çfarë pune bën. Është mundësia më e madhe që individi e ka pasë ndonjëherë”, theksoi ai shkruan Telegrafi.

Rizaj vlerëson se përmes përdorimit të AI, secili mund të rrisë vlerën e tij në tregun e punës ose madje të ndërtojë diçka të vetën.

“Mundesh me ndërru statusin tënd… me kriju kompaninë tonë ose me zhvillu veten në një nivel që ki vlerë reale në treg. Ky është momenti që nesër do thuash: te kisha ditë. Ky është ai momenti ‘te kisha ditë’… ky është shansi ideal”, deklaroi Rizaj.

Ai e krahasoi situatën aktuale me momente të mëhershme në teknologji, të cilat shumë njerëz i kanë humbur.

- YouTube www.youtube.com

Sipas Rizajt, dallimi do të bëhet mes atyre që veprojnë tani dhe atyre që presin.

Në përmbyllje, Rizaj dha një thirrje të qartë për të gjithë: investimi në vetvete dhe në aftësi të reja është çelësi për të përfituar nga ky transformim.

“Investo në vete… kap këtë kohë dhe ke me ia pa hajrin shumë shpejt”, përfundoi ai./Telegrafi/.

Bizneset në Kosovë përballen me një rrezik të madh nga konkurrenca e re që po vjen me zhvillimin e inteligjencës artificiale, ndërsa mungesa e vetëdijes për këtë ndryshim mund t’i lërë ato jashtë tregut, vlerëson Darsej Rizaj.

Në “Përballje Podcast”, ai theksoi se shumë kompani aktuale nuk e kuptojnë ende seriozitetin e situatës dhe rrezikun që po afrohet.

“Sektori privat… nuk janë vetëdijshme që e kanë një rrezik shumë të madh prej konkurrencës, e cila sot nuk ekziston”, u shpreh Rizaj shkruan Telergafi.

Sipas tij, problemi kryesor qëndron në mungesën e veprimeve konkrete për integrimin e inteligjencës artificiale në funksionimin e përditshëm të bizneseve.

“Nëse ti sot si biznes nuk je tu i marrë hapa konkretë, me e bo inteligjencën artificiale pjesë të platformës të biznesit, jo veç me e përdorë, por me qenë shumë qendrore rreth biznesit tënd dhe me pasë strategji rreth AI-t”, theksoi ai.

Rizaj paralajmëroi se konkurrenca e ardhshme nuk do të vijë nga kompanitë tradicionale, por nga individë dhe ekipe të reja që do të përdorin teknologjinë në mënyrë shumë më efikase.

“Ka me ardhë ai konkurrenti që sot i ka tetëmbëdhjetë vjet dhe ka me e bo një produkt dhjetë herë më shpejt se ti, ma lirë dhe ma mirë… edhe të qet prej lojës më shpejt se që ta merr mendja”, deklaroi ai.

Ai shtoi se kjo konkurrencë do të prekë të gjitha aspektet e biznesit – nga operacionet e përditshme deri te zhvillimi i produkteve dhe shërbimeve.

- YouTube www.youtube.com

Sipas Rizajt, bizneset që nuk e vendosin inteligjencën artificiale në qendër të strategjisë së tyre rrezikojnë jo vetëm të mbeten prapa, por edhe të zhduken nga tregu në një kohë shumë më të shkurtër sesa pritet./Telegrafi/.

Inteligjenca artificiale po ndryshon me ritme të shpejta mënyrën se si funksionon ekonomia globale, ndërsa Kosova rrezikon të mbetet prapa nëse nuk përshtatet me kohë, vlerëson Darsej Rizaj bashkëthemelues i “Shkollës Digjitale” dhe “StarLabs”.

Në “Përballje Podcast”, me kryeredaktorin e Telegrafit, Muhamet Hajrullahu, ai theksoi se zhvillimi i inteligjencës artificiale ka tejkaluar ritmin e përvetësimit nga shoqëria, duke krijuar një hendek mes teknologjisë dhe përdorimit të saj.

