Endrick ka ndarë disa detaje mbi raportin e afërt që po ndërton me Neymarin gjatë Kupës së Botës 2026, duke nënvizuar se synon të përfitojë maksimalisht nga eksperienca e një prej emrave më të mëdhenj në historinë e futbollit brazilian.

Talenti brazilian në sulm, që shihet si një nga premtimet më të mëdha të futbollit në botë, tha se gjatë grumbullimit me kombëtaren ai kalon shumë kohë në shoqërinë e Neymarit.

“Kam një marrëdhënie shumë të mirë me Ney. Bëjmë shaka pas stërvitjes, luajmë letra dhe bisedojmë. Në ditën tonë të pushimit ishim bashkë dhe folëm gjatë. Është shumë e rëndësishme të mësosh nga lojtarë si Neymari, Marquinhos, Casemiro dhe Alisson”, deklaroi Endrick.

19-vjeçari theksoi se po përpiqet të marrë çdo këshillë të mundshme nga kapitenët e Brazilit, pasi është i bindur se kjo do t’i vlejë shumë në vazhdim të karrierës.

Pas suksesit 2-1 të Brazilit përballë Japonisë në 1/16 e finales së Kupës së Botës, Endrick pati gjithashtu fjalë shumë të mira për Carlo Ancelottin. Sulmuesi u aktivizua në pjesën e dytë, la sinjale pozitive në fushë dhe vlerësimet për paraqitjen e tij ia atribuoi trajnerit italian.

“Nuk e prisja të hyja në atë moment. Në pushim më thanë se do të futesha në lojë dhe thjesht iu luta Zotit të më jepte qetësi. Ancelotti e di gjithmonë se çfarë është më e mira për ekipin”, tha ai.

Endrick u ndal edhe te periudha që ka kaluar nën urdhrat e italianit te Real Madridi, ndërsa e përshkroi Ancelottin si një prej trajnerëve më të mëdhenj në botë.

“Ai gjithmonë më thoshte se momenti im do të vinte. Jam shumë i lumtur që e kam sërish trajner te Brazili. Nuk mund të kishte një përshtatje më të mirë për mua”, u shpreh sulmuesi.

Futbollisti brazilian shtoi se Ancelotti vendos gjithmonë duke pasur parasysh interesin e skuadrës dhe jo atë individual, ndërsa theksoi se është i gatshëm të zbatojë çdo detyrë që i kërkohet në fushë.

“Kur ai më kërkon të bëj diçka, unë thjesht e bëj. Nuk shikoj prapa, vetëm dëgjoj zërin e tij dhe përpiqem ta ndihmoj ekipin”, përfundoi Endrick.

The post Endrick tregon lidhjen e veçantë me Neymarin dhe besimin e madh te Ancelotti appeared first on Albeu.com.

Paraqitjet mbresëlënëse të Johan Manzambit në Kupën e Botës kanë sjellë një rritje të ndjeshme të vlerës së tij në tregun e transferimeve.

Futbollisti 20-vjeçar i SC Freiburg po vlerësohet si një prej zbulimeve më të spikatura të këtij turneu, ndërsa klubi gjerman tashmë i ka vendosur një çmim shumë të lartë kartonit të tij.

Sipas raportimeve më të fundit nga Sky, Freiburg kërkon deri në 70 milionë euro për yllin zviceran. Më herët, mediat angleze kishin bërë të ditur se transferimi i tij mund të realizohej për rreth 55 milionë euro, por ndeshjet e fundit në Botëror e kanë shtyrë ndjeshëm lart këtë shifër.

Në këtë Kupë të Botës, Manzambi ka kaluar një formë të jashtëzakonshme, duke realizuar tre gola dhe një asist në vetëm tri ndeshje, tregues që kanë tërhequr vëmendjen e disa klubeve të mëdha të Evropës.