“Inteligjenca artificiale është shumë përpara sot dhe lëviz me hapa më shpejt se që popullata globale mundet me konsumu. Kosova sot… është tu u majt në ymyt të sektorit privat dhe individëve… niveli i shfrytëzueshmërisë nuk është në nivelin e duhur”, u shpreh ai.

Revolucioni i ri dhe “shkundja” në tregun e punës

Rizaj paralajmëron se ndikimi i inteligjencës artificiale nuk është vetëm teknologjik, por edhe ekonomik, duke çuar drejt një transformimi të madh të tregut të punës.

“Jemi duke shku drejt një revolucioni industrial të ri… do të ketë një periudhë disa vjeçare të një shkundjeje”, deklaroi ai.

Ai thekson se frika për humbjen e vendeve të punës është reale, por problemi kryesor mbetet mungesa e veprimit nga individët dhe bizneset.

“Problemi është që pak po marrin hapa konkretë për me bo veten të pazëvendësueshëm në vendin e punës”, shtoi Rizaj shkruan Telegrafi.

Paralajmërim për bizneset: rrezik nga konkurrenca e re

Sipas Rizajt, kompanitë që nuk e përfshijnë inteligjencën artificiale në strategjitë e tyre rrezikojnë të humbasin konkurrencën në një kohë shumë të shkurtër.

“Nëse ti sot si biznes nuk je duke e bërë AI pjesë qendrore të strategjisë, ka me ardhë një konkurrent që ka me e bo produktin dhjetë herë më shpejt dhe më lirë”, paralajmëroi ai.

Ai vlerëson se hezitimi dhe komoditeti brenda kompanive janë ndër pengesat kryesore për adaptim.

Sistemi arsimor nuk është në hap me kohën

Rizaj kritikon edhe sistemin arsimor, duke thënë se ai nuk po përgatit të rinjtë për realitetin e ri teknologjik.

“Shkolla sot është e krijume për revolucionin e parë industrial… po i mësojmë fëmijët me memorizu, jo me mendu”, tha ai.

Sipas tij, fokusi duhet të zhvendoset nga memorizimi te zhvillimi i mendimit kritik dhe zgjidhja e problemeve.

“Duhet mi trajnu fëmijët për me zgjidh probleme, jo për me memorizu”, theksoi Rizaj.

Në fund, ai thekson se inteligjenca artificiale përfaqëson një nga mundësitë më të mëdha për zhvillim individual dhe profesional, por kërkon angazhim të menjëhershëm.

“Mos prit tjerët me ta servu… vetë eduko! Gjeje mënyrën dhe fillo sot”, përfundoi Rizaj.

Për më shumë shih podcastin e plotë./Telegrafi/

- YouTube www.youtube.com

Deputeti i Lidhjes Demokratike të Kosovës, Lutfi Haziri, e ka thirrur për raportim kryeministrin Albin Kurti në lidhje me dialogun me Serbinë, si dhe marrëveshjen për zbatimin e ligjit për të huajt dhe atë për automjete.

Haziri, në foltore të Kuvendit të Kosovës, gjatë deklarimeve jashtë rendit të ditës, tha se ka shumë mjegull për marrëveshjen për këto ligje me ndërmjetësin e BE-së për dialogun, Peter Sorensen.

“Kryeministri i Republikës duhet t’i subordinohet Kuvendit dhe me marrë me na njoftu për marrëveshjen me zotërin Sorensen për marrëveshjen për arsimin dhe shëndetësinë për komunitetin serb. Me çka ka të bëjë dhe cila është baza, pasi ka pakënaqësi të madhe te qytetarët... A është duke implementuar marrëveshjen Kurti-Vuçiq apo diçka tjetër është çështje që duhet të shpjegojë”, tha ai. /Telegrafi/.