Për momentin, skuadra që po shfaq interesimin më të madh për të është Newcastle United. Pas transferimit të Anthony Gordon te Barcelona për 80 milionë euro dhe me Sandro Tonalin pranë kalimit te Tottenham Hotspur për më shumë se 100 milionë euro, “Magpies” kanë siguruar hapësirë të konsiderueshme financiare dhe janë të përgatitur të bëjnë një investim të fuqishëm për të marrë firmën e supertalentit zviceran.

The post Manzambi ndez Botërorin me Zvicrën, Freiburg i rrit fort vlerën në treg appeared first on Albeu.com.

Me paraqitjet e tij në Kupën e Botës, Unai Simon është futur në histori duke vendosur rekordin e ri për periudhën më të gjatë pa pësuar gol në këtë turne.

Portieri i Spanjës ka arritur në 518 minuta pa e prekur rrjetën, duke kaluar kështu rekordin e mëparshëm që mbahej nga legjenda italiane Walter Zenga.

Gardiani i Athletic Bilbaos ka lënë pas edhe një tjetër shifër të rëndësishme, atë të rekordit kombëtar të Spanjës me 420 minuta pa pësuar, që ishte vendosur nga Iker Casillas në Kupën e Botës 2010 gjatë rrugëtimit fitues të spanjollëve.

Seria mbresëlënëse e Simon është ndërtuar në ndeshjet kundër Marokut, Kepit të Gjelbër, Arabisë Saudite dhe Uruguait, si edhe në pjesën e parë të përballjes me Austrinë, duke i siguruar tashmë një vend në historinë e këtij kompeticioni.

Ndonëse në Spanjë ka pasur vazhdimisht diskutime dhe kritika për rolin e portierit, 29-vjeçari ka reaguar në mënyrën më bindëse të mundshme në fushë, duke e vendosur emrin e tij mes figurave më të shquara të futbollit ndërkombëtar.

The post Unai Simon shkruan histori në Botëror, thyen rekordet e Zengës dhe Casillas appeared first on Albeu.com.

Deputeti i PS-së, Ardit Bido, u përfshi në një debat të ashpër me aktivisten Sidorela Vatnikaj, në emisionin “Të Paekspozuarit” në MCN TV, për përfaqësimin në Kuvend të vullnetit të popullit.

Debati

Bido: Kush je ti moj që ke të drejtë të më hedhësh mua vezë?

Vatnikaj: Nuk na përfaqëson, je i emëruar.

Bido: Nuk dua të të përfaqësoj ty, nuk më ke votuar. Por ty nuk të njeh kush dhe nuk përfaqëson askush.

Vatnikaj: Je emëruar nga një piktor që ka marrë votat me krim oligarki dhe media. Këtë përfaqëson.

Bido: Përfaqësoj veten time që nuk kam skelete në dollap.

Vatnikaj: Shikoje policinë që dhunon qytetarin e neutralizuar. Që rreh protestuesit.

Bido: Nuk bëri kordon sigurie për deputetët. U rrethua demokracia. Nuk rrethohet parlamenti. Demokracia i shërben vendit dhe jo pallavrat.

Vatnikaj: Mos na fusni krim në parlament, oligarki, që na i keni privatizuar të gjitha.

Bido: Ti më thua mua oligark dhe nxjerr Redi Muçin në krye të protestës.

Vatnikaj: Atë do mbrosh ti? Atë dhunë? Policinë e ke uniformë të grisur, partia jote dhe shefi i komisariatit.

Bido: Ti godet policin.

Vatnikaj: Dalin pa pajisje se i vidhni tenderat. Ti gënjen dhe mashtron, asnjë polic nuk është dhunuar. Kur i thyeni hundën shokut, mos prisni që ai të rrijë aty.

Bido: Çfarë është guri që i vete në kokë këtij? Si e mbroni këtë?

Bushati: Unë jam për flakë dhe jo për gurë. Janë veglat qorre të hajdutëve që po vjedhin qytetaët.

Bido: Je për anarshi. Thuaje.

Bushati: Anarshinë e keni bërë ju.

Deputeti i PS-së, Ardit Bido, i pyetur nga moderatori i emisionit “Të Paekspozuarit” në MCN TV, deklaroi se është kundër protestës dhe se ajo nuk prodhon asgjë, por tha se PS duhet të merret me thelbin e shqetësimeve që ngrihen në protestë, veçanërisht nga të rinjtë e gjeneratës Z.

Biseda

Ylli Rakipi: Për ju të mazhorancës, si ka qenë ky muaj? E keni ndjerë veten në vështirësi?

Ardit Bido: Vështirësi nuk është termi që duhet. Dua të flas për çfarë duhet të bëjmë. Jam kundër protestës për 1001 arsye. Nuk prodhon të mirë, alternativë. Prodhon anarshi. Ajo që është detyrë imperative e elitës politike dhe intelektuale, është jo të negociojë, por duhet që ne të rishohim dhe shumica e ka këtë barrë, PS, të rishohë në mënyrë sa më imediate, thelbet e shqetësimit të kësaj proteste, pavarësisht se mund të jenë të shfaqura keq dhe t’i përkthejë në politika, një ndër to raporti me gjeneratën Z.

Është gjenerata që voton më pak nga të gjithë, nuk janë të angazhuar, tregon se nuk ka besim te sistemi, është gjeneratë më pak e lidhur, sheh më pak hapësira në sistem. Shoh si imediate të rishihet qasja e politikave rinore, jo në negociatë me protestën, pasi ajo ka edhe pjesën e dhunshme.

Një 43-vjeçar, roje sigurie nga Venezuela, është nxjerrë i gjallë nga rrënojat e një qendre tregtare në La Guaira, tetë ditë pasi ndërtesa u shemb si pasojë e një serie tërmetesh të fuqishme.

Sipas ekipeve të kërkim-shpëtimit, ai kishte mbetur i bllokuar në bodrumin e godinës që nga momenti i shembjes. Pavarësisht kushteve tepër të vështira, si mungesa e ushqimit dhe ujit, ai arriti të mbijetojë deri në momentin kur u lokalizua dhe u shpëtua.

Autoritetet e kanë cilësuar këtë rast si një mrekulli, duke theksuar se ai mund të jetë një nga të mbijetuarit e fundit që gjendet pas kësaj katastrofe, shkruan CNN.

Ndërkohë, bilanci i tragjedisë vijon të jetë i rëndë. Rreth 50 mijë persona raportohen ende të zhdukur, ndërsa operacionet e kërkim-shpëtimit vazhdojnë në kushte të vështira. Shpëtimi i 43-vjeçarit ka rikthyer shpresën mes kësaj tragjedie, duke dëshmuar se ende mund të ketë njerëz të gjallë nën rrënoja.

Autoritetet venezuelase kanë bërë të ditur se deri tani numri i viktimave ka kaluar mbi 2 mijë persona.

Video e më poshtme vjen nga qyteti i Shkodrës ku një grusht qytetarësh janë përpjekur të imitojnë protestat në Tiranë.

Duke qenë se Shkodra s’ka institucione të ekzekutivit, ata kanë zgjedhur t’i kërkojnë Bashkisë llogari për flamingot e Zvrnecit si dhe që të rrëzohet fare qeveria e Shqipërisë.

Ndiqni pamjet:

Gazetari Mentor Nazarko u shpreh se Shqipëria nuk duhet të humbasë nga horizonti objektivin strategjik të anëtarësimit në Bashkimin Europian, ndërsa komentoi zhvillimet politike dhe protestat në vend.

Në të njëjtën kohë, ai kritikoi mënyrën e komunikimit të kryeministrit Edi Rama gjatë përballjes me protestat. I ftuar në emisionin “Off the Record” nga Andrea Danglli në A2CNN, duke iu drejtuar deputetes Mila, Nazarko tha se ajo dhe disa kolegë të saj e lanë fillimisht Ramën vetëm në reagime.