Ministri i Mbrojtjes, Ermal Nufi, bëri të ditur vendimet e Këshillit të Ministrave, të cilat lidhen me autorizimin e shoqërisë “KAYO” për të negociuar dhe lidhur marrëveshje me dy kompani, me synim ndërtimin e mjeteve lundruese dhe dronëve.

Ai theksoi se këto vendime janë domethënëse, duke shtuar se për herë të parë krijohet mundësia për prodhimin e mjeteve lundruese në Shqipëri, gjë që sipas tij përbën një hap të rëndësishëm për industrinë dhe punësimin.

“Janë dy VKM që janë miratuar për autorizimin e shoqërisë “Kayo” për të negociuar për të lidhur marrëveshje me dy kompani për krijimin e mjeteve lundruese në Shqipëri dhe mjeteve fluturuese pa pilot, pra dronët luftarakë. Këto dy vendimet të Këshillit të Ministrave janë domethënëse. Është hera e parë që në Shqipëri pas kaq kohësh po krijohet mundësia për prodhimin e mjeteve lundruse. Kjo na bën krenarë. Po ashtu sot miratuam katër akte që lidhen me ministrinë e Mbrojtjes, dy prej tyre lidhen specifikisht me forcat e armatosura dhe pjesëmarrjen e tyre në misione ushtarake ndërkombëtare. Pjesëmarrja e forcave tona në këto misione tregon jo vetëm përgatitjen që kanë efektivët tanë si nga ana ushtarake edhe nga ana civile, por gjithashtu tregon edhe faktin që ne jemi aktorë aktivë në të gjithë ndërmarrjet e përbashkëta në misionet e huaja dhe tregon që kjo pjesëmarrje kthehet në Republikë duke sjellë njohuritë e përfituara nga kryerja e operacioneve komplekse dhe në shkallë botërore”, tha ai.

I pyetur në lidhje me konfliktin SHBA–Iran dhe nëse Shqipëria do të ishte e gatshme të lejonte përdorimin e bazës së Kuçovë nga SHBA, ministri i Mbrojtjes u shpreh se një vendim i tillë mbetet për t’u vlerësuar në varësi të zhvillimeve.

Ai theksoi se Shqipëria gëzon një marrëdhënie strategjike me Shtetet e Bashkuara të Amerikës, por shtoi se mbetet për t’u parë nëse një kërkesë e tillë do të paraqitet nga pala amerikane.

“Mbetet për tu vlerësuar nëse një kërkesë e tillë do të vijë. Shqipëria ka një marrëdhënie strategjike me SHBA-në. Mbetet për t’u vlerësuar dhe për t’u parë nëse një kërkesë e tillë do të vijë zyrtarisht nga pala amerikane. Baza e Kuçovës është bazë e NATO-s dhe e gjithë vendimarrja që lidhet me këtë pyetje lidhet me angazhimin e Shqipërisë në aleancë”, tha ai./Telergafi/.

Kryeministri Edi Rama komentoi për herë të parë zërat se nëntë vende të Bashkimit Europian kanë vënë veton për integrimin e Shqipërisë në BE.

Teksa ishte në Asamblenë e PS-së në Durrës, ai shtoi se 27 shtete duhet të jenë në një mendje për procedurat e anëtarësimit, ndërsa i konsideroi aludimet “barsoleta”, duke i përgënjeshtruar.

“Po shohim këtë çështjen e anëtarësimit nga të dyja anët. Procesi ka njërën anë që lidhet me, një anë që lidhet me ta. BE-ja është si kjo këtu me dy kate, që në katin e parë janë mijëra punonjës që merren me të gjitha aspektet e BE-së, një pjesë e atij katit të parë merret me ndjekjen e procesit për vendet që duan të anëtarësohen. Në mënyrën se si plotësojmë detyrat, ata dërgojnë letrën në katin e dytë. Ata në kat të dytë nuk shohin si ata të katit të parë detajet.