“Kur ndodhin ekstremizime si ky është frika për futjen e viruseve të huaja. Çka është shqetësimi im tjetër, është që protesta s’duhet ta humbi nga horizonti, atë që është objektivi ynë nacional, hyrja në BE. Sot ne duhet të hyjmë në BE me çdo kusht, para Serbisë. Dikush thotë që BE do zhduket, por ne duhet të hyjmë. Parakalimi është modernizimi i shtetit shqiptar, është forcim strategjik, është rritje e mirëqenies, rritje e investimeve të huaja, kështu që mendoj që protesta duhet të vazhdojë ta ruajë pozitivitetin e vet dhe kjo ndodh nga pjesëmarrja, nga pjesëmarrja në mënyrë autentike e brezit Z, ndodh nga reagimi i qytetëruar i qeverisë. Qeveria Rama ka gabuar shpesh në komunikim, që ai përgjithësisht ka një farë eksperience në menaxhimin e protestave. Ka hyrë në personalizim të kritikave, sulmeve, ndaj fytyrave të protestës. Kanë gabuar nga pak edhe kolegët e Sarës, Sarën përfshirë, që e kanë lënë Ramën të vetëm të reagojë. Kanë dalë me vonesë”, tha Nazarko.

Ai u shpreh se do të vazhdojë të jetë pjesë e protestës qytetare, por do të distancohet nga mikrofoni, përfaqësimi i vetëshpallur, fantazitë institucionale dhe çdo aksion që i jep alibi pushtetit.

Reagimi:

DEKLARATË DISTANCIMI

Unë jam dhe do mbetem pjesë e protestës qytetare. Jam në këtë protestë për natyrën, për Vjosë-Nartën, për flamingot, për transparencën, kundër korrupsionit, kundër kapjes së shtetit dhe arrogancës së pushtetit.

Për arsye se dua që kjo protestë të ketë sukses, sot distancohem qartë nga:

1. Mikrofoni dhe përfaqësimi i vetëshpallur. Askush nuk ka mandat të flasë në emër të popullit vetëm pse ka kapur një mikrofon, ka hipur në një shkallë apo ka krijuar një grup Whatsappi. Protesta nuk ka nevojë për fytyra të vetëshpallura. Populli flet vetë, me praninë masive në shesh, me korin, me pankartat, me këngët, dhe me dinjitetin.
2. Fantazitë institucionale të analfabetëve kushtetues të veshura me flamur patriotik. Distancohem nga kuvendet imagjinare, sekretariatet patriotike, qeveritë teknike të shpikura, listat e shpallura pa logjikë juridike dhe kërkesat që ngatërrojnë dëshirën me Kushtetutën.
3. Çdo aksion që i jep alibi pushtetit. Distancohem nga vezët, gurët, thyerjet, dhuna, teoritë konspirative dhe çdo sjellje që e kthen protestën nga kauzë qytetare në karikaturë apo alibi të përdorshme nga qeveria.

Për shumë ditë heshta, si shumë të tjerë, për të mos e përçarë protestën. Por kjo heshtje, e imja dhe shumë të tjerëve si unë, u dha terren atyre që sot sillen sikur janë pronarë të saj. Tani nuk është koha të heshtim, sepse pikërisht kjo heshtje po e lë protestën dhe të gjithë energjinë e saj të shumicës dërrmuese të protestuesve, të shpërdorohet. Një moment i tillë historik nuk vjen më për një kohë të gjatë.

Nuk pranoj t’u bëj drafte, nene dhe teknikalitete ligjore ideve të paqarta të atyre që vetëshpallen ideologë, heronj dhe fytyra të protestës, ndërsa të tjerët t’i përdorin si noterë të konfuzionit të tyre. Unë mund të mbroj protestues të arrestuar, kushdo qofshin ata, për t’u garantuar një proces të rregullt ligjor, respektim të të drejtave procedurale dhe mbrojtje nga çdo abuzim shtetëror. Por mbrojtja ligjore e një protestuesi nuk do të thotë miratim i metodës, i aksionit apo i delirit politik që shpërfaq ndonjë segment apo grup i caktuar.

Në asnjë moment nuk distancohem nga protesta. Distancohem vetëm nga ata që po përpiqen ta marrin peng dhe me dashje apo pa dashje po e dëmtojnë atë.

Protesta duhet të kthehet aty ku ishte më e fortë, te qytetarët, te natyra, te flamingot, te masiviteti, te humori, te pankartat gjithë fantazi dhe te kërkesa e qartë politike për dorëheqjen e një pushteti kriminal dhe arrogant.

Populli është protagonisti i vetëm. Gjithçka tjetër është zhurmë që me dashje ose pa dashje i shërben pushtetit.

Në cilësinë e Z. Ilir Beqaj dhe me porosi të tij, avokati Ermal Yzeiraj ka publikuar deklaratën e tij publike:
________________________________________
Procedura penale për magjistratët është detyrim; për të pandehurin është garanci
Dje, më 1 korrik 2026, u zhvillua në GJKKO një tjetër seancë në gjykimin në seancë paraprake të procedimit penal nr. 190/2023, i njohur ndryshe si çështja “SASPAC”.
Seanca paraprake zhvillohet me dyer të mbyllura. Unë e ndoqa atë nga kafazi i sigurisë.
Vetëm tetë ditë më parë, më 23 qershor 2026, u zhvillua po në GJKKO një tjetër seancë, këtë herë në gjykimin në themel të procedimit penal nr. 13/2020, i njohur ndryshe si çështja e koncesionit të instrumenteve kirurgjikale. Siç është bërë publike edhe nga media, atë seancë e ndoqa në sallë, pranë avokatëve të mi, dhe jo në kafazin e sigurisë.
Pra, dje, sipas mënyrës së trajtimit në sallë, u konsiderova “i rrezikshëm”. Tetë ditë më parë, në të njëjtën gjykatë, jo.
Unë jam i njëjti person.
Mjediset janë të njëjtat: GJKKO.
Kjo kontradiktë nuk është thjesht faktike; ajo bie ndesh edhe me ligjin.
Neni 344, pika 1, i Kodit të Procedurës Penale e parashikon qartë: “I pandehuri merr pjesë në seancë si person i lirë edhe kur është i paraburgosur, me përjashtim të rasteve kur duhen marrë masa të domosdoshme për të parandaluar rrezikun e ikjes a të dhunës.”
Edhe Komiteti Shqiptar i Helsinkit është shprehur qartë se mbajtja e të pandehurit në kafaz është antikushtetuese dhe antikonventore.
Megjithatë, seanca e djeshme ishte seanca e 35-të në të cilën përballem në mënyrë të vazhdueshme me të njëjtën shkelje të hapur të të drejtave të mia procedurale.
Në fakt, nuk bëhet fjalë vetëm për shkelje të procedurës penale. Bëhet fjalë edhe për shkelje të Kushtetutës.
Neni 31, shkronja “ç”, i Kushtetutës parashikon se gjatë procesit penal kushdo ka të drejtë: “të mbrohet vetë ose me ndihmën e një mbrojtësi ligjor të zgjedhur prej tij, të komunikojë lirisht dhe privatisht me të”.
Kushtetuta garanton dy të drejta thelbësore: komunikimin e lirë me avokatin dhe komunikimin privat me të.
Komunikimi i lirë nuk mund të realizohet kur ekzistojnë pengesa fizike midis të pandehurit dhe mbrojtësit të tij, si edhe kur për çdo komunikim gjatë seancës duhet kërkuar leje nga gjykata.