Kati i parë si shkollë, u dyti si marrje në punë. Një mjafton të thotë jonë katin e dytë, nuk bëhet, 27 shtete duhet të jenë në një mendje. Të gjitha këto reforma e procese e bëjnë Shqipërinë shtet, prandaj janë një ushtrim jashtëzakonisht i dobishëm për ne. Bëhet Shqipëria si një vend i BE. Ne duhet të jemi gati. Kjo e 9 shteteve është barsoletë komplet. Barsoletë që 9 shtete kanë vënë veton, veton e vë njëri, po qe 9 nuk është më veto. Nuk ka fare”, tha Rama shkruajnë mediat shqiptare/Telergafi/.

Sektori i energjisë në Kosovë vazhdon të përballet me sfida serioze, ndërsa mungesa e investimeve në kapacitete të reja prodhuese po e thellon varësinë nga importi dhe rrit kostot për qytetarët.

Në “Përballje Podcast”, Visar Azemi nga LDK ka kritikuar qeverinë për mungesë të plotë veprimi në zhvillimin e sektorit energjetik.

“A ka ndërtu diçka? Veç një dy-tri gur themele i ka qitë… dhe ka mbet gjithçka aty. Centralet ekzistuese janë jashtëzakonisht të vjetra dhe në një shtet normal ish dashtë me u dekomisionu, sepse e kanë kalu jetëgjatësinë e tyre”, ka thënë ai shkruan Telegrafi.

Azemi thekson se kapacitetet ekzistuese, si Kosova A dhe Kosova B, janë të vjetruara dhe në kushte normale do të duhej të dilnin jashtë funksionit. Sipas tij, ka munguar një strategji konkrete për zëvendësimin e këtyre kapaciteteve.

Ai shton se Kosova ka humbur mundësi për investime në energji, përfshirë edhe ofertat ndërkombëtare për ndërtim të kapaciteteve të reja.

- YouTube www.youtube.com

“Amerika erdhi dhe dha opsionin për ndërtim me gaz, por nuk u shfrytëzua dhe Kosova u la në peng të importeve. Çmimi i energjisë u rrit dhe faturat u dyfishuan, sepse gjithçka është përkthy në faturë. Zero investime në energji të re. Është nis një projekt për park solar që katër-pesë vjet dhe kurrgjë s’ka ndodh – absolutisht zero”, ka deklaruar ai.

Azemi përmend edhe projektet e paralajmëruara për energji të ripërtëritshme, të cilat, sipas tij, kanë mbetur vetëm në letër.

Azemi: Nga Martin Berishaj te Vuk Hamoviqi - energjia me skandalet më të mëdha të qeverisë

Sipas tij, pa ndërtimin e kapaciteteve të reja, sektori i energjisë nuk mund të funksionojë si duhet.

“Pa ndërtu kapacitetet tona, ti nuk mundesh me drejtu sektorin e energjisë. Nëse nuk prodhojmë vetë, Kosova jo që s’ka me pasë furnizim të qëndrueshëm, por rrezikon edhe sigurinë nacionale”, ka deklaruar ai./Telegrafi/.

Azemi: Nga Martin Berishaj te Vuk Hamoviq – energjia me skandalet më të mëdha të qeverisë

Sektori i energjisë në Kosovë vazhdon të jetë në qendër të kritikave politike, me akuza për keqmenaxhim, varësi nga importi dhe ndikim të akterëve të jashtëm në treg.

Visar Azemi nga LDK ka folur në “Përballje Podcast” në Telegrafi për situatën energjetike në vend, për çështjen e njehsorëve dhe se çka po ndodh në këtë sektor.

Azemi nga LDK ka deklaruar se pikërisht në këtë sektor janë shënuar skandalet më të mëdha gjatë mandatit të qeverisë aktuale, duke përmendur edhe rolin e tregtarit të energjisë, Vuk Hamoviq.

- YouTube youtu.be

Azemi ka theksuar se, sipas tij, Kosova është lënë e varur nga importi i energjisë, ndërsa tregu është dominuar nga operatorë të caktuar.

“Krejt skandalet e mëdha të kësaj qeverie kanë ndodh në sektorin e energjisë. Ia keni dorëzu Kosovën Vuk Hamoviqit për me ta kontrollu tregun energjetik në vend. Paratë kanë shku në import, nuk kanë shku në prodhim”, ka deklaruar ai shkruan Telegrafi.

Ai shton se vetëm gjatë një viti janë shpenzuar qindra miliona euro për import të energjisë.

“Dyqind e pesëdhjetë deri në shtatëdhjetë milionë euro janë shpenzuar për import të energjisë”, thotë ai.

Azemi vlerëson se mungesa e investimeve në kapacitete të reja prodhuese ka përkeqësuar situatën dhe e ka lënë vendin të ekspozuar ndaj krizave.

“Pa ndërtu kapacitetet tua gjeneruese, ti nuk mundesh me drejtu sektorin e energjisë. Në vend të zhvillimit të prodhimit vendor, qeveria ka vazhduar me politika që favorizojnë importin”, u shpreh ai.

Në fund, Azemi paralajmëron se situata aktuale nuk është vetëm ekonomike, por edhe strategjike për vendin.

“Nëse nuk e rrit prodhimin vendor, Kosova rrezikon edhe sigurinë nacionale”

Deklaratat e tij vijnë në një kohë kur çështja e energjisë, çmimet dhe furnizimi mbeten ndër temat kryesore të debatit publik, ndërsa kërkesat për ndryshim të politikave dhe rritje të prodhimit vendor po intensifikohen./Telegrafi/.

Azemi: Nga Martin Berishaj te Vuk Hamoviq – energjia me skandalet më të mëdha të qeverisë

Sektori i energjisë në Kosovë vazhdon të jetë në qendër të kritikave politike, me akuza për keqmenaxhim, varësi nga importi dhe ndikim të akterëve të jashtëm në treg.

Visar Azemi nga LDK ka folur në “Përballje Podcast” në Telegrafi për situatën energjetike në vend, për çështjen e njehsorëve dhe se çka po ndodh në këtë sektor.

Azemi nga LDK ka deklaruar se pikërisht në këtë sektor janë shënuar skandalet më të mëdha gjatë mandatit të qeverisë aktuale, duke përmendur edhe rolin e tregtarit të energjisë, Vuk Hamoviq.

- YouTube youtu.be

Azemi ka theksuar se, sipas tij, Kosova është lënë e varur nga importi i energjisë, ndërsa tregu është dominuar nga operatorë të caktuar.

“Krejt skandalet e mëdha të kësaj qeverie kanë ndodh në sektorin e energjisë. Ia keni dorëzu Kosovën Vuk Hamoviqit për me ta kontrollu tregun energjetik në vend. Paratë kanë shku në import, nuk kanë shku në prodhim”, ka deklaruar ai shkruan Telegrafi.

Ai shton se vetëm gjatë një viti janë shpenzuar qindra miliona euro për import të energjisë.

“Dyqind e pesëdhjetë deri në shtatëdhjetë milionë euro janë shpenzuar për import të energjisë”, thotë ai.

Azemi vlerëson se mungesa e investimeve në kapacitete të reja prodhuese ka përkeqësuar situatën dhe e ka lënë vendin të ekspozuar ndaj krizave.

“Pa ndërtu kapacitetet tua gjeneruese, ti nuk mundesh me drejtu sektorin e energjisë. Në vend të zhvillimit të prodhimit vendor, qeveria ka vazhduar me politika që favorizojnë importin”, u shpreh ai.

Në fund, Azemi paralajmëron se situata aktuale nuk është vetëm ekonomike, por edhe strategjike për vendin.

“Nëse nuk e rrit prodhimin vendor, Kosova rrezikon edhe sigurinë nacionale”

Deklaratat e tij vijnë në një kohë kur çështja e energjisë, çmimet dhe furnizimi mbeten ndër temat kryesore të debatit publik, ndërsa kërkesat për ndryshim të politikave dhe rritje të prodhimit vendor po intensifikohen./Telegrafi/.