Po kështu, komunikimi privat nuk mund të garantohet kur dialogu, këshillimi juridik, shkëmbimi i mendimeve, sugjerimeve dhe informacioneve konfidenciale bëhet i vështirë, i kufizuar ose i ekspozuar.
Pikërisht për këtë arsye, tre muaj më parë kërkova të mos qëndroja në kafazin e sigurisë, por pranë avokatit tim në sallë.
Në përgjigje të kësaj kërkese, gjyqtarja mori një vendim të ndërmjetëm, sipas të cilit Drejtoria e Përgjithshme e Burgjeve duhet të kryente një vlerësim individual të rrezikut.
Deri më sot, Drejtoria e Përgjithshme e Burgjeve nuk ka reaguar. Ndërkohë, unë nuk kam një mjet juridik efektiv për të kundërshtuar mosveprimin e saj.
Edhe kuadri nënligjor nuk e justifikon automatikisht përdorimin e kafazit të sigurisë.
Në Kreun IV, “Personeli i Sigurisë”, pika 1, të VKM nr. 479, datë 20.07.2019, “Për miratimin e rregullave të hollësishme për procedurat në lidhje me garantimin e sigurisë në mjediset e Gjykatave Kundër Korrupsionit dhe Krimit të Organizuar, të Prokurorisë së Posaçme dhe të Byrosë Kombëtare të Hetimit”, përcaktohet se: “1. Personeli i sigurisë garanton rendin dhe sigurinë në: c) sallën e gjyqit, nëse i kërkohet nga kryetari i trupit gjykues. Në rastin kur ka të pandehur/të arrestuar është Drejtoria e Përgjithshme e Burgjeve ajo që bën shoqërimin dhe sigurimin e tyre.”
Pra, VKM-ja e sipërcituar nuk flet fare për kafazin e sigurisë. Për më tepër, edhe në procesin tjetër penal që po zhvillohet në GJKKO, ku unë qëndroj në sallë dhe jo në kafaz, shoqërohem nga punonjës të Drejtorisë së Përgjithshme të Burgjeve.
Ndërkohë, po dje, më 1 korrik 2026, Gjykata Kushtetuese bëri publik vendimin nr. 57, datë 25.05.2026, lidhur me çështjen E. Veliaj.
Sipas vendimit të arsyetuar, ndër të tjera, në lidhje me kërkesën e mbrojtjes së z. Veliaj për mosqëndrimin në kafazin e sigurisë, Gjykata Kushtetuese, në paragrafin 133, vlerësoi se ky pretendim ka natyrë thellësisht kushtetuese dhe se Gjykata e Lartë nuk i kishte dhënë përgjigje.
Në thelb, Gjykata Kushtetuese kërkon që Gjykata e Lartë:
* të vlerësojë shkaqet e kërkesës;
* të shprehet për to;
* të mbajë një qëndrim të qartë dhe të arsyetuar;
* të trajtojë edhe pretendimet për dinjitetin dhe prezumimin e pafajësisë që lidhen me qëndrimin në kafaz ose në kabinë xhami.
Pas këtij vendimi të Gjykatës Kushtetuese, asnjë gjykatë nuk mund të mjaftohet më me arsyetimin se “kjo është praktikë e GJKKO-së për të gjithë të pandehurit”.
Çdo gjykatë duhet të kryejë një vlerësim konkret, individual dhe të arsyetuar.
Ajo duhet t’u përgjigjet qartë pyetjeve të mëposhtme:
* A ekziston një rrezik konkret sigurie?
* A ekziston rrezik ikjeje ose dhune?
* A është analizuar sjellja personale e të pandehurit?
* A mjaftojnë masa më pak kufizuese?
* A cenohet komunikimi me avokatët?
* A cenohet dinjiteti?
* A cenohet prezumimi i pafajësisë?
Në vlerësimin tim, Gjykata Kushtetuese mund dhe duhet të kishte shkuar edhe më tej, duke mos u kufizuar vetëm në rastin individual të z. Veliaj, por duke vendosur një standard të qartë kushtetues për të gjitha rastet e ngjashme.
Në këto rrethana, do të ftoja Gjykatën e Lartë që, duke u nisur nga detyrimi që ka për të trajtuar rastin konkret të z. Veliaj, të marrë një vendim njësues ose unifikues, duke përcaktuar një rregull të qartë të së drejtës për zbatimin e nenit 344, pika 1, të Kodit të Procedurës Penale.
Sepse të drejtat kushtetuese dhe procedura penale nuk janë formalitete.
Për magjistratët janë detyrim.
Për të pandehurin janë garanci.