Çështja e dyshimeve për manipulim të njehsorëve elektrikë në Kosovë po zhvendos fokusin nga kompanitë operative drejt përgjegjësisë së institucioneve shtetërore, përkatësisht Ministrisë së Industrisë, Ndërmarrësisë dhe Tregtisë (MINT).

Në “Përballje Podcast”, Visar Azemi nga LDK ka akuzuar drejtpërdrejt institucionet shtetërore për dështim në mbikëqyrjen e sektorit dhe mosveprim përballë një problemi që, sipas tij, ka prekur mijëra qytetarë.

Sipas Azemit, përgjegjësia kryesore bie mbi mekanizmat shtetërorë të kontrollit, konkretisht Agjencinë e Metrologjisë në kuadër të MINT-it, e cila është përgjegjëse për kalibrimin dhe verifikimin e pajisjeve matëse.

“Institucioni, qeveria, ministria… kanë dështu me mbikëqyrë dhe me mbrojt qytetarët. Ai institucion që duhet me i kry këto matje ka veç një njeri… me kontrollu 400 mijë njehsorë”, ka deklaruar, Azemi shkruan Telegrafi.

Ai shton se mungesa e kapaciteteve dhe e mekanizmave të pavarur të verifikimit ka krijuar hapësirë për abuzime.

“Nuk kanë licencu asnjë institucion të pavarur që kish mund me i bë verifikimet. Shteti ka dështuar me reaguar me kohë”, shkruan Telegrafi.

- YouTube www.youtube.com

Azemi thekson se institucionet kanë reaguar vetëm pasi çështja është bërë publike, duke e cilësuar këtë si neglizhencë të rëndë.

Ai kritikon edhe thirrjen e fundit të institucioneve për ankesa nga qytetarët, duke thënë se roli i shtetit është proaktiv, jo reaktiv.

Duke e konsideruar çështjen si potencialisht me pasoja të mëdha financiare, Azemi paralajmëron se rasti do të dërgohet në organet e drejtësisë.

87 për qind e njehsorëve matin kohën gabimisht, Azemi tregon se si arriti te të dhënat

Ai kërkon hetim të plotë për të përcaktuar shkallën e dëmit dhe përgjegjësit konkretë.

“Jo qytetari me raportu, por shteti duhet me hetu çka ka ndodhë mbrapa. Kam me iu drejtu Prokurorisë Speciale dhe asaj Themelore… për këtë po i mbledh dëshmitë”

Në një kohë kur çmimi i energjisë elektrike vazhdon të rëndojë buxhetin e qytetarëve dhe bizneseve në Kosovë, dyshimet për saktësinë e njehsorëve elektrikë kanë ngritur shqetësime serioze në opinionin publik.

Në një diskutim në “Përballje Podcast”, Visar Azemi nga LDK ka ngritur akuza të forta lidhur me funksionimin e njehsorëve dhe ndikimin në faturimin e energjisë.

- YouTube www.youtube.com

Sipas tij, një hulumtim i realizuar mbi qindra mostra tregon probleme të theksuara në matjen e kohës.

“I kam hulumtu 884 mostra… 87 për qind të tyre e masin kohën gabimisht dhe kjo ka qenë alarmi i parë”, ka deklaruar ai gjatë diskutimit me kryeredaktorin e Telegrafit, Muhamet Hajrullahu.

Dyshimet për faturim më të lartë

Azemi shpjegon se problemi lidhet drejtpërdrejt me tarifat e energjisë, pasi qytetarët besojnë se po shfrytëzojnë energji më të lirë gjatë natës, ndërsa në realitet mund të paguajnë më shtrenjtë.

“Kur ti ke mendu që je tu e shfrytëzu energjinë më të lirë… ti realisht je tu e shfrytëzu energjinë më të shtrenjtë, sepse njehsori ka matë gabimisht. Mua më ka duk që është një skemë skandaloze… për me i faturu qytetarët jashtëligjshëm”, ka deklaruar ai shkruan Telegrafi.