Shkëlqimi i Johan Manzambit në Kupën e Botës ka bërë që vlera e tij në treg të rritet ndjeshëm.

Talenti 20-vjeçar i SC Freiburg po konsiderohet si një nga zbulimet më të mëdha të turneut, ndërsa klubi gjerman tashmë ka vendosur një çmim të kripur për kartonin e tij.

Sipas raportimeve të fundit nga Sky, Freiburg kërkon deri në 70 milionë euro për yllin zviceran. Më herët, mediat angleze kishin raportuar se transferimi i tij mund të mbyllej për rreth 55 milionë euro, por paraqitjet e fundit në Botëror kanë rritur ndjeshëm vlerën e tij.

Manzambi ka qenë në formë fantastike në këtë Kupë të Botës, duke regjistruar tre gola dhe një asist në vetëm tri ndeshje, statistika që kanë zgjuar interesimin e disa klubeve të mëdha evropiane.

Aktualisht, më i interesuari për shërbimet e tij duket të jetë Newcastle United. Pas shitjes së Anthony Gordon te Barcelona për 80 milionë euro dhe largimit të afërt të Sandro Tonalit drejt Tottenham Hotspur për më shumë se 100 milionë euro, "Magpies" kanë krijuar hapësirë të madhe financiare dhe janë të gatshëm të investojnë fuqishëm për të siguruar firmën e supertalentit zviceran. /Telegrafi/

Unai Simon ka hyrë në historinë e Kupës së Botës, duke vendosur një rekord të ri për serinë më të gjatë pa pësuar gol në historinë e turneut.

Portieri i Spanjës ka arritur plot 518 minuta pa e nxjerrë topin nga rrjeta, duke lënë pas rekordin e mëparshëm të legjendës italiane, Walter Zenga.

Gardiani i Athletic Bilbaos ka thyer gjithashtu rekordin kombëtar të Spanjës prej 420 minutash pa pësuar gol, i cili mbahej nga legjenda Iker Casillas gjatë rrugëtimit triumfues të spanjollëve në Kupën e Botës 2010.

Simon ka mbajtur portën e paprekur në ndeshjet ndaj Marokut, Kepit të Gjelbër, Arabisë Saudite dhe Uruguait, si dhe gjatë pjesës së parë të sfidës ndaj Austrisë, duke ndërtuar një seri të jashtëzakonshme që tashmë ka hyrë në librat e historisë.

Pavarësisht kritikave dhe debatit të vazhdueshëm në Spanjë rreth pozitës së portierit, 29-vjeçari i ka dhënë përgjigjen më të mirë të mundshme në fushë, duke e çimentuar emrin e tij mes figurave më të mëdha në historinë e futbollit ndërkombëtar. /Telegrafi/

Kombëtarja e SHBA-së ka marrë një motivim të pazakontë për vazhdimin e rrugëtimit në Kupën e Botës 2026. Nëse amerikanët arrijnë ta fitojnë trofeun, NASA ka premtuar se do të dërgojë një top futbolli në Hënë.

Premtimi është bërë nga kreu i agjencisë hapësinore amerikane, Jared Isaacman, gjatë një përditësimi të NASA-s për programin Artemis dhe planet për krijimin e një pranie të qëndrueshme njerëzore pranë polit jugor të Hënës.

“Pak motivim për ekipin e SHBA-së. Do ta kalojmë Alan Shepardin, i cili luajti golf në sipërfaqen hënore, dhe do të dërgojmë një top futbolli në Hënë”, ka deklaruar Isaacman.

Nga golfi i Alan Shepard te futbolli në Hënë

Isaacman iu referua një prej momenteve më të veçanta në historinë e eksplorimit hapësinor. Astronauti amerikan Alan Shepard, komandant i misionit Apollo 14, kishte marrë fshehurazi dy topa golfi dhe një shkop të improvizuar në Hënë.

Më 6 shkurt 1971, Shepard goditi topat e golfit në sipërfaqen hënore, duke u bërë njeriu i parë që luajti një sport në një botë tjetër.

Ndryshe nga veprimi i Shepard, topi i futbollit që NASA synon ta dërgojë në Hënë do të ishte pjesë e një aktiviteti të miratuar zyrtarisht nga agjencia. Projekti ka marrë mbështetje edhe nga Carlos García-Galán, menaxher i programit të NASA-s për Bazën në Hënë.

“Nuk e di ende se në cilën anije kozmike do të përfundojë topi, por do t’jua lë juve këtë përgjegjësi”, u shpreh Isaacman, duke iu drejtuar García-Galánit.

Ky i fundit e pranoi me humor sfidën, duke thënë se do të ishte shumë emocionuese që një projekt i tillë të realizohej nëse Kombëtarja amerikane arrin të shpallet kampione bote.

SHBA-ja ka ende rrugë të gjatë drejt trofeut

Pavarësisht entuziazmit dhe mbështetjes së madhe si vend pritës, SHBA-ja ka ende një rrugë shumë të vështirë përpara në Kupën e Botës që po zhvillohet në SHBA, Kanada dhe Meksikë.

Historikisht, Kombëtarja e meshkujve e SHBA-së nuk ka pasur shumë sukses në fazat eliminatore të turneut. Para këtij edicioni, amerikanët kishin fituar vetëm dy ndeshje me eliminim direkt në historinë e Kupës së Botës, ndërsa një prej tyre datonte që nga viti 1930.

Megjithatë, skuadra aktuale ka treguar paraqitje bindëse. Amerikanët e fituan grupin e tyre, duke mposhtur Paraguain dhe Australinë, ndërsa humbja ndaj Turqisë nuk ndikoi në pozicionin e parë.

Në ndeshjen e parë të fazës eliminatore, SHBA-ja triumfoi 2-0 ndaj Bosnjë-Hercegovinës. Tani, amerikanët do të përballen me Belgjikën në raundin e 16-të, në një duel që pritet të jetë një nga provat më të mëdha për ekipin vendas.

Nëse arrijnë të kalojnë Belgjikën, SHBA-ja do të ketë ende disa pengesa të forta përpara se të mund të mendojë seriozisht për trofeun dhe për topin e futbollit në Hënë.

Një top i Kupës së Botës ka qenë edhe më parë në hapësirë

Kjo nuk do të ishte hera e parë që një top zyrtar i Kupës së Botës largohet nga Toka. NASA kishte dërguar më herët një top të turneut në Stacionin Ndërkombëtar Hapësinor, ku astronautët u filmuan duke luajtur me të në modulin japonez Kibo.

Në një postim të publikuar në rrjetin social X më 20 qershor, NASA kishte theksuar se synon të frymëzojë brezat e rinj, duke treguar lidhjen mes eksplorimit hapësinor, inovacionit, sportit dhe jetës së përditshme.

Nëse SHBA-ja arrin të realizojë ëndrrën e madhe dhe të fitojë Kupën e Botës 2026, futbolli mund të shënojë një tjetër moment historik: një top i turneut më të madh të futbollit në botë mund të përfundojë në sipërfaqen e Hënës. /Telegrafi/