Reagimet dhe përgjegjësia institucionale

Pas publikimit të shqetësimeve, Azemi thotë se ka pasur reagim të madh nga qytetarët, me mijëra ankesa dhe dëshmi.

Ai kritikon edhe reagimin e kompanisë KEDS, e cila sipas tij e ka minimizuar problemin duke e quajtur “gabim teknik”.

“Mijëra mesazhe dhe fotografi më kanë ardhë… kjo i prek njerëzit drejtpërdrejt në xhep. Kur po flasim për 87 për qind të mostrës që është gabim, qysh është gabim teknik kjo?”, ka shtuar ai.

Në të njëjtën kohë, Azemi hedh përgjegjësi edhe mbi institucionet shtetërore për mungesë të mbikëqyrjes.

“Institucioni, qeveria, ministria… kanë dështu me mbikëqyrë dhe me mbrojt qytetarët”, shprehet Azemi.

Kërkesë për hetim dhe kthim të mjeteve

Azemi ka bërë të ditur se ka kërkuar hetim nga Zyra e Rregullatorit për Energji dhe paralajmëron veprime të mëtejshme ligjore.

“Qëllimi kryesor i imi është me insistu që këto mjete me iu kthy qytetarëve”

Ai shton se çështja duhet të trajtohet edhe në Kuvend dhe nuk duhet të mbetet vetëm në debat publik.

Kriza më e gjerë në sektorin e energjisë

Përtej çështjes së njehsorëve, Azemi vlerëson se sektori i energjisë në Kosovë po përballet me probleme strukturore dhe mungesë investimesh.

“Pa ndërtu kapacitete të reja gjeneruese, ti nuk mundesh me drejtu sektorin e energjisë. Kosova duhet me prodhu vetë energji… përndryshe rrezikon edhe sigurinë nacionale”, përfundon Azemi.

Në fund, ai thekson se pa vullnet politik dhe hetim të plotë, besimi i qytetarëve në sistemin energjetik do të vazhdojë të lëkundet.

Për më shumë ndiqni podcastin e plotë. /Telegrafi/

Sektori i teknologjisë së informacionit në Kosovë po shënon rritje të shpejtë dhe po konsiderohet si një nga shtyllat kryesore të zhvillimit ekonomik të vendit.

Ministri i Digjitalizimit dhe Administratës Publike, Lulëzon Jagxhiu, në “Përballje Podcast”, theksoi se sektori i TIK-ut ka arritur një zhvillim të qëndrueshëm dhe me potencial të lartë për të ardhmen shkruan Telegrafi.

“Na e kemi një sektor shumë të shëndoshë në fushën e teknologjisë, janë mbi dy mijë e pesëqind kompani dhe është sektori me rritje më të madhe në ekonominë e Kosovës,” tha Jagxhiu.

Ai bëri të ditur se në katër vitet e fundit ky sektor ka shënuar një rritje të jashtëzakonshme në eksportin e shërbimeve.

“Në katër vjetët e fundit, sektori i TIK-ut ka shënu rritje prej treqind e tetëdhjetë e gjashtë për qind në eksport të shërbimeve të TIK-ut. Kjo tregon për potencialin e jashtëzakonshëm,” u shpreh ai.

Sipas tij, zhvillimi i këtij sektori lidhet edhe me strukturën demografike të vendit, ku Kosova vazhdon të ketë popullsinë më të re në Evropë.

Pse Kosova ka ende probleme në botën digjitale? Jagxhiu jep përgjigjen

“Na kemi edhe një rini, domethënë ende jemi popullata më e re në Evropë,” theksoi Jagxhiu.

Ministri nënvizoi se për të shfrytëzuar këtë potencial, është thelbësor bashkëpunimi i institucioneve me sektorin privat dhe atë akademik.

“Na duhet ta shikojmë edhe bashkëpunimin edhe me sektorin privat, edhe me sektorin akademik,” deklaroi ai.

Ai shtoi se ky bashkëpunim do të intensifikohet edhe më tej me krijimin e Ministrisë së re të Digjitalizimit, duke kaluar në një nivel më të avancuar të koordinimit dhe zhvillimit.

“Kjo do të avancohet dhe do të shkojë edhe në një nivel ma të nalt me ministrinë e re që e kemi,” tha Jagxhiu.

Sektori i IT-së tashmë po shihet si një nga fushat me potencialin më të madh për eksport dhe zhvillim ekonomik në Kosovë, ndërsa institucionet synojnë ta mbështesin më tej këtë trend përmes politikave dhe investimeve të reja.

Për më shumë shiko podcastin e plotë/.Telegrafi/.

- YouTube www.youtube.com

Kosova vazhdon të përballet me sfida në ndërtimin e 'sovranitetit' dhe identitetit të saj digjital, për shkak të kufizimeve që burojnë nga mungesa e anëtarësimit në organizata ndërkombëtare si Kombet e Bashkuara.

Ministri i Digjitalizimit dhe Administratës Publike, Lulëzon Jagxhiu, në “Përballje Podcast”, theksoi se një nga prioritetet kryesore të institucioneve është ndërtimi i identitetit digjital për qytetarët, si bazë për zhvillimin e shërbimeve moderne.

“Është shumë e rëndësishme që qytetarët ta kenë identitetin digjital – me pasë mundësi me nënshkru dokumente elektronikisht dhe me pasë një kuletë digjitale,” tha Jagxhiu shkruan Telegrafi.

Sipas tij, identiteti digjital do t’u mundësojë qytetarëve të kryejnë shërbime pa prezencë fizike, duke përfshirë nënshkrimin elektronik dhe përdorimin e dokumenteve në formë digjitale, duke reduktuar ndjeshëm burokracinë.

Megjithatë, paralelisht me këtë zhvillim, Kosova përballet me kufizime në arenën ndërkombëtare digjitale, të cilat ndikojnë drejtpërdrejt në ‘sovranitetin’ digjital të vendit.

“Fakti që nuk jemi pjesë e Kombeve të Bashkuara i vendos kufizime për Kosovën si shtet, edhe në aspektin digjital,” deklaroi Jagxhiu.

- YouTube youtu.be

Ai shpjegoi se mungesa e Kosovës në listat standarde ndërkombëtare të shteteve krijon pengesa praktike për përfshirjen automatike në platformat globale.

“Për me pasë Kosovën në listë, shumë platforma duhet me e vendosë manualisht, për shkak se nuk vjen automatikisht nga listat standarde,” tha ai.

Kjo situatë reflektohet në mënyrën se si Kosova trajtohet në produkte dhe shërbime të ndryshme të kompanive të mëdha teknologjike, ku në disa raste vendi nuk është i përfshirë plotësisht.

Shteti digjital, çfarë do të ndryshojë për qytetarët e Kosovës deri më 2027? Jagxhiu flet për herë të parë

“Platformat e mëdha mund ta kenë Kosovën të përfshirë në një produkt, por jo në një tjetër,” theksoi Jagxhiu.

Pavarësisht këtyre sfidave, ai bëri të ditur se institucionet janë në komunikim të vazhdueshëm me kompani si Google dhe Apple, si dhe me partnerë ndërkombëtarë, për të përmirësuar praninë digjitale të Kosovës.

“Ne jemi duke komunikuar vazhdimisht me platforma të mëdha si Google dhe Apple për të përmirësuar përfshirjen e Kosovës,” u shpreh ai.

Jagxhiu theksoi se ndërtimi i identitetit digjital për qytetarët dhe forcimi i sovranitetit digjital të shtetit janë procese që duhet të ecin paralelisht, në mënyrë që Kosova të pozicionohet më fuqishëm në ekosistemin global digjital./Telegrafi/.